江順名滙

营业中

休息中

呢個四人餐性價比超高，食材上乘，價錢相宜，平均每人二百幾蚊就有鮑魚魚翅龍蝦食，最啱帶屋企人嚟食冰鎮8頭原隻鮑魚肉質彈牙鮮甜，原汁原味，鍾意濃味啲嘅可以加芥末豉油調味花膠竹笙魚翅花膠養陰潤肺，竹苼健脾益胃，加埋足料魚翅，口感豐富，味道上乘，加少少醋，更加開胃蒜蓉蒸龍蝦蒜蓉開邊蒸嘅龍蝦每位有半隻，龍蝦蒸得啱啱好，肉質彈牙，蒜蓉味好香順德欖角豬扒欖角係醃製左嘅烏欖，呢個欖角豬扒好入味，啖啖咸香得黎帶甜味，滿滿順德菜嘅風味米水浸時蔬簡單嘅一道白菜仔，可以清清味蕾銅盆蒸污糟雞污糟雞其實係走地雞，雞件鮮嫩多汁👍🏻順德菜出名係粗材細作，用銅盤裝住去蒸熟，烹煮嘅時間比較短，用錫紙封住上枱後職員先打開，能夠鎖住肉汁，所以肉質比平時食到嘅蒸雞更加滑嫩生炒糯米飯炒到粒粒分明，口感煙韌，唔硬唔粘，花生蛋絲再提昇左味道同口感桂花糕口感軟糯，味道清甜，可以解膩紅豆沙仲有紅豆沙送，食埋呢碗甜甜嘅港式糖水，好滿足餐廳光線明亮，啲餐具都好靚，有多間獨立房間，可以打麻雀同唱卡啦ok

11月1日眼科多位前同事，聯同揾食肥華及靚媽，在此店為前上司，大Sir設預祝生日及賀其登陸晚宴，承蒙此位，值得各眼科同事尊重的，前上司，今朋友，令人敬重的上司，賞面出席，接受同事的一番心意，所以今晚有份出席嘅，現職及已退休同事都，滿心歡喜，加上今晚，此店所供應的廳房及服務人員，對客態度亦令人滿意，而宴席上各款食物，味道及質量亦無令人失望，所以今餐各人都，飲得開心，食得過㽼，今晚此酒搂在呢個，賀大Sir登陸宴，整體表現值。👍👍👍👍👍😄😄😄😄😄

8月31日眼科前同事，在此店提早擺登六壽宴，揾食肥華和靚媽，有幸獲邀出席，當然欣然赴約，當晚壽宴菜式，可說是先揚後挫，最先上埸嘅，鎖8頭鮑魚，味道清新，件頭吸睛，呢個頭盤個個讚好，跟住而來嘅，蒜蓉篜開邊龍蝦，亦喺高質美食，龍蝦夠新鮮，肉質夠爽彈，呢兩道美食已為今餐打响頭炮，再加上隨後嗰盅，海雀天麻魚頭湯，攞盡席中各賓客歡心，個個爭相添飲，呢三個先聲奪人優質美食，可說是今餐高潮所在。但高潮過後，跟随而來嘅食品，都喺無驚無喜，平平無奇，而嗰條蒜汁篜蟠龍鱔和家鄉秘制碌鵝，更是低水準食品之作，今餐👎👎

老細叫幫離職同事攪farewell. 佢話想試順德菜,咁我就揀咗呢間就腳嘅餐廳. 位置尖沙咀I-square 三樓,地鐵站上面,極之方面. 知客幾有禮貌,都安排一張6人枱比我哋4個人. 侍應生都友善,問完飲咩茶就介紹特色菜. 原本釀鯪魚要預訂, 無得食添😭咁就叫其他...順德煎釀三太公,係煎釀三寶🤣但好好味喎,鯪魚肉釀虎皮椒,蓮藕夾,鯪魚球,配蜆介汁👍跟住叫咗個薑蔥焗魚咀,堅好味😋蝦醬西芹炒魚膘,蝦醬惹味,魚鰾爽脆又唔腥☺️順德炒鮮奶,滑,再叫一個孖寶,沙薑蒸滑雞,蝦乾蒸茄子😋最後叫咗一個黃金糕,餐廳就送咗紅豆沙同埋紫米露😁埋單每人$370,物有所值☺️

星期六去食飯，尖沙咀行完街iSquare 江順名匯見到有特價難得喺香港搵到一間免茶錢免+1喺尖沙咀呢啲旅遊區竟然仲有咁嘅收費實在太抵試咗個孖寶三重彩嘅c餐走地雞加個茄子都只係$198夜晚能夠喺尖沙咀iSquare有呢個價錢實在難得

