沙嗲王 (官塘工業中心) (已結業)

6人行又去食正嘢～知道官塘沙嗲王又開返一定要去食下先～叫咗個至尊2人餐$253加6樣嘢～餐湯叫咗磨菇湯～好creamy好濃白咖哩香茅豬扒飯好香椰奶味送飯一流～香茅豬扒好入味唔會乾日式蟹粉豆腐鍋超級咸～唔係好食到咩味～薄餅煎得算香口～但因為D蟹粉得個咸字整體好難食椒鹽雞軟骨即叫即做好有咬囗跟餐仲有甜品～簡咗朱古力同曲奇雲呢拿脆蝦棒皮脆又夠蝦味～唔會炸得好深色咁油淋淋韓式蜂蜜芥末醬雞翼～依個個醬幾特別唔係到到食到～但夾唔夾就見人見智蒜香燒雞翼蒜香味濃幾嘢味避風塘軟殼蟹超多蒜～即叫即炸全隻切件熱辣辣超正即燒黑椒雞扒沙嗲湯底拉麵～雞扒冇咩黑椒味但勝在夠軟熟沙嗲湯底一如以往咁濃～果然係沙嗲王脆炸蝦球份量略少但蝦味濃～配沙律醬好夾只從裕民坊嗰間冇咗就幾年都一直冇食過沙嗲王～今次食返仲好懷念會再食過

原來觀塘間沙嗲王搬左黎工廈，一於黎食佢既白咖哩豬扒飯先。食開都知呢間出名白咖哩豬扒飯，但呢次白咖哩面有一層油，豬排都滿面油光，講夠健康既你，可能會覺得唔太吸引。 但咖喱味道其實不錯的。我地再叫左個小食，炸物好難唔好食，軟殼蟹味道不錯，但較多油份，若乾身一點應該會更好食。

好開心沙嗲王終於又係觀塘重開，呢日就同朋友過嚟食久違嘅沙嗲王。新嘅沙嗲王開左係工厦入面，店面好似無以前咁大，但就光猛左。我地叫左兩個白咖喱豬扒飯，果然係我嘅至愛，豬扒係香茅豬扒，好香，肉好林，白咖哩汁好濃好惹味，撈飯好好味！小食叫左四隻牛油雞翼，雞翼有好香嘅蒜蓉牛油味，炸得好脆，而且可以保留到啲肉汁！好味！另外都叫左佢推出嘅新品一口炸雞球，微辣，細細粒嘅雞球配埋沙律醬，唔錯！果然沙嗲王就係性價比高

上次食完沙嗲王話下次黎要試下個白咖喱雞扒飯，終於黎左！下午茶時間到，餐廳入面都幾多人，一坐低就落左單先。雖然menu有寫話哩個飯製作需時，但以為十分鐘內都有得食，點知等左都差唔多成廿五分鐘遲過我入黎既人食完走埋添啦！不過，預左等就算啦～終於等到佢黎！講真，其實無咩期望，淨係想食白咖喱，但係拎起把刀切雞扒果陣，我發覺我錯了！menu上話即叫即燒，係真嫁，無花無假點解咁講？當我切開塊雞扒果陣，啲煙開始冒出黎，仲有好多肉汁流出黎，果一刻我覺得咁有誠意，即叫即燒，等廿五分鐘係值得既。重點係雞肉燒既時間啱啱好，保持到肉汁、肉質仲好鮮嫩肉質嫩滑，唔洗點咬就開左，食落仲有好熱，好味(我食到第二塊雞扒果陣，切開塊皮佢仲冒緊煙，真係不得了！)唔好以為個雞扒得兩塊仔，其實份量都幾多。雞扒切開雞皮之後，只有少少脂肪，唔會好多，食落啖啖肉，好滿足不過，雞扒本身就無咩味，對淡口味既我黎講唔成問題既，肉質鮮嫩多汁、即燒哩兩點我已經好滿意雞皮好唔好食我就唔知啦！不嬲食咩都走皮既，但見到燒到都幾香，皮下脂肪都好少。白咖喱一如既往，唔太辣、甜甜地，好好送飯。本身想食一半飯就收手，但因為咖喱撈飯真係好正，就全碟洗左

自從裕民坊間沙嗲王執左之後，觀塘又少一間食野地方，要食沙嗲王要走出去旺角或其他地區。最近得知重開番，趁好天出左去食lunch。今次開左係工業大廈果邊，地鐵站D出口一出轉入去。門牌都幾大，不過真正門口唔顯眼，係左手邊黃色門行入去。今次裡面無舊時咁大，等既時間都相對長少少，好快就坐滿人。午餐menu同事叫左佢地既例牌餐，白咖哩香茅豬扒飯，味道仍然唔錯，咖哩好香好入味。我叫左白咖哩香茅豬扒烏冬，湯底直接係白咖哩湯，感覺有d流，烏冬份量一般，有d過唸。另1同事叫左芝士焗牛柳粒飯，睇個樣已經相當吸引中間有隻蛋流心，吉穿佢，蛋漿流入整個飯，配合芝士同埋淡淡牛柳粒，一流

