沙嗲王 (官塘工業中心) (已結業)

同朋友帶bb去官塘行下抖下氣，要搵間有bb椅的餐廳，在工業中心附近搵到間好唔起眼的沙嗲王，因為唔係上班日子，店面好小人食得都放心d，見到佢成排bb椅，幾多個bb一齊到場都唔怕冇bb 椅供應😂自助用app點餐，連同店員講多兩句都慳返😂早餐都冇食極之肚餓，叫咗個餐仲加多個薯條配埋個小食剛剛好，然後再加點埋特飲珍珠奶茶，夠哂滿足蛋滑咖哩有一定水準，如果咖哩汁比多些更好，另外豬扒夠脆，唔錯！薯條一般，乾得制唔脆，有待改善每次去沙嗲王必點，好愛食豆腐，呢隻外脆內軟滑，每次食都覺得好好味珍珠奶茶當然冇茶飲店咁好，好過冇得飲系列由於位於工業區，坐低傾計吹水幾耐都冇人趕你走㗎！

一向係沙嗲王忠實粉絲，今日去買外賣自取，等緊外賣其間，見到個負責pack 食物嘅員工無帶口罩。。。。佢又係咁講嘢，即刻唸佢d飛沫會唔會噴曬落d嘢食呢。。。但又唔知係咪沙嗲王無提供俾員工，算啦，希望唔好咁黑中招啦。

沙嗲王係我地幾位同事lunch之選，佢個白咖哩豬扒飯真係無得輸， 白咖哩唔駛講又香又甜又好味，豬扒又淋，而且仲有成3塊夠哂份量， 佢果杯咖啡又係好好飲，少甜少冰配合得一流，所以差不多個個星期都有一次去幫襯！

第一次食沙嗲王係讀書時期既事同學推介白咖哩豬扒飯心諗 真係咁特別咩點知一食就食左十幾年超好彩公司樓下開左一間就變成我工廠大廈又一個吃午餐的好地方一開頭要用app拎位後來慢慢都唔洗拎飛可以相比其他茶記價錢偏貴於是繼續食我每次必點白咖哩豬扒飯豬扒鬆軟 白咖哩汁讓人著迷真係好想知個做法係咩最好笑係同同事食4個人都係一樣叫呢個觀塘這分店同其他分店唔同經常會跟動漫搞合作所以會有特別的菜單因為上班中沒有去點但大家去的時候記得要留意一下很可愛的

外帶有優惠嘅關係☺️相約同事們一起叫外賣。外賣送到黎仲係熱辣辣嫁😋這店嘅白咖哩豬扒飯係必點之選，飯係珍珠米，食落好有口感😊配上香香濃濃嘅咖哩，好好味☺️佢地嘅咖哩唔算好辣😌好易入口。豬扒係用香茅煎香，食落脆脆的。

到晚餐時間，見好耐無去過沙嗲王，所以一家人出發去食沙嗲王，上網搵完，最近就係觀塘區呢一間，呢間可能係做工廠區生意，所以唔洗等位，好開心～因為我真係好怕多人要等位嫁！咁我地呢餐就5個人食～叫左2個飯，3個小食，1個湯，4杯野飲，1個甜品...咁食左d咩呢？等我介紹下啦！2個飯： 白咖喱豬扒飯（$63），豬扒煎蛋飯（$63）3個小食：蒜香燒雞翼（$25），軟殼蟹（$62），芝士一口貝（$37）1個湯：法國龍蝦湯（$22）4杯飲品：凍檸茶2杯（$30），芒果西米（$24），青檸柑梅蜜（$25）甜品： 芒果椰汁西米露（$25）今晚既晚餐真係極度豐富，夠哂飽～食左幾錢呢！食左$376，要加1服務費$37.6，total 食左$413.6

