汀汀烤活魚 (已結業)

麻辣重慶雞煲（大辣）半隻$148先講講雞既份量都算有好多舊既但係好多都係雞腳雞翼呢啲多骨既部份應該唔係將隻雞斬半再上無左種大大啖咬落去果種爽快呢度扣左少少分但係個麻辣真係做得好出色辣得好過癮鍾意食辣既一定要叫大辣唔鍾意既都可以叫小辣試試👍🏻食完個雞煲加湯打邊爐一樣都係好入味—手切雪花肥牛 $138肥牛有大概12片一半係無咁多脂肪岩啲怕肥既人一半雪花比較多唔怕肥既一定會鍾意牛油喺口溶果種感覺—羊肉片 $68一碟大概有8大片鍾意食羊蘇味既朋友一定唔會失望👍🏻羊肉都好嫩口—手打雙拼滑 （蟹籽墨魚/粟米蝦）$98特別要讚讚個粟米蝦粟米粒落得好足加埋啲蝦滑一齊食好爽口再配埋泰式辣醬食正！—鬼馬雙拼 $58係油炸鬼釀墨魚膠/蝦膠可以就咁食或者放落個鍋到吸一吸湯兩種食法各有各好當然吸完湯會更加肥啦🙈🙈但呢個真係要試下搵油炸鬼釀野幾得意

今晚去食烤魚👍🏻，因為第一次食烤魚😊，所以選擇呢一間，一早book定枱，準時七點半到達，環境尚算舒適，服務員好好禮貌，因為第一次食烤魚唔係好識點叫，就叫咗個服務員介紹😝，叫咗一個烤魽魚鍋，麻辣酸菜味，微辣，呢一款冇乜魚骨，同埋上咗枱之後一直開着火黎煮，條魚都仲係好滑👍🏻，個湯底酸酸地辣辣地好開胃，入面仲有其他配料，芫荽、豆卜、蘿蔔，全部都入晒味，好好食，另外亦叫咗一啲打邊爐嘅配料，肥牛、雲吞、韭菜餃、響鈴、豆卜、鬼馬雙拼，全部材料都非常新鮮，因為叫嘅配料大部份都係會吸味，所以都好食，又不會太油膩

我好想食烤魚好耐好耐，但偏偏想揾個人同我食都揾左好耐。終於俾我揾到！緊係要揾返間出名既試下！Openrice見佢有幾間分店，我諗都唔會係伏。黎到先知原來除左烤魚仲有雞煲食。我地叫左個烤魽魚鍋，因爲個Fd唔係好食到辣，所以叫左個酸菜底。黎到啦！黎到啦！萬眾期待！個魚真係好香！一黎先係一陣孜然味，原來烤魚都係用左孜然粉調味既。就咁睇條魚個樣，完全唔覺得佢係滑魚，但食落就覺得真心滑！而且重點係唔係好多骨！好開心呀！比我期待中既烤魚更好食！皮脆+香！肉滑+嫩！而旁邊既配菜都一點不輸蝕！酸菜好好味！個酸味唔會太over，呢個軟硬度岩岩好！佢仲加左D唐芹，洋葱d fd，花生d fd，莞茜同埋有D蘿白青瓜片。令你覺得唔會獨孤一味！就咁食呢個都已經好正！我同個fd叫左一碗白飯share。始終食咁多汁既野都係有碗白飯會好餸D。烤魚最正既一樣野就係佢下面keep住有火，keep住熱辣辣！正呀！食食下揾到我的最愛：魚標，happy仔由於食個魚已經好飽，所以我地只係加左份油麥菜，感覺都幾新鮮！呢個係叫個魚之前既前菜！酸辣土豆絲！做得好出色！除左調味ok之外，芝麻都落得好足！而且雪得夠凍！讚仲有呢個燒茄子，烤得

今日收工同同事去完染布房街Happy hour. 原來格離好多野食，又火鍋又烤魚又cafe咁。我地揀左呢間烤魚試下，因為突然好想食辣！！我第一次食烤魚，成盤上既感覺好得意。好豐富又熱辣辣，聞到陣陣麻辣香都流口水。呢度既烤魚有得揀用咩魚，我地揀左龍躉斑。肉質好結實彈牙，鮮甜好味，真係無揀錯呀～～仲要全條魚先落油鑊煎過，魚表面微脆，香噴噴，魚既肉汁仲保留係入面，正！我地仲點左d配料加落個魚度煮。魚卜～～～真係好少地方有！！吸哂辣味既魚卜又爽口又入味，正呀～手切肥牛～～牛味重，帶點油脂味，十分好味！一碟真係唔夠食！鬼緊油炸鬼，中意碌一碌先食又得，新鮮熱辣當小食亦得～脆卜卜十分惹味架！點少得薯粉，撈埋落d辣汁煮，口感十足，正！佢既餃類亦都要一讚，我最欣賞個魚皮餃，爆餡，好鮮魚味，個皮仲好彈牙，好味！仲有重慶串燒～～我地好忍手，點左豬頸肉，魷魚鬚同雞腎。加埋孜然粉，超香口超正！食左咁多熱氣野，整番罐加多寶下火先。透心涼～爽。

