泛亞飲食

营业中

休息中

這三年以來，為著這艱辛的考試，三月至六月頭都要回來這裡閉關而LG7 的tea，甚至係炸髀，都會係每年必食的東西，不過成日咁o黎食都會厭。以前讀書都無咁勤力，又無食得咁多次老實說，以前來食tea 都無乜抗拒。2007 冬，都仲係幾唔錯；2008 春，水準都仲keep 到；2009 春，貴了2010 春，又再貴了之餘，組合亦無以前咁豐富。選擇以炸物為多，我唔好咁多次，又唔健康一件西多，內裡的花生醬好似沒有了似的那件炸髀，已經無以前神級的味道，淡淡然的除了必有的火腿或炸菜肉絲，今年多了蕃茄肉醬。有點酸而矣，沒其他味道能吃得出來。麵的質素也好像走了下坡有埋o野飲，已經$20.5，不是以前的一回事了

今日試左lg7既即炒意粉...要左雞肉同白汁,佢同科大其他canteen既意粉既不同之處除左係即炒之外,仲加左牛油同蒜蓉,香好多!!所以貴都係有佢既道理既個意粉食落去既質地完全只係快餐水準,沒有分別....但食得出好香既蒜蓉牛油味但最大既敗筆係個汁度...個白汁完全冇調校過, 一d味道都冇,又似漿糊....哎,點會咁架!?個即炒意粉係有一試既價值既,但記住要走汁....

哩日去ust. 到2:30 即衝去食下午茶. 條隊唔多人, 但過左一陣就勁多人.叫左薯角, 西多, 仲有碗雪菜肉絲米. 凍奶茶, 只係$18薯角唔脆. 仲煮得唔透, 入面d 薯仔唔夠林, 有d 硬生生地咁. 下午茶時段只係岩岩開始, 但d 野都已經唔新鮮.西多唔錯, 但入面d 花生醬係超超超少. 少到好似得3滴咁. 但塊包就炸得脆既雪菜肉絲米, 一睇就知好多油. 米粉煮得岩岩好, 唔會過林, 雪菜同肉絲冇味而且得好少.凍奶茶少甜, 唔係話茶味好突出, 但尚算可以.can 通常唔可以expect 好好食, 但比起紅磡o個間, 真係好好多了. 起碼價錢平d 先.

也快快手吃個早餐開工，吃了這裡的早餐N次，今天見有我最欣賞的銀針粉吃，也幫它留個念吧。三合一的早餐分別有粉麵或麥皮、熱碟及飲品，今天熱碟選了雞扒、腸仔及多士，粉麵則選了個人認為非常好吃的銀針粉，而飲品也是在茶記通常都喝的熱奶茶。雞扒、腸仔及多士也沒有什麼好談的了，雪藏的雞扒全無雞味，肉質勉強可是說是嫩滑的，腸仔普通，而多士是軟腍腍的，全不好吃。說實話，來此吃早餐只是為了銀針粉，誇張點說，此銀針粉是全飯堂在早餐中最好吃的一個物事，但不是每天都有，好運才有得吃，大家可能會問，要那麼誇張嗎？大家要明白，所有事情都是相對的，正如愛因斯坦也發現了相對論一樣，所以當其他東西不好的時候，有一樣好吃的，也變成妙品了，此銀針粉，粉身軟腍，無甚特別，可取之處是其湯，配料中放入大量的菇絲及蝦米，使湯充滿菇香及蝦米的味道，喝下一口湯及粉一起吃，很不錯的。最後結尾的熱奶茶是註定爛尾的了，茶不濃不滑不香，講完。三合一的早餐，只需十六元，還想怎麼樣。