其實我之前一直都未食過沙嗲王。心諗個名叫得沙嗲王，咁最出名既野食一定係沙嗲啦！點知search過先知原來沙嗲王最出名既係咖喱但對重口味野不嬲唔會放係第一位既我，就遲遲未去嘗試。最近係觀塘開左分店，咁近、放左學又肚餓就去試下。係下午茶時間黎到，都有唔少客嫁！當然要試必叫既白咖喱香茅豬扒飯啦！雖然係好簡單既咖喱加豬扒，但無令我失望！豬扒份量都算多，有成三大塊。炸粉唔多，薄薄一層，講真食落唔算太油膩，唔似平時炸果啲一咬落去成口油，似煎既多啲。肉質鮮嫩，好易咬得開，唔知係咪落左鬆肉粉既關係，食落比較淋身，但未致於接受唔到，仲有口感既！然後白咖喱唔算太辣，啱曬我唔食得勁辣既人，係加左奶油既creamy質感，加上少少椰香，個咖喱汁撈飯一流知道咖喱飯不嬲邪惡，好少食曬啲汁，但哩個餐無論飯定汁我都清左肉醬温泉蛋飯較白咖喱飯失色，但都唔差！個飯係炒飯底，有好多蛋！同埋新鮮既番茄，唔係hea你既罐頭茄碎，值得一讚温泉蛋撈咩都好食嫁啦！肉醬既份量唔算多，但都夠味既，同埋肉醬啲肉唔會太肥，唔錯！肉醬飯適合淡口味既人！蒜蓉牛油雞翼我無食到，但係凍左食一樣咁脆，同埋一上台個蒜味好濃，應該都幾好食～下午茶餐係全日最

有次行過觀塘工業中心地下，見到有間沙嗲王靜雞雞開咗係第二期地下, 今日終於記得黎試吓。話說都好幾年無幫襯過沙嗲王，以前感覺係一般嘢，無咩特色，今次入黎有煥然一新感覺喎。裝飾新穎咗，落咗心機。今日叫咗個雞脾飯，有幾隻汁揀，我揀咗秘制咖喱。雞脾飯有驚奇，隻炸脾仲好多雞汁滲出黎，唔乾亦唔油膩，食落去好新鮮好香口！仲比隻骨你「損」。個秘制咖喱確係同平時個d有分別，呢碗咖哩亦香亦微辦，好岩香港唔中意太辣或太濃嘅口味。見張單有加1，少少怪，通常lunch唔會加1. 不過見佢送返張$6 coupon下次食，咁算啦

好耐無食過沙嗲王1715到仲有下午茶食。開心死兩個女仔食三個茶餐，一個白咖哩豬扒飯。一個牛肩背牛肉沙嗲粉絲同一個蒜香炸雞翼本身見到食評都無咩期望，但黎到都唔差豬扒飯都係咁香，豬扒又淋炸雞翼上碟熱辣辣。好熱氣茶餐唔要野飲可減$2埋單$152.9！食茶餐好抵！

一個字「亂」！等位亂、叫菜亂、等菜亂、連埋單都亂．冇套餐、冇禮貌、食物冇水準（豆腐出晒水）、冇咗三分一菜單．正常有超過一百種食物➕飲料、午市套餐、下午茶餐、專題餐牌，任君選擇．這間保正唔超過六十種（食品31種、飲品27種）一月開店，到了今天三月，依然係試店菜式門口更貼上，只限工廠員工使用．即係想點？見到有一、兩枱客結單時連什麼現金券、XO醬都不要有點火地說話：「以後不來，現金券要嚟做咩！」真係非一般沙嗲王，呢間店冇下次！

觀塘的沙嗲王終於回歸，但餐廳位置都幾隱蔽，係工廠大廈入面，唔熟悉觀塘都唔易搵到，門口好細，不過餐廳入面都好大，好多位，星期六中午收工，等埋朋友一齊去食，時間差不多三點，撞啱有下午茶，下午茶選擇都幾多，我和朋友都係揀左招牌的白咖哩豬扒飯，再配雞翼小食，飲品就加＄2要凍青蘋果紅茶輕量豬扒飯，仲以為好少，但都有兩塊有炸過的薄豬扒，食落好鬆化，易食好香又好味，白咖哩汁同以前一樣有棷香味，餸白飯一流朋友要的肉醬溫泉蛋飯，賣相都幾吸引，而且碗飯都幾多，仲要係炒飯底小食兩款雞翼都有叫，蒜蓉牛油雞翼比較好食，真係食得出牛油香味，燒雞翼都一樣好味，起碼似無咁熱氣青蘋果紅茶較普通，杯底有啫哩，啫哩甜甜地，不過我飲唔出咩青蘋果味

