永記潮州粉麵

营业中

休息中

雖然今年冇得飛，不過如果大家有用心去發掘，其實 #香港 都好靚㗎💫 #小秘書 講咗好耐要去 #港島西區 探一個朋友，呢日終於成行✌🏻 唔講唔知原來呢邊下晝真係好熱鬧，適逢 #朋友仔 熟路可以帶我走一圈，#遊客 即時上身... let’s go 🎉第一站我哋先去 #西營盤 有名食 #豬什、#牛肉 嘅 永記潮洲粉面 #潮聖🤤 第一次嚟到，梗係樣樣都想試，朋友仔話呢度嘅 #牛肉 好味，但係我又聽人哋講呢度嘅 #豬什 都唔錯㗎😉 一於要晒佢哋... #事頭婆：唔該加埋 #魚皮餃 比我吖🤩 估唔到只係賣$42 嘅 #三併粉麵 原來份量都唔少， #牛肉 上枱嘅時候仲係粉紅色嘅，肉質鮮嫩🤤 #魚皮餃 #味道 果然冇令我失望，真正 #皮薄餡靚、有 #鮮味🤤 至於 #永記 啲 #豬什，更係令人 #喜出望外， 食落口完全唔會感覺到豬嘅臭味，而且 #口感彈牙，無諗過每個部位都可以做得咁出色🤤只可惜 #永記 #每逢星期日 同 #公眾假期 都會休息😉 大家要嚟幫襯，真係要講 #緣份 喇😚

揾好味早餐😋 一嚐老字號馳名的豬雜粉，鮮牛栢葉10時後才有，太早食唔到。叫了雙併豬雜＋鮮牛肉，好多餸😍豬潤薄切爽口，豬雜好味，牛肉就無乜味。辣椒油香，而味道我較喜歡另一間在西營盤的潮州人。河粉幼滑，湯底無味精，鹹了一點，配河粉剛好，芹菜粒為湯底提香，不知不覺會飲哂整碗湯。

剛剛搬到西營盤不夠一個月抱住一個心態上是每種唔同嘅餐廳，諗住.同男朋友是試吓本土粉面檔，見到經常好多人幫襯所以決定今日試一試，坐低幫男朋友叫咗牛腩河，我自己叫咗魚皮餃墨魚丸米，首先落單嘅時候佢有重複我叫嘅嘢食，確保要走蔥，食物送到上枱只係好心提及冇走蔥，落單嗰位自己做錯不特止，仲要話返個客轉頭，加上佢餐廳有好多街坊幫襯搭嘴一齊維護，唔夠2分鐘我就見到男朋友碗牛腩河有頭髮，都費事同佢講即刻埋單走人，佢話唔收錢，講真如果你睇到嗰碗牛腩河嘅容貌真係食唔入口，王林記或任何一間粉面檔都會好食過佢。人生第一次給差評！米粉我食咗一啖超難食 🤢

仲意食豬雜又想黎試要留意，因小店用新鮮豬雜、晏左黎係會賣晒，如果想試最好中午12點黎食，吾係就試吾好過左黃金時段都吾洗驚，小店仲有其它食物，包括豬潤、油菜、鮮牛肉粉麵等，都可以玩足食碗粉既慾望🥢豬油吾會整得好老，咬落有汁🤤岩岩好，湯底有點驚喜依間小店份量足料夠大滿，每配有時菜🥬食物上枱賣相絕對吾差，按返餐廳相簿就見到我分享過既食物相片😋另一留意小店環境不太大，同雲吞麵鋪格局差吾多，依間小店係食食物，吾係食環境，如果係唸住食裝修或環境，黎到期望吾好太高但店內環境企理，服務員落單清晰又快

好耐好耐無食永記~第一因為lunch time 真係超多人,第二膽固醇又真係高左少少不過超好味嘅猪雜,無特別靚嘅裝修都可以吸引到咁多客一定有原因嘅,今日食左一碗有啲邪惡嘅豬雜米粉,非常之多餸~分別有豬潤,豬心,豬肺,豬腩肉,粉腸,豬肚,豬耳再加芽菜芹菜真係無得輸,湯底清甜再加些魚露同辣椒油真perfect,其實永記啲鮮牛肉,黑牛柏葉,牛筋腩都好好食,想食黑牛柏葉一定要12:30前到否則會沽清,辣椒油亦都是非常好味好正宗嘅潮州辣椒油

