沙嗲王 (現時點)

营业中

休息中

細細個個陣屋企人成日帶去沙嗲王食野, 記得最中意食佢既白咖啡豬扒飯同埋沙嗲湯金邊粉!!大大下選擇越黎越多, 沙嗲王亦都好似無以前咁受歡迎, 慢慢將佢out左出個食飯list度, 大大話話真係有10年8年無食過, 對於佢既印象依然停留幼年時代, 上個月朋友提議食沙嗲王, 話而家已經唔同哂, 於是終於再踏進回憶~食過之後今日決定encore! 今次去左油麻地分店, 大約夜晚8點零鐘, 唔洗排隊。紅酒汁薯條 哩個薯條麻麻地, 可以唔洗嗌, 全條都淋既溫度係灘左一陣暖暖地咁, 個汁既味道一d都唔夾個薯條個人對芝士拉唔拉絲無乜要求, 認為味道緊要d白咖哩香茅豬扒飯沙嗲王名物, 今時今日仍然同一味道! 豬扒軟腍, 好好咬口, 一咬就食到香茅味好重, 白咖哩濃郁, 配白飯真係無得彈! 吉列豬扒配白咖哩粉絲之前食過沙嗲湯粉絲, 今次試下白咖哩, 結果係沙嗲比較好味, 白咖哩襯飯會好d粉絲份量好多, 但就淋左d, 如果係煙煙韌韌個種就更正!豬扒出奇地好食, 肉唔會乾真真, 而且係厚切,有咬口 吉列皮香脆唔厚。另外仲叫左杯芒果椰汁沙冰配西米, 係上次係旺角飲過, 覺得好正一心諗住今次再飲番既, 不過今次係

早中晚宵夜都要點，回頭率100%知道好多人都推介過，我也來湊個熱鬧，投贊成好味票！豬扒又厚又軟，白咖哩汁是神來之筆，就算蒙著眼，我都會知道是來自沙嗲王。可想而知那獨特性！加上大件抵食，lunch time 之選！你知道嗎！？！白咖哩豬除咗配白飯，還可以選烏冬。烏冬是很有口感，日本的那種，絕不是超級市場的，跟即食麵一併放，粉粉圓條的那種。咖嗲王的烏冬是冰箱急凍冷櫃的那種，QQ，粗粗，有口感的。想起都想去再吃！

來沙爹王，就一定要食白咖哩豬啦，這是常識吧！白咖哩豬，肉脆多薑絲，食落去，立即聞到滿滿的薑絲味！而且，汁多，可以用來一起拌飯食！十分享受！配上一杯熱奶茶，為是次用餐劃上完美的句號！

好久沒有吃沙嗲王了，對他的回憶就是以前和工作夥伴經常一齊食午餐的餐廳。無他嘅，平靚正。不過他的白咖喱豬扒飯確有一手，但因為分店不多，當轉工真沒有再吃了，想想也有六年吧。今日和朋友們經過心血來潮，而大家對沙嗲王的感覺也是差不多，於是一齊重拾回憶去。差不多所有人都點白咖喱豬扒飯，而另一個朋友就選擇性冬陰公麵配鐵板雞髀（應該是新口味），另外再加一些小食。餐牌比以前更加精美，選擇就反而少了，不過也好，專心做幾樣好的才更成功。之前就是太多選擇了，而且做得也不是樣樣精。白咖喱豬扒飯依然維持一樣的味道， 就算沒有白來。鐵板雞髀反而有驚喜，雞髀非常鮮嫩多汁，而且很大，廚師還會細心起骨，絕對值得推介。小食就中規中矩，另外唯一有點兒瑕疵的就是薄餅，雖然價錢平，但賣相不佳而且太少了。這個價錢我寧願吃薩利亞了。整體來說，現在的沙嗲王的確比之前進步一點。

