池記 (已結業)

平日都不多吃雲吞麵，但是經過就試吓啦！今日食午餐: 豬手雲吞麵配炸鯪魚球。雲吞麵麵夠爽雲吞蝦夠爽足料。好耐冇食過咁好食嘅炸靚魚球。質感又好，味道十足。好抵！係因為佢哋有好多套餐選擇。

好耐都冇出過黎中環有時候都唔知去中環食咩好咁啱經過池記就黎食黎因為雖然貴雖然一碗真係唔夠但係依然會好犯賤咁好食池記lol其實份量就真係唔算多細食既女士們就應該夠啦上次我係銅鑼灣池記食個麵就林得滯今次中環店既麵就明顯做得好好多食落去好爽口既因為我鐘意食爽口既麵多過d林林地既麵雲吞冇記錯就有4隻既不過個size都係細d次次食親池記真係連d湯都飲埋咁滯因為唔夠飽既原因叫多咗一份小食炸雲吞其實炸野就好難會唔好食既不過呢度既炸雲吞同係酒樓食既炸雲吞都唔同既所以鐘意食酒樓既炸雲吞就未必鐘意食呢一款炸雲吞啦

平時極少宵夜，今晚去香港大會堂聽完音樂會，想飲杯熱飲，於是想起中環池記的薏米水。 今晩少有地試咗炒粉麵餐，㸃了乾炒牛河+冬菇+薏米水。 牛河炒得算幾香，牛肉都有十片八片，河粉比較多油，下次落單時叫佢少油就會好好多! 值得一提，每次食完都送不設有效日期嘅$6現金券。

約左舊同事食午餐。 點左豬軟骨菜飯餐, 個餐仲包一杯飲品加小菜或者甜品。 鐘意食牛筋嘅人一定鐘意食呢個豬軟骨, 因為好多骨膠原。 其他食菜飯都比較少菜, 池記嘅菜飯有好多菜。加左份冬菇, 煮得好入味。飲品多選擇, 但都係鐘意飲薏水米水。

某日突然想吃粥，所以到了池記，但因為餓很緊要，入到店內又改變主意，點了一客壹桶貴妃雞菜飯來吃。未知是否因為是貴妃，這只雞一定十分苗條，雞件超細件，更是沒多少肉似的。雞的脂肪不多，肉是不鞋的，奈何雞無雞味，反為兩隻冬菇更加入味，菇肉更厚，同時亦較有咬口。菜飯煮得太軟，雖則未至於粥糊的狀態，但也無甚嚼勁，雞味不太滲得進飯裡。清湯芥蘭的湯沒甚麼味，有些杞子，普通烚菜一碗。小人又再犯了同一個錯，不應該三心兩意，在粥店是不應該叫飯的吧……

Central is usually quiet for dinner. So I go to central chee Kei to avoid the crowd.The girls are polite and well trained. They used to have hotpot but I guess it's summer so they won't have it. I just like simple bowl of wontons. Nice and flavorful.

好多餐廳都有下午茶時段，但作為OL，好難響一至五享受到呢啲優惠。中環池記嘅下午茶時段竟然係一至日2:30-7！放得早嘅中環上班族可以趕切食$40套餐。套裝（$40）可任選以下任何一款材料：雲吞、水餃、豬軟骨、冬菇、牛筋、牛腩（+$5）；麵可選米粉、麵、米線或河粉今日揀左水餃米。水餃有3粒，包住嘅蝦都幾大隻，仲有啲豬肉、雲耳絲、冬菇。米粉好滑，唔係茶餐廳果啲'鞋口'米粉 👍豆漿幾濃豆味 食滿$50仲會送張$6現金券，下次任何金額嘅消費都可減$6。

其實冇乜事都唔會走入呢一間池記食飯。第一係好多自由行食客，第二係好多「唔啱音」女侍應。服務又唔好，食客又冇禮貌。係今日放工真係太肚餓。又唔想去美心大家樂。冇乜選擇。就中左入去啊。赫然發現大把位坐。原來自由行真係少咗落嚟。從未見過咁多位。同老公坐低就睇吓食個晩市嘅套餐。我叫左蘿蔔牛筋撈麵。其實叫得撈麵都預咗份量大。但係老實講呢兜野真係好細碟。蘿蔔冇誠意完全冇味。牛筋得雞碎咁多。碎濕濕。黐住鬼咁多肥膏。淨返個撈麵，唯一可以話合格。收人＄80嘅晚餐咁嘅質素，我都冇嘢好講。非常失望。記得N年前仲係銅鑼灣羅素街嘅池記係好味到不得了呀。嗰時好味到湯都飲埋。可惜然之後有自由行「慣性收視」，質素就一落千丈。仲要請埋啲「唔啱音」激冇禮貌女侍應。我睇你點做落去。一去不復返嘅池記啊！

