池家人煲仔飯

营业中

休息中

一個星期內我兩度嚟深水埗這間「池家人煲仔飯專門店」，可見佢哋嘅出品有啲吸引力。首次幫襯喺閒日下午九唔搭八時段，內有唔少空位，單人匹馬唔駛排隊直入，食咗個水準極高嘅臘味煲仔飯，料有切開成片狀嘅臘腸、膶腸、臘肉同一小舊臘鴨，份量唔多唔少但收$58算合理，而且飯粒粒分明夠油香，飯焦呈塊狀恰到好處。第二次周五晚去到就人山人海，同朋友二人就排咗近一粒鐘先入到座，然後order後亦等咗25至30分鐘先食到煲仔飯。呢晚食咗$88嘅黃鱔煲仔飯，黃鱔用香港常見粗大嗰種，同台山黃鱔飯用的幼身兼去咗骨嘅黃鱔唔同。鱔肉質地緊緻且味道唔錯，但就要識吐骨頭，至於豆豉等調味OK，唔會太鹹。不過，呢度嘅黃鱔飯冇落葱，顏色同香味差咗啲，飯焦亦冇乜。這或許同魚類煲仔飯不宜焗太耐有關，睇嚟想食多飯焦嘅煲仔飯，都係要選臘味排骨類多油分又襟煲嘅配料好啲。總體而言呢間店嘅煲仔飯係好食嘅，但就要避免喺晚飯黃金時段嚟。看店名英文寫hotpot rice，想笑，因為我唔係想食打邊爐，正確煲仔飯嘅英文應該喺claypot rice囉😌。

個飯燶到離曬譜，排隊果陣我見人地兩位嘅煲仔飯都係同時捧出離，到我地果陣個飯係分開上，中間差左成10分鐘，我懷疑個飯唔記得起，燶左都直接攞出離俾人食，連上面啲白飯都有陣燶味，夾硬食到一半真係食唔落，過左成個鐘飲檸檬水個口都去唔到味，鏟起煲底啲飯焦我啲都係黑色嘅人地係金黃色嘅，試左一下人地個飯有香味無燶味，我個飯又燶又苦，埋單果陣同個店員反映俾埋相佢睇，店員話，哦，燶左啊？然後收錢，咁嘅處理態度相當差，唔會再有下次！🙅

話說心引起想食煲仔飯，就試D間啦一去到見到前面有廿三十人等緊，排隊攞飛等廿十幾個號碼，一場嚟到都要等㗎，等咗45分鐘有等到有D肚餓終於有位，即刻落Order啦豉汁白鱔煲仔飯，白鱔新鮮，豉汁惹味，飯乾身帶飯焦土魷蒸肉餅煲仔飯，肉餅有質感，唔會好乾好柴，飯唔夠乾身帶飯焦臘腸排骨煲仔飯，臘腸質量唔得，排骨OK，飯乾身帶飯焦，但有啲奇怪只食飯焦時喺口咬多幾啖，會有淡淡一陣鹼水味整體黎講：呢個價錢，有咁嘅質素，冇得輸啦，排隊等45分鐘，落單後再等30分鐘，食埋煲飯大約用咗105分鐘，如果怕等位嘅需要考慮考慮。

晚上7點已滿滿人圍著店外等候，2人位大約有6張卡位，旁邊窄長枱可以坐單人或2人。4人位有大約4張，未計店外位置可擺枱。我倆等了大約45分鐘可以入內，煲仔飯等候時間約10分鐘。我點左涼拌秋葵是酸辣的，跟拍青瓜是一樣味道。椒絲腐乳通菜，腐乳汁都多的。2杯凍檸茶，檸檬都薄如紙，非常清淡的檸檬味但沒有苦澀，証明都是新鮮沒有放置太耐。主菜係鯇魚腩煲仔飯同埋榨菜田雞煲仔飯加一條臘腸。香港人食煲仔飯除左食材之外就是食飯香，飯焦，打開煲仔蓋有撲鼻而來既香味。。。魚腩正常有3舊厚肉的，田雞較瘦還可以，榨菜淡淡味的，吃得淡味的應該不錯。但臘腸就真係堅唔得，臘腸係無味，無油香。最大問題係個飯，真係無飯味，的飯焦根本唔係可以一塊出又唔燶又唔香。其實食完就好似食完個小菜客飯既感覺。所以我只覺得係。。。一試無妨。