呢排唔係 落雨落到又紅又黑， 就係曬到要帶帽， 墨鏡 ，風扇都出埋。 去到尖沙咀， 搵個有冷氣地方抖下氣， 見到isquare 三樓江順名匯 做特價， 晚飯 孖寶三重彩， 睇到個孖寶B唔錯 ， 夜晚去咗試試，地方座得舒服 ， 條魚蒸得唔錯 加埋個小菜 同白飯 ， 埋單 260蚊 ， 睇睇張單 原來重免埋加一同茶介， 抵到爛， 平過茶餐廳。

和家人來吃了六人套餐 餐廳做緊半價優惠所以真係好抵食！ $1628 六個人真係好好的價錢。冰鎮鮑魚真的很新鮮很大隻，配合芥末醬油，很鮮甜冰涼。鮑魚處理得很乾淨，沒有任何魚腥味。花膠竹笙魚翅羹- 味道很好，也很足料，所有材料都清楚看到厚厚的一絲絲，很大鍋，我們每人都喝了兩到三碗。他的調味簡單不會很咸。秘制蝦醬骨超好吃！好惹味！排骨炸得很酥脆，再裹上厚厚的蝦醬翻炒，好香好好食，配合白飯一流。六人餐亦都包括咗一條大嘅蒸魚，有隻雞，同埋荷葉飯。呢度嘅食材全部都好新鮮好大份，無論係屋企人定係同朋友食都好值得嚟試吓。每碟食物嘅份量都好大，最後係食唔晒。 經理同埋職員嘅服務質素都好好不停過嚟幫我哋加茶，分菜，換碟。 甜品方面呢，套餐包咗桂花糕，都好好食好清甜同埋夠實淨。經理好好人仲請我地食紅豆沙！

江順名滙, 位於  iSQUARE  國際廣場, 3樓.   乘地鐵或 巴士去, 交通非常方便.  餐廳主打順德菜,  今日朋友請食晚飯,  訂了 VIP 房,  4:00 可以麻雀耍樂.當天 7:00 開始晚飯,  侍應招呼好好.   準時上菜.  第一道頭盤,  順德名菜, 命名  [三太公] ：藕餅, 釀青椒, 蜆芥鯪魚球.  擺碟美觀吸引.   藕餅好爽脆,  蜆芥鯪魚球, 魚肉鮮嫩.  釀青椒, 魚滿滿清香彈牙. 美極煎大蝦,  蝦好巨型, 肉爽又彈牙, 調味正.秘制蝦醬骨,  調味好, 肉質優,  煎得香口.銅盆污漕雞,  雞肉嫩滑可囗, 好好食！雞蛋蒸焗魚腸:  古法制作, 有農村風味, 滋味甘香, 叫人食後難忘.蟠龍鱔, 用蒜蓉鼓汁蒸, 上檯 熱辣 辣, 好睇又好食.接下來, 有鮮蝦荷葉飯, 杞子桂花糕,  也不錯. 這個晚餐吃得好味豐富, 大家滿意.

中午11點半去飲茶，諗住話叫點心，牛百葉叫完1分鐘都唔洗就上左 發現原來凍唧都算，叫左個牛肉球等點心 落漏單 特登reorder 都係無入 ，first order 個叫左個黑松露炒飯 等左成個鐘都未到 first second order 都食曬都未到 揾左2個先幫手睇到漏咗 隔離枱等埋單都等左成半個鐘都未有人ser佢 啲侍應個個都唔休做咁，懶懶閒咁，的服務可想言之 食物價錢又唔算平完全揾唔到主打賣點係食物完服務定咩 簡直就係俾錢買難受 永不再臨

昨晚和家人一行九人光顧此店，點了八道菜，其中一樣是銅盆污漕雞，要全雞，但上菜時份量只似是半雞，而且只見一隻雞翼及一隻雞腿，問一女侍應是否上錯半雞，她郤說廚師將幾隻雞斬件後一起調味，蒸時才執夠一隻雞的份量來蒸，我不相信專業廚師會這樣做，但因為已吃了兩三件，不能退貨，只好勉強接受，但後來看見鄰桌的銅盆雞盛器和份量都比我們的大，便再找侍應理論，她竟說你們吃光才出聲，但我們一早已投訴了，於是要求見經理，但見另一侍應和廚師講話後前來說計你們半雞算了，簡真侮辱顧客智慧，肯定不會再次光顧！

總括嚟講呢一餐好好食！$3888 ，/10 位，全包宴平均每人$400唔使好抵食。平時出邊茶樓啲嘢飲唔係人人都要$300一位平均，今次呢餐又飲又食，仲有卡拉OK，又可以打麻雀，仲可以玩到好夜添。非常推薦，地方又方便。喺尖沙咀區。以下就係今晚食物圖片：啤酒夠凍𠮩𠹌三太公：藕餅、釀青椒、蜆芥鯪魚球，揸得好鬆脆。蝦好大隻，又彈牙，抵讚！筍殼魚炸得好好碌鵝，冇得彈。梅菜排骨陳村粉：一絕！桂花糕，完美的句號。

