永發茶餐廳

营业中

休息中

今日放假，見天氣涼涼地又好陽光，就決定去彭福公園放下狗。買個飯去公園食，其實個飯就食過好多次，貪佢雞排係即煎，個汁係即時整，而唔係一早整定晒，黑椒味都濃，望住藍天白雲食，另有一番風味！

哩日同中學同雞去永發食雞煲上左樓上坐最入咁永發本身係一間茶餐廳 夜晚就會做埋火鍋既 7點黎到見到都幾full8個人 叫左2個大既養生雞煲煲左一陣其實已經好香我地就開始點埋其他配料雞都滑既 唔錯放入煲20分鐘左右已經好入味以下係我特別推介既配料首先雞真係好味同夠滑生菜 夠滑同入味午餐肉（識食一定食午餐肉） 質素唔錯 幾厚幾結實 我試過打邊爐d午餐肉一夾就散 或者超薄-.-丸 有質素既烏冬 又滑又入味其實個湯底 真係高質不過肥牛個樣認真mama有d黑 我冇試服務方面就一般可能比較忙都要等好耐先會有侍應黎理我地同埋中間冷氣壞過超級熱 建議大家黎打邊爐唔好著長袖真係好抵食 每位108 食到好飽

今日呀妹last day就同佢去食雞煲啦呀妹對永發迷戀非常，所以陪佢食免得佢一人雞煲毒指爆錶八點去到等左30分鐘先有位，睇黎都幾受歡迎一入到去就聞到陣陣藥膳味～雞煲附送生菜，我地仲叫左 肥牛、長蟹柳、雲吞、響鈴放啲雞入去啦湯底好足料，已經聞到陣陣香味唔同麻辣雞煲，呢個食完都好舒服我地叫左細煲，份量兩人食剛剛好。但食緊果時聽到隔離食客大聲講野，如果靜啲就perfect啦FYI留意返日頭係茶餐廳，夜晚先有雞煲架

朋友話呢間雞煲起上水好出名，初頭見到茶餐廳黎，心唸得吾得架😆點知一入到去，個姐姐已經問醉雞岩吾岩，我地叫左個細醉雞，見到淨係個湯底已有好多紅棗同龍眼肉認真吾係求其，之後佢送個碟生菜都係好多好大籮。食到最後發現真係仲有好多龍眼肉，真心仲好過其他知名度高嘅醉雞店😋😋

今晚幾左朋友傾計，我們在沙田集合，有人提議想打邊爐，諗起上水有間食雞煲的茶餐廳有好多人讚，於是5人就即興去左食。我地叫左個竹笙雞煲，隻雞好肥美，熟左好易入口。湯面層的雞油好厚，忍不住要北走，d油多到裝滿一個豉油碗。見個朋友會北湯黎飲，似乎佢都好鍾意個湯底喎。另外我地仲叫左美國安格斯肩押肥牛、墨魚滑、炸魚皮、雜丸、午餐肉、魚皮餃、響玲、娃娃菜。當中我覺得特別好食的有肥牛、墨魚滑、午餐肉。而唔好食的有炸魚皮，太硬了，無食薯片感覺。加多寶原來同王老吉一樣都係涼茶，$16都幾貴下。

永發藥膳雞煲去到上水，朋友話帶我去吃好東西，住喺上水嘅朋友帶我去食好嘢，梗係好期待啦。去到原來係茶餐廳，真係二想不到，原來茶餐廳嘅日頭就係一般嘅茶餐廳，夜晚就變身成雞煲，其門如市，上下兩層都坐滿人。個雞煲好快就嚟啦，個酒味好濃郁，非常非常強烈嘅酒味，個湯底仲滿佈紅棗，雞件嘅份量都唔少，唔需要滾太耐，依然保留雞肉嘅嫩滑。個湯底，個人覺得酒味太重啦，對於唔太鍾意飲花雕嘅人，可能會有點heavy。食完之後，非常暖胃，血脈沸騰，冬天食一流。

好少踏足上水呢個地方，因為自己本身住九龍區，距離較遠，但有朋友介紹話上水有一間食醉雞煲嘅茶餐廳，非常出名，所以我慕名而來。假日晚飯時段，黎到茶餐廳門口，已經有一大堆人喺度等位。我和友人總共二人，都等了大約半小時至1小時才能入座。響門口已經聞到很香的花雕酒味，非常吸引。由於食到多幾個餸，所以我哋兩個女仔只係嗌左半隻雞，然後再嗌左肥牛，魷魚，生菜等等。個雞煲先來，一開始飲湯個叼味非常濃烈，並不易入口，但隨着一路打邊爐一路滾，個湯底越黎越甜，非常好飲。湯入面有大量材料，特別係紅棗同龍眼乾，我非常鍾意，龍眼乾都食到好多粒。總括嚟講鍾意食醉雞煲嘅朋友一定要黎試吓，因為佢哋材料非常足，而且價錢相當便宜。

