永興冰室

营业中

休息中

家中有位長老最愛食梳乎厘，不時幫佢搵下邊區有得食，大部分係甜品舖fusion款，但佢最愛還是經典款，呢日晚餐後陪佢去太子呢間試試其實兩老之前已經自己嚟過，但完全食唔晒，呢日我地4個人到，一坐低我仲傻傻的諗住叫2份大家share，被佢地連忙阻止：「千其唔好做傻事！」十五分鐘後終於知咩事。。。由於即叫即整，先嚟份甜品share粒粒西多士 $45西多士炸得金黃鬆脆，一球雲尼拿雪糕簡直剛剛好，絕配！邊食邊傾時間剛剛好，主角出場雪山梳乎厘 $88Oh My God！！！大過人頭嘅梳乎厘！果真是打卡一流~整梳乎厘其實不外乎蛋白同糖，材料少少但要整得好食絕不簡單。味道普通正常，但喺我地影咗三幾分鐘後都仲未縮水，三五知己share相當不錯！

星期日逛花墟，買咗好多靚花，行咗兩個鐘見有啲餓，之後途經呢間茶記，見有梳乎厘幾吸引就入去試下。入到去見好多人都叫乜乜多士盒，哦原來係餐廳嘅名物！咁我地都唔執輸叫咗一個焗咖哩雞飯多士盒：用成磅方包中間掏空放入雞蛋炒底飯面鋪上濃濃嘅咖哩雞，再一齊焗，麵包焗到好脆，咖哩汁都滲入麵包，雞肉嫩滑，炒飯香口，食晒飯，將脆脆嘅麵包搣埋嚟食👍另外仲叫咗焗豬扒飯多士盒，有大量蕃茄醬鮮蕃茄，豬扒唔嚡有肉味，再加上大量芝士可以拉絲😂😂好好味！本人覺得麵包夾咖哩好味啲，仲有提一提多士盒分量頗大，要share嚟食呀。食飽飯梗係叫個梳乎厘當甜品吔下啦，有原味同抺茶味，我地叫咗原味，好在侍應提話要最少25分鐘，所以一早叫定，等咗一陣就上枱喇。講買相真係似一大座雪山，分量成個面盆咁巨大，吸引唔少目光😂，味道好重蛋味，入口好似棉花有少少質感，唔會得陣風好虛無，唔太甜，但由於我地已經好飽，食到一半已經濟咗😂可能太多蛋喇，有啲漏，建議個底加啲雪糕會更好，唔洗淨得蛋味😂

帶仔去書展博殺前，必先醫肚。Lee間冰室位置就腳，而外面嘅麵包香味吸引，就揀佢啦。焗咖喱雞飯多士盒 $68因為被麵包吸引入來，即時被多士盒吸引。叫左等20分鐘，一個比menu圖更強大嘅多士盒就上枱啦。足1磅麵包咁大，入面有好多咖喱雞同飯。飯是炒飯底。咖喱係濃厚，超香中帶小辣 (唔太食辣嘅朋友都係點蕃茄果款好d)。雞肉嫩滑唔鞋口，啖啖肉。麵包外皮少硬但烤好香脆，吸收左咖喱汁，好好味。我切哂d麵包皮落來夾埋變左咖喱3文治。 1個人食真係太大份量，2人會比較好。羅宋湯 （多士盒送）超足料。微辣，最愛佢入面有半個薯仔，煲到冧，成個湯都好飲。

週未去開太子，黎食左一個lunch。當時都已經點幾鐘，好在我快一步坐低左，好多人遲我少少黎已經要等位，現場座無虛席，非常好生意！我叫左一個泡菜伴豬扒，可以選擇薯菜、飯或意粉。我叫左飯。上菜都好快，但一睇……係咪我對” 泡菜”的理解有問題呢？我唔多見到有泡菜喎……食落似茄汁豬扒飯多啲……個茄汁的味道好似以前在大學飯堂食到的味道一樣，就係罐頭茄汁的味道，不算好差，但係感覺有d似食緊頹飯。共有2塊薄豬扒，雖然真係好薄，但食落份量都好足，豬扒兩面都煎至金黃色，味道還不錯。

係ig見到呢間餐廳幾多正面評價，又有樣特別菜式叫多士盒，所以慕名而來試下先間餐廳位處彌敦道，非常易搵，入面就企企理理，坐低之後，就落單要左個蕃茄豬扒多士盒等左約10分鐘就送上，一放上枱真係俾佢份量嚇一嚇，份多士四四方方成個盒咁，目測都有成約3吋高，而啲飯同豬扒就好似寶藏咁收藏係個盒入面，個菜式制作都幾有創意啲豬扒好腍又軟熟，配合埋蕃茄醬汁更令人開胃，而啲飯係炒雞蛋飯底，蕃茄豬扒配炒雞蛋飯簡直係最佳配搭，至於個多士盒，多士好脆，但略乾身，要撈埋蕃茄醬先較易食個多士盒真係好大，為免浪費食物，建議2至3個人share食，一個人真係好難食得哂

