河畔強記雞粥海鮮酒家 (已結業)

昨日到沙田一行, 特意到此店吃晚飯.怎料全店封閉, 店外橫額說裝修約到四月中旬.如大家四月想到此店, 最好先打電話問問.免得像我失望而回(其實去了另一家店打冷)

呢排無啦啦好想食雞粥, 機緣下知道呢度幾好食, 就上來睇下啦, 好少見到冇劣評, 好! 就即管試下! 星期一去左食.. 我既comment 係.. 真慶幸自己去試左!! ^^交通都幾方便, 可以在沙田火車站出面坐86k, 或者在沙田市中心坐284 (好似係284, 唔係好記得, 不過巴士站都係同一行既~) 去河畔花園, 由於唔係太識沙田d路, 最好上車問司機邊度落. 落車後都幾易搵.乳鴿- 好好味, 好食過龍華. 又平, 都係$42/隻.雞粥- 同之前食評所講一樣, 好綿好入味, 足料!避風塘百花壤茄子- 叫之前唔記得左"避風塘"係炸野.. 所以好膩, 食唔晒! 不過好好味, 入面d餡好正, 係熱氣d!椒鹽鮮魷- 麻麻地, "淋"既..蒜蓉開邊中蝦- $68/碟, 都有成8-10隻(開邊計), 幾抵, 味道都唔錯!汽水3支全部野加埋都係$260, 仲抵過上星期六去稻香打9.30pm後平邊爐.

$48鮑魚魚翅飯,好抵,鮑片魚翅多,好食.個$10雞粥真係好抵,粥裡有雞味道,鮑片亦多,雞肉也香嫩. 食完又有甜品送,係紅豆沙,甜,ok.服務方面, d 侍應好好,好有禮貌.

同家人慶祝生日,都會出街食...佢地選左強記,因為夠近...入到去,又見到象鼻山,駱駝峰...因為係平時,人客唔多...今次點的野食唔多,老豆要食澳洲龍蝦,選左一隻...再點兩煲鮑魚雞粥,一個羊腩煲,一碗白飯...澳洲龍蝦:斷隻計錢,一隻$278...唔知幾重,任你選,不過就唔算大隻,煮左出黎都唔算多...要求上湯加少少芝士,龍蝦肉鮮甜,入味...加入芝士令龍蝦冇只加入上湯咁清,帶出其香味,而唔會"漏"...鮑魚雞粥:$10一煲,份量唔少...粥底綿,吸收左雞的鮮味,雞都幾有雞味,鮑魚都ok...羊腩煲:$68煲,送生菜,不過呢個就麻麻了...羊腩唔係咁入味,唔腍,仲有d'un'...羊皮上d毛都拔得唔乾淨,遺留左d毛在羊皮上...生菜ok,但反而枝竹幾入味...食完又有甜品送,係紅豆沙...唔係咁甜,ok好食,但紅豆味唔夠重...服務唔錯,侍應有禮貌,多次換碟,又快手...不過食完唔係咁飽...

第一次打食評>.<本人亦從Openrice看到，完全沒有喊樣的餐廳？於是約了兩個朋友試試看。我們只點了兩樣，一鍋鮑魚雞粥，一碟乾炒牛河。先講雞粥，質地偏綿，但不會覺得是煲了太久，而且粥裡有雞味道，鮑片亦不少，雞肉也香嫩。服務很好，幫我們每人添粥。只是...那碟乾牛河，味道不錯，炒得乾身以少油，但...為什麼加荷蘭豆呢? -_- 朋友對粥都滿意，牛河就扣了分，而且都比較細碟。埋單$120 ($108無加一無茶錢) $40一位，不過3個男生就不夠吃了。P.S. 只有碟頭飯，無點心。沙田站去搭86K

