江順名滙

营业中

休息中

很久沒有和家族成員一齊食團年飯，今年疫情放寬，年初三訂了三圍共37人吃賀年飯，每圍都係三千幾蚊，非常抵食，最重要質素非常不錯，尤其炸蟹鉗、蒸魚、椒鹽鮑魚，以及最後甜品黃金糕及紅豆沙湯圓都做得非常出色，老人家吃得很開心很滿意，價錢咁抵，值得推介。另外，侍應服務非常好，值得一讚！

同舊同學聚會，朋友話呢間餐廳唔錯，就試下。啲野食味道本來唔差，服務都可以，但係啲份量有啲奇怪，8人餐，頭兩碟餸都叫做好好地，之後來碟蚌，啲擺盤開始亂來，最奇是8人餐來碟蠔鼓超細碟，仲得6粒蠔，一問之下答案是6人餐同8人餐 size是一樣，全檯O咀囉。咁如果再有下次，是咪要叫兩個4人餐先得？！ 之後等其他食物都需要等啲時間，唔知是太多人定掛住招呼其他客人，是有的耐嘅。其實我地無乜所謂，不過奇怪唧！不過我俾三百幾食餐就有啲無言啦l

去尖沙咀飲下午茶，選了這間。下午茶2時開始，大中小一律18.8元。既然大中小同價，當然選大點較抵，於是點了四個大點。鮮蝦蟲草花菜苗餃，一籠三隻，每隻漲卜卜，內裏有切得細細條的蟲草花，白菜碎，蝦仁大量。吃下去口感扎實又有點爽口。黑椒味菜蒸爽肚，豬肚確是爽，黑椒與醬汁入味，只是味菜太鹹了。煎釀魚肉虎皮尖椒，尖椒是反轉上碟，魚肉向底，尖椒上灑了些木魚絲。魚肉是薄薄一層釀在尖椒內，尖椒微辣，魚肉味道正常。蜜汁叉燒腸粉，一排六件，腸皮內充滿叉燒和芫茜，還有些香芹粒，既香又好吃。今天下午茶人流也不少，但不能座太久，三時半要截單。雖然坐的時間不長，但以每款18.8元的大中小點心價格嘆下午茶，在尖沙咀區來說就不貴了。

少有順德菜， 尖東位置，交通方便 落雨唔使擔遮， iSQUARE 3樓 地鐵電梯直上 十分方便。 之前同朋友中午去飲茶， 點心有個雪山叉燒包十分好味， 發現晚飯 有抵食龍蝦餐 同埋有新推出碌鵝， 所以同朋友去試下。 我之前未食過碌鵝( 要預訂)， 好特別 好好味 ， 仲有特價野生大冧歌， 有檯面上湯浸，清蒸同埋 油浸 三種食法。 本來想 試下 檯面上湯浸， 不過因為飲啤酒， 最後都揀左油浸， 冇揀錯 外面炸得好酥脆， 裏面啲肉仲好嫩， 送啤酒 冇得輸。 另外仲 叫了杏汁豬肺湯(要預訂)， 三太公， 焗魚腸， 花錦鱔 都好好味。 晚飯地方 坐得舒服 服務到位 。另外晚飯時發現有人 包房食飯， 仲有卡拉ok 同電動麻雀。 問問房間收費亦唔貴， 下次會再约朋試吓， 整體十分滿意可以一試

平日食lunch真係好多抵嘅選擇，今日喺iSquare江順名匯飲下午茶，各樣點心質素也不錯，特別是粉果皮薄足料，薑汁糕煙韌夠薑味，雪山叉燒包熱辣辣，排骨感覺啲肉夠新鮮，黑椒牛肚及牛柏葉夠惹味👍三人都吃得飽飽的，每人約$100，性價比高👍係Open rice 買iSquare coupons 就更優惠（$25 作$50用，每個用戶限買四張，即係可以再慳多$100），不過我唔記得用，留返下次啦，有很多商戶都用得🤣

