沙嗲王 (新都城中心二期)

营业中

休息中

同屋企人去食，有老人家同bb，攞位時已話6個大人1架bb車，結果俾左3張2人枱合併，要1位坐旁邊，但其實嗰度係出餐通道，冇可能坐，同啲員工講佢仲話唔要就再等，張枱俾其他人。當時家人已等了大半小時，因免得老人家再等，唯有要4個大人逼梳化，bb車靠外面。上餐時，大部分員工都在bb頭上上餐，又將熱辣辣嘅餐點放在bb面前，每次上餐我地都好擔心整到bb

難得一日day off，有得瞓當然瞓到盡， 冇諗過一起身已經係下晝三點。 緣分到啦， 唔通連個天都想我食下午茶？！附近商場原來開咗呢間曾經一時無兩嘅餐廳 但睇番介紹 ，原來佢嘅分店， 都只剩下零星數間。久別重逢，當然要食返呢度嘅招牌菜__ 白咖哩豬扒飯。雖然呢間分店係新開張 ，但白咖哩嘅還原度十分高。 除咗顏色同質感 係冇分別之外 ，嗰種獨特嘅香茅味道仍然非常濃郁！豬扒外層炸得剛剛好， 肉質都算鮮嫩！雖然佢話係輕量下午茶， 但其實份量十足， 絕對夠頂肚。食飽飽返去再瞓覺lu。

宝林新都城分店可能比較新，食品冇問題，味道依舊，但服務比較差，也可能是新手太多或人手不足，常有漏單情況，幫襯兩次都有野要追先到。沙嗲王真心推介佢既越南春卷，咁多年都Keep住水準，白咖哩真心正，不愧為招牌菜，另外餐牌餐室轉形後少了似往好味的各種炒飯是比較可惜，我家人特別喜愛波蘿炒飯，可惜而家冇得食。

難得平日放假即刻要同朋友去食沙嗲王。點解呢？因為星期六日無論午餐定係晚餐，都要大排長龍，根本冇可能食到。今日11點半佢一開門我哋就即刻入去坐，唔使等位。唔使諗，當然係食我最愛嘅白咖喱豬扒飯，其實50幾蚊來講真係好抵食，仲可以加$15配小食添。我地仲加咗兩個小食，一個係蒸粉卷，另一個係脆脆棒。白咖喱豬扒飯依舊係非常好味，因為太耐冇食嘅關係，真係覺得回味無窮。白咖喱汁唔會好辣，其實有少少偏甜，而且加上椰香，配白飯真係一流。豬扒炸得剛剛好，肉質都幾鬆軟，但又未至於醃到霉肉果種，而且份量非常多，一定有飽，不過如果可以配啲蔬菜，咁就perfect。而小食方面，個蒸粉卷真係麻麻地，因為裏面嘅肉好少，加上都係一啲肥豬肉，食落感覺好油膩。而個脆脆蝦棒亦都係好一般，而且份量都幾少。總括而言，作為普通家常便飯或者快lunch，性價比都OK嘅。

數數手指👀 我諗自己起碼有十年無幫襯過 沙嗲王😉 仲記得以前好鍾意食佢嘅 #米線+#炸魚🐟 不過 #小秘書 有段時間再無見過 #沙嗲王 喺市面，仲以為佢執咗😅呢日再一次喺 #將軍澳 重遇，改頭換面嘅裝修，令人另眼再看👀 #沙嗲王 唔再好以前咁老土、黑蚊蚊、枱面油淋淋 今次 #小秘書 係比門口嘅人龍吸引到排埋一份，眼見附近嘅餐廳都 #拍烏蠅🕷 呢度連下午茶都咁多人排隊，應該唔差啦🥢 食物質素都係我預期嘅口味，個白咖喱汁咸咗啲，雞翼乾咗啲，不過豬扒都好鬆化，係其中一件肥咗啲囉🐽 不過最伏嘅係 #沙嗲王 用咗「白咖喱香茅豬扒飯」#正價餐 幅相擺喺 #下午茶餐廳 上，嚟到嘅時候我仲以為 #侍應 拎錯咗碟 #輕量餐 比我😅 想問吓啦... 個 #侍應 又 #黑口黑面 咁指住碟飯話「碟上面有三塊豬扒喺度，仲唔係正常份量？」拜托... 嗰度只可以話 #廚師 將一塊 #豬扒 一切三，而絕對唔係有三塊 #豬扒 囉🤨 仲有呢佢哋啲服務真係唔多得，想落order啲 #侍應 又會扮見你唔到，眼角望一望你就走咗塊... 😑 我睇怕以後唔會再幫襯喇👊🏼