今次一行5人打完籃球去食雞煲，門口都已經有十幾人等緊。入到去叫左雞、午餐肉、肥牛、魚皮、生菜等，店內可以叫半份或全份，5個男仔當然叫全份啦。今次發覺食的醬油才是重點，仲可以自己調製味道。其次紅棗煲的味道也很濃很香（可惜我個人唔食紅棗，但我有食煲內的龍眼肉。）我個人認為整體的各樣食材都是正常的水準，而且放在煲後，食物都沾上紅棗的味道，但煲的湯底的確味道不俗，值得下次再試。今次食得唔多，全單只是$580左右，所以都幾抵

每次同朋友黎上水食飯，一定係食永發，食左咁多年都係咁好食，一樣咁足料。識叫一定係叫醉雞煲，叫左個大雞，差唔多成隻雞上枱，湯底係超補既藥材同埋超香濃既花雕味，每一啖雞都好香既酒味，配佢地自己整既辣椒豉油，無得輸

平時都係叫外賣，今日見到有時間，就第一次坐低堂食吧先來碗鮮雞湯米，午餐推介連飲品 $37，雞肉鮮嫩，大大舊又多件，還配上辣椒豉油口痕痕想食炸雲吞，$21/6粒 勝在夠熱 配上甜酸汁晚上有火鍋供應架，揾日試下佢 d 雞煲先

嘩，今天好多開心，朋友上來食飯，個個弟一時間想起已經好耐都冇食過既永發雞煲，於是有車既朋友仔去左買外賣回來我家開餐吧！外賣足料，叫左個大雞煲，197蚊，有酒一柸，辣豉油一柸，大家都傾到好開心好其待，點知雞煲都冇令我地失望，都係好好食，雞滑，湯底甜，有雞味、藥材香，飲埋d湯興恰恰，我地既回憶番哂黎，因為以前成日出去食，不過我覺得堂食好食好多，辣椒豉油辣左好多，個個都爭住食，總之叫多一個大，叫夠兩個大煲啦,haha😂😂

雞煲食過幾次，料既選擇唔係話好多，藥材湯底一般般。反而好推介中午既鮮雞湯飯，食過無數次，每次黎親都要叫呢個，次次都保持到水準，而且雞既份量又足料，價錢唔太貴，上菜又快。我覺得呢個係人生中食過最好食的雞湯飯！！！！！！！！！！！！！！！！！！！！！！！！！！！！！！

多到泛濫的紅棗, 杞子, 龍眼肉等等的藥膳藥材, 再加上花雕酒而成的雞煲湯頭, 是我們久不久就到永發「雞一雞」的聚腳點不過永發的火鍋料真的就只是非常超級之一般的貨色, 所以每次都隨心而點就算了。雞件和鍋物經過那香甜棗湯的洗禮, 然後再沾上碗仔裡的辣椒豉油, 已經「夠做」。而一箸吸滿湯汁的福麵, 也是個不能缺少的完美句號Btw 現在的味道還是可以的, 但如果永發能保持著舊址的昔日水準就更好了, 那花雕和藥材的味道比現在的更為濃烈出色, 可惜相比起多年前那驚艷的味道, 現在已經退步了, 要是以前的那味道, 永發絕對會在我的大愛之列

終於有數天氣溫會較低一點，男朋友就帶我去上水尋味，介紹隱世茶餐廳內食雞鍋。茶餐廳共有兩層，門口屬水吧位置，但放著一煲煲雞鍋，香氣撲鼻！等了約十至十五分鐘就輪到我們，一坐低男朋友就決定好叫醉雞鍋一隻（送生菜一碟），炸魚皮和雲吞，點菜其間侍應姐姐有講有笑，十分有禮貌和風趣。雖然售價只＄190，但絕不欺場，整個鍋都有紅棗、有我最愛的龍眼干、杞子和其他藥材，可想而知這個湯底十分清甜，而花雕酒香濃。當然雞絕對不是新鮮雞，但份量足，切得比較大件，方便客人進食。本身花雕湯底已經滾起，開爐後直至大滾，就將半隻雞放到煲內，大火滾10分鐘後，再熄火不要開蓋等其餘溫慢慢浸熟雞件約5分鐘，保證雞件滑而不嚡口，最重要會更加入味。炸魚皮算是大塊和脆口，不會有油益味，而雲吞大隻、足料，皮算薄，不過不失。我們好快就將整隻雞消滅，最後男朋友推介要食福麵作結尾，我半信半疑但居然居然湯底的甜味和福麵夾得不得了，就算我本身已經很飽都吃了半個麵，哈哈！打邊爐配料選擇比較少，但勝在價錢較平，而且枱與枱之間不會太擠逼，如果假期，我都會願意再入上水食。

見openrice comment 都ok, 所以去試下佢嘅雞煲，坐樓下，唔迫，茶記來講坐得好適服! 佢晚市只有打邊爐，以雞煲為主，其他配料選擇比較少。雞煲個湯底有酒、紅棗、杞子、龍眼肉，仲有其他藥材，愈滾愈好味，隻雞都幾滑，至於其他配料我叫左牛柏葉、雲吞、魚皮餃、水魷，屬於一般貨色。食到尾聲，叫左一個出前一丁，嘩!不得了! 吸哂所有湯底味，超正三個人埋單三百蚊多少少，算是抵食! 以上水來講，呢個質數算唔錯! 另外一提，食左唔太口乾，味精應該好少.....