永香冰室

营业中

休息中

上網見到哩間懷舊餐廳，特登同老公揸車過嚟試吓，環境非常懷舊，叫咗個菠蘿油同西多士，兩杯奶茶，老闆非常有禮貌，仲幫我哋出門口睇住架車☺️☺️成件事好有愛💓食物由老闆一手包辦，好味😊西多士唔會太厚，上面有煉奶加牛油～啲蛋漿味濃菠蘿油 牛油厚切 奶茶正常，不過會建議飲熱的，因為凍的冰會溝淡茶味～店內每一件傢俬，電器，都很有歷史，感覺乾淨舒服～～當我哋走嘅時候，老闆仲離遠向我哋揮手🙋‍♂️拜拜🥰值得一去，支持小店

Wanted to pay tribute to these vintage little restaurant (less and less in HK nowadays), but the service is worst u can find. The guy shouted at us for taking photos of the food (cup of coffee) we ordered and asked us to stop doing so. I respected that and put away my phone (btw, there’s no signage of not allowing ppl to photo shoot in the restaurant). But he still went into the kitchen and keep yelling about it. The lady say he’s in bad mood cuz it’s jockey day and he’s losing money from bettin

黎到曾經短住左一段日子嘅土瓜灣，自從地鐵站開啟後可以用物是人非黎形容😮‍💨 一棵棵準備拆卸嘅唐樓，一間間新開嘅食店，面貌已改變不少🧐 行行下見到哩間「永香冰室」好似時光倒留咁，厚到成個箱嘅電視機📺；殘舊嘅三葉吊扇仲有好多保存得好好嘅7、80年代擺設👍🏻 不過老闆好似唔多鍾意人影相，禮貌地影幾張算🙈《 鮮牛肉麵 》 $22 4 / 5 價錢都好似去返70年代，有家嘅味道，公仔麵加麻油，仲有少少花生碎👍🏻 牛肉岩岩好熟，偏薄，但唔鞋口😋《 菠蘿油 》 $10 3.5 / 5麵包唔係新鮮出爐所以略略凍左啲，無左熱熔牛油嘅效果，好在鮮牛油好軟滑，所以食落連埋麵包好軟熟😋《 紅豆冰 》 $17 4 / 5不過不失，椰味偏淡，但整體冇咁甜👍🏻紅豆有口感👍🏻整體來講，哩間冰室係好僅餘仲保留到舊香港面貌嘅集體回憶，值得支持👍🏻

久聞呢間懷舊冰室好耐，終於有機會滿心歡喜去試！入到去環境都幾雜亂同污糟（勁大塵）跟我想像有啲落差！但一場嚟到都想影返幾張相留念，點知一舉起手機老闆就話 ：「影咩呀？我唔鍾意人影相！」老闆唔鍾意人哋影佢嘅地方我當我理解！到食物嚟咗，我想同野食影幾張自拍姐！今次到老闆娘义住條腰過嚟質問我！之後直頭搵個位坐正我對面成程金睛火眼𥄫實我！唔好話影相，成餐飯我連郁大動作d都唔敢郁！其實我本來係想試多啲嘢食，不過還是早走早着，因為除咗感覺好不安之外，d食物都極其難食😔！什麼懷舊，老香港，人情味都係假 。總有d自命曲高和寡嘅嘢被過度吹奏美化為情懷！有時真係一心想去支持下d小店，無耐最後好多時都要被逼返返去連鎖！

偶而見到朋友曾到訪此離家不遠的懷舊茶記，一心到訪。果真的是停留在亞飛年代的裝潢，一個維他奶掛牆鐘絕對是珍藏；一個個舊式吊風扇令我回想起細個的時空，牆身與地下的階磚也是那些年的時興之選，枱椅的設計也是經典之作。唯店舖正常在等待收購重建，所以店主沒有好好把個小店發揮其本色，店內太多雜物影響食慾了吧！我們二人只是叫了一份烘底蛋三文治$10（忘記烘底有冇加錢）、一杯熱鮮奶$16、一杯茶走$14。價錢都真的是商宜。但食物味道真的很一般般，希望只係我未食到真味之選。！茶無茶味，蛋治面包較乾身⋯⋯唯店員也是禮貌及熱心招待，應記一功！今天舊式的茶記不多了，雖則快將告別，唯望保留每點真味，執拾整理小店，讓大家也有個美好回憶！

