江記粥粉麵茶餐廳 (已結業)

25-7-2022 (Mon)同老公放假,天氣咁熱,唔煮晚飯食啦,叫由外返嚟嘅老公買飯盒算,就喺喥買咗各$45.00嘅楊州炒飯同薯仔排骨飯,要凍檸荼同凍奶茶,我哋開餐喇.楊州炒飯多到滿,材料有叉燒粒,火腿,蛋,椰菜,睇見啲飯就知好乾,好彩食落唔係硬,佢唔太鹹重有少少甜味.薯仔排骨飯呢?白飯都係乾,薯仔同排骨夠腍,但味道有少少怪,排骨就有肉膻味.飲品方面,老公飲咗凍檸荼,佢話唔澀,好飲.我就飲凍奶茶,係茶味嘅但甜咗啲.味道:除咗凍檸荼係4分外,其他都係2.8分上次食評係2019年2月25日刊登嘅呢篇: https://www.openrice.com/zh/hongkong/review/%E8%B6%8A%E5%9A%9F%E8%B6%8A%E5%B7%AE-e3314508

求其食唔係無要求到咁ge 杯奶茶寫到咁， 啲炒飯仲使L住曬，唔怪得人地隔離金奚多客咁多真係養老，等收工，不二之選 加啲辣椒醬辣椒油都好番啲🤣🤣🤣🤣 唔係都唔知點算，陰工豬 生炒牛肉飯，牛肉擺明係烚熟👻

前日(23-2-2019 Sat)朝,老公喺喥買早餐,我話想食牛脷酥,咁佢就買.返到嚟,有:1. 皮蛋瘦肉粥打開後,嗅到香味,料都幾多同好熱,連膠匙都熱熔,我哋快快轉用瓷碗用瓷匙食用.瘦肉絲好鹹,鹹到連粥都被佢整鹹埋,幾難食.味道: 1分2. 牛脷酥比以前大舊好多,顏色亦冇咁深,食落,味道好淡,唔係以前嗰回事.味道: 1分3. 腸粉份量都唔少,除咗豉油同芝麻外,我唔加其他醬料食,味道正常不過不失啦.味道:3 分

大前日(27-1-2019  Sun)朝同老公o係百佳買完o野至食早餐,好耐冇o黎江記喇,原來都就快3年(上次食評: https://www.openrice.com/zh/hongkong/review/%E5%8F%AF%E5%90%A6%E5%94%94%E8%90%BD%E5%91%B3%E7%B2%BE-e2563887),咁就o黎啦,都好耐冇食油炸鬼.最後我o地決定食$23.00o既粥餐,艇仔粥同炸兩,$27.00o既早餐,腸仔煎蛋通,熱檸水.好快,熱檸水到o黎,睇到有4片檸檬,可惜到最後飲o既時候係澀.艇仔粥同炸兩到o黎,我冇問老公艇仔粥點,我就有食炸兩,油炸鬼唔脆.腸仔煎蛋通呢,睇見個煎蛋賣相唔靚,食落,凍o既,係好凍,唔係室溫,我從未食過咁凍o既蛋;腸仔亦都係凍,而味道亦接近廚師牌,不過冇咁鹹.通粉就曖,口感正常,湯就淡啲.

話說我是中學一年級才搬到石圍角邨的，這間江記已經在啦！我聽說以前石圍角邨有冬菇亭的時候，它已經營業了。有一段時間我是很喜歡去江記的，因為江記的食物質素不俗，份量又多，而且粥麵也煮得頗為出色，青春期時最愛這裡了，自己或是與家人一起來也會。不過最近很少去了，人大了不能吃太多，而且江記的服務態度實在不太好（有去過的人會知道我說甚麼的。） 今天是和家人一起來的，我們4個人叫3碟飯麵就夠了，可想而知這裡食物的份量有多大！先來的是乾炒豬扒烏冬，是有點油膩，但味道很惹味，豬扒亦算酥香軟腍，我愛吃的！然後是星洲炒米，我每次來也很喜歡吃的！份量仍然是很多，配料亦夠，咖喱味亦非常香，水準依舊！最後一個是飯餐，涼瓜斑腩飯，不過小弟不吃涼瓜的，不過眼見斑腩也很多就是了。 雖然今天的食物不錯，但這兒的食物質素不算穩定，是要胖叔叔當廚的時候才好吃的！

