汀汀烤活魚 (已結業)

十二月星期二晚上，天氣開始冷。友人忽然癮起要吃魚鍋，搜尋下找到了這家魚鍋店，也有火鍋雞煲可以選，決定試試看。用餐時間為入座後九十分鐘內，在座全是愛魚之人，現在魽魚當造，自然選了烤魽魚鍋。三十分鐘之後，魽魚鍋來了，整條魽魚上，魚肉不錯，挺香。貫徹始終，吃這些一定要點啤酒，看到他們好像只有藍妹跟哈爾濱啤酒，當然選後者。本來點了鳳爪，但已經賣完，所以就改了燒香草芝士肉醬茄子，茄子上鋪了滿滿的芝士，芝士上香氣撲臉而來。為了善用魚汁，點了海鮮拼盤，裡面有廣島蠔、桂花蚌、鮮花甲、花枝片跟青口，食材也蠻新鮮的。店裡非常善用每個空間放桌子，看來客人流量很大。走了以後發現他們算了我們桂花魚的價錢，其實應該多請人手減輕負擔。

最近天氣開始轉涼，吃點熱和辣的東西就最暖胃，跟朋友商議過後就去試試這家餐廳,餐廳位於旺角東站對面，步行過來只需要5分鐘，地點非常方便。烤魚鍋有幾款可以選擇，看見有我最喜歡的桂花魚當然立刻要點，湯底方面店員推介了麻辣酸菜(微辣)，另外再點了一些串燒分著吃。先上菜的是主角 - 麻辣酸菜烤桂花魚鍋，尺寸非常巨型，足足有兩隻手掌的長度，魚本身已經煎香過，所以魚皮食落既香口又脆卜卜。湯底一開始不太麻辣，但湯滾了就開始黎料，愈辣就愈吃到停不了口，而且還伴有不同種類的配料，像豆卜，酸瓜，芫茜等等，可惜每樣只有幾塊，如果份量更多就好。串燒拼盤有3款串燒，當中以燒魷魚鬚特別出色惹味。蒜香金針菇也算不錯，灑了點孜然粉調味，和蒜泥很配搭。

聖誕假期要回鄉探親， 約了妹妹到中旅社買直通車票， 順便食埋晚飯。呢間菜式特別， 烤活魚還有串燒、雞煲、麻辣火鍋有多樣選擇仍然早人流不多， 普通擺設串燒放題好想食， 但怕熱氣，遲下去旅行都係收斂些最後揀了烤魽魚鍋酸菜味(唔辣)賣相剎食只見到鋪滿了芹菜、芫茜、 酸菜、 炸黃豆花生…要用筷子撥開，才可以見到條魚， 烤過之後再放湯煮，魚皮焦啡色，入口啖啖肉，最緊要係冇其他碎骨，可以放心大吃，魚味鮮甜，肉厚彈牙，仲有青瓜、蘿蔔、豆腐卜、大豆芽菜墊底想試下燒烤，下次可以嚟食過標榜隻蝦有七吋長， 當然要試下， 燒到恰到好處， 咬落唔乾身仲有蝦汁流出，用七味粉和蒜蓉配料，非常惹味 蔬菜 order 了萵筍已出過水，切成薄片， 不用滾太耐，好清甜肥牛粒食完條魚，牛肉反而覺得肥膩，應該叫多些蔬菜或丸類會更合適自家製水餃皮薄木耳爽口，必試食完成身發熱，冬日之選😀😀