住了土瓜灣很多年，也沒仔細遊覽過這裡，趁搬屋前就約了男友在土瓜灣遊覽一下，去完牛棚藝術村及十三街後，就來到這間懷舊冰室吃下午茶。其實住了這麽久，也不知有這間冰室，因為外表看來似一間雜貨舖，來到時也未見有食客在內，尷尬地走入去問問店內員工（可能是老闆），才肯定是可用餐的，大家來到不妨大膽地走入去！內裡環境有點陳舊，有綠色磚牆、鐵窗框、吊扇、幾個不會動的懷舊時鐘，這裡的時間彷彿一直停留在以前的時光。 食物方面：1.西多士這裡的西多士是薄身的，內裡沒有花生醬，但即叫即製，煎得很香口，加上牛油及煉奶，幾好味。 2.菠蘿油菠蘿包加上厚厚的牛油，牛油是凍凍地，加上溫熱的菠蘿包，雖然不是新鮮出爐的麵包，但口感和味道也不錯。 3.熱杏霜小時候曾經很喜歡飲，現在喝也覺得很好飲，很香、甜度適中，重拾兒時的味道。 希望與你快樂的時光，也可以像這裡一樣，一直停留不變。

走過土瓜灣不少地方，如：益豐大廈，美華工業中心，媒氣鼓，阮令玉璧畫，十三街，不同的街牌設計，牛棚藝術村，對土瓜灣的認識多了，同時也需要時間消化，就跟女朋友找一些特色店來歇息。永香冰室，歷史猶久，自然是不二之選。冰室位於炮仗街，鄰近我小學讀書的地方，聞說炮仗街的命名是由於此處從前是一個製作炮仗的地方。門外看進去，好像不是一個吃東西的地方，而是雜貨店似的。但看見「安心出行」的二維碼，才認為是食肆，原來是有這個用途的。食物方面，點了菠蘿油，西多士，杏仁露，全部是即叫即整的，熱辣辣，很好味，菠蘿油很好，牛油很大片，也只是8元，貼地的價錢。此處是吃懷舊的味道。希望土記能在重建的浪潮中生存下去。日期：2021.01.10

一場疫情，拖足一年估計還會有餘⋯想來多年前探訪過的永香，今天拿來寫一點東西也算是舒緩一下心情。 永香的食物是那種舊式冰室簡簡單單的產品。餐廳內裝潢仍然是幾十年前的樣子，時光似乎在這裡按下了暫停鍵。 奶茶味道偏澀但奶味薄，西多士偏油再加上一塊牛油很是膩口。但這樣老舊的病史，真的不能有太多要求，最重要是來嘆時光⋯ 想講一講最近的自己：其實距離正式的結束工作已經三年了，到依家亦都沒遇到可以上手的工作。期間被親戚騙過，被熟人晃點過。但我並不氣餒，可最近真的感覺到累了。不知為何，感覺很累很累。想起一句台詞「你知道被誰傷最痛嗎？」「是親戚！」⋯ l

土瓜灣人成日經過見到呢間超懷舊冰室，都好想試吓。款式唔多餐蛋麵正常發揮，冇咩特別。沙嗲牛肉蛋麵沙嗲牛肉其實唔係沙嗲，似係屋企煮麵加牛肉碎。面唔貴但係冇茶餐，大概$20一碗麵，加嘢飲大概$35。餐廳環境真係好懷舊，但係冇冷氣，夏天真係好熱。同埋隔離巷仔咁啱燒焊，好大陣味，有啲難頂。仲要餐廳內有其他食客食煙，老闆都冇勸阻。其實等得有啲耐，同埋唔算好食。但可以當係支持下老闆，同食懷舊風味。另外見到餐牌上面，仲有滾水蛋。不過天氣太熱冇試到。

呢間算係真正嘅冰室啦真係50年代風格，服務都係舊有風格，即係唔會追求有好服務仲要全部單價賣，無茶記嗰啲套餐無一樣係過廿蚊火腿通粉 $18本身想食牛肉通粉，但佢話無晒所以先食火腿通粉火腿份量唔少，略嫌湯底胡椒粉味好重西多士 $18炸到金黃色嘅西多士皮脆內嫩麵包好軟熟，搽嘅係牛油+煉奶切開即刻滲透入麵包度，味道傳統凍奶茶 $12奶茶真係麻麻，茶味唔香唔濃，太淡涼粉冰 $17大半杯都係涼粉，反而呢個幾抵食窩蛋鮮奶（即滾水蛋） $18滾水蛋係以前傳統飲品滾水+半生熟蛋+砂糖自己極速攪勻蛋花，再加糖其實滾水蛋唔好飲，不過唔知點解真係好有懷舊味

