永興豆漿王

营业中

休息中

以前觀塘未重建前起樓底成日食佢既油炸鬼+豆漿特別係冬天飲一碗熱既豆漿成個人都暖晒但自從重建就無左呢間鋪平時想食都無得要食今日入到裕民坊，又再見到永興豆漿王個下都心諗係真定假但見到老闆娘起到賣就知係真可以入左裕民坊後無左堂食全部轉晒外賣而我屋企又離得遠，唔係都可以外賣返去今次食佢既豆腐花一如既往咁好味濃濃既豆香，入口順滑好快就食晒成碗品質依然高質如果行完apm可以黎食個平平的豆腐花希望快d除口罩可以一路飲佢既豆漿一邊食佢既油炸鬼

呢間小店，眾所周知就係以前喺裕民坊裏面，深夜晚先開檔嘅豆腐花店。依家搬咗入凱匯（巴士站嗰層）裏面就連日頭都有得食了。依家個舖位超細，亦冇座位坐堂食。所以只有外賣或者買咗之後企喺商場嘅空間裏面食。豆腐花有分大碗、細碗。大碗$13，細碗$11。豆腐花嘅質感，依舊係非常香滑。食完好想再食，不過，我叫錯咗，其實我想叫凍的。我叫咗熱，原來熱的係比凍嘅更加有豆香味。印像中，舊鋪只係有豆漿、粢飯、油炸鬼幾款嘢食，但係依家搬咗入去之後，連魚蛋燒賣都有。價錢亦唔算貴都幾抵食。呢度最唔好就係唔就腳👣唔方便（唔係舖頭嘅問題），你要行上呢度一定要兜去凱匯後面先可上電梯。買完你想落去搭小巴，又要行返到商場最尾先至可以再轉2條扶手電梯落地下，才可再行返去小巴站。當然呢個唔係舖頭嘅問題，係商場嘅設計問題。搞到我都唔係願經常行上去買碗外賣返屋企食，就直接由地下公園穿入焗到猶如桑拿房的小巴站坐車走了。

仲記得以前每次經過裕民坊都會飲一杯豆漿，食一條油炸鬼同埋佢嘅鹹豆漿，自從佢搬咗過嚟新嘅商場之後覺得佢其實都冇以前嘅豐味，不過偶爾都會上嚟飲一杯豆漿，今日就揀咗無糖豆漿，因為早嘅關係所以都仍然仲有得賣，如果遲咗就冇㗎啦。見到佢哋而家嘅衛生環境其實好咗好多，油炸鬼亦都擺咗喺一個感覺上乾淨啲嘅地方，佢哋而家仲有兩份同埋粢飯賣。其實都值得一試嘅，講番杯豆漿先，呢杯雖然係無糖嘅豆漿，但係依然飲得出佢嗰陣濃濃嘅豆香味。要$10一杯其實就有少少貴啦

鄰近中秋，觀塘YM2裕民坊很多活動，第一次完整地逛了一次新開的裕民坊，以前很多老店都搬過來了見到永興豆漿王，於是買了幾個來試試豆腐花（大💰13）豆味香濃，同小朋友兩個一齊食都夠飽一支豆漿（細💰16）豆味香濃，但本人覺得甜味稍淡，追求健康的人士是不錯的選擇十粒魚蛋（💰10）比較失望，不是好彈牙的魚蛋，一定要加辣漿、甜漿，因為無味道

今日去買涼粉啦，攞翻屋企食。翻到屋企之後，小朋友打開來食，食到嘔翻d嘢出來。花奶涼粉唔應該喺甜嘅？點解今次買嘅涼粉又鹹又腥…真喺難食到喊唔知碗嘢點解會咁，之前買嗰啲真係好好味架

我最愛全宇宙最好食嘅豆腐花終於回歸我最愛全宇宙最好食嘅豆腐花終於回歸我最愛全宇宙最好食嘅豆腐花終於回歸重要說話要講三次，等足兩年多，我最愛的豆漿同豆腐花終於回歸了。7月頭聽聞開張後即火速到觀塘實地視察，看到永興熟識的臉孔，有很大的親切感。認識多年的老闆夫婦仍是沒有多大改變，喜見舊顧客寒暄數句。熟悉的樣貌卻落在陌生的地方，其實真的有點格格不入呢，沒有了枱和凳，要細味我最愛的豆花溝豆漿，大商家就強迫了大家「罰企」。以往我在店內品嚐了豆花溝豆漿後，必定會外賣大支豆漿。可惜大商家把店面榨壓到最細，令到顧客只能選擇罰企或是外賣，我呢為了食我最愛，無奈選擇「罰企」。幸好食物味道多年不變，變的只是那種家庭式經營的味道。原諒我每次食都真係只掛住食，為了緊握那個熱度，所以相機先食要匿埋一邊先了。

以前大家有無係裕民坊食宵夜?當中令我最有回憶既一定係巷仔入面既豆漿油炸鬼，隨住重建計劃，舊鋪已經差唔多拆哂，隨即而黎既係新既裕民坊，開幕之後我就即刻去睇下有無我想食既野。觀塘裕民坊「YM²」係四月開幕，特別係入面既裕民里邀請因重建計劃遷移既小店進駐，總共有4層，有29間餐廳進駐，主要賣日常用品、服飾、經典小食同家居服務。當中第一層有大家熟悉嘅永興豆漿王重出江湖，只要係觀塘嘅街坊就一定有食過。永興豆漿王喺觀塘既名店，有三十幾年歷史，由觀塘碼頭既走鬼檔、見證地鐵通車、再遷到裕民坊，最後係裕民坊窄巷入邊通宵營業，令人記憶猶新嘅係分黃色嘅燈光、紅白招牌同埋好遠聞到嘅香濃豆香，以自家磨製香濃豆漿同豆腐花打響名堂，可惜因為2019年嘅重建計劃，令到小店係2019年2月結業。因為我一直喺觀塘返工，舊舖最後一日營業嗰時都有特登買外賣幫襯，因為都充滿咗好多回憶。舊鋪係觀塘裕民坊小巴站，穿過一條兩邊賣手機配件、手錶小店既巷仔，係一間夜晚燈火通明既豆漿小店。店鋪唔大，鋪前擺左一個個膠桶用黎裝冷熱豆腐花，同時擺左一枝枝大枝既豆漿，會見到好多人停低腳步買支豆漿或者外賣豆腐花，店後方有兩、三張小圓枱同方枱，大概可