這間商場內新開的沙嗲王, 裝修漂亮光猛, 走年青路線, 極度吸引人潮。不過, 晚餐時段明顯唔夠人手, 原來不能按機取票的, 要在店外排隊, 麻煩又混亂!好在我地都好夜, 所以 2 人枱都唔使等太耐。鮮芒椰汁沙冰配西米, 好多芒果肉, 超新鮮又好飲!印度薄餅配黄咖哩汁 (兩件), 新鮮熱辣辣, 好味而不油! 讚!白咖哩香茅豬扒飯就唔得啦。明明你人氣 No. 1, 卻又比觀塘分店小器!豬扒只有 3 塊 又乾又硬的 (觀塘食開有 4 塊而且嫩滑的)!白咖哩汁只有一細碗 (觀塘食開是一大碗浸住豬扒上枱的)! 反而屋企人叫的鐵板嬌嫩巨髀配薯條是超滑超大塊超好味!果然是人氣 No. 2!而且薯條是新鮮即炸的, 夠熱又外脆內軟。而且大大條, 份量非常也多。下次不用叫白咖哩豬扒了。

下午茶時間不多人，仲有一半都未坐滿，我同老公入去就唸住行過去卡位坐低，但個職員安排我地坐二人座，而且係未執好嘅二人座，好了，坐低點餐，一個咖喱豬扒飯，一個軟殼蟹，追加一份博餅，等左十幾分鐘先嚟博餅，之後等左半個鐘都未嚟其他兩樣，速度太慢了太慢了，間其他台都係度催單，我地都催左一次，職員話幫我追追，到依然都係慢，人多嘅時候我等都無所謂，等位等一個鐘，入座之後又等半個鐘先上菜我都無野講，但係咁少人都要等足半個鐘以上，真係不敢恭維了，下次要吃沙爹王都係出返旺角尖沙咀或者觀塘了，將軍澳呢間速度實在太慢了，有待提升

呢間沙嗲王啱啱開張，日日都見佢大排長龍，今日終於忍唔住都係要去試吓。等左20分鐘到，終於入得去。可能係兩個人，所以快啲，見佢其他人數嘅飛都好似冇郁過咁滯，有成30幾個等緊。入到去叫咗個二人套餐，叫咗個出名嘅白咖喱香茅豬扒飯，同埋黃咖哩巨脾飯，二人套餐包左一個是日餐湯同埋沙律，仲有得揀一款小食，我哋芝士焗一口貝，仲配埋兩杯嘢飲，一杯係熱紫薯鮮奶，另一杯係凍青檸柑梅蜜。第一樣上嘅係芝士焗一口貝，芝士好濃，仲配埋薯蓉底，雖然帶子唔算太大隻，但係鍾意食芝士嘅人應該會好鍾意食佢呢種配搭。之後上咗白咖喱香茅豬扒飯，豬扒好林，好易咬，白咖喱好好食，唔算太辣，係有咖喱味，配埋香茅豬扒意外地味道好夾。之後上咗黃咖喱巨髀飯，雞髀大隻，切開又多汁，配埋黃咖喱好夾，黃咖喱味道好正，而且唔算辣，食到唔停口。不過兩杯嘢飲就有啲遜色，紫薯鮮奶有啲淡，凍青檸蜜有啲甜，最後個甜品都有少少失望，叫咗芒果椰汁西米露，但係西米就好少，芒果都好少，椰汁溝水就好多。不過埋單送咗好多優惠券，下次會再嚟食，質素都唔錯。