呢排放假 懶得出去太遠 就成日落去樓下間茶餐廳食早餐 貪佢又平又幾好食又han時間基本上我次次都係點同一樣嘢就係碎牛粥 幾鍾意佢個碎牛粥因為佢嘅份量都唔細都食飽我而且佢一年四季都有得食粽佢啲糉人手包嘅睇落都唔錯 所以今次都試咗 啲糯米幾黏口 鹹肉都唔算好細嚿 所以會繼續食

荃灣石圍角邨食嘢餐廳選擇唔多， 學生哥要搵抵食午餐，一定係來茶餐廳啦。江記都喺度好多年，如果係出邊啲茶餐廳，競爭少，需求大咩情況之下，一定會加價！😠但江記真係良心商舖，今時今日＄25可以食到一個麵餐，加埋一杯熱野飲，去邊度搵呀！？ 😍😍😍江記最有良心嘅地方，係每日都有特價飯，大大碟嘅楊州炒飯，好多附近做嘢嘅地盤工人都特登過嚟食，雖然係特價飯，份量係十足，如果唔係好大食就要同老細講，叫佢少飯啦！

今日约左朋友去屋企楼下餐廳食野，我點左個猪排配薯條，今次呢個猪排整得唔好食，猪排肉很结實很干硬难咽，唯有薯條幾好食系啱啱炸出來黎唧热热的又很脆，希望下次可以改進！

尋日(2-4-2016 Sat)同老公,爸爸o係屋企商量o左啲o野,傾晏o左,爸爸話食少少o野,好呀.我o地o黎呢間.老公要艇仔粥同鹹肉糉各$16.00,我要是日晚餐$34.00o既欖菜叉燒炒飯,要熱檸水.爸爸就同我share碟飯,佢就叫杯凍檸水,$16.00.老公o個啲即叫即到,我冇食佢o個啲,不過佢食o左啖粥就話好正味精.等o左9分鐘,欖菜叉燒炒飯終於到o黎,欖菜幾惹味,叉燒粒唔多,炒飯幾乾身,口感又o岩o岩好,鹹淡亦適中,只可惜,又越食越口喝,又係落o左味精.可唔可以唔落味精?味道: 4.8分而杯熱檸水呢?我只落一茶匙糖,但飲到澀味.味道: 2.7分抵食係2.5分

24-10-2015(Sat)傍晚同男友返屋企,屋企冇飯食,於是又落街食飯,由於威威粉麵餐廳 太貴,於是走o黎呢o度食,男友要$32.00o既支竹火腩飯,我要$32.00o既鮮茄肉片飯,大家都要熱檸水.熱檸水先到,我加一茶匙糖飲,又係澀,係o衣o家啲檸檬唔靚定係啲水太熱???之後男友o既支竹火腩飯到o黎,大大碟,我食吓先,火腩皮仍脆,但有啲煙火味;支竹軟硬度適中;飯有啲乾;個汁少味道又好淡,一般.而我o既鮮茄肉片飯到o黎,睇見啲餸唔多,肉片腍到冇味, 鮮茄冇問題啦,茄汁好多,多到成個飯都變酸.衛生:睇到我碟飯o既右上方有粒黑色o野嗎?係蚊滋,好心佢o地睇到就整走佢至俾啦.而食完飯都有隻蚊滋飛到枱上.服務:反而打工o既亞姐好好禮貌.

尋日(21-12-2014 Sun)晏晝,同男友出街前食個lunch,天寒地凍,我就想食粥,男友話想食麵,最後決定o黎呢間.我要$18.00o既牛肉粥+炒麵,男友要呢o度新加有o既車仔麵,有一個餸o既車仔麵要$18.00,之後每加一個餸就加$3.00,要o野飲都係加$3.00,佢就要豬紅豬皮魚蛋河,飲熱檸水,一共$27.00.冇耐,我o既炒麵到o黎,我同男友先食,炒麵顏色好深,料就冇乜,火腿得幾條,芽菜一條都冇,麵唔過腍,味道都唔太鹹.之後我o既牛肉粥到o黎,攪吓佢,得好少牛肉,而且唔係有炸過o既米粉包住o個隻,感覺差o左,而咁少牛肉,又會有咩口感?男友o既熱檸水到o黎,我冇飲亦冇問佢覺得點.最後,佢o既車仔麵終於到o黎,見到都幾大碗,豬皮係切條,無他,根本就係做艇仔粥o既材料,我試吓先,豬皮冇味但爽口;豬紅飽滿唔腥,魚蛋算大粒,係三樣中叫做最好o既,而河粉係幼身,佢幾滑o既,至於湯底,係好清好清,近乎冇味o既湯底.味道係2.74分, 抵食係2.5分我o地食完走人,出到旺角,男友卻即刻要搵廁所痾,可能同碗河粉有關喎.因為男友都成日食街外o野,絕少肚痾.

