永記潮州粉麵

营业中

休息中

休假一天到附近午餐路經永記見多人食一定無死叫左個牛肉牛栢葉河粉湯幾清 無味精有芹菜係面幾特別牛肉無雪味 但都無肉味牛栢葉好難咬 係好難好難好難咬河粉滑 加小少辣椒油食更好食成個粉都好清淡 係粉麵檔少有的家庭式經營 等候時間比一般麵店耐

現今已很難找到一間專門主打吃豬什的粉麵店，中午吃飯時間，除了堂吃之外，亦有很多人等候外賣，後巷放了六七張枱，於是就坐在後巷，有點不舒服，但為了食好西，都無所謂。價錢分大中小，大：$37， 中：$32，小：$27。牛肉豬肚粉腸米（$37）先喝湯，無得輸，鮮甜美味，豬肚爽口有𡁻口，粉腸無異味，不要以為豬什出名，牛肉就一般，是新鮮嫩滑。黑栢葉牛肚豬肺米（$37）黑栢葉很爽脆，跟我們平日吃的漂白牛栢葉簡直無得比，豬肺切得薄薄，爽得出奇，但牛肚就過林。

西環，多是舊食店，不介意地方的話，這𥚃是一個尋食天堂！位於西營盤站附近，永記潮州粉麵是食家推薦的。小店就是小店，賣的是真材實料。店內沒什麼選擇，都是一般粉面材料。點了魚皮餃、牛肉、墨丸河。三併$36。他們不用蔥是用芹菜，上枱時特別香！永記必吃的有太多，牛腩、牛肉、豬什、魚餃，每次去我都好想全部叫下。相反魚蛋魚片類則一般一般。菜心$16/碟，一定要試試永記的腩汁，比一般的香濃好多，配菜心、白菜仔都好吃！

上環永記潮州粉麵幫趁已多年，食左咁多年都唔厭，不過我買外賣多，喜愛的餸是：牛肉，牛筋，魚餃，魚旦，豬心。。。。另外一樣每次我一定會叫的是清湯菜，清湯好甜，每一次我都飲哂，就好似屋企滾既菜肉湯咁，又冇味精，因為飲完我唔口渴

現在住響修打蘭街附近的我，以為自己對修打蘭街都幾熟悉，點不知有一日下午特別咁樣喺OpenRice 搜尋一下附近嘅餐廳，先至發現原來呢一間永記係十分之出名，而且係好多人推薦嘅餐廳！好可惜原來咁耐以來，我從來都冇嚟過所以今日就特登落去，食呢一個傳說中嘅豬什湯粉呢度嘅湯粉最開心嘅地方就係能夠隨便配搭，豬什類呢就可以歸為一種，只係需要選擇大中小就可以啦。喺開飯呢度見到佢哋最出名就係豬什，咁所以我一定要試啦！點左個中嘅米粉，豬什裏邊有豬心，豬潤，豬肺，豬腸粉，豬腩肉，豬耳，豬大腸同埋豬肚。分量十足！啱啱睇到佢嘅湯底已經感覺到應該十分之清甜，配上我很喜歡嘅新鮮芽菜，以及潮州湯粉必備嘅小芹菜，呢啲芹菜仔調味比起葱更加好！(因為我自己唔食葱的!) 芽菜同小強菜仔分量十足望落去更加健康，豬雜嘅份量都超級得多，反而呢粉面就變得唔係好夠！十分之欣賞佢嘅豬什全部都好乾淨，尤其是豬肺十分之爽口，湯底真係用上豬什同埋豬肉制成，啖啖都係清甜味道！喺呢度總會遇到好多講潮州話嘅叔叔伯伯，剛好我響度食面嘅時候遇到一位特登由九龍搭車過嚟食面嘅伯伯，佢用一碗麵嘅時間同我分享左好多生活事，而且仲同我講佢佢身體抱恙，剛好去醫生檢

每次去西環都會去永記食粉，配上芹菜真係好香又唔會好多味精。最鐘意就係豬大腸、牛肉、豬潤、黑柏葉配上秘製辣椒油真係好正！第二度食唔到。鐘意食魚蛋粉的朋友有機會一定要試下。 

