沙嗲佬

营业中

休息中

太安樓絕對是西灣河的嘴饞的人的天堂，美食種類繁多之餘，價錢合理。不過母親節的關係，當天只有少數的食店營業，沙嗲佬燈籠亮著，即代表有串燒吃。😄 牛肉串燒今次燒得有少許失手，較平時的焦黑，不過沒有硬邦邦的口感，肉質尚算軟嫩，但肉汁不算太多，沙嗲醬相對紅腸少，我還是喜歡滿滿花生粒的串燒。朋友的紅腸串燒很好吃啊，味道不像燒臘滷水檔般的，也切得蠻厚的，別有一股風味，當然另一好吃原因是佈滿粗粒花生的沙嗲醬，口感豐富起來。翠肉瓜自似乾巴巴的，其實內裡依然蘊含豐盈鮮甜的菜汁，加上爽脆的口感，本身天然的味道，很難不愛上它。

呢來都好早食晚飯，6-7點就食完，搞到入夜就好肚餓，要周街搵野食醫肚。可憎港島既街頭小食實少之又少，夜晚開營業既就更加十隻手指數得晒。有時覺得住喺新界既朋友都幾開心，因為好多深宵小食檔、夜市甘，肚餓就去食。好啦，港島我淨係諗起西灣河既大安樓，未行入去就會見到呢檔串燒喺入口，都幾多人排隊，又香噴噴所以忍唔住買左幾串食。香口野嚟，加埋佢地招牌既沙嗲醬係唔錯既，平均都係$10-20一串，差不多啦，夜麻麻食幾串串燒都幾岩，唔會太飽。

中學時代經常係西灣河出沒但一直未食過沙嗲佬因為佢太夜先開檔 今次專登黎買串燒半夜十二點 太安樓既宵夜仍然有唔少選擇 呢個鐘數仍然有兩三個人陸續黎買我叫左2串雞肉 1串豬肉 1串蘑菇一共$49以港島物價黎講算抵食辣度有分等級 我叫左唔辣 但係食完就後悔沙嗲串燒唔辣 好似無左靈魂咁 老闆好好 會專登將蘑菇分開包唔會沾到沙嗲汁蘑菇燒完仲係好多汁 睇落以為好乾落左少少鹽同黑椒調味 非常好食菇迷必食雞肉串都唔錯 肉質唔鞋豬肉反而令我失望 好一般老實講 我唔覺得自己食緊豬肉串... 而沙嗲汁入面有大量花生粒比平時食到既大粒 無切到咁細可能因為我叫左唔辣 所以個汁無咩沙嗲味 只係甜甜地建議大家都係叫少少辣 如果唔係個汁真係好一般但我會為個蘑菇串再返黎

沙嗲佬嘅大名其實喺西灣河基本上可以話冇人唔知，只不過以前唔係一個鋪位，而係一個流動小販車。去到今日，雖然沙嗲佬串燒嘅價錢比起以前貴左唔少，但係當年嘅味道依然，絕大部分嘅串燒都係生燒嘅，雖然要等耐啲，不過食起上黎嘅口感絕對係另一個層次。値得推介嘅係牛肉串燒，每一舊牛都大細適中，唔會太薄，啱啱好可以一啖食哂，而羊肉串燒就有較重嘅調味料同孜然嘅味道，同時羊味亦十足，本身鐘意食羊肉嘅一定鐘意！鋪頭只會喺夜晚營業，亦會有一定人數喺度排隊，不過要食好味嘅串燒就絕對要付出！

係西灣河問人有咩好野食就一定太安樓，而講串燒佢地都一致評呢間沙嗲佬係必食之選。先介紹店舖，係太安樓邊位對住巴士站。地方細細足以做外賣生意。(無位坐)而餐牌選擇都唔係好多，大路野黎。咁我就叫左３串野食頂下肚，都等得唔算太耐。因為即燒黎講算快。野食黎左無影到，燒賣 - 幾好，但我只係講粒燒賣燒得幾好。個汁其實好一般，好重花生味同埋鹹，無咩層次。豬肉 - 唔知係咪因為個汁應該配返Ｄ鮮肉汁，即時好左Ｄ紅腸 - 鹹上加鹹作為為食兵的我，好食就真係講，唔好食更加會講。我其實都食過幾次，真心覺得名過於實好很多。。。唔係唔好食，但當你食過咩叫好時，就知點解會咁。但我可以肯定呢間一定係全西灣河最好食的串燒P.S. 佢日頭唔開，晚上６點後先見佢的。