冰室照懷舊，似家庭式作業。適逢打俾大賽，老細同啲街坊好認真咁睇馬，不過都有殷勤地招呼我哋。個到地方比較窄，卡位最多坐2個人，不過尚算乾淨。叫左個鮮牛肉麵，西多士，凍奶茶。鮮牛麵不錯，係新鮮牛，湯底係冇味精，加埋辣椒油，有懷舊的味道。西多都可以，牛油加煉奶，是薄薄的一層。一路食，個老細仲問我地啲嘢得唔得，未飲奶茶前都尚算可以。不過個凍奶茶一飲就中伏，真係好唔掂，奶同茶嘅比例好差，冇茶味，稀過水，有點失望。

#六十幾年歷史嘅古老冰室見左佢幾十年都冇幫襯過，因為未見過有人幫襯佢，仲以為已經變成士多。近期開心發現有人網上post相，我就特意黎幫襯。店內有點臭味，勁多紙箱紙皮 ，感覺有點污糟，超級多雜物同搖搖欲墜裝橫，雖然個老闆都幾好傾又講起先時代嘅變遷既問題，又話好快呢度都會重建遷拆，但我覺得冰室衛生問題先至係重點，如果執拾下雜物清理下，重拾返佢以前嘅面貌就好。#鮮牛油多士 $6 熱檸茶 $11食物正常但鮮牛油有少少塵，多士比較細件薄身，多士唔係太熱但係都算係脆身，熱檸水，檸檬新鮮所以唔落糖都有檸檬甜味。

炎熱的星期天，去了懷舊冰室沒有冷氣沒有入得眼既裝潢就是這種不二十世紀的感覺才吸引踏進冰室內，看到好古老的電視，好似回到過去一樣，只是播著現在的電視劇而且😂餐牌上能選擇的種類不多，最適合我這種人，不然想很久也沒有想到吃甚麼。點完餐，來的首先是飲品，我們習慣不愛甜，還不錯喝的凍檸茶跟齋啡走甜，也是比較大杯的喔。很快地主菜也來了，簡單的餐蛋和鮮牛麵真的，不賴。本人覺得很好味，特別是鮮牛肉最後是窩蛋多士，美味要有冷氣乾淨的客人便不適合嚕～

今日同老婆來到土瓜灣，經過見到尼間古色古香嘅茶室，以已經吾做生意，因從外面很難見到内裡情況。只好走近D看看，果然有開，立即入去試下，叫了個鮮牛麵，餐蛋麵和西多士……飲品凍奶茶，直話直說，凍奶茶系吾得……太谈……太水。餐蛋麵普通，西多士都ok，反而鲜牛麵尼個掂吾系用雪藏牛冧肉，今時今日大部分茶記和深水埔維記都糸用D雪藏牛冧肉加梳打粉拿完當鮮牛肉……尼間真系用鲜牛還有佢D湯底好傳統以前冰室冇味精和太多化學調味！！直得再來

這間冰室，沒有豪華的沙發﹑沒有冰冷的空調，只要樸素的座椅﹑黑色掛牆的大風扇。在與老闆一邊食，一邊閒談，介紹了餐廳的各樣東西，才知道，我原來在一間「歷史博物館」用餐呢~這個牌照已經失效啦，原先由港英政府的「市政局」發出牌照，其後因政府改革，於2000年取消「市政局」後，則由食環署發牌。說到冰室的餐單，可以點的都不算多，但最基本的餐蛋公仔麵、鮮牛麵和火腿通粉都有。這杯和尚跳海 （窩蛋鮮奶）飲品並非任何一間茶餐廳可以點到的，就算所謂代表香港的茶記 －－－ 翠華，都相信找不到呀！老闆亦跟我們說，以前除了滾水蛋之後，還有牛肉茶 （真的完全沒有聽說過呀！）。看起來沒什麼特別，甚至可能在很多人眼中覺得不用點的。老闆卻很興奮地告訴我們，要用刀狠狠地在太陽蛋中心切下去，當蛋漿湧出來的時候，就要趕緊「攻陷四方」！