想起豬雜必定嚟呢度！必食柏葉豬雜，可惜點幾嚟到都已經無晒柏葉，唯有下次請早！淨豬雜(大-$36) - 因為主打想食豬內臟，所以我哋走豬耳同豬肉。豬雜有豬心，豬肺，豬大腸，豬肚，豬潤，豬粉腸。豬心爽脆，豬肺彈牙，豬大腸唔會好勁肥油，無臭味仲有好香嘅豬味！豬肚非常爽口，豬潤切得薄薄，爽甜無腥味！豬粉腸爽滑香口，完全無苦味。湯底確實好味，飲到豬肉清甜味，一d都唔油膩。加上有大量唐芹，令香味更加提升。總之所有內臟都處理得好好，好新鮮，完全唔會有臭腥味。牛筋米($26) - 牛筋非常軟腍，湯底就無豬雜嘅咁清甜可口。豬大腸河($26) - 大腸有點點脂肪，爽滑帶濃濃豬香味，河粉非常滑溜。鮮牛粉腸麵(大-$36) - 鮮牛滑溜有牛味，粉腸爽滑。

星期一，中午三點半，走進此店，阿姐説，只賣剩米粉，配料只有版上寫的了。叫了豬潤豬粉腸米。雖不用排隊，但人客絡繹不絕，僅有的四張枱一直保持坐滿狀態。 即叫即灼吧，都等了好些時間才上枱。先喝一口湯，鮮味加胡椒味。在這嚴寒的日子，身體馬上有暖的感覺，胃部更是舒服無比。撒上的不是葱粒，而是中國芹菜。好此味者真的會歡呼萬歲，不好此味者，記緊落單時要説走芹。豬潤片得很薄，但吃進口裡，綿嫩鮮甜，是因為新鮮吧。豬粉腸處理得很好，一點異味也沒有。需知此物膽固醇極高，如不美味，真的賠了夫人又折兵。在此店享用，感覺還是值得的。

內臟對我這亭開始步入中年的人來說絕對是屬於違禁品。不過小弟一向所持的態度是，又是天天吃的話間中來一頓應是無傷大雅吧 ---- 試想想，夾起一伴爽脆無腥氣及苦味的豬潤或腸，醮些潮州魚露後放入口，這實是仙人才能享受的食物....若是要專攻此道的話，上環的"永利"可算是其中的表表者了.....過往於我而言，這兒的地理位置確是不太便利，不過自從鐵路開通至此處後，來這裡吃一碗豬雜，已不是一個遙遠的奢望....今天趁著有時間，專道過來點一碗加大的豬雜河來當午餐....這一碗豬雜河，湯底調味算是走偏濃重的路線，但看上去色卻是頗清澈的，入口甚甜沒妖邪味。如此調味自然的湯，就算喝多兩口也不怕呢....豬雜的陣容也蠻鼎盛的 ---- 豬潤、豬肚、豬心、豬肺及豬腸，再加上豬耳及豬腩肉，差不多豬身體的各個主要器官部位全都吃進肚子裡去了....豬潤用刀片得極薄超爽口亦不見得苦；豬肚很夠厚身帶煙韌；豬心及肺則同見韌勁沒異味；豬耳是爽至嗦嗦聲有點在吃零食的感覺，過癮；腩肉肥瘦均稱，帶脂肪的部份不太膩口而瘦的亦不太死硬；豬腸很"粉"沒見苦味但唯一的缺點便是膻味較重....為了嚐多幾口膽固醇，就算跑遠一點來光顧，也是值

店名：永記潮州粉麵地址 : 上環修打蘭街21號好味指數：7.5／10價錢：$35牛筋 、牛肚 、豬心米粉以豬雜聞名，湯底濃郁鮮甜，米粉條條分明，爽口嫩滑。這裡的青不用蔥，而是用芹菜粒，味道更加清香。這裡有多款肉類 、豬雜類和丸類供選擇。份量有小（$25） 、中（$30） 、大（$35）選擇，如果揀三餸就會自動變大碗。 牛筋爽滑，牛肚煙韌，豬心爽脆新鮮。店名：永記潮州粉麵地址 : 上環修打蘭街21號好味指數：7.3／10價錢：$35牛柏葉 、粉腸 、豬潤油麵以豬雜聞名，湯底鮮甜，油麵份量頗多。這裡的青不用蔥，而是用芹菜粒，味道更加清香。這裡有多款肉類 、豬雜類和丸類供選擇。份量有小（$25） 、中（$30） 、大（$35）選擇，如果揀三餸就會自動變大碗。配料份量頗多，牛柏葉是黑色的，煙韌爽口， 粉腸有點苦，豬潤新鮮。 