茶餐廳的平民價錢，但食到好好味既餐廳質素，尤其係梳乎厘！梳乎厘唔太甜，好軟熟！目測應該比兩塊面加埋仲大份！餐食份量好大，當日同朋友2個人食晚餐，叫左2個set 再加梳乎厘，飽到上心口，勁滿足！食剩左仲要拎走做翌日午餐。下次可以叫三五知己一齊食晚餐顧住個梳乎厘所以忘記影相，份量好足，夠熱夠新鮮！侍應態度好好，我地第一次幫襯諗食咩都諗左一陣。一般茶餐廳可能會黑面，但係個侍應哥哥好好人，無黑面，仲有介紹有咩好食！

去太子講到話必食既餐廳，當然非永興冰室莫屬！聽左咁耐，仲唔到我食🤤👉🏿✨抹茶撻 Hkd 7 💸📌見到好多人都拎黎打卡，點可以唔叫！不過我就覺得蛋香味蓋過抹茶味，抹茶唔太出😳但撻皮用左酥皮又值得加番分👍🏿好多層正👉🏿✨巨型疏乎里 Hkd 88 💸📌拎到出黎完全大到哇出聲😂估佢唔到係咁大份！六人share都冇問題！勁香蛋味，食落口唔會好似食空氣咁，反而係好有質感，好食喎😳底下烤到脆卜卜，好邪惡呀🤡👉🏿✨焗蕃茄豬扒多士盒 Hkd 68 💸📌呢個係幾特別既～麵包入面裝滿豬扒同飯，一定要同人share 先食得晒🤣👉🏿✨抹茶雪糕特飲同奶茶雪糕紅豆 Hkd 28/1💸📌抹茶個個其實味道有小小怪，但飲飲下又覺得ok wo😳奶茶味就咁飲可能有啲淡，但啲雪糕溶埋就岩岩好喇！

叫左焗鮮茄豬扒多士盒都幾好味，豬扒好淋的個飯炒底的個汁好味呀仲有個多士好脆呀唔錯唔錯而足料羅宋湯通粉，無乜特別好食反而我配左檸檬雞翼唔係好酸的，淡淡檸檬香味，好食抹茶雪山梳乎厘，等到訓著等左45分鐘一黎到，賣相好吸引一食...原來係全個都係蛋白味我唔鐘意食呀，好難食食左一半就放棄

喺太子嘅差館向深水埗方向行，就會經過呢一間餐廳，俾佢一個特大嘅梳乎厘海報吸引着，可惜晨早流流冇理由食咁大個梳乎厘裝修環境企企理理，光光猛猛第一時間睇吓佢嘅早餐牌我都係點左個香港人最鍾意食嘅Basic早餐配公仔麵，再加多杯凍啡少甜，雖然係Basic野但係要煮得好都唔簡單㗎我個人意見只係能夠話佢緊緊合格，不過可能早餐並不是他的強項反而我下次會有興趣試佢地呢一個特大梳乎厘，始終我都係俾佢吸引左入嚟，估計晚餐才是他們的主打呢個梳乎厘仲有兩種不同味道，等我諗吓下次會揀邊個味道先？

早一輪有次即興走左入黎呢間冰室食個tea, 呢個下午茶餐奶油厚多士拼薯條包熱飲 $35, 本身都冇特別期望, 都係諗住簡簡單單份多士夠厚同薯條夠熱夠脆就得架喇, 點知份餐黎到既時候真係有驚喜, 因為...賣相擺盤都好得丫, 感覺到係有誠意既出品~ 奶油多士切成幾塊厚厚既三角形, 好香脆鬆軟, 而且仲係即烘熱辣辣既, 好好食丫~ 薯條都幾香脆, 但就略嫌唔太夠熱喇~ 如果同樣熱辣辣就真係完美了! 順帶一提, 呢間既奶茶都唔錯, 幾香濃唔苦, 不過影漏左相.

