沙田友冰室 (已搬遷) 新店位置

之前睇過雜誌既報導，想試沙田友既菠蘿包好耐。但太夜到，菠蘿包一早售罄，就坐定定試下晚市套餐。店內裝修非常特別。每張檯都有沙田街道既招牌，呢啲真係沙田友既情義結！懷舊既裝修，加上店內既廣東潮語，可以話係沙田友，甚至香港人既集體回憶！餐牌：今晚就試左兩個包小菜+中湯+白飯+飲品既中式小菜套餐老黃瓜排骨湯湯料非常多！黃瓜同排骨煲到好林，湯好有味道，飲得出係老火湯！大大碗，非常暖胃！凍奶茶茶同奶既比例非常好，好鐘意重奶味既奶茶！路會太甜，亦都無茶膽放得太耐既苦澀味。朋友叫既熱奶茶茶味濃，香滑，走糖都好夠味椒鹽焗肉排份量超大，絕對可以兩個人share。肉排大大件，厚身，外面炸得夠乾身，唔油，但又能鎖住肉汁，咬落唔會太乾。肉排邊有啲脂肪位，非常香口。炸蒜非常香，拎黎撈飯都好好味醬燒茄子魚腩煲拎到黎檯既時候，個煲仲滾緊！份量又係好大份，目測有4-5件魚腩，大大件。魚腩肉質結實，唔會煮到散開晒，都幾新鮮。茄子顏色仲好靚，加上燒汁，送飯一流！餐廳職員都好有人情味，見佢地同食客都有講有笑。食物份量多，價錢亦唔貴。座位以卡位居多，坐得都幾舒服。沙田友又多個聚腳既地方，下次要早少少黎試埋佢地既蛋撻菠蘿包先得！

約了朋友在沙田食飯，石門開了好多新餐廳，一於兩個男仔，食茶餐廳都可以好浪漫。餐廳裝修復古，招牌以小燈泡圍住，大門油深綠色，餐廳非常寬敞，裝潢懷舊，有就香港的感覺。餐牌所見，價錢也十分貼地，晚餐普遍為$45左右，奉送湯、咖啡或奶茶。凍檸茶$6湯是番茄薯仔湯，清清地，似係屋企煲。沙薑雞飯$50雞肉入口嫩滑，有陣陣薑的香味，配飯吃一流啊！馬拉盞芥蘭炒$68牛肉配芥蘭炒得好像好惹味！芥蘭新鮮爽脆，牛嫩又嫩又香，好味道！醬燒茄子魚腩$78茄子煮得好腍好香軟，還加了不少配料，例如洋蔥、蔥等，魚腩煎一煎更加香口，魚肉紮實有口感。

石門站外新建了很多商場，而站外一出就見到新裝修的餐廳，配上特別的名字-沙田友冰室，充滿沙田人的特色。侍應招呼亦不錯，安排就座後就立即擺了幾杯水給我們。點了幾個套餐後，很快就上了幾碗中式餐湯，餐湯看落材料很多，飲落老火湯味道充足，真材實料的感覺，有冬瓜和豬骨，飲落十分消暑的感覺，好適合夏天飲。叉燒炒滑蛋滑蛋炒得十分滑溜，加了一點蔥花，食落味道更加豐富，而且有不少叉燒，滑蛋炒至金黃色，賣相和味道也十分吸引。蝦醬通菜炒牛肉蝦醬炒通菜是惹味之選，食落味道不會太咸，咸度剛好，食落十分開胃。牛肉也不會炒得過老，炒得剛剛好夠熟而且肉質仍能保持嫩滑，帶有蝦醬的味道十分惹味。醬燒茄子魚腩一上枱就聞到陣陣的醬香味，茄子吃落也非常新鮮，魚腩也不會有很多骨，而且魚本身肉質細嫩滑溜。茄子跟魚腩配答一流。奶茶飲落亦帶有港式風味，入口茶味夠濃而且奶茶質地幼滑，茶和奶的比例剛好。