9-9-2014 (Tue)中秋節翌日早上,同男友起身後,男友想快快食早餐,佢就o係o度買早餐返o黎,佢買o左炸兩,腸粉,雪菜肉絲米,凍好立克同凍檸水.我攪掂晒可以食時,男友已經消滅o左半包腸粉,重話係唔俾我食,因為落o左辣醬.咁我自己食晒包炸兩啦,食第一件,竟然凍,凍係凍到好似雪過咁凍,咩事?油炸鬼唔太脆但又未至於韌,食到最後三件係連刀,想點?而兩杯飲品細細杯,凍檸水都幾甜吓,而雪菜肉絲米呢,男友食o左一半俾我,我嗅到好強烈o既雪菜味,覺得會好鹹,但又唔係,鹹淡適中.價錢: 男友唔記得幾錢,我估加埋大約$40.00.抵食係2.5分

前日(30-6-2014 Mon),爸爸同朋友由大陸返o黎,諗唔到當晚煮咩餸好,我就話出街食.我俾佢決定,佢就話江記.6:40pm,等埋男友收工後,我o地就落去,去到坐低諗,爸爸就即問有冇菜?唔知喎,但我聽到亞姐同第二啲客講油菜得菜心,隔一段時間又話得生菜.我見咁緊迫,就叫爸爸叫o左油菜先,但佢冇理我.而佢朋友只要$18.00o既鹹瘦肉粥,男友要炸兩同$37.00o既雪菜肉絲炆米,我就想要炒麵,但爸爸唔鍾意食炒麵,話要食飯.我提議炒飯,佢又話唔好,有味精.之後又聽到亞姐同客人講冇晒油菜. 預得咁少?我話咁時菜牛腩飯,佢竟然話要梅菜扣肉飯,我即反對,唔俾叫.最後佢話要咖喱牛腩飯,啊.我o地搵人落單喇,亞姐話有兩杯o野飲,爸爸要凍檸水,男友要凍奶茶.呢兩個係飯同米粉包o左o既,睇返張單, 飯同米粉都係$37.00, 炸兩$6.00.鹹瘦肉粥到o黎,大大碗,佢食幾啖後,爸爸問佢好唔好食?佢答好食.爸爸就試啖,佢都話好食.然後兩杯飲品到,我飲啖凍奶茶先,冇乜茶味,奶太多,唔掂.由於炸兩係整定,所以冇理由落o左單,耐一耐都未有,於是我催一催另外o既亞姐,佢就拎o黎.食吓先,嘩!好難食,油炸鬼腍o

今(7-6-2014 Sat)朝起身後又痾,果然係腸胃炎,見重有幾個月前未食晒o既藥,就食個早餐後食藥啦,食咩好呢?油炸鬼,又想食油炸鬼,咁就買粥食啦.落o黎買個牛肉粥同炸兩吧拎走吧,盛惠$19.00,好快整好晒走得.返到屋企打開食喇,先食炸兩,食到油炸鬼仍然脆口,不過開始有啲油’益’;而牛肉粥呢?熱騰騰食必然,但我竟然食到濃濃o既牛肉味,睇真啲,碎牛比以前o既深色同冇乜米粉,就係咁,令我改變原本唔想影相同寫食評o既念頭.不過炸兩o既豉油好鹹,唔係甜豉油o黎.

25-12-2013(Wed)朝早起身後食o野,突然想食油炸鬼,咁就o黎食.我要牛肉粥+油炸鬼,男友要熱好立克同炸兩,由於前兩樣唔係$17.00o既粥餐,我就叫亞姐寫成牛肉粥+炸兩,熱好立克同油炸鬼分開計.咁就計成$34.00,不過其實都唔知有冇平到.油炸鬼大大條,雖然唔熱但仍脆,牛肉粥牛肉份量都幾多.炸兩份量都少啲,內裡o既油炸鬼都係脆口o既,而熱好立克我就冇問男友.