沖繩味之賞 (已結業)

朋友介紹去咗試呢間小店，小店位於一個Food court入面，雖然睇落鋪面普普通通，但食物用料非常有質素實在，而且價錢都好抵！個日都老闆一個人，好忙，但都有幾多位，所以上菜速度要等耐少少。關東煮用料都幾多，有溫泉蛋、菇、獅子狗等等，好豐富，個湯好清甜，唔係出面個啲味精湯，加咗個烏冬，烏冬麵身好彈牙，好有咬口，個湯冬天飲好正，好保暖。叫咗啲雞皮餃子，外皮炸得好脆，好惹味，加埋個松露醬，好好食～老細人好好，仲有另外送我哋小食，炸魚餅同樣炸得好出色，味道好足。