沙田友冰室 (已搬遷) 新店位置

第一次去這冰室用餐，接待的服務員態度親切，服務員誠意推介煲仔飯，我點了滑雞和排骨煲仔飯，70元有飲品、菜、湯同煲仔飯，價錢都算合理，飲品同湯都正常，一出菜就開始出事，(豉油太濃)之後再出的煲仔飯話用XO醬豉油，一開就見應無用長秈米，或火候控制出問題，飯還是很軟像糊仔，但鍋底已經燒焦，排骨鮮味無被米飯吸收，XO醬豉油也有點怪味。

石門站近年開了很多新餐廳。 之前試過拉麵和炸豬扒店， 這次去試港式茶餐廳， 沙田友冰室。餐廳以懷舊裝飾， 很有舊香港味道。我和朋友最愛吃煲仔飯， 一坐下就點了一個大澳蝦醬豬頸肉煲仔飯 $58 ( 職員說煲仔飯要等20分鐘)。另加$12配咖啡茶和時菜。煲仔飯煮得剛好， 由焦香， 飯焦不是太燶。 豬頸肉也可以， 但沒有什麼蝦醬味。豉油加了蔥花和xo醬， 可是好像没什麼xo醬味，跟它寫的＂惹味＂豉油有點不乎。整體來說，以這個價錢，這個煲仔飯是可以的。我們另外點了一個精選特餐，秘製沙薑雞飯 $50 (加$3配冷熱飲)。雞煮得很滑， 醬汁不是太鹹。 沙薑醬也很香。 這個餐份量不算少， 算是抵食。這間餐廳不用加一服務費。 食物質素和份量都不錯， 而這個價錢來說， 都算幾抵食。

早上負責麵包位置的女仕、 態度差 ！八達通壞咗好耐未整好、唯有用現金去俾錢、現金俾錢又話冇得找、仲要黑面擰頭！ 食物味道好、但係服務差已經唔會再想幫襯、更何況而家石門有咁多選擇！

裝潢好有香港70年代既特色。全店以綠色為主調，傳統電車果隻綠，牆紙上印有好多舊式招牌，懷舊相片，紅膠既街市吊燈，枱面係扮麻雀枱，仲用左香港既街道名代替枱號，老友記可以黎懷緬一番。椒鹽鮮魷，吾好睇佢賣相麻麻地，新鮮熱騰騰即炸出黎，都幾好味。如果吾好切得咁細條，咁就好樣好多啦！通菜牛肉，中規中矩啦，落左少許辣椒去炒，吾算好喊，略帶微辣，都幾 惹味。沙薑雞半隻，都算大碟。呢碟賣相吾錯，不過就鞋左D。所以食野吾好齋睇外表。😏

早餐:沙嗲牛肉麵幾香同好濃味，個麵煮得岩岩好👍🏻炒蛋不是滑蛋，只是炒到半生熟的炒蛋🤷🏻‍♀️多士熱騰騰的 好香麵包味，外脆內軟的😋👍🏻如果可以塗多少少牛油就更好見佢早餐唔錯就諗住Lunch時同同事一齊食啦午餐:豬扒菜飯一上枱，真心希望佢係比錯我，成碟菜飯好油，見到都唔開胃，食左一啖，曄！好咸，唔明點解一個稍為健康少少嘅飯都可以整到咁唔健康同咁難食🤦🏻‍♀️最後，我同同事食左幾啖就埋單走人，轉場食大快活都冇咁激氣🙄🙄🙄

#double_石門-【港式風味冰室】一上枱 #🍋👧🏻 就俾佢個賣相嚇一嚇 侍應態度麻麻 尤其是啲阿姐 不過呢度勝在裝修幾特別 充滿香港風格-🔻風味菠蘿包（$28）大佬個包扁嘅 等我仲幻想佢好似華嫂咁樣 少年你太年輕了 今次真係諗多咗🙄菠蘿包皮脆👍🏻番茄🍅我諗薄過半厘米啊 加多塊芝士🧀同煎蛋🍳就收多廿蚊💰真好揾🤩⭐️評分：3/10-🔻茶走 跟餐夠滑 不過頗甜⭐️評分：4.5/10－－－－－－－－－🏝環境：6/10🛋服務：2/10💲價錢：6/10💥翻兜指數：4/10-🍴餐廳名稱：沙田友冰室 (沙田)📍地址：沙田石門安群街3號京瑞廣場一期地下G19號舖-🔎餐廳類別👉🏼#double_茶餐廳🔗冰室🔎食物種類👉🏼#double_麵包🔎菜式類別👉🏼#double_港式🔎選擇口味👉🏼#double_咸 #double_甜🔎系列👉🏼#double_🍋👧🏻飲茶走-

好吾掂。。。叫咗下午茶餐雞扒薯條。。及凍朱古力少冰菠蘿包俾小朋友。。。。吾講食物質素。。剩係基本服務都冇。。杯凍朱古力冇少冰。。雞扒薯條來了雞扒伴炒公仔面。。再等。。來了。。D薯條又凍又"林"。。埋单時收銀八達通機壞咗， 佢哋拎咗我張卡去買麵包嗰部機度嘟， 返嚟話唔覺意嘟多咗一蚊俾番一蚊硬幣我。。成件事匪夷所思証明啲人做野冇心機。

