沙嗲王 (現時點)

营业中

休息中

輕量清湯慢煮豬軟骨米線配蒜蓉牛油雞翼(兩隻) $48 跟熱奶茶 早前有天下午來了沙嗲王吃個late lunch， 這碗叫輕量的米線其實一點都不輕啊， 米線和豬軟骨份量也不少， 雖然是清湯， 但煮豬軟骨的汁都滲進湯底去， 令湯底味道相當不俗。豬軟骨煮得很軟腍入味， 份量也有好幾件呢，還有半隻好吃的溏心蛋，完全是意料之外的，我還以為只有吃日本拉都才會有溏心蛋跟呢，另外還有兩棵小棠菜，蠻豐富的。米線口感雖然略腍但仍還好。 兩隻蒜蓉牛油雞翼很香， 是即叫即炸的， 熱騰騰很邪惡， 外皮香脆卻不油膩， 蒜蓉味較重， 牛油味不太明顯的， 但整體都蠻好吃。

我對SY說:「我哋今日去食芒亨呀!」, SY答:「芒亨係咩嚟架?」 我:「屠龍呀! 上次Switch試玩, 斬恐龍嗰隻Game呢」我們沒有買MONSTER HUNTER, 只是玩免費試玩Ver. 朋友得知我們去食貓飯, 即時問我:「有冇貓車嚟接你呀?」 現場沒有貓車, 但有很多不同造型的艾露貓. 還有艾露貓咕臣, 但店員說:「E款咕臣, 係我哋上年做第一次芒亨主題時的限量品, 今次無得賣, 只係Display」 我們首先點了「採集任務！特產大啡菇 :$63」, SY:「嘩! 真係咁大個菇喎」 白咖哩做汁, 有豬扒粒伴飯....其實是一個一柱擎天飯...SY:「好食吖...我以為係忌廉湯, 原來係辣辣地白咖哩, 真係好食」 這個飯不是說笑的, 絶對是有賣相, 而且一點也不差的重點推介. 之後來的一個更加好玩, 配合遊戲的「預備狩獵！燒肉調配中！:$72」, 因為有三種配料, 可以任選其一. 這三款配料其實是a.蕃茄, b.黃咖哩, c.藍咖哩, 即是代表Game入面 a.熱肉 b.麻痺肉 c. 睡眠肉. 這款雞肉中間還插入一支大骨頭, 真係模仿成遊戲入面的燒肉...SY:「我食咗睡眠肉.

我發現沙嗲王成日同動漫.遊戲crossover 今次既期間限定就係男朋友嘈住要黎既Monster Hunter world不過望過個主題Menu 啲嘢食都係唔太吸引 所以淨係叫咗杯嘢飲硬化藥 百香果雪梨蜜配啫喱 $37好清涼又唔會太甜 仲有滑溜溜既啫喱增加唔少口感 個玻璃杯仲可以帶返屋企添 (不過其實都冇特別 普通透明樽一個 所以無拎到)日式蟹粉豆腐鍋配飯 $68豆腐細細粒好滑 個鍋好足料 熱辣辣 蛋黃羹好濃味 比較咸 最岩撈飯 男朋友好中意食煙肉菠蘿鮮茄醬Pizza $38個餅底有驚喜 好脆好鬆化 不過略嫌太油 pizza細細個但性價比算高避風塘鮮魷皇子 $60本身想食避風塘軟殼蟹 點知賣晒 所以就叫左呢個類似既 但係炸得太over了 比較油膩 睇見都唔想食

Monster Hunter x 沙嗲王《Monster Hunter：World》.最近Monster Hunter係熱門既遊戲就係火熱既時候沙嗲王就推出左主題餐廳Babytea我緊係即刻去試試.我今日就去左油麻地既沙嗲王試試兩個人點左“泥魚龍”&“燒肉調配中”&“回復藥”+“回復藥G"&“硬化藥”重點推介係泥魚龍$72但魚柳成隻手咁大不禁令人嘩一聲.另外應該有人會有疑問咩係“回復藥”+“回復藥G"回復藥就係特調野飲啦咁回復藥G其實係蜜蠟果日去食職員話食完要吐番出黎吾可以食落肚食落似蜜糖😂.最後提提大家買滿$100可以加錢買精品但好快好快好快)重要既野要講三次好快會冇哂要買就要早啲去

年初四嘅晚上，特登黎到現時點嘅沙嗲王芒亨朝聖。人流非常多，入座等候時間大概都要45mins!雖然我唔係MH粉絲, 但個人覺得沙嗲王開業屹立27年，勿論好食與否，仍然有heart 同潮流野crossover，呢種精神已經值得加許。店內各個位置都充滿MH氣息，部分椅背仲有印住MH 嘅cushion！為MH 嘅主題menu ar, 真係印得幾靚！除左 主題餐牌外，仲有正常主餐牌同普通二人餐！經過商討後，MH menu 只叫主題飲品!飲完玻璃瓶可以帶走ga!左：（解毒藥）藍蝶花乳酸味 顏色好少女夢幻，味道單純嘅乳酸味！右：（回復藥）青蘋果荔枝薄荷梳打 呢個幾好飲，青蘋果荔枝味幾夾，薄荷 味就飲唔到，整體唔太甜，不錯！現場仲有多款MH 紙牌俾食客打卡留影。白咖喱豬扒飯 $58呢度嘅招牌，豬扒有兩大塊再加一小塊！豬扒醃得香茅味夠，肉質唔韌！蒜蓉牛油雞翼 $40/4隻炸得非常香口，陣陣牛油香！咬落雞肉好juicy，正脆蝦棒 $27/8件27周年呈獻，所以做$27特價!脆卜卜，條條蝦肉！埋單$218.9 送番$20 coupon! 而家嘅coupon 好似張戲飛

