波士冰室 (已結業)

今日星期六，個仔興趣班要上到4:30pm,所以我接完個仔，约咗老婆去剛剛新開波士冰室食下午茶。從荃灣地鐵站那邊走過去要15分鐘到，如果從荃灣西站走過去也要15分鐘，波士顿冰室位於荃灣西站及荃灣地鐵站中間，那裡店舖林立。我們大约5點去到波士冰室，侍應安排坐在靠邊的卡位。我看室內環境舒適及十分整潔， 牆壁上還有十大必食字畫。我們二話不說點了二個常餐及一個漢堡伴薯條，跟餐點了熱朱古力和加$22轉咗懐舊雪糕红豆冰。煎蛋手打牛肉漢堡伴薯條$50有太陽煎蛋，手打牛肉及芝士做的漢堡包，當然少不了炸薯條，再加上點茄汁，落食十分滋味。常餐-香煎豬扒公仔麵$49除了公仔麵，還有北海道牛乳炒滑蛋及丹麥多士。豬扒煎得好乾及入味，食落味道剛剛好，公仔麵也煮得淋，加上滑蛋及丹麥多士，十分滋味。常餐-雞翼撈天使麵$49除了天使麵，還有北海道牛乳炒滑蛋及丹麥多士。油雞翼十分入味，不太咸，配上天使麵，再加上滑蛋及丹麥多士，真是不錯配搭，滋味十足。懷舊雪糕红豆冰$22跟餐加$22元轉特飲。這杯有抹茶雪糕，再加上红豆及冰在底，真是我飲過最好飲的红豆冰。整體來說，這裡環境整潔舒適，食材新鮮及款式特別，座位新而闊，我們约定不夠

在荃灣沙咀道，見到一間餐廳門外大排長龍， 好奇心驅使之下去看看，原來是早前曾經在千色匯幫襯過的波士冰室分店，當刻提供麵包優惠，晚上六時後，麵包半價，吸引大批街坊捧場。想念之前食過那美味的農夫包，於是入內晚飯。餐廳有香港地道舊式裝修，幾有特色。雞腿加農夫包組合，香口得嚟又夠飽肚。炸雞髀雖然唔係最健康嘅選擇，不過外層炸到脆口得嚟，雞肉唔會好乾，食落口感相當唔錯。農夫包係碗，麵包烘得脆口，特別是上蓋，塗了一點牛油，再烘，味道更香。麵包裏面挖空，再放入炒飯。 炒飯既乾身又粒粒分明，加入適量雞蛋味道口感俱佳。揀咗雪糕紅豆冰做飲品，雪糕有三款味道：朱古力、雲呢拿同埋抹茶，可惜當日抹茶雪糕售罄，於是改為朱古力雪糕。雪糕的紅豆冰提升了整體甜度，感覺倒也新鮮。波士冰室的十大推介，款款都好吸引，可惜眼闊肚窄，唯有下次再食。

這間位於荃灣的波士冰室，除了有茶餐廳的懷舊套餐外，還有多款新式菜式。下午茶時間有多款茶餐，三十多元起。手打牛肉煎蛋漢堡配薯條漢堡包略烘至微脆，中間夾著半溶芝士、牛肉漢堡及太陽蛋。漢堡是自家製，所以比較厚身，保留了肉汁又不會煎至過硬，太陽蛋煎得很靚，蛋王流心，還配上香脆的薯條，份量十足。瑞士雞翼撈天使麵+北海道牛乳炒蛋配丹麥多士常餐都十分足料，瑞士雞翼大隻又入味，而且雞翼嫩滑，天使麵亦都煮得爽口，炒蛋炒至半熟，十分香滑，多士則較鬆脆。招牌沙嗲牛肉麵沙嗲牛肉份量很足，公仔麵煮至軟硬適中，沙嗲味惹味，牛肉腍滑。綠茶雪糕紅豆冰紅豆大大粒煲得很腍，加上綠茶雪糕，十分邪惡。

今日去食下午茶點左一個炸脾 一個常餐常餐嘅瑞士雞翼撈天使麵，瑞士雞翼，雞翼都好juicy。陪他嘅滑蛋多士，雞蛋亦都好滑，多士都脆。係唔錯嘅。但下午茶既炸脾就真係唔得，係脆不過炸到乾哂，好似食肉渣咁。真係唔會再食。環境裝修係特別嘅，又有卡位坐都算闊落，不過食物質素真係一般。