今日我同媽媽和妹妹一齊去觀塘買衫（收穫滿滿），之後我地一齊來重新開業的沙嗲王食野，首先我地各自點了一杯鮮芒果椰汁沙冰🥥和一杯凍抹茶鮮奶🍵，沙冰有啖啖芒果味，反而是另一杯的抹茶味稍有不足，奶味較重。之後我地點左一個白咖哩香矛朱扒飯、蟹粉豆腐石鍋，冬蔭公扎肉鮮蝦米線以及蜜糖芥末雞翼，兩個飯的飯量少左一點，咖哩汁也是太少，但是味道不錯，冬蔭公湯湯底較為辣了一點，石鍋太細，飯量也少，但是雞翼好吃，值得一試...

一行三人到沙嗲王吃午餐，叫了白咖哩豬扒飯，沙嗲肩胛肥牛粉絲，蒜蓉牛油雞翼。蒜蓉牛油雞翼 $40四隻雞翼炸過火兼硬脆，炸漿和雞皮分離，口感像肯X雞辣雞。雞翼有淡淡的蒜蓉味，牛油味欠奉，亦沒有牛油雞翼應有酥酥的口感，失望。白咖哩豬扒飯 $58味道還是跟以前差不多，白咖哩汁比以前杰身了一點，豬扒有點不夠入味，整體來說尚可接受。沙嗲肩胛肥牛粉絲 $60重點來了，極差！甚至不願放入口沙嗲湯底味道正常，只是稍微淡了點。肩胛肥牛比火鍋黑豚肉再厚一點，質素很差，十分“鞋”口，亦吃不出牛肉味。最令人失望的粉絲根本稱不上是粉絲，所謂“粉絲”不是透明而是米白色的，像米粉般幼細卻有著米線的口感，吃了一口，有種“搞咩？” “我食左d咩？”的感覺，叫人難以吞嚥。最後，我向職員要求更換為白咖哩豬扒飯，草草填飽肚子就離開了。很懷念以前沙嗲王和沙嗲城平分秋色的年代，食物和飲品皆是水準之上，無疑是沙嗲界的王者，即使是早5,6年前的沙嗲王，食物亦不至於這麼差。今天，我感覺到這些食物都是胡亂製作出來的，更別說價錢和服務了。

好耐無食沙嗲王，應該超過一年了。知道佢地觀塘嘅分店搬左去工業大廈，當然要試下啦。晚上630入去位置仲有好多，7點後就經滿座要排隊等入了。侍應人手嚴重不足，都唔夠人收枱落單，嚟食嘅話要耐心等候了。講返食物，種類少左好多……我最鍾意嘅xo醬海鮮炒飯無左……沙嗲王嘅主打白咖喱豬扒飯一如以往咁好食豬扒軟硬適中，唔會煎過頭同場加映白咖喱豬烏冬，我開頭以為咖喱汁會分開上，但原來撈埋入湯底，味道無被溝淡左，烏冬好煙韌，正脆蝦棒一樣咁脆蜂密芥末雞翼，2隻味道都食到，甜甜地又會芥末味

今日初五，見觀塘沙嗲王重出江湖，於是就入去嘗試。基於旺角MPM分店的雞扒飯味道出色，所以在觀塘店內再試。叫了一個白咖哩雞扒飯。下午茶餐有一個蝦棒，味道一般，但皮是(林)的，十分奇異的口感。感覺就像賣不出再叮回來。到了主菜白咖哩雞扒，皮烤得不脆，肉質還可。和旺角店相比立即比下去。整體來說只屬一，般。和同區茶記相比食物質素一樣。希望可以改善一下

之前觀塘舊嗰間冇咗之後晏晝嗰餐真係好失落， 好多時都諗唔到食乜嘢好 ，最近沙嗲王終於喺觀塘開番，超開心!一如以往最喜歡食佢嘅白咖哩豬扒飯， 個白咖哩汁冇第二度可以搵得返，塊豬扒又夠厚身，絕對夠淋有肉汁，確實喜歡喜歡 ! 真係好正好正 !白咖哩豬扒飯，椰汁嘅香味夠濃， 辣度啱啱好! 呢排咁凍最正就係食咖哩，喜歡食飯嘅我，佢嘅份量都啱啱好，幾十蚊仲包埋餐茶/汽水，抵呀! 加多10蚊仲可以有餐湯或者雜菌絕，對係午餐首選>.<