好耐無食過沙嗲王，剛好附近有新開張，所以同老公試下。白咖哩豬扒飯：豬扒好香，白咖喱也不俗芝士牛柳粒年糕：味道ok，但偏油椒鹽雞軟骨：分量比menu 的圖少了一半海鮮冬陰公，有蝦、蜆、青口、魷魚，味道不錯整體食物是ok的，可惜服務好差。話說年糕上枱時，整碟差點飛出枱外，幸好老公一手接著，但侍應完全無感覺，轉身就走臨走前聽到隔離枱的雞翼沒有熟，客人反映後，侍應還用不耐煩的態度問客人想翻炸還是轉其他食物。。。這種服務態度好趕客

總算食到今次係 第2 次到第一次時 竟然系統故障 連生意都做唔到今日放lunch可以食但排隊排左 20 mins仲要係有位 但係同無人帶到位當然食招牌菜白咖哩 豬扒飯因為呢個飯個豬扒 好香香茅而且唔太肥膩 所以平時都會食下而呢頭開左 就更加會係我心水飯堂可能比較心急便生意 但好多野都未ready咁at least包埋我 都有 好多檯要催單 我都等20mins先有我覺得有好大改進空間我見有個staff都有心去幫耐何 人真係唔足夠就算食物 幾唔錯 但無人出到俾食客同樣會浪費心思

見到岩岩新開張，平時夜市又多人排到爆，於是今日晏晝專盛早d落黎試下。十一點半未夠已經有人係門口等緊，之前伙記就慢慢放人入去，但岩岩開鋪，得兩三個人，完全照顧唔到愈來愈多既客人入座、落單，明明有好多空桌，但就因為無人得閒叫人入座，搞到好多人等位。本身一心諗住食個平平地既lunch set，點知今日無lunch set，得二人套餐，要局住叫主餐牌既野。於是叫左個自選麵，要左個爐魚白咖哩烏冬，盛惠62蚊，仲要加一。個麵等左二十分鐘先至黎，個白咖哩湯底比之前食既稀同淡，條爐魚cut左一半用椒鹽炸，魚肉好dry，魚同白咖哩烏冬既配搭唔太match，食完都唔太飽。希望開張耐左伙記多d服務會搞好d啦。

排隊攞票過程極混亂，食物質素完全不及其他分店由其在湯面，湯底勁淡，份量比平時小。飲品車可以看到其他職員完全不理，只是在樓面下單就塊執餐具 完全無顧及先後問題，根本垃圾成間

18:00放工 諗住試下新開既沙嗲王座位唔算多佢門面寫面試業門口拎飛部機用唔到，都係要等呀姐幫我地出飛估唔到都要等半個鐘先入到座其實佢吉位多，不過門面侍應實在唔夠，趕不切收拾，如果侍應多，可能做多兩轉生意我同老公嗌左兩個白咖哩豬排飯、蒜蓉焗蜆（$36）、加配凍奶茶（加$16）上菜速度都算快！老公說杯奶茶很甜，有點難喝全程等大概十分鐘，所有菜已經到齊，白咖哩汁依舊好味，不過三塊豬扒很縮水蒜味焗蜆，都多蜆，差咖多有廿隻，內有菇、洋蔥。送左$18優惠券

自從官塘攪種建計劃後，我都好耐無去沙爹王啦！從至愛佢嘅白咖哩豬扒飯，今次喺屋企附近新開張都無失手， 一樣咁好食，我同阿仔叫左2人餐，食得好滿足，不過因為新開張嘅關係，人手嚴重不足，排隊等食之餘，有d 食物都有出漏嘅情況！有d 食客仲因此怨聲載道，希望逐步有改善啦！但食物嘅出品都好好食，我又多一個開飯選擇😋