泉章居

营业中

休息中

細細個已經食泉章居，由銅鑼灣波斯富街到現在只剩上環獨孤一間，沒有豪華裝修，無創新菜式，就是簡簡單單家庭菜也令你食到舐舐脷四人套餐：三餸一湯$328例湯：合掌瓜煲豬肉，多料好甜，每人兩大碗，淨飲湯都飽金牌鹽焗雞 ：每次來都要點，真係食極都唔厭，雞肉滑嫩無比，那陣咸香味越𡁻越有味，唔使一陣麻煩洗碟吖😅，唔該玉鮑炆三鮮：呢味比較清淡，無肉但鮮甜，牛骨髓唔係好多地方有得食，爸爸以前非常愛吃，吃著吃著就想起老爸了...懷念的味道豉汁蒸大鱔：呢味又是老爸愛菜，每次必吃，豉汁香味把爽滑嘅鱔襯托得天衣無縫瑤柱蛋白炒飯：食套餐只需加$60，唔係唔要吖？炒飯夠鑊氣，粒粒分明夠乾身，而且瑤柱都唔少，掂👍🏻👍🏻呢類酒樓越來越少，真係要好好珍惜，家常菜做到好過返屋企食，無收茶錢又無加一，真係日日食到得，而且大大碟，包你有飯添👍🏻👍🏻👍🏻👍🏻

來了幾次下午茶，蔥油霸皇雞飯配白可樂是首選，還有梅菜扣肉飯，D汁撈飯超正！記住坐樓下卡位最正，首先侍應好招呼些，不會白鴿眼，兩點坐到四點半都唔會趕人走，坐得舒服自在，啱曬吹水！其次四個人下午茶才$168，冇加一、唔使新年利是、又免tips，用八達通付款十分方便！見隔離卡位二個女人叫了小菜套餐（要$268），咁碟雞是大大碟有隻全脾係正好多嘅！今次下午茶試吓梅菜扣肉拉麪，估唔到佢連麪上，溝浠了梅菜扣肉汁，風味盡失，非常失敗，扣佢一粒🌟！之前見過有食評👍湯拉麵，分開上、兼有兩條青菜，算啦，年初八，又剛回四人堂食，唔好投訴佢！走時去樓上洗手間，客已走曬、識埋燈。我友人也證實樓上是冇下午茶，他坐下時只有小菜牌，下午茶餐牌收埋晒，好在我醒目拉返友人落去坐卡位！我們是兩點鐘的第一枱客，樓下卡位任選，侍應馬上為我們開冷氣添！♨️

第一晚放寬6人入座，飯店坐滿人，十分熱鬧 晚飯有套餐。三個人叫咗4人餐，點知疫情關係，送多一個餸 例湯係青紅蘿蔔煲豬骨，清清地，不過不失 每次來這店都會叫嘅霸王雞。雞肉好滑，葱油好香，我覺得好好味呢個都係每次都會點，梅菜扣肉。但係今次比平時嘅肥枝竹炆斑豇腩。魚好鮮，汁煮得掛，好味 客家糟汁炒鮮魷。味菜同汁係好夾，但係個魷魚好似唔係好掛汁，融合唔到咁。最後係時菜扒牛丸。呢碟係送嘅。牛丸好爽好彈牙。三個人食，幾大食都食唔晒。最後要打包

限聚令期間，下午茶是茶餐廳價錢，地下卡位滿座，樓上的男部長/男侍應招呼極差，佢話飲下午茶要搭枱，但全部枱都無膠版分隔，客人自然唔想搭枱，已經三㸃，大量空枱，男部長都唔准客坐，佢話要食小菜先可以坐，分明趕客，以後不再光顧。如果不是開全場，請清楚區分下午茶/小菜區，亦應招呼客人時明言本食肆下午茶是要搭枱的，但枱無間隔，待客人自行選擇。