其實平常我是比較少機會來石門站，但聽說這裡有很多特色食店，連茶餐廳都好有懷舊色彩。所以今天我去逛街前，捉老公陪我過來吃早餐，想不到平日早上都有不少人來。單單早餐已有9種不同套餐可以選擇，我就吃了B4，鮮茄濃湯牛肉通粉，湯底酸酸地醒胃，同鮮嫩的牛肉好夾，塊多士係較厚那種，脆邊香口好吃。這間茶餐廳門外還有麵包部供外賣，臨走的時候，我也忍不住買了一個雞尾飽，這裡不單多士好吃，連雞尾飽都好美味，有椰香又不會過份甜，但個人覺得一定要剛焗出來，熱食更佳。

今日行過石門，原來好多野食，揀左呢間裝修行懷舊風嘅冰室試下。常餐/午餐平均$50-60一個，好耐冇食常餐，決定食返個蕃茄豬潤通配黑松露炒蛋同厚多士。豬潤好爽，同蕃茄湯底絕配，好開胃; 炒蛋都唔錯，幾滑同都算大份，配埋烘底厚多士，食完好滿足! 聽講佢個公主蛋撻都好出名，但今次太飽試唔到，下次再試!

我這兩個月時常來吃,質素開頭不錯,但價錢不算平. 看到其他人的食評,一直看到咕嚕肉好靚,但到我點時.卻多汁,肉好細舊,好普通,忘了拍照,只拍了碟上盛下的汁是如些多.完全唔掂.椒鹽鮮魷,鮮魷很細件沒咬口.細碟.豬排菜飯好香，但太鹹了 而且有點油.整體食物,正價比好像有下降現象.有值得讚的地方蛋撻,不論牛油或酥皮也都好吃,皮脆有蛋香.有水準.滷水雞翼好入味，但唔太淋，有誠意之作另外茶底不錯，奶茶檸茶也好.

以前瀝源有間沙田友係賣眼鏡，呢間沙田友係茶餐廳。茶餐廳主要食地道香港菜，樓面佈置亦以香港為主題。麻雀枱，押舖標誌，街市燈，香港街道牌。沙爹牛肉面，沙爹牛肉好新鮮，好好味。跟一般茶餐廳吾同。厚多士焗得香脆，配上咸咸地既牛油，咸香好味，吾知係咪鮮牛油呢！🤔菠蘿油係餐廳既主打之一，不過老公怕肥😏，將大部分牛油攞走。菠蘿包係傳統款類型，有質感果D，菠蘿面乾身鬆化，好似曲奇咁。雞蛋好黃有蛋味，但係建議同菠蘿包分開食。個包暖暖地，簡簡單單加埋杯奶茶已經好滿足。有機會會再黎試下D小菜。

有事要去石門一趟，其實我都係第一次嚟石門，真係唔知有咩好食，所以都係周圍行下，因為都唔太肚餓，所以見到有間冰室賣港式野，就買咗個蛋撻試下。其實佢都唔算平，原味酥皮要8蚊一個，我望個樣又唔覺有咩特別，所以見到佢賣班蘭味，我就諗住試下其他味，反正都係貴2蚊。其實蛋撻愈熱愈好食，佢拎比我嗰時都幾熱，班蘭味幾重，好香，d酥皮唔覺好油膩，又真係幾好食，睇個樣普普通通咁，其實相當唔錯，如果下次再去，試下佢其他野先。

普通茶記質數真係唔太好食 早餐多士凍 唔脆，炒旦水狀 冇旦味 凍 ，沙爹牛又係葉到爛， 個面得一半個奶茶冇茶味！但價錢相對貴 野食冇誠意冇火喉見好似好評就試 同埋多人排隊就會服務差 唔知點解一次半次還好失望

作為一個沙田友，今日終於有機會黎石門食下呢間餐廳。一入到去，最有特色係啲員工套制服，十分搶眼環境方面整得帶有傳統特色，但又唔會比人覺得old school 野食方面選擇挺多，同普通茶餐廳唔差好多，但值得一提係常餐跟既黑松露炒滑蛋，幾香口，連同多士都烤得十分香脆叫左個沙嗲牛肉麵同黑椒牛柳炒意，沙嗲牛肉麵堅好食，沙嗲味濃、麵唔會過淋、牛肉口感好，推薦黑椒牛柳炒意味道亦不錯，但炒得唔夠乾身，一個小小既不足，不影響味道賣相既！價錢黎講算中等，唔算太平亦唔會太貴，餐廳內仲有菠蘿油班蘭蛋撻咁，鐘意既可以去試試。

扮懷舊，味道和份量平平無奇，碗面淋過條毛巾，豬潤老到"鞋"口，食完個湯底要食返十杯水， 黑鬆露炒蛋有煤氣味，價格極不合理，選擇少。最差劣的，可算是門口叫飛的一個男員工，態度極囂張，叫飛不分先後，安排混亂，自己聽錯卻說客人的錯，一間不知所謂的集團茶記，順帶一提，該集團在附新另有一間賣牛腩海南雞的和一間賣燒味的叫"沙田一", 同樣價格高，性價比極低，重點是，那個態度惡劣的男職員會幾邊走，咁真係令人食都無心情食。