天氣開始變冷，呢個時候最好就係打邊爐， 但係打邊爐又要有特色仲有啲咩可以選擇？ 鍾意食麻辣嘅我一定唔會放過麻辣雞煲或者川式烤魚！ 近排成日見到汀汀活烤魚 晚晚都有人排隊， 食神又上身想試一試呢一間餐廳！呢一間餐廳嘅位置已經非常之好，第一係旺角第二近旺角東站， 食到飽一飽飲到醉一醉返屋企坐港鐵非常方便！ 我哋今日一行四人就去咗呢一間餐廳保暖吃香喝辣！ 由於人太多所以我哋喺出面等位， 不過喺香港食飯等位係天經地義， 有人等位就即係好食啦！在外面登位時見到他們在燒茄子，已經流口水了！ 終於到我哋入去坐餐位啦，9點鐘都仲係咁多人！而且今日係星期四，唔係weekend 點解可以咁多人唔返屋企？ 其實喺出面嘅餐牌我哋已經諗到要食啲咩！ 佢哋有好多川式燒烤， 由於川式串燒燒烤比較吸引所以我哋點咗好多！有串燒平盤，燒帆立貝，雞軟骨，金菇牛肉卷，安格斯牛粒，還有在外面看到的那個 芝士肉醬茄子, 他們家的燒烤很不錯，不會燒焦，味道入味而不鹹! 這個手流蛋食店家推薦的，真的不錯，外面的魚肉很紮實香口，皮蛋軟，搭配很好！ 串燒已經讓我們半飽，所以最後點了半份重慶雞煲！還有火鍋配料來搭配！他們家的

去烤魚店其實都不一定要吃烤魚，今晚朋友帶我來旺角的汀汀烤活魚就正正不只有烤魚，還有雞煲和火鍋，一班朋友的話可點自己想吃的。我今晚就想吃火鍋所以點了一個《美顏美肌湯底 $128》。湯內有花膠、蟲草花、木瓜加上鮮魚湯。花膠不大片但算多，百多元有花膠已不錯。湯底清，不燥熱。這個小吃很香口，有蝦膠和油炸鬼製成，但油炸鬼有部分太乾硬，可以更好。散點了幾款火鍋配料：吃火鍋不少得牛肉。點了《手切雪花肥牛(大) $188》。腍身而且牛肉味濃，肉色又嫩紅，不錯。大隻沒有沙。韭菜多很香口，調味又不咸，有8隻都算抵食。點個菜是必須的，鮮甜。

之前曾經試過這家店的招牌烤魚，覺得不錯！決定試試它們的鷄煲在鷄煲到來之前，先要了些燒烤小食！當中最好吃的就是磯燒帆立貝！大粒又彈牙！而且燒得十分香口！估不到它們的鷄煲比外面的專門店做得還好！鷄肉鮮嫩！之後每次加湯都是濃濃的，不會越加越淡，真的十分讚雞煲吃得差不多後繼續加濃湯作火鍋！這𥚃有很多配料可供選擇！它們自家秘製的鬼馬雙拼（墨魚膠及蝦膠）既可作火鍋配料又可即食！之後再追加了一些小食！店長推介我們手流蛋！ 將蝦及墨魚膠包著皮蛋炸起！內裡還加了香口的莞茜！再蘸一蘸甜酸醬來吃！香脆可口！這𥚃每天都有很多人排隊等位，尤其降溫的今天！雖然等了很久，但絕對值得！

早幾年曾經和家人吃過位於荃灣的汀汀烤活魚，今晚放工與友人路經旺角染布房街時看到原來有分店在此，天氣又清涼，覺得吃個烤魚都不錯，但由於滿座，於是便排隊入座，等了10分鐘左右便有位。因為不想吃辣，所以點了一個《烤魽魚鍋 $268》，再另點了一些火鍋配料。魚大條而且骨少肉多，都鮮嫩，而湯底夠濃又不會咸。《手切雪花肥牛(大) $188》有平均的脂肪分佈，入口香嫩牛味濃。《紅薯粉 $22》每次吃烤魚都必點紅薯粉，貪它夠煙韌彈牙又易熟，熟久一點又很入味。《自家韭菜餃 $48》這個反而抵吃，餃餡飽滿又香口。《萵筍 $48》這個價錢來說，份量有點吝嗇。《嫩鴨血 $48》薄身而不鬆散，嫩而不賦。

天氣突然涷左好多，所以收工後直接岀旺角買衫，經過間食烤魚餐廳見到有好多人排隊，係門口已經嗅到好香，決定買完衫就去返呢間食烤魽魚鍋，魚勁大條！而且配菜有好多由於朋友唔食得辣，所以我地叫左麻辣小辣，加左18蚊配酸菜魽魚好滑，而且好厚肉，極少魚骨！條魚係先煎完再放落去烤，食落去魚皮好香同有少脆，加埋麻辣汁一齊食真係惹味到不得了魚鍋入面有大量芽菜，大蒜，仲有蘿蔔，豆卜，青瓜！我中意食酸菜，所以加左，好開胃我地再叫左燒烤食雞翼唔算大隻，但勝在燒得夠香，味道搭夠芝士一口牛牛粒，呢個超級好食，有芝士香味同勁Juice! 必食烤到剛剛好，一d都唔韌香草芝士肉醬茄子，呢個份量勁大份，有成個茄子，食落去蒜味好重，估唔到茄子配芝士都咁Match唔會燒到好乾身， 個人覺得都係必食之一！原來10點後有6.8折，好抵食！下次我要食中麻辣