係上環 兩點食下午茶。地方好大，有上下兩層，坐得舒服。$42一個餐連野飲，份量唔少，呢個價錢係茶餐廳係可以接受既，尤其是呢區。選擇都好多，各種超粉麵飯都有！有一點值得讚賞係，落單係自己用marker筆係菜單度寫數字，環保得黎，又節省時間，仲減少落錯單機會！確實我好欣賞見到食評推薦霸王雞同梅菜扣肉，一於一試！扣肉梅菜拉麵真係一食有驚喜，梅菜汁撈麵好夾好好味！肥肉我好鍾意，好入味，鹹鹹甜甜既汁係撈麵，絕配！麵好大碗，有咬口，仲有三條菜，下午茶黎講，飽肚。霸王雞食過兩次，好滑，有沙薑配埋，送飯一流，好香！完全食得乾乾淨淨。令人回味無窮。熱飲揀左好立克，沖得岩岩好，唔會太稀或太甜！整體兩次用餐都體驗唔錯。

今日晏就好肚餓，想食啲大件夾抵食嘅同事話去泉章居 之前都去過幾次雖然都系一張餐牌仔，但都有好多唔同選擇每日食一款都食幾個月坐底左，開左壺茶睇下個餐牌，諗左陣，想食炒麵所以叫左排骨炒麵，跟住個待應問我系咪豉椒，我諗左陣，佢話仲可以菜遠，問我要咩，我都系叫左豉椒因為本身以為好似肉絲炒麵甘有汁嘅等左10mins都冇，就黎左啦，熱辣辣大大碟，則邊啲麵系脆卜卜嫁，啲豉椒汁咸咸地，撈埋落啲麵到，好夾而且啲青紅椒分量都唔少（太多所以比左啲同事食）

繁忙時間遇環午餐，四周人頭湧湧，同事介紹我到這家中菜廳，他樓上整層有大量座位，剛好有一空桌讓我們坐下來。看了餐牌後，我們點了他的招牌霸王雞，雞肉嫩滑，加上有大量蔥花，淡淡鹹香，味道非常出眾，單單是這道菜已經值得一來再來了。另外，再點了西檸芝麻蝦球，香脆可口，吸收了檸檬醬汁，大大增加味覺享受，是我至愛的經典菜式之一。最後，點了臘味炒芥蘭，芥蘭炒得香嫩可口，配上爽口彈牙的臘味，簡直是黃金組合。想和我一樣喜歡吃中菜的朋友可以一試。

一大班人出來食晏，係上環好難搵位，但來呢間就通常都可以搵到。 餐廳裝修似茶樓，堅係有茶飲，但係食既野就唔係點心，而係碟頭，同小菜類。款色選擇都幾多，飯麵都有，價錢又實惠。我叫左干燒伊麵，碟麵雖然齋齋地得d菇做餸，但個汁都調得算好，有色澤之餘味道又剛剛好。朋友叫左肉絲炒麵，呢個我之前都食過好多次，係真心推介，d麵真係炒得好脆卜卜，配埋肉絲個汁真係一流。另一朋友叫左菜遠肉片湯米，清清地，份量好多。其實全部碟頭份量都好大，細食既人好大機會食唔晒，但因為餐廳有最低消費，堂食又唔share得，成日做左大嘥鬼😅

有同事離職，老細請大家食個farewell飯，揀咗呢間好似高級啲嘅酒樓泉章居，帶咗個套餐有芝士蝦天使麵、梅菜扣肉、霸王雞、腐乳通菜、炸魷魚同埋枝竹火腩煲。成個套餐加埋返茶錢同埋飲品差唔多$1000，個人覺得就唔係好值，不過同一班同事食飯就冇所謂啦，更何況係老細請咁多個餸裏面，梅菜扣肉算係最好食，不過唔鍾意肥利野既人係唔會鍾意食嘅。我就欣賞佢嗰種入口即溶嘅肥膏，同埋啲肉啱啱好嘅比例，加埋嗰汁，攞嚟送飯真係好味