之前老闆介紹過這家老店今天剛好跟余總去市場就迫他帶在下去吃吃看看到餐牌在下又有選擇困難了又不希望余總等我想太久於是就讓他幫在下選擇一碗豬什 細碗 配河粉而余總他就是中碗？大碗?反正隻碗好大除了豬休他加額外加了幾樣餸天啊好引誘有機會要自己來慢慢選桌面有辣椒醬和辣油供應可以自己調較不同口味而大大碗的豬什麵裡就厲害了豬潤 粉腸 豬心 豬肺 豬腩肉 豬大腸 豬耳朵 豬肚樣樣有齊 而且足料不是隨便給你一件就算吃碗小的果然不夠喉但余總請唯有回台裡自己再吃這店對在下而言是有點遠不過值得推薦給身邊的人 ❤

有日食lunch行過，見到一間瑟縮一角嘅小店。啲人大熱天時，仲要喺店外排隊，店內只有十多個座位。所以大部份人，寧願選擇店內冇冷氣嘅位置。究竟有咩驅使呢班人，咁熱仲要排隊，食熱辣辣嘅湯粉麵呢？第一次食嘅時候，簡直係驚為天人。唔好睇湯底咁清，以為冇乜味。其實個湯係由鮮豬什煲出嚟。用嘅材料，每一樣都係新鮮嘅肉，湯清甜而不油膩。好耐冇食過咁新鮮嘅豬。如果想食新鮮牛柏葉，就要12:30前嚟。

以前住喺西營盤，住咗30幾年，就食咗佢咁耐，由佢以前係威利麻街就已經係捧場客，還記得以前印象中係$9一碗牛腩米粉，當年細個已經成日食，現在人大了，離開了西營盤，久不久都要返嚟回味一下，每次嚟到都要食佢嘅豬什，豬什清潔得非常乾淨，完全冇腥味，有豬心，豬大腸，豬粉腸，豬肺，樣樣都出色，次次都會叫三樣餸，私人貼士，佢嘅豬什係當一樣餸，即是話我叫三樣餸，就可以變成七樣餸，仲有佢哋魚皮餃同牛肉，亦都非常好味，不得不提佢哋嘅辣椒油，又辣又香，希望呢啲老店，可以繼續保持水準

呢間永記我中午成日特登搭幾個站叮叮黎食，有時12點05分左右到都已經坐滿晒就知佢有幾咁好食。是日因為腦細中午早左出去食飯，我同同事快快手偷偷雞提早3個字鼠出去覓食~~於是乎，我地搭正12點去到，見到平時寫沽清果塊板竟然係吉既!!即刻問老板娘有冇牛柏葉，竟然真係有!!!呀媽我得左啦!!!小妹黎呢間野食晏都不下十次，牛柏葉每次都已經賣晒，可見佢係幾咁受歡迎，今日終於可以食到傳說中既鮮牛柏葉啦~~~~~入正題~鮮牛柏葉加鮮牛肉米粉:牛柏葉果然名不虛傳，見到佢冇被漂白就知新鮮!佢係好鮮甜好彈牙果種，仲帶有少少胡椒香味，又辣又香咁，好好味呀~~~~~鮮牛肉就不嬲高質!!牛肉既牛肉好濃，所以我每次都必嗌!!睇佢顏色咁粉嫩就知佢爽滑好味啦~~必食!!!不得不說，永記既湯底清得黎好香濃，而且食得出唔係味精湯底，加少少辣醬就一級棒啦!!另外，佢用切碎既香芹粒代替平時既蔥粒，同湯底好夾，成件事更加加分!!因為我唔食蔥..同事嗌既中豬雜米:其實呢間舖頭既豬雜係最出名同最多人嗌，我同事每次都係嗌呢個，不過因為我有好多內臟唔食，所以就冇食過。但係!!佢既豬大腸係一流!!!好彈牙同埋好肥美!!~之前我冇食到牛柏葉