之前食過烤活魚，最鍾意個湯底有陣浸魚香味，所以又嘗試咗一次汀汀烤活魚，又有得食烤魚，又有得食火鍋，仲可以食埋燒烤添。鋪頭位置喺火車站附近，夜晚都幾多人去食，好彩一早book咗位，如果唔係就要喺外面等，因為多人所以都有限時，由入咗起計食90分鐘。 烤桂花魚鍋 $348其實呢度係食辣出名嘅，但係屋企人為咗就我，焗住叫咗個唔辣嘅酸菜湯底，略嫌酸菜唔夠酸，味道有啲淡。上網睇過佢嘅食評，啲人話桂花魚無骨啖啖肉，所以我哋都叫咗桂花魚鍋，食落又真係冇乜骨，魚肉又好滑，烤到好香。蜂巢豆腐 $38估唔到呢度有蜂巢豆腐食，口感幾特別。紅薯粉 $22口感比較彈牙，索晒湯嘅味道比較好食。芝心丸 $36芝心丸入面有好多芝士，一口咬落去啲芝士多度流出嚟，仲會起絲嘅，好好食。黑椒牛丸 $36好有牛味，而且黑椒味都好重。雲吞 $48韭菜餃 $48清遠鮮雞件 $68好濃嘅花雕酒味，雞肉好嫩滑，不過可以再醃耐啲。麻辣牛展 $58原條燒茄子 $38落咗好多孜然粉同埋葱粒去燒，好惹味。燒雞翼 $32燒到好乾身，食落冇乜油，而且好香。

秋意漸涼 ， 呢排好鍾意上大陸度食探魚，酸菜魚， 今日經過麥花臣， 聞到一陣魚香味，就入咗去呢間汀汀烤活魚店內地方唔大，不過都唔算迫，本身想食下辣嗌雞煲， 但既然一場嚟到就梗係嗌個魚食㗎喇。點左個麻辣烤魽魚， 大約15分鐘左右就嚟咗啦，條魚好大條，佔左差唔多三分之二個鍋， 旁邊仲有唔少配料有洋蔥，芫茜，再加少少辣味，聞落去好香煮多耐點就食得架la, 呢條魚係烤完再滾嘅,所以食落去都有魚香味,肉質還好但都幾入味好嫩,要咗個小辣所以味道都唔會話好辣，但係有種香味。食食下覺得唔夠喉，咁就試下其他烤物啦。都幾有名㗎呢一碟燒完嘅茄子好大條，茄子嘅表面鋪滿曬唔同嘅調味粉食落去熱辣辣，軟林林，好入味。雞軟骨串，好juicy,重油份，食到軟骨嘅位置烤蠔，一共三隻，大大隻成隻蠔，都畀芝士覆蓋住，芝士面上面有 好多嘅調味料，又唔會遮左本身隻味。好好食香港來講，食到依種水平既魚好開心，下次再試

好耐之前食過次烤魚，屋企人話想再食，不過舖頭搬左位，而家係染布房街，行經火車站條天橋就望到個招牌。烤桂花魚鍋（酸菜味）$348因為有人唔食得辣，焗住叫酸菜味，但可以問侍應攞麻辣醬，個醬都幾好食，聽人講桂花魚無乜骨，真係啖啖肉，魚皮烤到脆卜卜先上鍋，魚上鍋果陣得8成熟，以免魚肉再煲會老得滯，除左桂花魚，仲有d芫茜，蘿白同豆腐卜，驚喜係有蒜頭，煮到好淋，酸菜可以再酸d，而家湯底略嫌淡味。麻辣牛展$58鍋未滾起之前叫左d小食，麻辣牛展好夠味，又夠淋，中間d筋位好彈牙。燒茄子$38用左好多葱花，七味粉，孜然粉去燒，味道好香。香燒雞中翼$32燒走晒d油，皮脆到好似炸過咁，同樣用左孜然粉燒，似土匪雞翼。紅薯粉$22質地比較彈牙，唔係煙韌果款，索湯一流。韮菜餃$48 雲吞$48韮菜餃幾抵食，一客有10粒，多韮菜又多湯汁，個皮煙煙韌韌，好食。芝心丸$36好得意有一半係花花形狀，未見過，裡面既芝士好飽滿。花雕雞件$68用左好多花雕，味道好濃，出乎意料地抵，可以再醃耐d先放落鍋，雞件會入味d。4個人食左1000蚊有找，下次要試下麻辣。