各位，又係我啦。眼見今日工作要到石門區，就繼續尋找好食處。首次在石門區尋找好食處，都有一點難處。於是襯工作有空時就不斷找，終於搵到一間啦。為什麼會找這間呢？這就是因為它的名字叫沙田友。見到店舖名稱咁吸引，就一賞工業區的特色食店啦。首先翻開menu，感覺都係一間傳統嘅冰室，不過覺得價錢冇以前啲冰室咁吸引，可能事代變遷啦。首先餐廳送上餐湯，感覺不錯，估唔到仲會有足料嘅餐湯。再者餐廳送上本人所點嘅沙嗲金菇牛肉煲及醬燒茄子魚腩煲。當初都怕配菜多過肉，但主角到檯後又不是，配菜與肉各佔一半，仲有味道很好。牛肉入口嫩滑既不老及不韌。魚腩又不腥，又啖啖肉。最後我覺得該餐廳很用心去保留香港嘅特色，相信它可以做下去。

🌂落雨隨意入間茶記醫肚，點知又好有驚喜喎！一坐低見到張麻雀枱好醒神😀裝修好盞鬼👻依度好有老香港特色，唔知以為去咗文化博物館未開餐已經同我兩隻馬騮仔影咗好多相～📷🐒每張枱都有個路牌，e張係「大埔公路」🚐今晚想食清啲，簡單叫咗個常餐，52蚊，有驚喜喎～黑松露炒蛋真係好大pack黑松露，好足料，蛋好滑，冇交行貨～跟餐叫咗熱朱古力，襯熱飲好香～朋友叫咗個中式小菜套餐，啫啫雞球煲，78蚊，有飯有湯仲有例湯送，最正嘅地方係雞煲啲雞係冇骨嘅，懶人表示食得好爽～！跟餐附送嘅例湯，好有住家feel，真係連豬骨都食埋～跟餐加錢叫咗菠蘿冰🍹，好耐冇飲啦，懷舊情懷，襯落個景度毫無違和感～食飽飽埋單啦～收銀處大大隻字寫住「傍水」～好啦～去傍水～今餐兩個人食咗142～同區嚟講真係唔貴，又坐得舒服，下次可以再嚟～

位於石門的京瑞廣場可說是沙田友們的搵食熱點，這天放工後我就來到沙田友冰室吃頓家常小菜晚餐。冰室陪伴過很多香港人成長，店內裝潢以懷舊茶餐廳作主題，充滿復古特色。每枱還有沙田區路牌的小擺設，讓我這個沙田友倍感親切。晚市餐牌亦有不少套餐款式，價錢大眾化。秘製菠蘿咕嚕肉 $68向來愛酸甜味道的我，每次吃小菜客飯，咕嚕肉當然是必點的，酸中帶甜的醬汁，令人胃口大開。咕嚕肉外面粉漿不過厚，內裡肉質鬆化，豬肉亦不會有太多肥膏。點了酸酸甜甜的咕嚕肉，用來送白飯簡直一流，不過略嫌飯粒煮得太硬身。黑椒牛柳煲 $78煲仔上特別熱辣辣，一上枱已飄來陣陣濃郁「椒」氣，而且牛柳份量頗足。牛柳肉質嫩滑，咬下去肉汁鎖在裏面而不流失，不會過於乾韌，加上粗顆粒黑胡椒，辣度不重，卻是惹味得很。隨小菜套餐附送中式例湯，裡面亦是真材實料，而且調味比較輕手，貼近家常的老火湯味道，不會過鹹。跟餐點了一杯熱檸水。另加$12就可將飲品換成特飲，選了鹹檸檬七喜，咸甜交雜，冰涼爽口透心涼。

睇個門面就知係以復古懷舊做主題，近來冰室好似愈來愈多，質素亦不錯，所以我又被吸引入黎。入面裝修懷舊得黎好可愛，心情都變得好。睇睇餐牌係普通冰室價錢，合理，選擇唔係特別多，不過一般ge都有齊。男友揀左蕃茄湯通粉常餐，包黑松露炒滑蛋同多士，而我就揀左啫啫雞球煲，有例湯白飯。茄通好快就黎左，有得揀牛肉或者豬肝，佢揀左牛肉，一黎就當然試試個湯，點知佢反應勁大😂心諗有無咁誇，點知真係好好好飲，蕃茄味濃郁，偏酸，但一d都唔稠，最後係飲哂d湯，而牛肉就好淋，分量適中。好快蛋同多士都黎左，多士香脆唔會燶，牛油適中，個蛋亦非常出色，淡淡黑松露味唔會蓋過蛋味❤️。我個雞煲相信需要時間製作，出到黎熱辣辣，因為雞球關係啖啖肉，仲食得出炸過黎tim，而個汁唔會太重口味，撈飯正。例湯雖然普通，但勝在清甜，有媽媽ge味道。飲品比例很不錯，good。下次再黎必食茄通！！！