最近天氣經常轉冷~好耐都打邊爐~所以約埋朋友黎到呢間位於旺角染布房街(汀汀烤活魚)打邊爐。門口裝飾都吾錯~ 帶有少許古代的味道(期待有宮廷既美食) 受到延禧攻略既洗腦。新鮮食材仲游緊水架~(佢可以點一個水煮魚) ~~~~~~~~~~~~~~~~~~~~~~~門口都掛左吾少既餐牌美食 , 簡單介紹主要有三類 ( 雞/魚伙煲)(串燒和火鍋配料)佢地係單點收費既。吾會太多選擇,所以望落一眼睇哂有咩食, 少一樣諗食咩既煩惱。由於同朋友二個人無咩胃口, 所以無點魚煲, 叫左半隻花甲雞煲。值得讚係雞夠入味, 入口吾錯, 但花甲上面有部份都未打吾開。整個雞煲都好足料(常見配料都有齊) 二個人食本身以為吾夠飽, 但係食極都仲有幾舊係煲到。 單單食雞煲緊係吾夠爽啦, 另外點左個牛仔肉既配料入口都算爽口彈牙。串燒方面就點左過辣味八爪魚呢個入口比較乾身,但十分香濃。

“門口放左養魚箱，魚仔係到遊黎遊去，依間野叫汀汀烤活魚，名符其實真係用活魚~~~~烤鉗魚，好小魚骨啖啖肉，先食完條魚再落配料做火鍋~~~花甲全部閉口夠新鮮，味道鮮甜~~~~貴花蚌，爽口，成日覺得味道口感都好似食緊象拔蚌一樣~~~~大大粒雞子，係個口裏面爆開，口感十分過癮！！萵荀生菜牛肉色澤新鮮，油脂分佈平均，肉質嫩，有兩人份量選擇，一碟都唔洗一百蚊幾抵食！！~~~~依到有黑啤飲，食辣野啤啤去是常識吧！~~~~涼伴皮蛋，蛋沁黏牙既口感就係我鐘意食皮蛋既原因，涼伴汁調較得好好濃淡適中，微微辣好開胃~~~~

**林林總總既配料... ..**除左主打烤魚外，重有雞煲同麻辣火鍋湯底選擇！！！**有酒精類飲品選擇，較小見川菜有清酒飲而且一枝裝售價平宜抵飲！！！記得人生第一次食烤魚係係深圳某小店食，不是大集團那些，係細細間貼地d既小店，個個烤魚時味道亦可算係過往最好味既味道，不過今次食完依間汀汀既烤魚，我改變排行位置，真係做得好出色！！！烤魚選左龍躉，味道選左香辣，成條龍躉上，份量十足，魚走過油外脆内嫩，個香辣味調得好好，味濃又香！！！真係好好味！！！**魚卜，依到做法係先灼一灼再上枱，除左有魚卜還有花膠選擇！！！**響鈴**通常出面食蟹柳會有三類常見既款“一種係8吋到超長既，一種係淡淡粉紅色幼絲既，而依到依種就係最常見既，我覺得蟹柳味道仿真度無咁真，如果轉換一下會更好，不過口味依樣野每個人都唔同既...**油麥菜

Happy night 💕三五好友聚首一堂最開心！當諗食咩既時候🤨 大家都話食雞煲🐥甘我就即刻打去訂位， 結果幾位朋友食完都話我無介紹錯真係物超所值， 我無記錯平日雞煲有6.8折， 真係抵食又好食👍🏻麻辣微辣雞煲:侍應們上枱前先會幫您炒多一炒好細心另外仲溫馨提示先吃細舊再吃大舊🐥，只因想更加入味住完全熟透雞嫩滑惹味🤤朋友們未食完已經講定下次要一再黎食😱我都食過好多次，每次都有水準，真心推介滷水拼盤：有鴨舌、豬耳、牛展、牛肚滷得好入味， 送酒一流🍻朋友們都大讚🤭喱碟可以講係物超所值😋安格斯肥牛🐄油花平均， 入口有即融感覺，令到整餐宵夜更完美❤️ 我超鍾意牛雞煲店有喱個質素相當難得稻庭烏冬：正👍🏻滑lulu得黎又彈牙