原來從來網上熱爆嘅餐廳都唔係事實嘅真相,煲仔飯靈魂響邊就係個飯焦,佢啲餸我食咗個臘腸雞再加追加多十蚊呢個潤腸,除咗佢自己追加咗啲潤腸係正常之外嗰啲雞係雞皮加骨,雞肉量簡直係近乎冇好在追加咗個潤腸如果係咪都唔知食乜？！真幫襯此一次,都係留返喎啲人未試食體驗下

天氣開始涼涼地，週末夜晚同屋企人去深水埗食我之前已經非常想試既池家煲仔飯客家黃酒雞：雞肉鮮嫩，湯有好濃既黃酒味，分量適中。黃膳煲仔飯：米粒飽滿，黃鱔應該系新鮮既，加佐豉油之後成個飯惹味咸香剛剛好，飯焦厚到我覺得可以接受，十分香脆。豉汁魚嘴煲仔飯：蕃茄豆腐魚腩田肉片雞湯飯：湯清味濃，魚腩新鮮，仲有少少爽口既感覺。付乳通菜：通菜新鮮翠綠，搭配腐乳醬非常惹味。環境：座位舒適，雖然當晚店內都算忙，但系店員既服務態度都幾好，唔會怠慢每台客人~值得點贊

就算住附近都永遠唔會再食呢間野！！！有次食中午已經見扁口扁面個阿姐態度奇差鬧客，野食都係一般叫做比較平啲。之後成班同事晏左收工經過先佢地未閂門，已經禮貌地問仲入唔入得去食，老闆都客氣咁話你地食晏啲收都冇所謂。兩枱人around6個都快手落單快手食費事阻人收工，啲飯餸食到一半都未夠又係果個扁口扁面阿姐過黎收碗碟，我地話未食完，途中應該冇15分鐘走左過黎兩次收我地食緊既野仲發脾氣。你地有個咁既員工真係唔值得有咁既生意額，唔想做麻煩唔好撈！

聽老豆介紹深水埗有間煲仔飯好食襯公眾假期途經附近，就幫襯吓。點咗黃酒雞、白鱔煲仔飯、排骨煲仔飯、腐乳通菜。 黃酒雞非常香黃酒味、薑味同埋有紅棗杞子，飲完個人即刻熱熱的，暖胃。 白鱔煲仔飯，推介，飯底有飯焦唔會太燶，脆口，岩岩好。 排骨煲仔飯正常發揮，有機會下次我會試田雞。（記得要八點前去食，有機會賣哂）依間個煲仔飯對比我食過嘅其他煲仔飯嚟講，佢冇咁油，亦冇咁鹹，相對地覺得冇咁容易覺得油膩。 腐乳通菜，有腐乳味但唔會太鹹，不俗。

榨菜田雞煲仔飯估唔到有田雞煲仔飯❤️❤️煲仔飯係即叫即煲嘅，所以要等得耐少少👏🏻上堂熱辣辣！即刻加圈豉油落去再焗一陣😍😍真係超正！田雞同榨菜嘅份量都幾多😍而且下邊仲有飯焦👍🏻👍🏻推介黃鱔煲仔飯超推介呢個！！好少見到有黃鱔煲仔飯😍😍上邊加左啲薑絲唔怕啲黃鱔有腥味🤣係即叫即整！正呀！椒絲腐乳通菜通菜係幼身嗰種一啲都唔老！腐乳唔會太鹹，而且佢個椒絲腐乳通菜唔係淨係一Pat腐乳起上邊👍🏻👍🏻豆豉蒸白鱔白鱔厚切啖啖肉，不過當然都有細骨要小心食🫢白鱔肉質食落新鮮👍🏻爽口，而且冇腥味👏🏻👏🏻-Total: 300推介指數：8/10———————————————池家人煲仔飯 (深水埗)深水埗基隆街187號地舖-----------------------