早排見有介紹話呢間沙田友幾好味，裝修係懷舊風格已經好吸引去食！地點唔算難搵 ！係火車站一出 行一分鐘都唔港就到～～Dinner time 客人都有八成滿。裝修好復古感 餐枱係仿麻雀枱，仲有啲舊式海報係牆身，整間店都好乾淨同企理。小菜 飯餐外 仲有菠蘿麵包同蛋撻。由於食晚餐 所以就點左兩個小菜，啫啫雞煲同支竹火腩煲，仲送飯同老火湯。啫啫雞入面既豬潤同雞肉都好夠份量，加有青椒同洋蔥 有菜又有肉，而且味道都唔錯 熱辣辣好入味。支竹火腩煲 支竹係煲底索哂汁，火腩皮好似新鮮燒出來咁，夠哂惹味 送飯食一流。佢地小菜份量都算幾多下，兩個人食哂碗飯都仲有餸多～個湯都要講返先 ，豬肉煲冬瓜湯 消熱又解暑 ，好適合炎夏飲 ，而且湯係老火湯 唔係開味噌 。好值得讚！呢度員工都好好禮貌 ～～周不時會幫忙換骨碗～～上菜速度都算快 ～～～

自從石門站隔離開咗新商場有好多新餐廳今日就試咗sell地道風味嘅香港茶餐廳。餐廳門口好似電影海報咁精緻。入面嘅裝修都好精緻，色彩繽紛，充滿香港特色。餐牌上有好多野食選擇，常餐、碟頭飯、小菜等等。我同朋友今次想試小菜。每個小菜都奉送例湯，白飯同熱飲，加錢可以轉特飲。黃金色嘅椒鹽豬扒賣相吸引，望落乾身之餘十分香脆，豬扒夠厚身所以有口感，而椒鹽香口惹味，增加食慾。通菜牛肉係一個有菜又有肉健康嘅選擇，通菜份量算多，煮得夠軟，加埋牛肉就更加多元化。最後我哋點咗檸檬菜蜜，檸檬可樂，咁就一餐飽飽嘅家常便飯喇！每位$80，價錢實惠，有機會可以試下其他款式。

間唔中都會去石門覓食，今日比我發現新開左一間冰室，裝修超靚，吸引左我入去。裝潢走懷舊香港風，以綠色為主調，非常eye catching，座位都好寬敞舒適，室內設計真係應記一功！秘製沙薑雞飯 $50朋友點左個沙薑雞飯，佢竟然讚不絕口，雞肉嫩滑，唔會韌，又唔鞋。而個沙薑醬絕對係靈魂所在，非常香，入面仲加咗蒜頭，極之惹味，少見佢食得晒成個飯！秘製豬扒意粉 配 黑松露醬炒滑蛋+厚多士 $52我就食咗個常餐，估唔到豬扒咁重量級，非常厚身，仲好入味！意粉正常，整體唔錯。炒蛋炒得剛剛好，幾滑溜，配黑松露一齊食超正！厚多士亦好香脆，我連麵包皮都食埋。呢度裝修好靚，食物有質素，價錢仲要咁平，真係可謂沙田人嘅飯堂啊！可惜今日蛋撻賣晒，試唔到，下次一定會早啲嚟。

最近沙田石門開左不少新的餐廳，我和朋友經過了一間有裝修很有特色，很懷舊的小店(沙田友)，便進入去嘗試一下！店內的枱都很有特色是用麻雀的設計，每張枱上還有一個路牌，餐牌的選擇也很多有常餐，小菜等。價錢並不昂貴，是平民的價錢，店內的裝修，擺設，座位，令人十分舒服！而我和朋友選擇了，S3(秘製蔥油雞飯)，茄子魚腩煲和脆皮蛋撻！首先要讚脆皮蛋撻，蛋撻的皮十分脆口，還熱騰騰，撻中間的雞蛋還可以震震下，有種流心的感動，不會像街外一般的蛋撻，一試令人回味！秘製蔥油雞飯，雞扒是炸的，而炸到不會油膩，雞扒是醃過才炸，內嫩外脆，肉厚多汁，厚實的雞排肉完全不像在吃炸雞排，肉厚的口感硬是跟傳統雞全不一樣。而茄子魚腩煲，魚肉挺肥美的而且很嫩滑，原來魚腩和茄子還能這麼搭。加上茄子不油，和不會太淋身，師傅的做法絕不馬乎，料足夠鑊氣非常惹味，簡直是酒樓水準以上！而醬汁可以用來配飯，完全絕配！而餐湯方面是中式湯 ，有媽媽的味道，絕無味精。 值得一讚！店員服務態度十分好，有賓至如歸的感覺。

