沛華園

营业中

休息中

👌🏻魷魚 $11、魚蛋 $7/4粒、燒賣 $8/5粒依間小店值得一讚係秘製醬汁超惹味！醬汁味道偏咸多過辣，帶有咖哩同黑椒既香味😋 就算每舊餸沾滿哂醬汁都唔會覺辣🤣👍🏻推薦嗌「多辣」，老闆娘好鬆手會俾超多醬汁你😛魷魚爽口，魚蛋偏淋，味道正正常常燒賣就麻麻地，口感好粉🤭但秘製醬汁真係食過翻尋味呀😛👍🏻味道：7/10性價比：8/10-👌🏻腸粉 $12/5條質地滑溜，醬料都係大路幾款，味道正常味道：7/10性價比：7/10📍#沛華園石硤尾南山村南豐樓平台商場206號#hkfoodie #foodiehk #hkfood #foodhk #hkeat #hkrestaurant #美食 #香港新界美食 #外賣 #平食 #窮遊 #打卡 #香港打卡 #情侶好去處 #拍拖好去處 #石硤尾美食 #石硤尾好去處 #石硤尾打卡 #石硤尾 #茶餐廳 #冰室 #車仔麵 #小食 #燒賣 #魚蛋 #腸粉

平時好日唔會去南山邨，今日為左做project專登黎到，下午茶時間大概四點有d肚餓，見依間平平地有得食車仔麵，就坐低左慢慢食。鋪頭出面小食檔就幾多人排，但入到去就好空，得兩個人食緊野。麵同配料既選擇都唔少，而且價錢真係好街坊價，一麵一餸廿五蚊有找。鍾意酸辣湯底既我叫左碗酸辣肉碎上海麵，黎果碗野同我expect既麵相差幾遠，酸辣肉碎基本上就係一pat酸菜加辣椒，味道好一般，肉碎真係無咩兩粒，唯一好既係上海麵麵幾多，夠大碗。

簡陋舊式的店面，完全是屋邨餐廳最老舊的裝潢般。廚房看來很大，卻還在外邊設有小車子，相信是方便外賣。其實來這家車仔麵，主要都是貪方便，又一城至南山邨都沒甚麼正式的車仔麵店，冷天要吃熱食有難度。上次已吃過牛腩覺得一般，這次避免再叫，悶到連牛栢葉都要試，也沒特別，不入味；蘿蔔算是林沒渣。這家車仔麵的賣點是大碗，撈極都有的麵條，晚一點才來吃，總不會太快肚子餓三餸未包飲料都是三十多，與深水埗「某名牌車仔麵」價錢差不太遠，但人家味濃又多汁醬選配，顯得這兒質素較為普通，就是切切實實的屋村車仔麵而已。

上完三粒鐘堂，已經餓到靈魂出竅即刻去奔去南山搵食今個星期得兩丁友就去咗食個車仔面啦裝修係舊式茶仔，坐低就剔剔點心紙剔完交比姐姐係出面煮因為太肚餓叫咗4個餸魷魚豬皮豬紅魚肉油面再加忌廉（因為肥仔可樂賣曬）食之前梗係要飲頭啖湯，清清哋魚肉唔腥但唔算彈牙豬紅有d鬆散，但勝在夠味魷魚中規中矩值得推介係豬皮，唔同出面嘅車仔面，清清哋又夠爽口，唔會食完搶曬其他餸嘅味道油面份量好多，大食如我都未必食得曬重點係價錢相宜，啱曬我呢d窮苦學生啦

係同一條邨食完甜品，行入d想睇下雞蛋仔開左未，太早了都未開。然後經過左呢間貌似食車仔麵既餐廳，出面有賣埋魚蛋、燒賣、牛百業、魷魚既小食，就立即停低左決定食番幾串3個人叫左2串牛百葉，1串lor肉，1串魷魚。個辣汁好冶味食完係會想再果種每串$9但每串都好多下一次黎有多一個選嚕

六點幾尼到南山邨，雞仔蛋仔個D未開舖，平台就見尼間車仔麵店門口既小食車都有D人買下，所以試住佢地D小食先見前幾個都嗌左腸粉魚蛋燒賣，於是簡左尼三個再加個豬皮，佢地都仲有好幾款例如牛柏葉個D系出面架車到我簡左入舖頭入面坐順便打發下時間，入面D人多數嗌埋麵，食小食多數系出面即刻食佢枱面有D紙仔比人簡餸同麵，柚皮呀個D都少聽見幾特別，雖然麵已經加左兩蚊，但價錢都合理等左唔系好耐D野就尼到，一大碟個賣相好吸引，出面個呀姨問我要咩醬汁我簡左每樣都要D，上面佢仲倒左D芝麻，都幾均勻可以話每樣野上面都沾左D芝麻，醬都無話唔夠點而燒賣魚蛋都系同出面差唔多、無咩特別，本身冇乜味既豬皮同腸粉加埋唔同醬味道都唔錯尼四樣野總共食左27蚊，價錢好合理幾抵食，如果下次當正餐都會試下佢D麵同其他餸