今午諗今晚去邊同女友食飯,呢個網頁睇完,知道呢間抵食,所以決定今晚同女友到。今晚九點去將軍澳接女友收工,經大老山隧道去到沙田,到沙田新城市廣場泊低車,因女友話好耐未行過呢頭,所以我特登陪佢行一個鐘。至九點半多車,我因對沙田並唔熟悉,所以沿途向的士司機大佬詢問,幾經波折我先搵到【河畔花園】,入面停車場全部泊滿,我見沿路上好多違例泊車,我就鼓起勇氣就咁泊街。同女友一齊進入【強記雞粥】,點(一蚊窩鮑魚雞粥、$18元豉椒炒蜆、$18元楊洲炒飯、$18元沙薑雞及正價蒜茸炒白菜仔)。大致上味道真係唔錯,鮑魚雞粥內鮑魚幾正,粥底亦好鮮味唔多味精。豉椒炒蜆味道亦好,但太多沙及數量較少。楊洲炒飯除唔多夠乾身外,其實都甚好味。沙薑雞好滑亦新鮮,又係抵食之作。蒜茸炒白菜仔有酒樓水準,大大碟果然係正價。我同女友兩個人,竟然可以全部食哂,真係自己都估唔到。至十一點半多埋單離去,埋單連茶水、花生及加一等,總共要一佰三十幾,雖然計計去都唔知點解,比心目中條數多好多,但食得滋味、招呼及服務態度唔錯,我個人都覺得幾值得,下次我會再車,載同親朋戚友再幫襯。

兩個人叫了雞粥10元乳鴿一只32元濕炒牛河38元味道無得彈,就連牛河既菜心都好新鮮大條無渣,仲有糖水送,每人都係55元!!服務又好!!一定再去試其他野!!

其實之前都食過﹗覺得味道ok﹗最重要係價錢attractive﹗佢個$1雞粥真係好抵，(9點半後，飯碗咁大)雖然粥味還粥味，雞味還雞味，但對於$1而言，真係無咩要求﹗值得一提，員工幾親切，街坊feel﹗

BLACK FRIDAY 個晚同男友二人去左試下, 1 )鮑魚雞粥兩煲$ 10each ~ 鹹~ 啲雞好鹹, 啲粥無味但好綿, 雞還雞味, 粥還粥, 鮑魚還鮑魚2) 瑤柱竹笙浸時蔬(白菜仔), 都係偏鹹, 但都好味好足料3) 乳鴿- 炸得好香, 唔油好好味~ 正4) 沙律海鮮卷, 都係炸得好香, 唔油,好足料, 嚿嚿都脹卜卜唔似出面個d service 方面, 初頭以為d 侍應好惡因個個d 樣都好cool, 但其實好好, 好有禮貌, 上菜速度ok 快, 沙律海鮮卷就超慢, 唔知係咪唔係大路餸既關係呢... 哈!!

事隔4年再去食....燒乳鴿: 仍然係最好食, 皮脆肉香而不太油膩鮑魚雞粥: 幾足料, 個粥底好杰好濃, 惜粥內雞味不夠蒜蓉莧菜: 一個字:鹹士油皇炒麵: 一般貨色焦鹽中蝦: 用既係草蝦, 冇左海蝦o個種爽甜事後奉送綠豆沙, 唔係太甜, ok服務比起想像中高因為好耐冇去, 唔認得晒d路, 打電話去問, 佢好有禮貌咁講解even傳菜既都識同d食客講o下笑最後搵番個同我地落單既好人哥哥講左兩句, 佢都承認自己酒樓d野食未必係最好anyway, 咁既態度都加左我對佢既印象分!

28/5(日) 1:30pm今日放假,同男友家人到此處先食個午飯才睇屋,一行6人幸好不用等位,點了一窩雞粥$4x,味菜肉絲炒麵$30-40,蜆蚧鯪魚球$30-40,乳鴿2隻,$28隻,椒絲腐乳炒通菜.今次雞粥較失色!沒上次一碗的那麼鮮甜!男友家人讚乳鴿味道不俗!比龍華好得多!蜆蚧鯪魚球份量的骰,炸得乾身頗彈牙!味菜肉絲炒麵味道則一般!椒絲腐乳炒通菜味道討好!炒得一點都不油膩!服務普普通通,無加一,埋單$242,仍然抵食!recommended!