一碗豬什粉麵，足以證明講求實力不需奢華的裝修，仍可得到食客的支持。粉麵湯底不容忽視，這裡做到了。湯底清甜，當碗麵送到枱面時，急不及待就係要嚐第一吃湯，清甜，不肥。再加上芹菜作配搭更特顯其清甜度。豬什清洗得乾淨，粉面度適中。這裡也有新鮮栢葉。大家不妨來試試。

友人喜歡潮洲風味，於是推介來吃碗粉。是日星期六中下午，小店在街旁有條人龍排住隊等。舖面面積不大，店外仲有兩枱坐外面。有人我會喺你等待時幫你落單。那天仲見到周中師傅食完走🤭店既麵分大中小標價。我叫了牛腩河，友人就叫了豬潤河, 都是中size 。一路等待時都見好多人叫豬內臟，但本人唔食內臟，所以唔會知道有幾好吧🤭粉有一堆芹菜，好在夾埋落個湯係冇搶味。個湯係幾清，味道有肉香又不太咸太油。友人有讚豬潤好食。個人認為牛腩都不錯，是肉感和具咬口那種，不是綿綿的。小店雖細，又冇乜環境裝修可言，但踏實食潮式粉麵，係唔錯架。

好味嘅牛雜都有,好味嘅豬雜,而又感覺D豬雜乾淨嘅地方唔多,呢間是朋友兒時回憶。真係好味😋！湯清，味適中，有時就係想食清清地，感覺無咁肥膩👍🏻朋友愛牛🐗，我愛豬🐷呢間滿足哂我地😁朋友說兒時老闆是一個大隻佬，他們一家都很喜歡幫襯。而家坐櫃檯的一位老人家，朋友說已不認得了。味道亦變了少許，但吃兒時的感覺仍在😌。環境唔好評論了😪茶水亦失奉，如加勁多辣，可在隔離舖買杯涷飲，都好正🤣，而家好少舖有呢個arrangement（food court除外）🤣。好食地方買小見小了。星期一至五去到上環，要試一試。

星期六OT買左碗永記豬什慰勞下自己。永記d豬什真係好好味，個湯又夠鮮甜。一碗中豬什入面有薄切豬潤，豬粉腸，豬肺，豬心，豬腩肉，豬大腸，豬肚，豬耳。樣樣都洗得好乾淨冇臭味。除左豬什入面仲有其他配料，一打開蓋就見到一層牙菜，勁爽口。因為走青所以我碗豬什冇切粒芹菜係面，我見其他同事碗豬什靚好多，一片翠綠仲有好香芹菜味。雖然係外賣但因為分湯裝，所以返到公司豬潤仲好爽。我個人應為最好食就係豬潤，豬心，豬粉腸同個湯底，食得岀隻🐖真係好新鮮。

之前 save 低嘅麵檔，有美食之家嘅稱號，佢地好早閂，我公司又唔近，成日 weekday 想試都冇機會，見 weekend 得閒，專登走去西環拜訪吓。一入到去都參唔多坐滿人，雖然地方淺窄，但係好乾淨，比平時啲麵檔乾淨得多，連街邊嘅位都好整潔，讚！坐低就見到佢地牆上"美食之家"個牌，好期待！$38.00 三餸: 魚蛋、魚片頭、豬腩肉河一見到佢成碗中龩就覺得我知有D人唔啱食，不過就正中我下懷！好香，超 like!個湯底應該係用豬肉煲，鮮甜好味！D魚蛋同魚片頭彈牙可口，完全唔會腥。豬腩肉都幾好，如果可以淋D，有入口即溶嘅感覺就仲好！河粉好滑，唔太淋，成個配撘好好味，食得我好滿足！都係$38.00 三餸: 豬潤、豬肺、粉腸米男朋友好鍾意食🐷雜，佢話D豬潤好靚 ，我都有試佢嗰D，真係好食，內臟洗得好乾淨，唔會有怪味，食得出好新鮮！我比較欣賞D豬肺，好少麵檔會 offer 豬肺，皆因真係好難洗，要好多功夫，呢個價錢有咁靚嘅豬肺真係唔話得，堅有誠意！我同男朋友都覺得配河粉正過米粉，因為個湯實在好鮮甜，河粉會索晒D味，一路食嘅時候，都連續聽到幾個客點🐂柏葉，我同男朋友好期待下一次再嚟試！