池記 (已結業)

其實這間池記開在羅素街恁耐，一直都沒有食過，主因係好多人排隊，舖又細，坐得啎夠舒服，這間池記其實與麥煥池一點關係都無，卻在攞人商譽做生意，實在要不得。各大飲食雜誌上無論餛飩或牛腩，都不會見到池記在榜上的頭幾位出現，說到底，在未試過之前筆者實在沒有資格評論，今天就在睼戲前食一食渠。搬舖後的池記大了點，在親切有禮的侍應推介下，匆匆的點了牛爽腩麵，賣相不錯，牛腩算啎錯，好在牛腩本身用了爽腩，有層膠質鎖住了牛肉味，肉質腍滑，啎會黐牙，不過我相信如果是九記的出品，將會是另一個層次。全碗麵最大的敗筆是麵底，差在好重好重的鹼水味，相信無人會喜歡吃漂白水湯麵。另外湯底過鹹，味精也不少，腩汁欠奉，差唉。總結，好食在牛爽腩的本身，而不在師傅的技術，可憐耶。

上星期日，同老婆來呢度食。座位全爆滿，但係等左3-4分鍾就有位。Order 左雲吞麵，雲吞牛筋河+菜心。雲吞好細粒，無乜豬肉。牛筋得細細2-3舊。碗粉嘅size都幾細碗，男士應該要食2碗先夠飽。味道同出面普通嘅雲吞麵差唔多。總括來講，雖然$2x - 3x 一碗，唔算平亦唔算貴。但係就食唔飽。

$25一客雲吞麵, 只有4隻細細的雙蝦仔雲吞. 蝦仔不算出色, 爽口一般, 只能說不是隔夜, 好味欠奉. 湯底並無特別之處. 以此作招牌菜, 實叫人失望, 有欺世盜名之實. 油菜散叫要$20. "淋"到沒有口感, 蠔油稍好.服務更是不消提, 茶只有一杯, 別要求阿姐加茶. 晚上只有半店人滿, 幾個阿姐已操半流利廣東話互嚷: "好多嘢做, xxxx". 真的是名店價錢, 一般品質, 配街邊檔服務.

行開池記,入黎食下啦!叫了套餐A,牛根麫及紅白!先講牛根麫,牛根幾好味,奈何個湯底真係好好好.......鹹......仲越食越口渴!!!如果有個評份係評鹹度,我會比足滿分佢講下紅豆沙加西米露,呢個糖水就真係唔錯,唔會太甜,豆腐花亦都算幾滑!至於服務.......叫幾次先會加茶,叫左二個待應加茶....你叫佢加,佢又要第二個,第二個又話要有野做緊...唉.......

週六可以放鬆一下，到了銅鑼灣shopping，也拜訪了這間頗有人氣的總店。　總以為老字號都是古舊風味，想不到池記環境新淨明快，與朗豪分店格局十分相近。　那時一個人，吃了著名雲吞麵套餐，跟一個糖水揀紅白。雲吞麵先上，雲吞小小的味道精緻，麵也細細碗，由於湯底鮮美，我都是食了九成才落辣油。　淨食雲吞麵不會夠飽，好在還有一碗紅白。紅白即是紅豆沙西米露豆腐花，其實我從不喜歡這種crossover糖水，今次破例試試卻覺得三者出奇地夾，不錯!　整體水準比朗豪分店的稍好，套餐價埋單$38，又有阿姐不斷偈茶，都算物有所值的!

個日我同個朋友響呢間新舖食, 諗住有位坐啦...開頭都無咩野既, 之後有一班自由行入黎, 好啦...就開始黎啦!佢地又唔serve人, 咁人地自己搬櫈坐啦, 之後一個waitress見到就話人地搬左張櫈, 叫人地8個人分開兩個, ok啦, 之後同佢講落單, 佢問完就走左去, 人地同佢講野又唔比反應喎, 果客問佢想要一碟生菜幾多錢, 佢又唔啋人係咁問佢咩呀咩呀, 我個fd頂唔住頸就同佢講話個客想要碟菜問佢幾多錢, 好啦...之後拎d雲吞麵去張檯個時d態度超差, 係咁話咩呀, 係唔係叫雲吞麵呀咁啦...好啦,之後分開左果兩個都係叫雲吞麵架嘛...點知同櫈既叫左碗水餃麵, 佢地係將d雲吞放碗低架嘛, 就咁講水餃麵...就放響個自由行面前, 咁人地唔知架...點知果客碗雲吞黎到啦...果個waitress又話人地食左碗麵, 又唔問人...大佬...真係好無奈囉...果個客就係咁俾佢話囉!人地都唔知架!佢地員工之間又無溝通, 係咁響間舖到大聲呼喝對方...個時我同個fd都心諗, 唔會再去囉!!講真, 論好食...佢又唔係真係話好好, 價錢都唔係話抵食!自問本身唔係話對自由行有好感, 但過門都係客

可能係夜既關係，店內冇咩人，見呢度又有糖水食，又有雲吞面食，便入去試下！叫左一個37元的set，有雲吞面+糖水，另外叫多個細蓉(13元)d雲吞好細啦，同沾仔街差成條街，蝦都算新鮮，但欠缺左口感，湯底都好飲，飲哂！面亦算煮得剛剛好！糖水要了紅白，沒什麼特別，只係西米、豆腐花、紅豆沙撈埋一齊！比較之下，沾仔記好些！偶爾試下無妨！

每次經過想進來的時候總是慨歎人多嘈雜，不堪其擾。留意到日前新店開張，無需等位，施施然而入：）裝修還是因循老店風格，簡明的中式復古風，招呼上有點壽司店風格，只不過換了中文：甫進門處有人高喊“歡迎光臨”，內裏馬上響應“歡迎光臨”並走出來安排你就坐：）態度還不錯：）新張期間還有九折：）一個人也有卡位，還未坐定已經落單：細蓉走青。賣相算是很精緻，兩粒散尾鮮蝦雲吞，埋在散開的七錢銀絲幼面之下。嘗一口湯，嗯，蝦頭蝦尾煲制，蝦味甚濃；再加一羹浙醋，更覺鮮美。面底爽滑，火候剛好。雲吞細細粒，無甚豬肉，裏面蝦肉之形色幾乎清晰可見。另外，碗中尚有大量蝦籽，也添風味。再看菜牌，除了雲吞面也有許多其他選擇，但就好像貴了點，像一份牛坑腩撈面收50元，不知是不是因為像它自己說的那樣：如此品質的牛坑腩全港每日只有四千斤，本店限賣20份，售完即止：）

以前一向都好喜歡去池記食晏,在羅素街的舊舖,有人安排座位,人手又足,唔會坐落一直都沒有人落單,叫親個姐姐都叫你等陣,新舖又擠得很,仲唔多夠冷氣添,真係越食越\"興\"呀.....有九折都係咁話啦!!唔該改善下啦....