池家人有煲仔飯提供！店裡以古代客棧設計～煲仔飯熱氣騰騰呈上，店員倒上豉油，煙霧瀰漫勁香噴噴呀！！🤍豉汁白鱔煲仔飯 $88白鱔肉質鮮嫩，白鱔大大塊放喺表面勁香！白鱔肉質彈牙，要小心留意骨～底部嘅飯焦香脆可口，為整道菜增添咗層次感。💛黃鱔煲仔飯 $88相比之下，黃膳煲仔飯以金黃色嘅米飯為基底，黃鱔切到細細粒，要小心留意骨～煲仔飯裡面有埋黃薑，有薑嘅香味，無辣味！底部仲有飯焦添！🥒青瓜 $28大份又清爽！帶點微辣開胃呀！解膩一流！🍹凍檸茶 套餐+$10

煲仔飯要有靚飯焦，同意請舉手🙋🏻‍♀️！最近去深水埗睇布料，發現有間乾淨企理嘅煲仔飯，一於試試！個裝修有啲東北風，掛咗辣椒串、粟米串等裝置，一個個雅座都好有特色。⭐嗌咗兩款煲仔飯，飯粒分明又乾身，撈乜都好食😆！兩個煲底＆煲邊都有香脆飯焦😋，陣陣焦香 + 脆脆口感，為煲仔飯口感＆味道都加添層次～～🧡 炸菜田雞煲仔飯，田雞肉嫩滑多肉，冇腥味，炸菜夠咸又爽脆，撈埋一齊食加啲煲仔飯醬油，味道豐富😋。🩶 鹹魚肉餅煲仔飯，肉餅夠大塊，半肥瘦肉餅，肉質有彈性，鹹魚夠鹹香，撈埋肉餅味道就啱啱好。如果鍾意偏鹹，可能會覺得舊鹹魚唔夠大😆。💚 涼拌拍青瓜，欣賞佢真係拍青瓜🥒而非切青瓜。口水汁辣中有酸，好惹味又開胃，啱晒中和食晒整煲煲仔飯嘅飽濟感。

🌟 #池家人煲仔飯專門店🚶‍♂️🚶‍♀️ 每次經過都見到長長人龍，今次決定唔再等啦！😋我同仔仔一齊點咗幾樣，真係好抵，最平只要$50幾蚊就可以享受到🍚 臘腸滑雞煲煲仔飯🐔$58 呢個煲仔飯真係好有誠意！雞肉煮得非常滑嫩，肉質鮮美，每一口都好入味！而臘腸香氣四溢，咬落去滿口肉香，仲有一點微微的甜味，配合香噴噴嘅米飯，真係食到停唔到口！最重要係，底部仲有香脆嘅飯焦，嚼落去金黃香脆，為整碗煲仔飯增添咗層次，真係超滿足！👏🍚 榨菜田雞煲仔飯$88 田雞肉質鮮嫩，入口即化，搭配榨菜的鹹香，令整碗飯更加有層次感。榨菜嘅咸味唔會太重，反而襯托出田雞嘅鮮味，底部同樣有香脆嘅飯焦，食落去每一口都充滿驚喜！🥢🐸🥗 口水汁秋葵- 煲仔飯套餐加點呢個秋葵真係唔可以錯過！口水汁嘅醬汁酸酸辣辣，配上秋葵的清脆口感，完全係開胃神器！🌶️😋🍲 鹹蛋菜心豬什湯飯呢碗菜心豬什湯飯就係另湯底濃郁，味道非常鮮甜，仲有菜心🥬嘅清新感！豬什煮得剛好