有同事介紹給我來永記原因有豬什可以吃好多地方是沒有這款食品可提供吃的.一放午餐時間,已經第一時間趕過來,同事說很快沒位可坐在餐廳內.我們不介意在露天位置幸好外面的有位可以坐.小小的店,來到10分鐘後,已經要見人龍是排隊等位了.看似簡單的餐牌,其實有中英對照的解釋有牛,豬,丸類,汽水,菜.集合了大家喜愛的食品.豬什米(中) HKD29有分不同大同小同中的份量.我就選擇了中,份量剛好~豬什分別有,豬潤,豬腸,豬肺,豬大腸,豬心,豬耳,幸好真的樣樣有,因為慢了10分鐘後,已經聽到侍應講已經沒有豬心,豬肺.第一口湯真的已經愛上了這碗麵,湯是鮮甜而沒有油,加上多蔥更香口.而豬什每款都是爽口,如果不是怕膽固醇高,真的想每天來一碗~多滋味喔~

之前說過有三間好好味的麵食店，這是其中之第二間 - 潮洲河粉，我首選係鮮黑色牛百葉，哈哈，真係好爽好食；要埋牛筋，真係好入味，又諗；尤其是中國芹菜湯底，再加上鮮牛肉片，好甜好味；每次的湯也全喝完的，原全沒味精，好鮮甜，正！只是現在已經由我初初從金鐘搬到上環番工的$18(雙併)升到$29，六年間也加了不少呢其實他們出名豬什，但我唔食的，所以不能評論^^(在這食店一定要有耐性，因為人多而且好慢才上枱，但食好野，等下啦，無所謂啦^^）

據我家爺爺講起, 呢間舖已經賣左豬雜湯粉麵幾十年, 由以前起修打蘭街做大排檔做到而家搬入舖, 味道都冇乜大改變。呢度既湯粉麵無論係什麼配料(包括牛腩), 都係配上由朝早就熬既豬雜湯。佢既豬雜湯好清, 除左豬雜味之外亦夾雜芹菜同胡椒既味道, 呢種味道歷久不散, 係其他粉麵店無既獨得味道!配料方面除了豬雜之外, 就只有牛腩, 幾款肉丸同魚餃, 始終唔係車仔麵, 係貴精不貴多! 雖然我唔食豬雜, 但每次我都會叫魚餃, 佢地魚餃唔係四x 牌, 食落同一般唔同, 街外好難買到, 河粉爽滑! 地區小店, 值得支持!

豬雜米(細) $21(好食指數:7.5/10)黎到西環搵食，當然要食d地道d既野啦。牛雜就食得多啦，坊間比較少食豬雜既舖頭。豬雜無胛味而且爽口，湯底就比較清淡，加左荳芽莞茜感覺香d。2-11-2013

雖然一家人於同一家庭環境成長，有著唇齒相依的血脈，但礙於性格、喜好各異，要維繫家人之間的親密關係，談何容易！問題是香港人工作繁忙、生活緊張，往往像是心有餘而力不足。全家在週末能真正聚在一起嘆茶、彼此分享一下近況，已屬難能可貴。我與家人亦是無法每星期會面一趟的好例子，當家庭的張力越趨萎縮，我便想起了一個潮州家庭。永記是傳統的家庭式經營。我喜愛濕潤的食物，湯粉麵是我獨個兒吃午飯的忠實伴兒，永記更像是攻打四方城不可或缺的鐵腳，一星期至少也會手癢一次。在我以往經常光顧的歲月裡，亦見證過永記兩代相處的進程。當天早上，突然想念起永記來，決定出城採望我從前的鐵腳。想不到已接近下午3時，星期六客人還是絡繹不絕，本欲感受一下平靜模樣的永記，但仍是讓我從回以往中午時段的熱鬧情境。永記以豬雜見稱，潮州菜儘管只是普通的粉麵，魚露也充當著重要的角色。我愛嚐辣，在魚露內再加入辣椒油，令豬雜頓時變得又鮮又刺激。永記的豬雜和麵食以大、中、小劃分。先來一碗中的淨豬雜，當天豬心已售罄，因此豬雜中只餘下豬膶、豬粉腸及豬肺。湯底依然是一份自然恰好的清鮮，因為永記的豬雜都以白灼的方式烹調，可想像得到所有精華匯聚於湯頭上的何等鮮