影片
今年年初一好多亲戚来我屋企团拜，外出酒楼食饭又嘈又多人又贵又难订位，最后决定叫个盘菜返屋企与亲友共聚一堂，脑海中立即浮现了沁沁面个盘菜🤤拎咗个盘菜返屋企，一打开个盘菜立即就闻到香味，个盘菜仲系热辣辣有烟出，材料极之丰富，鲍鱼、海参、金蚝、日本大花菇大大只又鲜味😋最爱就系茄汁虾碌，味道刚刚好，虾又新鲜👍🏻撩起个盘菜底仍然有惊喜，猪手腩肉入口即溶化，又入味，枝竹、萝卜、猪皮索晒汁好好味，个盘菜汁食得出无味精，食得出有南乳味但又唔系净系南乳咁简单，总之好惹味，最后我们用埋个汁渌生菜食，亲戚们都大赞这个盘菜👍🏻将来再有机会一定会安歌☺️
继续阅读
老婆同班朋友去咗大湾区游玩食好嘢，一支公无所事事咪落楼下又去平时食饭打趸嘅沁沁面食吓嘢吹下水啰，点知见到隔离枱有3个人食紧私房菜，八卦听到三个人一边食就不停咁样话条鱼好好食，我睇又睇唔出那条系什么鱼，最后就问了老板，原来系古法蒸脆肉鲩，心谂脆肉鲩不是只用来打边炉？蒸的脆肉鲩就真系未试过，真的立即想试，就问老板最快可以几时食到？老板话原本要5日前预订，但见我咁想快啲有得食就翌日可以帮我做，老板太好人了，咁我便立即预订了。第二日再到沁沁面品尝那条鱼，上菜时真的很大碟，原来$450一碟脆肉鲩已经系半条大鲩鱼，当中包括鱼背、鱼腩、鱼尾及鱼头，足有4人以上份量。老板好细心，将脆肉鲩的每个部分都用不同的方法去切割。鱼背多幼骨就以薄片方法、鱼腩大条骨就一条骨带一条肉、鱼尾无骨，就一块鱼扒，使每个部位都容易食及有最好的口感。鱼肉鲜嫩中带弹牙，鱼肉蒸前先经腌制十分惹味，这道鱼菜式认真好食，十分惊喜👍🏻
继续阅读
食得出系俾心机之作，喇沙汤底好浓香料同椰奶味，饮完亦都唔口渴，冇味精真材实料。醉鸡卷偏甜，有杞子红枣同当归，好养生☺️ 罗汉果茶够清甜，饮落好舒服。整体用餐体验非常好，店入面个姐姐同老板亦都好亲切，帮我抹干净晒张枱，又时不时同熟客倾偈。咁啱听日打风，个老板仲好风趣咁同啲客人讲朝早买菜几咁辛苦，好难先抢到😂 唯一唔好处系𠮶日舖头有阵怪味，可能通风唔好，老板要留意吓。肥牛新加坡喇沙汤面 + 醉鸡卷 + 罗汉果茶 $85
继续阅读
#chowweisik咸#chowweisik西湾河除咗太安楼之外都见到呢一间舖头几出名食完之后都感受到舖头嘅人情味同埋好有住家嘅味道☺️唯一争少少就系略嫌个面质有啲淋🤏🏻一🐾 沁沁面｜$48店主特别讲明个汤记住饮晒佢对身体有益😳人参味味道并非浓厚但系汤头入口舒服！一🐾 醉鸡卷｜啖啖肉 钟意佢嘅厚度！啲肉都算嫩滑！！一🐾 新加坡喇沙辣汤面 ｜$48本身想食佢个腊味饭！！ 但系已经卖晒🥹喇沙味浓郁而且配料都好足☺️一 🚏 沁沁面 (西湾河)西湾河西湾河街112号地舖
继续阅读
平时通常必食沁沁面同醉鸡卷，上星期见到有，就book 左个盘菜，今晚终于试到啦！真心好味同好抵食，两人份量其实3-4人都够，有鲍鱼，大冬菇，大虾，海参，鹅掌，鸡件，猪肉，猪手，猪皮！最好味就系底啲，莲藕同埋萝卜！醉鸡卷劲超值，平时去上海菜馆食好贵，又未必好食，自己试过整，整嚟整去都冇咁实，同唔入味！沁沁面个汤d料应该坚坚地。每次都会连汤饮，每次食完𠮶晚会好好瞓，但系汤底药材味唔重。好想有机会食到佢个心心饭
继续阅读