同朋友聚會唔知食咩 通常沙嗲王都係平靚正選擇 今次行到過去先發現舊店執咗笠 結果要行10分鐘搵新店 大家記得唔好行錯！四個人點左個兩人餐 加多一份飯同幾樣小食好多都唔記得咗影相跟餐嘅湯 非常普通唔好飲 全餐最差係佢... 食餐嘅可以點沙律 第一次去沙嗲王點芝士牛柳飯 呢個係朋友話好好味所以點 入面有隻蛋 撈埋一齊好好味 冇介紹錯小食有豆腐 雞翼同炸蝦卷 全部都幾香口！算特別係雞翼好香 炸得好脆飲品有跟餐嘅朱古力 朋友覺得太甜 但我食開甜又覺得啱啱好 幾濃另外重點左經典嘅沙嗲牛肉粉絲 同埋蟹子豆腐煲 呢兩個太好味實在唔記得影埋單每人大約$100 大滿足

第二次來，很容易就走過了門口也不知，而且今次去的時候是黃昏5:30，觀塘道的正門關了，兜兜轉轉，入了官工2座停車場入口才找到樓梯暗門進去。地方有一間酒樓般大，若非在工廈，恐怕以晚市這只坐了五六枱人的客量難以捱得住租金。對客人是好事，偌大的地方任選檯。還是散叫了幾道菜，黃金咸蛋軟殼蟹，件數有五六件，每件大大舊，炒咸蛋味調得適中，吃海鮮而能得飽肚感；韓式蜂蜜芥茉醬雞翼，雞翼脹鼓鼓，很入味，雖然只點了4隻，但感覺充滿；慢煮豬軟骨飯配糖心蛋，軟骨有大有小，炆得很腍很夠味，糖心蛋軟糯，吃得津津有味。比起想當年的沙嗲王那種只懂賣沙嗲沒啥選擇的集團餐廳風格，見現在的裝修及食品質素明顯是想擺脫舊有那種土味，就可惜現今食肆款式多的是，一時三刻未能想到去這地方吃吧。溫馨提示：餐廳沒廁所，要行到老遠1座，穿過停車場而且只找到男廁，女廁不知神隱在哪裡。

多國小菜系列🍽🤤▫️餐廳：沙嗲王▫️地點：全香港有10間分店📍旺角有三間▫️營業時間⏰：Mon - Sun 11:30am - 11:30pm 🤣 ▫️價錢：～$50+—美味：🤤🤤🤤🤤環境:🌟🌟🌟🌟價錢：💰💰💰+0.5💰—👧🏻👦🏻成日都去食沙嗲王，因為佢有唔同種類既小菜同小食🤗🤗👦🏻一定會叫佢地既巨脾飯/薯條🤩🤩隻大大既脾好肉質，而且外皮脆脆地🐥🐥💕點埋個汁一流🍖🐔🍗而蒜香雞翼（$38-4pic) 都係必食🤩佢好有蒜香味，而且大大隻🥰軟殼蟹方面，係的確好脆而且蟹好夠味🦀🦀加埋伴碟既炸蒜粒同炸米粉條，係超好配飯食🤩不過就有少少貴（～$70）📍仲有吖，每食$20蚊就有$2蚊現金卷可以下次用🤤計落就係9折🌟🌟—#好西 #沙嗲王 #蒜香雞翼 #軟殼蟹#夏天美食 #HongKong #HK #foodie #goodwest #food #meal #lunch #UrbanCafe #MK #cat #Eeeeeats #foodphotography #foodporn #foodie #follower #followhim #followbackteam #followall #comment

去完觀塘開倉就和老公撐枱腳揀咗地鐵站附近， 為於工廠區嘅沙嗲王店內設計很舒適，還有很多動漫畫像老公點了咖喱豬扒飯-好香濃咖喱，沙嗲王的豬扒冇得輸朱古力沙冰-真係好冰凍， 食冰多個食朱古力我食左海鮮冬陰公米線-一啲都唔辣，海鮮有兩隻蝦，青口等，材料很豐富，口感也是新鮮的，彈牙的，不會太梅太林，跟圖片差不多，但賣相一般小食是避風塘炒魷魚🦑-一般，魷魚很細隻不過沒太多炸粉份量也很多食到最後竟然見到有隻黑色小昆蟲捐入沙發真係嚇死幾好食都假，下次唔夠膽再來食完又有現金券，薄荷糖清下口嗰陣冬陰公味先