我最喜歡吃沙嗲王的蟹粉豆腐鍋，每次蟹粉磨豆腐的份量都非常之多，加上一碗飯食完一定好飽。白咖喱豬扒飯都非常出名，豬扒揸得香脆，白咖喱沒有黃咖喱那麼濃郁，所以適合喜歡淡味道的人。

初嘗沙嗲王一定要試下佢家傳戶曉嘅白咖喱啦叫左個白咖喱雞扒飯白咖喱不過不失 比起平時嘅咖喱冇咁辣同甜啲如果有埋薯仔就perfect池啦雞扒太細舊 食曬成舊都仲有好大部分嘅飯剩所以就叫多個硯呢個硯真係冇咩特別毫無驚喜可言唔入味 份量又少連啲菇都唔入味至於飲品方面叫左個特濃朱古力沙冰上頭會加啲類似oreo餅碎咁嘅野唔錯另外啲侍應好似唔休做咁態度超級懶散就食完個餐 杯飲品都未到

以前觀塘返工，成日同同事食沙爹王，自從早兩年轉咗工就好少食。呢日同朋友去油麻地買嘢見到有沙爹王，我即刻話要食，以解我對白咖哩豬扒嘅思念😂雖然散叫同套餐價錢可能只係相差個甜品，但我依然鐘意叫餐貪方便🙆🏻👉🏻二人套餐($253)👉🏻餐湯x2 : 忌廉湯湯夠熱，不過仲有啲一舊舊好似凝固嘅嘅粉團未散開🙈味道略嫌淡口，加啲黑胡椒先有返啲味。👉🏻厚切吉列豬扒沙嗲湯烏冬沙爹湯底濃，烏冬煙韌，吉列豬扒即炸即上枱，炸漿好脆，豬扒肉質仍然juicy。👉🏻白咖哩豬扒飯最愛嘅白咖哩豬扒，食沙嗲王都係為咗食佢，豬扒用香茅腌製過再炸香，肉質保持爽口嫩滑，白咖哩只有好少好少辣，並略帶甜味，好開胃。👉🏻韓式蜂蜜芥末醬雞翼下次我會揀番炸牛油雞翼😂🙈個蜂蜜芥末醬味道甜甜地，芥末味道較少，但個汁好漿口，好杰。雞翼炸得幾好，皮脆肉嫩。👉🏻凍青蘋果紅茶👉🏻熱紫薯鮮奶👉🏻甜品仲有兩杯細細杯嘅HaagenDazs，掛住食唔記得影😂📌加一服務費，總計$278.3

食沙嗲王食左多年，一直鍾情於佢既白咖哩豬扒飯，豬扒肉爽口，肉質嫩滑，味道一流！睇到用左唔少香茅，咬落去仲微微有d肉汁，令人好滿足！配上白咖哩真係多多白飯都唔夠！全香港得佢一家有呢種白咖喱，話係咖啡查實都無一向食開既咖哩味，滿滿是南薑同香茅味，汁好濃但食極都唔會覺得滯！每客飯既份量都唔細，汁都多，我鍾意叫多個薄餅點汁食，真係一流！最正既係原則上食左十多年，佢既水準都保持得好好，間間分店既味道都好好，抵讚！

唔好以為沙嗲王係專賣垃圾嘅廉價餐廳，今日我要為沙嗲王洗白一下。其中嘅日式蟹粉豆腐配白飯係我每次必點主食之一。聽見石鍋發出嘅嗞嗞聲，睇見鍋內嘅蟹粉汁不斷翻滾，已經有種“一定好好食！“嘅感覺。而且蟹粉豆腐跟白飯比例係一比一，可以每啖都食到蟹粉豆腐。加上白飯另上，石鍋夠熱，慢慢食都可以保持上菜時嘅味道及口感。

沙嗲王另一樣值得推介嘅主食，係呢道特大嬌嫩巨脾餐，另配白飯或薯角。第一次試食時，本身以為係小食，上菜時先知，雞脾比手掌更大。而且做倒皮脆肉嫩，雞脾肉質嫩滑，眼見肉汁多到已經滴出黎，鐵板熱辣辣，吸引之餘，兩人share已經好足夠。