平日午餐，第一次嚟食，我畀食物負評，飲品好評。飲品係茶走，甜度剛好，有茶香，順滑。食物係鮮茄焗吉列豬扒意粉，豬排炸得幾好夠味同少少脆，意粉質地係OK，但嗰汁絕對係敗筆！！芝士得一千零一小滴，汁係無味，食埋舊蕃茄就知咩料，原來用錯茄，加埋蕃茄洋蔥洋蘑菇似無炒香過，又無乜茄膏，真係淡如水！完全一啲茄味都無！呢個應該係近年嚟食過最失敗嘅紅汁意粉！我食完醒起點解我一坐低，侍應推介我食泡菜湯… 因為唔駛點調較味道。

特登來試佢地的巨型SOUFFLE & 麵包盒。夜晚GE 晚餐60- 80蚊, 包湯同DRINKS。咖哩雞麵包盒: 好大個盒!! 入面GE飯同咖哩雞都幾入味, 是港式咖哩 , 食落都有DD辣, 個麵包其實可以食埋佢, 但食左D 飯同雞都飽了。angus肉醬意粉: 咀頭來JE, 即是著通肉醬意粉。巨型SOUFFLE: 我地5個人都食唔哂, 面皮果層偏硬, 入面就真是食空氣咁LA, 我個人覺得甜度剛好, 好過XX館, 但擺得耐,下面就開始出水, 底層係CAKE, 果一層連埋D糖水就甜左D, 所以食面層同中間D 空氣就夠了。我地叫左原味, 幾香蛋味呀, 我滿意, 不過食完感覺成肚都是氣, HAHA。其實食物就是普通茶記食物LAW。

即興逛完花墟年宵，又是情人節，已有預感搵食很艱難。確是很即興的來太子，本沒預算今夜在這區吃。逛完餓著走到這邊，二話不說、情不自禁的便進了。在網上看食家吃這間，早已被深深吸引著，無奈跟這冰室有緣無份，沒機會吃。今夜，機會來了🤤🤤必點雪山梳乎厘，心裏已興奮不已，極期待。因這次是三人行，故不擔心會吃不下這個巨型梳乎厘。噢，對呢，還得點些正餐。下午茶餐至6時半，剛好在截單前點一碗魚蛋米。還單點了一客焗鮮茄豬扒飯多士盒，也是食家推介呢！(這個沒下午茶餐)咖哩雞扒好像跟多士較合拍，不過這天不太想吃雞。吃完魚蛋米，多士盒剛好到了果然，不可空肚吃晚餐😂😂當然先拍個照片，再思考如何吃掉。多士內不是完全空心，也有少量麵包絲，再塞滿焗飯。多士焗得很香脆，一直對茶餐廳的烘麵包有信心。因廚子們總可化腐朽為神奇，不管麵包是新鮮或是隔夜的。焗飯是軟軟淋淋的口感，該是當天煲的，不是炒隔夜冷飯再焗。豬扒已切為小塊，食用方便。整夜最期待的時候來了 — 雪山梳乎厘 進場。這是本地第二個地方可吃如此巨大的梳乎厘，它看上去比太平的梳乎厘更吸睛，很fluffly。表面是微硬的，不易倒下。蛋白跟糖，也算是健康食品，偶爾多吃也無坊。

好食嘅茶餐廳推介俾大家啦焗鮮茄豬扒飯多士盒 多士盒是這裡另一招牌之作，必點。普通焗豬就食得多，配埋個多士黎食就真係第一次。 賣相一流，將港式焗豬飯同台式多士盒crossover，多士烤得鬆脆可口，毫不乾身。豬扒很軟腍，肉質鮮嫩，焗飯底選用蛋炒飯，然後放在多士盒焗煮，增添鮮茄焗豬扒飯的風味，炒飯軟硬適中，配上鮮茄汁，口感不錯。果然是招牌。整個多士盒非常飽肚。 抹茶雪山梳乎厘 最令人期待既巨型梳乎厘！剛出爐的梳乎厘賣相非常正, 一上枱真係好巨型呀 ， 吸引了不少人注目。 烘到個邊燶燶地好香脆，加上內裏鬆軟幼滑的蛋白，梳乎厘在上枱後仍能保持堅挺。食落蛋白味香濃而不會過甜 ，口感綿密鬆軟。😋下層係蛋糕同抹茶，灑上薄薄一層抹茶粉，食到抹茶粉個味又唔會無哂蛋香味💓。 淡淡既抹茶香，味道不錯，份量非常大，足以三至四人分享。 

見到好多人試梳乎里，所以黎試下。一去到侍應就即刻落order問係味食梳乎里，因為要等大約15分鐘。我地就睇一睇餐牌先叫野食，叫左原味梳乎里($88)，豬扒飯多士盒(包餐湯，飲品)($68)，紅豆冰。多士盒望落好大個，切落去有少少失望，因為挖得唔深，裝得好少飯，食得飽既，不過係食包食飽，但係係蛋炒飯底，豬扒原件鋪係面，自己切，俾埋個碗你裝住食，ok。梳乎里有驚喜好大好蓬鬆，可能我食唔怪，食食下好多空氣，所以壓平整走空氣先食，就易入口同埋冇咁濟。不過一次過食尼兩樣野好濟，食唔哂，但係又唔想分2次試，所以一次過試哂。餐廳入面有其他餸菜，dinner set，好似仲好味d。