【油尖旺區】【江順名匯】同事牛雄哥榮休，作為公司最後生嘅老鬼，梗係要去賀佢畢業。成六圍枱都幾震撼，食吓前菜吹吓水就上菜喇。首先係「順德三太公」，即係「酥炸蜆蚧鯪魚球」、「手打鯪魚肉釀辣椒」同埋「手打鯪魚肉釀蓮藕片」。三款都幾有特色幾正，就上埋之後嘅「上湯大蝦伊麵」同「碧綠帶子珊瑚蚌」，兩者都唔錯。之後飲「天麻海雀燉魚頭湯」，好似幾足料，又唔會太濃。之後條魚係「清蒸碧海沙巴龍躉」，忍唔住喺現場都同同事講，幾好食。跟住嘅「蠔皇金錢扣鵝掌」正正常常，冇乜特別但味道算唔錯。之後到「彩虹芥末牛柳粒」，唔會好辣，牛柳粒又勁腍，小朋友至愛。我最期待「脆皮當紅炸子雞」，不過佢唔算整得好好，係有少少失望，坊間好多都比佢好。到澱粉質嘅時間，特色菜「籠仔排骨蒸陳村粉」幾惹味，不過略嫌啲味唔平均，時鹹時淡。最後嘅「蓮蓉小桃包」同「鮮果拼盤」都係合理發揮，算係一個唔錯嘅終結。餐飯唔知幾錢，總之每人夾 $400，祝牛雄哥生活愉快啦。。。（地址：尖沙咀彌敦道63號國際廣場3樓302號舖）#1amfoodie #foodie #hkfoodie #thatfoodiething #hkfood #food #in

吃完一周又再來，今次7大1小叫了這個超值半圍套餐，另外叫了炒鮮奶及咕嚕肉，還有一打壽桃包，其實不額外叫都已經好大碟又足料，叫多咗打包係夠隔天吃多一餐。之前一直想叫小菜，因為好出色。原來套餐有鮑魚，龍蝦及龍斑，食材及師傅功力都是一流水準，最緊要長輩們吃得開心，吃到他們想吃的味道，而且價錢分分鐘比冬菇亭平，之後伙計還送紅豆沙糖水，窩心。一定要提下沙薑雞，超滑又吃到新鮮沙薑粒，超讚，隔日翻熱後仍好滑，正。

疫情之前一年也吃兩三次，幾年沒有來，新地點面積比較沒有很太，坐ok, 不會太迫。當老公知道也吃河鮮，佢都有疑慮，點知今次經驗，老公及大魚大肉的朋友都覺得正，順德菜都算係comfort food。我們叫了炒鮮奶，真是好滑好味道。這裹的小炒一流，鱔片和味，各道菜都出色。

原本計劃想吃的餐廳滿座，尋找其他食肆之際，被招牌燈箱寫著 「正宗順德菜」的字眼吸引，於是就決定去試下。平時酒樓的餐前小菜一般係花生同XO醬，呢間是提供零食牛耳。既然來到順德餐廳，當然不少得點選順德的名菜，呢晚我們選了：大良炒鮮奶順德煎釀鯪魚 鬼馬焗魚腸沙姜蒸走地雞和風菇菌炒牛肉粒首先上菜的係 大良炒鮮奶，賣相都不錯。表面撒上蝦子點綴，和擺設西藍花和蘭花做擺盤。蛋白炒得比較滑溜，裡面有一粒粒爽口的蝦肉，仲吃到蝦子的脆。西藍花就沒味道的，純粹水煮，不過都幾脆。呢道菜都有點驚喜。 跟著上來的係 菇菌牛肉粒，賣相是相當不錯，看著非常有食慾。試一塊牛肉粒，非常嫩滑，不過味道略微清淡。菇菌有茶樹菇、杏鮑菇同冬菇，可能係拉過下油，非常脆口，而且重點係調味很足，就連點綴的紅黃椒都很香脆，簡直被驚艷到，都想叫碗白飯來送呢個菜（不過考慮到有機會吃不完，最後都沒叫到）。跟著上場係沙姜燜焗走地雞，一個木盤上包裹住錫紙，服務員剪開錫紙，然後攪拌均勻雞塊，聞到幾香的紅棗味。雖然話係沙姜雞，沙姜都切得好大粒下，但整體而言沙姜味不算突出。試下雞先，雞係幾滑下，不肥而且雞皮都幾薄，調味都幾足。但凍左再吃就略顯有點鹹。呢