屋企同埋返工附近都冇沙嗲王，所以好少機會食到佢，琴日朋友突然提議我地目的地附近就有，大家都甘耐冇食，不如就食佢啦！梗好啦唔知係咪太耐冇食，連餐牌都唔同哂樣，有ｄ食開既都冇左好彩仲有次次黎都會叫既脆蝦棒！細細條，脆卜卜好易入口，點埋沙律醬食急不及待要食佢啦！白咖哩香茅豬扒飯最鐘意個白咖哩甜甜地，撈飯食真係可以食多幾碗！香茅豬扒炸得好靚，一口咬得開沙嗲湯底配特選肩胛肥牛讚岐烏冬牛肉好大件沙嗲湯底微辣可惜冇左金邊粉揀

係旺角行完信和又唔想去多人既地方食野 又記起手上有上次食完沙爹王既優惠卷 於是揀左去油麻地既個間門市 因為係平日夜晚 店內冇咩客人 環境舒適又比較靜 店員友善由於唔想食咖喱 所以尋晚係沙爹王叫左個有牛同菇既焗芝士年糕 上面用左moza咩啦個隻芝士=有拉絲效果既個款芝士咁年糕正正常常=幾好食（本身鐘意食）牛都有牛味 菇有菇味（ry碟年糕講真就唔係好大碟 但對女仔黎講夠食 而且有滿滿既芝士 如果再大碟d都可能會膩 所而家既size我覺得適中唯一係個檸檬梅咩茶（凍飲）非常一般地唔覺好飲 下次唔會想再叫但唔叫飲品都只係5x蚊一碟芝士年糕 真係都算係咁啦

今日去左沙嗲王食下午茶，估唔到又抵食又高汁。白咖哩香茅豬排飯飯既份量都算多，豬排較薄身但好軟。白咖哩好香濃，好creamy ,份量岩岩好撈曬啲飯，好好味。熱奶茶唔洗加$ ，唔好期望好飲。隨餐會附送一樣野食，都好多選擇。揀左蒜味雞翼，熱騰騰，好脆，雞肉好滑。仲叫左一個蒜味薄餅，口感似蒜蓉包味加酥皮，但蒜蓉味不太突出，不吸引。仲有優惠卷送，唔記得係光顧幾錢先送$3,都幾抵，因為呢間咁好食一定會再去食。下次想嘗試米線！

就話說突然想食沙嗲王，去咗呢間食。但真係被環境「黑人問號」咗，有一個area完全零裝修，應該係之前唔知係咩店，依家俾咗沙嗲王，但又未搞，感覺有啲舊同污糟。價錢還好，唔算加咗好多。咖哩肩胛肥牛飯，肥牛算多，味道都夠嘅。另外加18元，有簿餅2件。咖哩同簿餅係match啲。白咖哩豬扒米線，一如以往，都係ok，不過啲汁確實係配飯好啲，唔係好掛到湯。清酒煮蜆就45元，都幾抵㗎，都幾多下，少沙，湯都幾清甜。呢杯加15元就可以飲，都幾好飲，可以一試。

今日和朋友到油麻地午餐，記得讀書時的飯堂是銅鑼灣沙嗲王，差不多有十年無吃過了，在窩打老道和彌敦道交界找到間沙嗲王，平日經過都不顯眼，原來在商場二樓。記得以前吃過的沙嗲王是在銅鑼灣廣場，面積很大，現在已搬到另一地點。油麻地這間有眾多付款方式、，支付寶、微信等都可以支付，這麼多年無吃過的招牌白咖哩豬扒飯仍然存在，當然都要點！我們點了白咖哩豬扒飯、芝士溫泉多咖哩海鮮焗飯、凍荔枝綠茶、芒果椰汁沙冰配西米。總評：服務差，食物不過不失。