今年年初，無意中發現 iSquare有家順德菜：江順名匯我和家人都喜歡吃順德菜，本來想在這吃團年飯，可惜遇上COVID--19第５波爆發，當時全港食肆晚市禁堂食，吃不了，無奈！時隔半年，７月初終於來吃，星期五下午茶時段，大、中、小點一律18.8元/碟，性價比高，點了以下的：#普洱茶：配點心，解油膩，好！#生煎菜肉包：包底煎得脆卜卜，菜肉餡料juicy，好吃！#高湯鮮竹卷：味道偏淡。#荷葉珍珠糯米雞：打開荷葉，香氣四溢，好好吃！#黑椒味菜蒸爽肚：爽肚很入味，挺好吃的。

呢期都係encore系列，全部都係性價比高，值得keep住翻食！記住呢間下午茶優惠時段，大、中、小點通通$18.8。 由2:01-3:00pm供應。今次小編黎到好多人等緊位，睇黎愈來愈多人發現到佢個下午茶抵食😂今次試左幾款上次無點過既點心黎試試🧡【 黑椒味菜蒸爽肚 】本身唔食爽肚既小編，呢道菜比到驚喜我，味道唔會太勁好易入口，食起既咬勁似食咁土魷，唔錯。【 養顏紅棗糕 】好熱辣辣咁上菜，都幾好食，未至於超有紅棗味，但算好食！【 醬汁蒸鳳爪 】唔會乾爭爭，食起幾juicy，好味！【 蒜香鮮蝦春卷 】呢個略嫌太大件，如果包得細件d, d餡唔會咁濕會好食d!

唔經過都唔知道原來isquare係有一間茶樓，咁岩撞正小編岩岩睇完戲到佢既下午茶優惠時段，大、中、小點通通$18.8。 本身諗住呢個價錢應該會係頹食，點個叫左幾樣點心黎到品嘗之後，咦，又唔錯喎呢間茶樓原來！個松草花菜苗餃皮好彈牙，又有雪山叉燒包食，魚肉尖椒亦好香口！ 呢個優惠價錢下食到呢個質素真心超ok! 不過佢既下午茶時間好短架咋， 係2:01-3:00pm🤣🤣🤣 小編今次真係咁岩好彩路過撞岩timing😆如果撞得正佢時間，絕對會再encore 👍🏻👍🏻分數：（10分滿分💛）味道：7.5價錢：8環境服務：7.5（以上評分只是小編個人口味而已）

今晚跟家人慶祝生日，預訂了半席海鮮晚餐。整體感覺良好，冰鎮鮑魚十上湯龍蝦新鮮又大件，仲有海鮮魚翅湯，又有得食順德地道小食魚餅，沙巴龍躉也很新鮮。最重要的是價錢很合理，平均一個人不多於$300，係性價比很高的一餐。服務也很好，還會免費送糖水甜品下次一定會再光顾。

喺iSQUARE睇完戲 啱啱就係下午茶時段 啱啱見到呢間茶樓 友人就提議入去飲個茶 下午茶時段有點心七折優惠同每人一粒燒賣送☺️蟹籽燒賣皇燒賣都算大粒 食落就好普通 唔係特別好食🐷東瀛高湯鮮竹卷本身諗緊咩係東瀛高湯 點知嚟到嘅時候 見都唔係好見到啲高湯 鮮竹卷食落當然都係好乾身😩荷葉珍珠糯米雞糯米有少少硬 豬肉碎都係有啲硬☹️芹香煎鯪魚餅口感非常爽口 因為落得太多馬蹄 唔係好食到魚肉 似馬蹄餅多啲😂雪山叉燒包其中一個包唔知點解會燒燶咗有個窿 店員擺低嘅時候都冇問我地介唔介意 叉燒包味道就係普通嘅味😗百吃不厭咸水角正常味道 不詳述 外皮都算香脆 普通酒樓貨色脆皮米網鮮蝦腸粉食到呢度都冇咩心機繼續食 腸粉嘅蝦都幾大隻嘅🦐總結就係 尖沙咀有好多酒樓好選擇 勸大家唔好中伏😩