上網眼見沙嗲王有Monster Hunter World 主題餐作為一個"獵人" 點都要同朋友去試試佢我叫左杯特飲（黃色），可惜味道有點平淡之後又叫左個海鮮湯，但也是平平無其。主菜係燒雞，皮脆肉嫩，雞肉唔會太乾

沙嗲王依家餐廳我諗係香港來講都算係一間大家一定會食過嘅餐廳，亦都係好少數食物質素係有一定水準嘅集團式餐廳。一如以往都係諗唔到食咩嘅情況下就去食沙嗲王，不過今次就同自己女人兩個人去食，唔係一大班朋友嘅情況下叫嘢食嘅數量就要睇住適量，最後就叫咗個紅酒牛柳粒焗飯，我女人就叫咗個香菇石頭鍋飯，佢仲要怕食唔飽叫多一個炸碼頭。個牛柳粒飯我真係要不禁讚嘆一下嗰啲牛樓粒好似真係唔使錢嘅鋪會晒成個焗飯，香菇石斑鍋飯啲菇係冇草味嘅我諗素食嘅人應該會幾鍾意食，最後要講嗰個炸饅頭，外皮炸到酥脆，饅頭嘅裏便係鬆軟嘅，一啲都唔油膩。

陪朋友在寒冷的冬天睇羽絨，之後見$29起的沙嗲王下午茶牌，被吸引了上去坐低歇一歇。朋友肚餓推介佢食白咖哩豬扒飯，我食薄餅，薄餅係熱辣辣上台，所以好鬆化香脆，好味，當然豬扒就唔使講，貫徹好味水準！唔好意思，食完先醒起影相，唯有影餐牌比大家🙈🙈🙈去廁所見到個窩心位，見到真的會心微笑😊如果打電話不知道是否有專人送入黎比有需要姊妹呢🤣🤣🤣👍🏻下午茶時間不太多人，我和朋友可以一坐就坐到五點半，但是人數偏少，我們按制需要服務時，店員反而未能及時回覆，等了十多分鐘才可以回應，這個位需要進步！

沙嗲王好似越開越少 記得細個哦時 沙嗲王好多分店😄接近食飯時間 星期六7點半 人已經好多 要排隊拎籌等位😱不過沙嗲王起商場入面 等位時可以周圍行下😀我係白咖哩fans每次黎沙嗲王都會點白咖哩食 唔辣 好甜 又好香濃既咖哩 因為我好少食辣野㗎😂我要俾LIKE 佢👍🏻雞粒炸得熱辣辣 係乾身左少少 但都接受到 送飯一流😘飲品 點主菜 飲品會平價好多選擇今次揀左芒果西米芒果係沙冰底再加椰汁 西米 少許芒果粒Yummy yummy 😋

星期六蒲旺角👣，又係搵食難題，度度唔係爆場就等好耐👩‍👩‍👦‍👦，見太耐冇食沙嗲王，之前去水準大跌，所以專登就去試下有冇改善到啦一去到有人等位，但好彩等左唔駛5分鐘就入得去白咖喱香茅豬扒🐖飯白咖喱好香，唔辣，而且好creamy, 好開胃，豬扒份量都算多，有5塊，而且唔會好銀同鞋，有半價可以揀38蚊以上既飲品，揀左芒果揶汁沙冰，有台灣珍珠，啫喱，西米，難香子揀做配料不過啲冰有啲打唔夠碎，有冰粒

因為朋友有60幾蚊嘅代用券（每惠顧$20就會送$2），就去咗食沙嗲王啦。以前以為沙嗲王真係食沙嗲，所以第一次食係上年嘅事😂其實沙嗲王似係做fusion菜，但味道就港式啲。今次就揀咗兩個飯。鐵板嬌嫩巨脾飯 ($76 未加一)呢個飯相當有驚喜，巨脾佔2/3個鐵板，冇違反商品說明條例上碟時已經起咗骨，淨低條骨可以最尾先吮。雞皮燒得好香，雞肉極嫩滑，伴碟有少少粟米、車厘茄同西蘭花。巨脾飯會配一種醬汁（三選一），我揀咗招牌嘅白咖喱汁。建議個汁唔好倒落巨脾上面，用嚟撈飯仲好食！一碗汁係夠撈曬成碗飯。個汁好香濃，有少許椰香味，微辣，每次去沙嗲王都必點香芒啖啖蟹肉炒飯($72 未加一)呢個炒飯都好重料，蟹肉有成塊手板咁多，芒果就大概有半個大芒果。可惜一月唔係芒果當造月份，唔甜唔香。個飯仲落咗肉鬆、腰果、蛋、椰菜落去炒，味道合格。要彈嘅係個飯唔夠熱，似係一早炒定。整體嚟講，沙嗲王味道都算中上，但價錢唔算平。