是日相約好友放工食好野好多時經過見到都見到排晒隊,就係旺角染布房街既汀汀烤活魚今日可能因為落雨我地又早去到,都唔需要排隊就有位,幸福入到黎坐好就睇餐牌有咩食先是日點左烤桂花魚鍋再配埋麻辣酸菜,辣度方面就要左小辣,因為想要個刺激但又唔想太勁等緊個陣有花生食下,真係食住花生等仲有即時整既串燒,都好香咁,但今日主打烤桂花魚鍋加麻辣酸菜烤桂花魚鍋加麻辣酸菜--黎到喇,多角度睇下先,都幾多料喎有好多配料,蔥,莞西,酸菜等等都令到個窩更加野味好食條魚都算大條,食個陣好香魚味同都幾滑口食辣魚就最好配個凍啤酒,今日點左哈爾濱啤酒咁就真係PREFECT MATCH喇

今日同朋友講起天氣悶熱搵D辣辣地既野食下好所以今日放左工就同朋友去左旺角汀汀烤活魚好彩今日我地早去到,唔需要等就有得入去有位了坐低慢慢睇下食咩好就已經有花生食住睇結果我地決定左叫烤桂花魚鍋加麻辣酸菜,店員問我地幾辣都係要小辣就夠了食辣野唔少得既梗係飲返下啤酒咁先掂啦,叫埋哈爾濱啤酒烤桂花魚鍋加麻辣酸菜--小辣都唔算好辣,麻辣係丫丫好,條魚都幾滑,幾好食,而酸菜等配料就咁食都OK條魚都算幾大條,食得出係好新鮮好足料哈爾濱啤酒夠晒凍,啤酒真係要夠凍先好飲,本身酒少少淡岩晒我.易入口又可解辣

食物ok,服務態度很好，很久未遇過一間服務較好的食店，兼且店員也很細心，價錢也合理,雖然全店坐滿客，但不會催促埋單，整頓飯吃得舒適開心，還不會加收服務費，一定會再幫襯

3月24日星期六夜晚11點幾，諗唔到食咩，最尾經過汀汀烤活魚，在店員力sell既情況下揀左呢間野，逢日至四做特價今日無..order左條魽魚、香辣bb辣$248、點知水準差過3年前勁多，一d都唔覺香但勁辣，條魚少少腥，完全唔入味🤦🏻‍♀️另外order左個鬼馬墨魚滑，好硬，不過味道幾好。最後埋單，茶錢+花生+魚+墨魚滑+支野飲..$400。完全唔值...咁既質素、又咁既時間，大把選擇，以後唔會幫襯

之前去樓上間分店，真係可用難食，唔新鮮，超唔抵黎形容但今次無令人失望，魚個體型算正常，但配料（配菜、芽菜、娃娃菜）比較少。條魚烤都燶左，所以唔係太香，個湯係唔錯既，但我哋食小辣，我啲朋友話唔夠辣。你睇魚皮都燒黑曬左🙈我自己反而幾鐘意食燒茄子，因為唔係道道都燒得好味，有啲燒完仲係生，呢道香料夠，夠淋身！仲叫左碟安格斯肥牛，算係咁啦！三個人食曬都夠飽一陣既🤣三個人食左$6xx，依家係旺角食飯係咪差不多咖啦？🧐

公司名咁岀名，估唔到咸成咁，叫左個雞煲，食到唔想食，品質差，份量小，其他個d唔岀名都好名，咸成咁似食鹽。唔通間公司名叫烤活魚就先至好食，食雞就唔好食？如果係咁個餐牌就唔好有雞煲啦

路經旺角此店 見門口有人排隊 心想應該有一定質素 等了15分鐘到 2人安排了一張細枱坐 地方好迫 好採冷氣夠 叫了一條鉗魚試試 一試就知中伏 2百幾蚊細細條 條魚一睇就知燒定放係到涼哂 加一堆醬係條魚到就攞出黎 配料細細碟搵人食咩 花生10蚊碟?茶位8蚊個?仲要加埋一至死 係旺角咁架價錢可以大把選擇 講真食物真係好普通 可能其他食物可以 不過我唔會再試 伏 一次就夠!串燒無叫到 飲品價錢又係好貴 12蚊罐可樂 其實你想人飲茶定飲你地d飲品? 唉 食到火都黎