一出馬鐡站已經被店門裝修吸引，是新派冰室。店員服務態度很好啊會經常來看客人有什麼需要餐桌是仿麻雀枱的設計有特色上圖Display的衣服也是員工的制服, 每件都不同, 有特色馬拉盞芥蘭炒牛肉 $68芥蘭很脆不會老, 跟餐送白飯, 例湯和熱飲是我最愛的蕃茄薯仔湯, 而且有湯渣(最喜歡吃土豆啦)好味喔感覺沒加味精*是不是要加入到推介美食啦但是我也不確定每日的例湯是不是蕃茄薯仔湯點了檀島咖啡和奶茶檀島咖啡好香奶茶是絲襪奶茶很滑, 看到師傅製作奶茶的過程豬潤酸辣米線 $45豬潤很厚又爽而且份量很多, 搭配酸菜和肉碎足料之作外面有些麵檔的豬潤很薄, 像紙一樣然後放湯裡一會兒又乾又硬變成"柴皮"一樣找到厚厚的豬潤很開心蔥油雞扒飯 $48雞扒很大一塊比我手掌還大飯份量很足, 應該有2碗普通白飯如果是女生吃的話又不想浪費建議叫"少飯"雞扒煎得很香外面金黃色皮又脆切開, 內裡肉很嫩又有肉汁, 很Juicy吃了很多東西才$100多價格合理不過有點可惜的是太晚來了麵包蛋搭都所剩無幾本來是很想試班蘭蛋搭可是賣完了喔下次我會早點來的嘿嘿

各位，又係我啦。繼續搵好食處啦。眼見要到石門站附近睇場地，就繼續尋找好食處。首次在沙田石門區尋找好食處，都有一點難處。於是邊不斷睇場地邊不斷找，終於搵到一間啦。為什麼會找這間呢？這就是因為它的名字叫沙田友冰室。見到店舖名稱改得咁特別，就一嚐沙田友點叫沙田友啦。首先在場外見到有擺Menu ，就一看有什麼好東西啦。首先揀咗中式小菜套餐-C3-沙嗲金菇牛肉煲。當初都怕配菜多過肉，但主角到檯後又不是，配菜與肉各佔一半，唔太覺得呃錢。不過味道有點兒帶淡，本人覺得沙嗲味可以更重。但牛肉唔老，金菇又爽。間唔時清清地食一餐都可以呀。再者選擇了中式小菜套餐-C5-醬燒茄子魚腩煲。開頭都擔心會很腥，但食落又不差，帶點微辣又好味。加上魚腩啖啖肉，少骨；茄子走油走的好香，又唔梅。如果更多辣味會更好。以上兩款套餐都附送是日例湯，白飯及飲品。是日例湯真係好正，消暑之靚湯。冬瓜豬骨湯。很好飲，而且帶點湯渣，正。最終揀了一杯熱檸水及熱西洋菜蜜。最後我覺得該餐廳很用心烹調每一道菜式，相信它可以做下去。

近來聽人講呢間菠蘿包好食，路過咁啱新鮮出爐，咁就買嚟試下，一家大細買咗半打，麵包大大個，賣相非常好，真係好好食呀，好鬆軟，又夠脆，好正仲有其他食物，下次再試。。。

餐廳裝潢有特色，枱面設計像是去咗麻雀館。餐廳外面寫著午餐送例湯來吸引顧客。但如果個客唔問佢比，佢地唔會主動比你。對上一次問咗三次先有，仲要好細碗。今次可能早食飯，碗湯size正常咗。個例湯係微暖的，淡淡清清的，唔熱唔好飲。後來發現係侍應一早「畢」定出來，所以D湯凍晒。咖喱雞飯（$48）個賣相不錯，但食落普通，只是ok而已。沙薑雞飯（$50）D雞肉幾滑，但完全骨多過肉，D肉薄到一張硬卡紙咁薄，冇乜得食。肉冇乜味。D飯正常不錯。沙薑雞汁非常差，汁少而且食落好多沙，不喜歡。午餐不包飲品。雖然裝修特別，食物不夠好。