星期六晚約朋友吃晚飯，本來天氣冷想吃火鍋，但沒預約，滿街火鍋店都長龍，所以朋友帶了我去沙嗲王，雖然我們三個人，但都沒人點沙嗲的菜，但菜單裡感覺沙嗲的菜也不算多別的先不說，朋友點的熱朱古力，不知怎回事，都是這個樣子，第一次時服務員也很好幫朋友換一杯，但換完回來還是這樣，不知是不是技術問題還怎回事，朋友也算了，免麻煩要換第三次我點了個紅酒牛柳粒焗飯，份量廷大的，牛肉粒也大粒，入口嫩滑，有牛肉香味，中間有粒焗雞蛋，半生熟，打穿后蛋黃汁滲入飯裡配著吃，也別有一番風味，但紅酒味。。。我說沒感覺有嚐出來🤣，整體來說焗飯不錯，就賣相好似差了點🤣

經過一個月的辛苦後，終於在今天結束了。我和幾個好姊妹一起去慶祝一番！今次是我第一次在沙嗲王食晚餐，完全令我喜出望外！這些就是我們叫的套餐。等我逐一介紹下︰蟹粉豆腐鍋飯 我是一個不喜歡食豆腐的人，覺得有種怪味，但這個反而是我最喜歡的豆腐菜色。這個好重蟹味，用蟹膏去除豆腐的怪味和質感，送飯的最佳之選。煙肉菠蘿PIZZA 這個PIZZA很好味，雖然餡料同PIZZA HUT 的不大分別，但唯獨餅底不同。這個餅底是同薄餅一樣的，但有種脆脆地的感覺。白咖喱豬排飯這個的豬排肉質又結實又軟。外衣薄薄地，很脆。薄餅這是另加$18叫的，雖然是無醬，但沾白咖喱一齊食，都好好味。食時，完全不油，又香又煙韌，令人食過不停。

沙嗲王在旺角及油麻地共有數間分店，選擇這裡是因為這間分店的空間感較大，用餐用畢可順逛同層的動漫精品。以往都單點白咖喱豬扒飯，這次嚐嚐新食物。至尊二人套餐($248)由餐湯至甜品，提供食物種類甚多，飯、麵、米線、甚或薄飯都有。飲品種類廣，有些特飯飲在其它餐較少見，如青檸柑梅蜜配籣香子。首先上桌的是鮮榨青檸柑梅蜜配籣香子及鮮芒椰汁沙冰配西米。近年蘭香子被認為是健康食品。蘭香子本身是一種沒有味道的食物，加進飲品裡可增加口感。外層是薄啫哩，包裹一粒如黑芝麻的籽，口感如把芝麻粒咬開一樣，是有趣的健康食品。蘭香子清理腸胃、降血脂、預防心腦血管疾病及減肥，但孕婦不能吃。飲品內有一粒柑梅，黏著籣香子。青檸、柑梅及籣香子的配搭得宜，味道清新，酸中帶甜，很開胃。鮮芒椰汁沙冰配西米，芒果沙冰軟滑，芒果粒份量適中，椰汁沒有加得太多，故不會覺得過甜。西米煮得稔軟，嘴嚼感更好。我很喜歡籣香子和西米，兩杯飲品各有特色，嗜甜者可選鮮芒椰汁沙冰，嗜酸者可選鮮榨青檸柑梅蜜。大阪究極薯仔沙律名字很有霸氣，但沙律汁太多，蓋了其它材料的味道。磨菇湯較罐頭湯好喝，小小的湯杯內也載著幾片磨菇片，份量小，只有半杯。主菜白咖喱香茅豬扒

上個月中幫襯左沙嗲王食下午茶～叫左呢個白咖哩即燒雞扒飯～之前都聽過人地話佢隻白咖哩幾好味～果然真係幾好食喎～有少少辣得黎又夠香。。椰漿味都幾重！個咖哩汁入面仲有d洋蔥，炸蒜頭同埋蔥粒～令到味道更加豐富。。用黎送飯真係冇得輸另外好值得一提既就係佢塊即燒雞扒。。有兩塊架，兩塊都幾厚肉！我本身諗住下午茶份量會較少，但呢碟白飯同雞扒都絕對比我想像中多～佢個名寫明係即燒雞扒，確實我都等左大約十五分鐘先有得食，耐就耐左d，但呢兩塊即燒雞扒真係好正，可以用四個字皮脆肉嫩黎形容～而且亦都唔覺得好油膩呢樣野正～不過美中不足就係有d位燒得真係黑左d。。。食d燒得太燶既位會容易生cancer。。所以雖然好想成塊雞皮食晒佢，但都要一路食一路搣開d黑色部份～總結：值得再食，埋單＄４９再加一，包凍飲，又送番＄４現金劵下次用。