上網見到第五人格同沙嗲王Cross Over，超激動！ ！ ！作為第五人格fans一定要來！！！店邊好多第五人格嘅紙牌，可以影相，周圍都貼晒第五人格嘅相，可以打卡🥳餐牌有好多監管者同求生者嘅餐揀，如果叫嘢食仲有書簽餸，叫嘢飲有個水樽送，不過個水樽唔可以裝熱水。啲餐對比起平時沙嗲王嘅餐貴少少，而且睇落去吸引，作為理性嘅消費者，我一如既往只係叫咗一碗沙嗲拉麵，一個香茅沙嗲飯，配多個薄餅。另外帶咗杯醫生嘅往昔嘢飲，飲落去似波子汽水味，但陣味好奇怪，超難飲！😂怪味野飲😂！

忽然想起沙嗲王嘅招牌白咖喱豬扒飯，於是放工後便來這裏開餐。估唔到差不多八點嚟到竟然需要等位。果然今日想起沙嗲王嘅人不只是我。今晚嘅白咖喱豬扒飯水準同以往差不多。炸得金黃嘅豬扒雖然係雪藏貨，但配上濃味嘅白咖喱非常之夾。豬扒分量充足，絕不欺場。豬軟骨飯嘅豬軟骨煮得入味，送飯一流。另外叫咗兩款小食，避風塘炸豆腐用鐵板上，保溫之餘同時亦令豆腐更香脆。蜜糖燒雞翼上枱時有啲似某數字哥的土匪雞翼，如果多啲蜜糖會更加野味。

雖然成日黎食，但係有幾款都係第一次嗌，好似魷魚同雞軟骨咁，都係第一次嗌，但比我想像中唔夠味，好似一堆有味嘅炸粉同冇味嘅魷魚同雞軟骨咁。必嗌嘅係通菜，因為真係好惹味，而烏冬都好夠味，下次可以試下其他湯底。沙嗲王嘅野食唔差，而野飲就朱古力沙冰係我去親一定會叫。

由細到大都好鍾意食沙嗲王。雖然佢越嚟越貴，但食物質素冇一次令我失望。白咖喱豬扒飯除咗沙嗲王，我都未見過有現存嘅餐廳有白咖喱食（當年順利邨嘅幾好茶餐廳有㗎）。白咖喱椰汁味好香，送飯一流。豬扒味道濃郁，肉質鬆軟。石頭鍋娃娃菜想食熟食嘅菜，呢度選擇唔多，而石頭鍋娃娃菜係比較好食嘅一款。除咗娃娃菜之外，仲有少量紅蘿蔔同埋煙肉，石頭鍋熱辣辣，啲汁慢慢收乾，所以啲菜都好濃。炸雞軟骨大大碟香脆可口，呢次有特價，$33咋。買急凍雞軟骨都$36一磅，抵食！

今晚同左一班朋友黎到觀塘呢間沙嗲王小聚，可能因為天氣問題，加上平日，所以客人不多。朋友們各自嗌左飯同麵，再加某兩個小食。當然，最吾少得的就系咖喱豬扒飯，呢個系餐廳的人氣飯類之一。之前就成日都食白咖喱，甜甜地的。而家就試試黃咖喱，都一樣好味，又不會太辣，好開胃，香茅豬扒仲炸得好香口。我地5人之中，都有4個人嗌左呢個黃咖喱香茅豬扒飯，可想而之呢個真系人氣之選。呢個豬扒飯除左有黃、白咖喱之外，仲有沙嗲口味的，味道一樣好味，但個人都比較喜歡黃咖喱。系小食方面，就嗌左個芝士肉醬年糕同新出的蝦肉脆卷（吾記得左咩名，但大概系咁）。年糕配上芝士肉醬相當好味，而新出的蝦肉脆卷點上沙律醬食，味道非常合配。價錢都算合理，份量OK，味道好，好適合同朋友或家人一齊黎開餐。