又到一星期尾，跟同事行遠少許，來到池記吃午餐。要等七張台，只是等了5-10分鐘就入座了。有點肚餓，所以點了菜飯。份量好大，豬頸肉也有三四舊，不太un，亦唔癡牙，好怕一些好柴的豬頸肉，這個沒有這種感覺，好吃。蘿蔔也不吝嗇，有五至六舊，但不夠入味，尚算清新。難得有薏米水，作為女孩子當然要點。薏米不算少，但有點過甜。小食有四粒，份量適中。表面輕輕炸了少許，不會熱氣但有少許脆口，推薦。沒有特別，清新的味道。雲吞有五大粒，見到入面的蝦肉都算大粒，同事也吃得津津有味。因為同事有coupon，埋單每人八十多。食物質素不錯，份量很足，我們倆食到捧住個肚，而且吃完有六元優惠券回贈，值得回頭。

叫左碗艇仔粥57蚊，又貴又細碗都唔緊要，但碗粥黎到既時候唔夠熱吹都唔洗吹即刻食得，連帶啲料淥得唔夠熟透而唔好食，咁基本既野都做唔到，比咁貴真係換黎仲差過街邊粥店。

Honey工作非常忙碌，晚飯都在外面吃。所以，我常常在Openrice瀏覽，他工作地點附近的食肆，陪他吃晚飯。今晚到中環工作，時間早，吃一點輕便的。所以，想到池記。池記的雲吞麵水準一向好。我們到來時，已經過了六點，本打算吃晚餐的。原來，池記的下午茶時間到六點半。我們還可以叫下午茶啦！Honey叫了雲吞麵，我就叫了水餃麵。飲品可以選薏米、水豆漿等等，加三元可以換桑寄生蛋茶。我們都叫了桑寄生蛋茶。桑寄生蛋茶很大碗，熱騰騰的上桌。我們不等吃麵，就先吃甜品。桑寄生茶的藥材味不夠，蛋的顏色只是表面的。這個桑寄生蛋茶，一般。連熱騰騰的甜品都吃完了(熱，便吃得慢)，麵食遲遲都未到。至於雲吞麵和水餃麵，就沒有失色。雖然雲吞面很細碗，但是，鹼水麵非常彈牙！口感十足！而且，湯底有濃濃的蝦殼味。而雲吞和水餃用新鮮蝦仁、竹筍、木耳等…真材實料，新鮮爽口。

星期日剛剛行過，仲有十分鐘就有2:30下午茶，見到$37有碗雲吞麵加餐飲，係中環黎講算價錢合理，唔駛等位，一坐底叫碗雲吞麵先，細細碗，其實兩大淡可以食哂，麵質爽囗，一定要加醋叫，味道好味好多，餐飲建議燱米水，用料幾夠！下午茶餐價格合理。

池記都算係幾老牌嘅茶餐廳了，D野出品都算OK,比較穩定，起碼我自己係咁覺得。一般唔係特別鐘意某樣嘢或者討厭某樣嘢，都係建議點套餐，套餐性價比高D,最緊要係唔使自己諗來諗去食D乜好，選擇困難症患者福音啊。。蟹黃粥+菜心+薏米水的套餐，再點杯豆漿，胃口細D兩個人都夠食啦，蟹黃粥還OK，畢竟係99嘅套餐，講俾只靚蟹你都不信，人地唔使本吖，不過粥算鮮美，完整嘅一隻蟹，蟹黃蟹膏都有曬，粥比較飛比較黏，香香滑滑。鹽水芥蘭我鐘意，少鹽少油少調料，比較健康，芥蘭本身都幾甜脆。薏米水有點薑味，些小辣味，飲翻杯都幾暖胃，但係同粥一齊食，真 係分分鐘入一次洗手間吖。。

等位的人山人海，出去結賬排隊人龍長得差不多到一樓，就是這裡午餐時間的寫照。雲吞麵：麵爽、彈牙；雲吞比較小型，皮很薄、滑，夾口也不厚；裡面的蝦仔有一點點辣。若是夠新鮮，其實不用辣的。杞子浸菜心：菜心很新鮮，近心有甜味；配以少少甜的杞子，有心思。熱豆漿香滑味道濃，很合口味。不過，一個雲吞麵餐（雲吞麵+菜+飲品）要$72，未免太貴了吧

夜晚九點鐘嚟到池記，叫咗一個淨雲吞同埋上湯芥蘭 連埋嘢又一共九十八蚊呢個雲吞裏面每一粒都有一隻大海蝦， 食落去幾清爽😍 但係就同平時出麵食嗰種雲吞有少少唔同冇咗肥豬肉嗰陣香味😊 湯底有蝦子 上湯芥蘭入面有杞子Ps啲辣椒油有瑤柱絲, 又夠辣，唔錯! Rating: 8/10