✨ isquare 食肆多, 選擇多😍廣東及潮州的點心試得多....今次試下標綁住“順德菜館“嘅點心先😉🥰午市點心選擇款式超多💕還有下午茶時段八折呢😍彩椒木耳鮮淮山以為彩椒必定是三色燈籠椒但上碟只有黃椒及紅椒每款兩小片沒有青椒的...有點失望鮮淮山爽口, 味道唔錯濃湯浸菜心🥬菜心新鮮嫩口😋蒜香鮮蝦春卷皮薄脆口鮮竹牛肉球牛肉味濃有口感咖哩蒸土魷略嫌醬汁太黏身唔夠咖哩味雪山叉燒包义燒餡料味道一般但勝在上枱夠熱辣辣可能因為限聚令下6pm後沒有堂食❤️每位客人都會敬送❤️“蟹籽燒賣王“一粒👍虾仁夠大粒,肉質彈牙😋整體食物及點心與廣東菜色無大分別

今年冬至不想在家吃，所以決定找一間未試過的順德菜我們8個人，訂了半席，以為唔夠食，再點多了2個菜，點知份量都不算少順德三太公，剛炸起，好惹味碧綠花姿蝦仁欖角骨拼蝦醬骨順德生拆魚蓉羹蒸斑魚魚湯浸翡翠銀盤沙薑焗走地雞瓦罉煎焗西江魽魚家鄉炒米粉，這個炒得幾好食瑤柱蛋白炒飯最後上壽包和桂花糕雖然是6人份量，但我們都覺得份量不少，唔錯

今晚同朋友去isquare睇戲 而家戲院冇得食野 所以就諗住睇戲之前係商場食左飯先 行到上3樓見到一間主打順德野嘅中菜館 平時食上海野 潮洲野就食得多 好少見到主打食順德野嘅餐廳 所以就入咗去試吓 結果喜出望外🥳順德三太公之前從來冇食過依道菜！點知一上菜就發現原來好似煎釀三寶咁，有尖椒、蓮藕、鯪魚球！香脆得黎又吾會好油膩，有驚喜！銀盆沙薑焗走地雞 依家有好多餐廳話就話用走地雞，實質上就係用冰鮮雞，食落去一d雞味都冇！但係依度嘅雞超級滑，熟成程度岩岩好！d雞仲充滿住沙薑香味，非常開胃！台面煮大冧哥黎到依餐飯嘅highlight- 台面煮大冧哥！除咗有非常足両嘅冧哥之外，仲有吾少配菜係入面。魚身超級雪白鮮甜，仲要一D都吾腥！我地食到咁上下，店員問我地要唔要加米線同生菜，我地先知道原來可以咁樣食。最後食埋個新鮮熬製嘅魚湯米線，非常滿足！暖粒粒，最岩就係打邊爐，依度一次過滿足晒我嘅願望😍總括黎講，依間餐廳嘅食物質素好好，feel到每一樣野都好用心機整，值得更多人識！

知道尖沙咀ISquare最近開咗一間新的餐廳小菜茶樓，是供應順德菜的，下午時段，便叫了好幾款點心試下。外賣包裝乾淨企理，點心樣子精緻。蝦餃都幾大粒，個皮好薄好晶瑩，入面嘅蝦都幾大隻，入口幾彈牙爽口，表皮上面重劃上金箔，感覺高尚。鮮蝦菜苗餃入面嘅餡料都好足，而且都好大隻，可惜嘅係佢只有三隻，如果比足四隻會更加好。叉燒包味道正常。煎魚餅冇乜鮮味，亦唔覺得特別彈牙好食，入口有點粉粉的感覺，而且感覺好油膩。蘿蔔糕就咁睇好似煎得幾靚，不過入口同樣非常多油，而且仲冇乜料，有點兒失望。梅菜排骨陳村粉，梅菜入口非常之鹹，而且佢嘅鹹味到仲令到啲陳村粉好唔均勻，時鹹時淡，排骨分量都幾多，而且都幾多肉，不過就比較多肥膏。糯米雞就正正常常冇乜特別，味道略淡。整體嚟講，酒樓嘅點心質素一般，而且主要大部分都係大點，冇乜中點同小點，價格略貴，希望遲d會加多些中或小點的點心吧！～

見到新開上去試吓，少咗幾樣點心全部都睇得又食得，蝦餃皮薄餡靚大大粒，個雞腳亦都好入味好食，煎炸嘢都好香口，下次過嚟應該會再試多幾樣。價錢都尚算可以接受，環境裝修都幾好。