晚上由澳門回港就在附近見到有間兒時很出名的酒樓，便毫不豫疑地前往晚膳。由正門上樓梯已見到搶眼的金漆招牌，奪目耀眼。👀大堂內食客不多，我和老公坐下隨即點了兩道小菜。沒多久服務員已送上海鮮什菜煲。驟眼一看買相完全唔掂，所謂海鮮只是蝦米， 魷魚粒和魚塊粒；認真小家。而蔬菜通通沒有切除下欄部份甚至西蘭花是爛心的。😱😤繼而另一道菜是紫羅炒鴨片。我倆看完整碟只找到四件鴨件，其餘全是配菜。真的唔明堂堂金牌老字號的酒樓，食物質素居然有如此水平；令我們大感失望。🙄👎👎

每次都係中午尼食lunch，呢到中午主要做碟頭，有好多中式野，而且份量通常好多，就算男人食都食到好飽。食物質素正路，而且唔難搵位，不過預左要搭檯同比較嘈。整體性價比唔錯。今次叫左個牛腩炒麵，超多牛腩仲有牛筋，d麵脆脆地加埋汁好好食。

昨晚父親節前夕，跟朋友共5個人飯聚，訂枱時已獲通知，晚飯分6點和8點兩輪，6點枱可坐到7:45便需交枱，結果訂6點。準時去到，不需5分鐘點好菜，生炒骨、凉瓜牛肉、豬雜炆豆腐和炒飯。上菜十分快，但發現生炒骨菠蘿變壞有酸餿味，侍應取走，約5分鐘回來，話厨房今日才開個新菠蘿，冇可能壞，如果唔啱口味，您可以轉另一個菜。如果唔係有問題，點可能咁順攤俾您退回換另一個菜？到7點，侍應問餸菜是否已上齊，可否現在先結賬，跟住另一位侍應攞住張單埋嚟，問要唔要膠盒將剩餘餸菜打包，我哋話都未食完，侍應竟回答，我哋要收枱趕住set新枱做第二輪，我質問佢訂枱時話可以坐到7:45，冇理由而家未夠7:15要我交枱，侍應好晦氣話，可以，您哋可以坐到7:45或8點都得。真係火都嚟埋，唔使錢都係假，以後唔使再幫趁。

上環泉章居食碟頭飯都是我lunch time常去的，呢度一大班人叫小菜食又得，一個人食碟頭飯亦得，又係極之快有位，只要唔介意搭枱就可。呢度碟頭飯菜單有五十幾款之多，今日叫咗霸皇雞飯霸王雞比鹽焗雞更加香滑，冇咁「鞋」口，飯底相當於兩三碗白飯，真係飽到上心口。碟頭飯免收茶位免加一，今餐承惠55元。

5月26號星期日， 我同一班好朋友食生日飯局，個個員工做得好好，尤其事負責坐在22枱號嘅位置，嗰位姨姨，做得非常好好， 值得一讚，她忙個不停，還好好笑容，希望公司獎勵一班好員工

同合作夥伴有要事傾，通常無咩所謂既我，今晚主動發板話食泉章居。老字號既泉章居，見證住香港昔日繁榮時代，根據叔叔描述，當年香港百業興旺，基本上各行各業貿易都賺到盆滿缽滿，泉章居就係一個中高產階級食飯聚會之地，老闆們都會大手筆比tips，侍應們服務態度殷勤無比（因為個個都有tips嘛），食完飯就會直落桑拿，小姐數千元起。來到今日，泉章居基本上係平民都可以進出用餐既地方。鹽焗雞，泉章居馳名小菜，雞肉一如意料中嫩滑，咸度剛剛好。豉汁蒸白鱔，嫩係嫩，感覺落生粉有點多，食落明顯滑溜溜得滯。$348二人餐，可以選擇鹽焗雞（例）/霸王雞（例）/河鮮一條（約一斤），加兩個小菜（款式多元化），人均100幾有咁既質素，絕對可以接受。偶爾清淡食番中菜，為忙碌生活增添一份安穩的感覺，唔知你地有無咁既體會呢？