南山係我成日黎食宵夜既地方，通常都食品香居多，呢晚突然想食湯面，所以就決定食呢間車仔面喇！其實今次都唔第一次黎，但對上一次已經應該２年前喇，時間真係過得好快 一見到張點餐紙，心諗而家啲車仔面咁貴既！慳妹性格即刻上身平時食開深水埗都平起碼兩至三成啊！唯有睇下佢啲野食係咪大份啲啦～我叫左牛柏葉，水魷魚，魚肉同埋米粉底，而我朋友就叫左蘿白，豬紅，芝士腸同牛腩跟河粉。以個碗既大細黎講，佢的確係大碗佢，米粉同河粉量都足。但啲餸既量同味道就唔多抵喇，我所有餸都試過哂（食埋朋友果份），蘿白豬紅呢啲就不過不失啦唔會差得去邊既～但我叫既牛柏葉同水魷魚就真係失準左啲喇，一黎我果碗本身已經係好清淡既味啦，而呢兩款佢都係直接煮，已經無技巧可言架啦，但竟然可以係好ＵＮ 其實比得＄９一款本身都已經少份量，無味再加埋煮得過左時，就真係唔值咯！相對黎講＄５既魚肉，蘿白同豬紅就叫扺啦，下次識揀喇！（不過應該下次食返深水埗果啲算）

下午做完健身，行落去南山邨尋食，聽聞這裡有好多好野食，最後決定吃車仔麵，初時要柚皮和豬大腸，但賣哂。咁再揀喇，蘿蔔、豬皮、咖啡魷魚、河粉、小辣，蘿蔔無渣夠味，豬皮吸收了精華，正！魷魚就普通喇，河粉份量足，小辣令到我咀仔有些麻。

只是因為一片柚皮，便足以令我駐足。柚皮以前在車仔麵檔經常踫到，但近年不知是否太花時間處理，又或是新派一點的車仔麵店不懂得去弄，總之是柚皮難求。在又一城看完戲，原先想去熟食中心的另一檔，但竟然給吸引了。老實說，啤水處理得一般，仍殘存有苦澀味，再澆些不知名的醬汁，莫名其妙，吃過便算。

讀 city 既人相信好多都食過，佢地既車仔麵又平又好味，種類亦好多！今次叫左幼麵！餸有豆pop，墨丸，豬太腸~~~~豆pop皮好咬口，而豆卜索晒啲湯放入口真係一流 好似打邊爐沙嗲湯底 6 生根咁！豬腸好乾淨，乾淨過自己阿媽洗果啲，不過啲味就淡左少少墨丸亦好彈，唔錯唔錯加埋幼麵，個麵底好大個，一個男仔食都冇問題 唔會唔夠飽如果食得辣，不妨叫大辣，勁刺~激~~ 好味過麻辣總之一定好過在 city u 食果啲車仔麵，仲要平好多好多。3個餸，份量十足20蚊有找，加3蚊加多支支裝可樂！ prefect !!!!!

難得來到南山村，跟朋友吃點東西才打道回府，隨便找了一間車仔麵檔搞掂。麵底要了公仔麵，淥得幾爽口的。而吃車仔麵，我會喜歡揀豬皮吃，貪佢吸收了辣汁的味道，會很惹味；另要了蘿蔔，夠稔身、沒有渣，可惜就唔得清甜，仍有一定的進步空間；午餐肉輕煎過，邊位有點脆，算是這樣；墨魚丸就不行了，毫不彈牙，亦欠味道。本想飲汽水，但見到隔離檯的哥仔在喝奶茶，又回心轉意，叫番熱奶茶。夠熱，夠滑，奶的比例偏多，但正合我心意。南山村仍有不少好東西，下次要找時間再來會一會。

在學校開完會已經過了10:30pm....肚子餓得發慌, 又一城food court食肆已經收鋪, 唯一的選擇也是南山村吧~這個時段才吃晚飯, 品香樓好像太heavy, 樹記和隔鄰的粉麵檔都沒興趣, 結果就選了沛華園的車仔麵: $2 紅腸, $4蘿白, 魚蛋, $7拉麵, 要了小辣。紅腸只得兩塊, 但經煎香過, 脆脆的很好吃~ 蘿白很腍很入味, 魚蛋則是一般貨色, 至於拉麵就有點幼版油麵, 但鹼水味不重, 配上辣汁也不錯....辣汁帶點甜味, 初時吃下不覺得特別辣, 但後期辣汁已混在湯中, 愈吃愈辣, 但又吃得很滋味!!! 真不敢想像大辣會有多厲害....阿姐的服務也是不錯的, 朋友點的魷魚, 她會詢問是要魷魚鬚還是魷魚片...份量對我來說只有7成飽(可能拉麵是比較少...), 但想到已經這麼晚, 還是不要吃那麼多好了, 對胃部不好呢~看見其他客人多數會點一客腸粉, 下次再來也可試試~

本來諗住去呢度有間頗出名的食肆, 但忘記了名字,見呢度門外有車仔麵, 真係有架車仔個種喎, 就嚟呢度試下啦.點了雞翼, 豬皮, 豬腸, 跟米線, 幾車仔麵的送, 雞翼和豬腸, 炆得幾入味, 豬皮都算幾爽, 我諗跟蘿蔔同煮, 故帶點蘿蔔的甜味, good! 同場加映豬腸粉, 熱騰騰, 幾滑, 豉油和醬汁又夠, 但不知何故, 而家的腸粉都係細細條, 跟細個食的唔同咗.