同幾個女仔Fd成日話要番大陸食烤魚，但夾極都未夾到日子番去，最後我地決定都係黎食番汀汀烤活魚算～之前朋友話食過烤魽魚幾唔錯，今次我地就揀咗烤桂花魚睇下係咪一樣咁正XD一上烤魚，個種係大陸先會聞到嘅香辣味已經飄到我鼻到！食落都係預期中嘅香辣味，因為朋友唔識得辣，我地點咁小辣，辣度岩岩好！要值得一讚嘅係魚皮烤到好香脆，加上香辣汁，好惹味；而時桂花魚肉仍然係好滑好鮮甜，唔會過熟！另外呢到嘅侍應仲會過黎幫手𠝹開條魚，話俾我知幾時食岩岩好！食完烤魚就到打邊爐時間喇！呢碟安格斯肥牛實係無令我失望，雪花紋好均勻，食落好香牛味。 仲有個極品黑豚肉都係，平時豚肉滑已經好難得，佢肉質滑得黎同樣重肉味，加晒分！呢外我地仲點咗蝦滑同墨魚滑，同樣爽口彈牙，都唔錯！呢餐我地幾個女仔都食得好開心，完全覺得大陸都唔洗番，下次直接再黎呢到算，哈！

雞煲鋪去得多，烤魚鋪好少去，本來想試下食烤魚，但發現我同朋友都鐘意食雞煲多過烤魚，所以都係叫雞煲。叫左個麻辣花甲雞煲，一上來已經見到有好多味，估計唔會差的，全程有人去整，完成唔洗自己來。講返個煲，雞肉多，好滑，香料浸入雞入面，夠入味，真係好正，但見到有d花甲未開。食完雞之後叫職員叫湯打邊爐，真係湯，唔係加水。之前d花甲終於開了，可以食，d花甲新鮮彈牙，成個雞煲變得好perfect。打邊爐又點少得肥牛，d肥牛新鮮，如果多個人會再加多d。

好耐之前已經同朋友試過汀汀烤魚, 但因為太多選擇已經有一段時間無食過啦不過其他舖頭都好少係真烤魚, 只係蒸熟條魚再放落去個爐到所以呢晚就約左幾個同事放工再去食 "真烤魚"簡左香辣味湯底同桂花魚好少地方有得飲加多寶其餘配料既選擇都幾多, 太少人食仲可以簡半份主角黎啦!原本簡桂花魚係唔想食咁多骨但原來呢到仲會起埋骨先上爐, 太貼心等我地影晒相, 撈暈d芫茜再滾多一陣就食得!手切安格斯肥牛(小)好彩哎左細份, 原來都唔細, 4個人食岩岩好!粟米蝦滑 蟹籽墨魚滑個人比較喜歡墨魚滑魚皮脆卜卜浸湯定就咁食都好好味

今日有人約食生日飯，想食啲無咁普通嘅嘢，就決定去食烤魚，因為即日先打去訂，佢話full咗，要walk-in 😋😋 佢地方唔係好大，我地八點半左右去到，都要等兩三張枱😔我地叫咗烤魚，啤酒，紅薯粉同燒魷魚🦑。酸辣嘅烤魽魚，魚都幾多肉，但唔夠酸同唔夠辣，覺得八一番好似好食啲，但個度就無咁多選擇🤔紅薯粉煙煙韌韌幾好食，有啲想叫多份，但兩個人太飽啦，怕食唔哂😂本身想快啲有嘢食先叫嘅烤魷魚結果最後先黎，味道唔差，但份量少，唔抵食🤔