14/5(日) 1:30pm買畢叉燒便到此酒家搵位,此刻此店亦是人頭湧湧!恰好有張4人臺,環境異常嘈雜,可能今日既阿媽有子女陪飲茶情緒份外高漲!我地點左招牌雞粥$18碗及肉菘生菜包$58.雞粥用湯碗盛上,份量不少,反而嫌雞肉份量太多!粥底軟,滑,鮮!雞肉同樣鮮味十足!肉菘生菜包則有點失望,雖則生菜新鮮翠綠,但肉菘味道略淡,而且用豬肉碎取代鴿肉,惹味似乎欠奉!服務尚算合格!茶芥$3位,午市無加一,$82埋單!抵!期待下次於此處食晚飯!recommended!

知道有呢間野好耐，但因為太遠，一直無機會黎。星期六(11/3)同佢行完尖咀至旺角，8點幾就搭車黎開餐。呢度真係幾隔涉，落左馬鐵仲要行一大段路先黎到。9點開始食，叫左鮑魚雞粥、是日特價0既燒腩仔、孖寶：西蘭花炒帶子花枝片同黃金海鲜球。之後再encore叫左兩碗雞粥、生炒牛肉飯同埋椒鹽雞軟骨，因為有人最鐘意就係食雞軟骨。d野食唔係好夠熱，椒鹽雞軟骨好油下。野食一般，比想像中失望，因為見佢自己話雞粥係招牌，以為真係做得好出色，但其實都係普通姐，好多地方d粥仲好食。不過d粥係平0既。但係d野要整得好食，人地先會山長水遠再黎架。d炒野份量比普通0既地方細，但算啦，佢d粥賣得咁平係要拉番均先夠皮。佢d裝修都幾殘下，係時候要裝下修，檯布同杯碟0個d都係時候要換下。地方唔係好大。招呼普通，叫人沖水，見到有侍應扮睇唔到。見到勁多自由行，勁煲煙。茶芥什費較多。期望越大，失望越大？

星期六與朋友遊畢沙田博物館，再駕車往沙田市中心西田百貨，喝過咖啡後，想記馳名的沙田雞粥，便到地下服務處上網登入此網頁尋找沙田強記的資料，發現原來沙田有兩間強記，一間在沙田大圍，另一間則在沙田河畔花園，不知那一間才是正宗的強記（聽聞是大掛檔，但網上資料顯示兩者也是酒樓？！），前者接缐生不太禮貌要匆忙掛線，便選擇到後者一試。此店的侍應們友善親切。食物質素合格，十分抵食，十元一個鮑魚(片)雞粥，三十多元一隻乳鴿，好味！竹生田園時蔬都幾好！再來一個薑蔥生蠔煲，可惜生蠔很多沙，勿試！侍應推介的南非鮑魚細細隻三十元一隻（柚皮蒸）完全沒有鮑魚味，十分失敗！汽水只十元兩支，再送紅豆沙，超值！　

係沙田住左廿年, 今次都係第一次黎食飯~見到咁多人話好味, 終於有機會黎試下啦!!一行三人~ 菜單:一窩鮑魚雞粥($88)三寶自選菜($138)＊豉椒炒硯＊粟米石斑塊＊粉絲蒸元貝雞粥的確係唔錯~ 用咸雞黎煲, 又唔會無味, d 粥好多雞味~ 幾甜, 但食完又唔會好口乾.....幾好~ 鮑魚都唔少ga~ 雖然係罐頭鮑......味道一般, 但以咁既平價, 算係幾好ga la!!炒硯, 唔好食, d 汁打左好多獻, 唔好味~ 又唔辣wo~~ d 肉又無曬, 可能係兩碟一齊炒既關係, 人地個碟拿曬我地d 肉~ too bad!!斑塊- 只係一般, 無咩特別~元貝- 有6隻, sixe 細細的, 味道都ok 啦~~ 但有少少蒸唔熟~~ 總括都算唔錯, 始終都係雞粥最正~~服務都唔錯, 快靚正~~