喺開荃灣區行街，想簡簡單單食個晚餐，但要坐得舒舒服服嘅，喺沙咀道行過呢一間波士餐廳，見到環境幾闊落，裝修幾新淨，決定入去試一試晚市套餐價錢唔貴，六七十蚊左右，有餸有飯仲有湯，款式選擇都唔少沙薑雞（$63）沙薑雞肉質有光澤，雞肉同雞油脂肪嘅比例啱啱好，食落肉質好嫩滑，每一件雞都滲透沙薑的味道，份量亦夠大份黑椒薯角牛柳粒（$68）牛柳粒份量豐富，配上煎香過嘅連皮薯角，加埋顏色鮮艷的紅椒，配以黑椒調味，令整到菜色香味俱全羅宋湯，老黃瓜排骨湯 （跟餐）老黃瓜湯夠清夠鮮甜，飲完唔會口渴，唔似有味精。羅宋湯茄味同辣味平分春色，味道有層次蛋白杏仁茶 （+$22）這杯熱飲好滋潤，杏仁茶裏面加咗蛋白，令到菜嘅口感更加順滑，微微嘅杏仁香配上淡淡嘅蛋白味道，感覺清新懷舊雪糕紅豆冰（+$22 ）雪糕有三個味道可以選擇，包括雲呢拿，綠茶，朱古力，我揀咗朱古力，覺得係最配紅豆冰嘅味道。朱古力雪糕慢慢溶化，令到整杯紅豆冰味道更豐富。紅豆煮得好棉，入口好軟熟。呢杯紅豆冰超級巨型，大人細路見到都一定鍾意 餐廳十大美食推介除咗晚餐之外，原來都仲有好多美食，我杯紅豆冰原來去十大必食推介之一環境座位闊落，坐得好舒服，亦因為樓

荃灣沙咀道開了一家新的餐廳，每次經過都是九成至滿座。這天來下午茶幸運地只等候了數分鐘。這兒以綠色為主調，有點懷舊的味道。店員都是勤快和有禮的。看見下午茶時段有不少人吃大大個的菠蘿油，心想必定是這裏的招牌食品，心想一定不要錯過吧！冰鎮脆皮菠蘿油配雪糕紅豆冰 $26 巨型菠蘿包的菠蘿外皮是既香又脆的，包身很軟熟，夾著冰凍的牛油，咬一口便停不下來，非常邪惡的。雪糕紅豆冰也不錯的，可以選擇雲呢拿或綠茶味道的雪糕，紅豆夠稔又有紅豆香，配雪糕不會過甜，難得有兒時的味道。黑松露芝士火腿奄列 $46 脆炸雞髀伴薯條 ＄42炸雞髀夠入味，肉質算滑，外皮夠脆。瑞士雞翼 $43 雞翼入味，肉質嫩滑，瑞士汁味道突出。

冰室充滿懷舊風味， 懷舊鐵閘及方糖瓷盅， 裝修有心思， 環境舒 適乾淨。咖哩牛腩飯$57牛腩入口 軟淋淋， 充滿誘人咖哩香味， 咖哩汁香而不辣 ， 薯仔好入味和軟糯， 白飯足2人份量， 咖汁撈飯一流， 好快把整碟飯都吃掉了!懷舊抹茶雪糕紅豆冰(餐+$22)紅豆差不多有半杯分量， 大大粒起沙， 口感綿密 ， 配上一球抹茶雪糕，造型吸引， 抹茶雪糕入口香滑， 炎炎夏天消暑解渴， 極之欣賞。法蘭西多士$26西多士即叫即做 ， 簡直是邪惡的化身，把大大塊牛油，塗上熱呼呼的西多士，牛油慢慢溶化及被吸收，令人垂涎! 西多士內層夾滿軟滑花生醬，蜜甜、軟綿，加上蜂蜜的升華， 我的摯愛! ·豬扒芝士撈丁$48半溶芝士鋪滿在公仔麵上， 大大塊 肥美的豬扒煎香後，入口鬆軟 ， 每條麵都掛滿香濃滑溜芝士醬汁， 邪惡又好味， 真是無得輸的港式風味！豬扒包 $36豬扒包外脆內軟 ， 裏面夾住大塊 煎得香口的豬扒， 配埋沙律醬， 蕃茄和生菜， 清新又滋味。港式奶茶( 跟餐)港式絲襪奶茶 ，茶和奶的分量調得剛好， 充滿茶香和奶香， 入口順滑， 沖得出色。

星期五晚上跟老婆行到累咁岩又見到有間招牌醒目既冰室就入去試試 叫左2份常餐豬扒公仔麵跟雞翼天使麵 叫左杯波冰奶茶跟華田沙冰試試波冰奶茶味道不錯 但粒波波只有兩個半粒冰茶波感覺好像被騙······華田沙冰味道濃郁不錯強烈推薦一會兒我們的晚餐到了上台後發現炒蛋很精緻感覺像個雪糕球 蛋炒得很滑很有蛋味丹麥多士夠鬆脆 牛油味略欠豬扒麵豬扒是煎的很有肉汁不會太干身雞翼天使麵雞翼夠入味 但麵雖然有汁但還是很淡這裡的侍應很年輕 負責下單的女孩還很好笑容 跟禮貌 服務跟食物質素比外邊的茶餐廳要好得多

星期日一家人又出動了…太太話附近開左間新嘢，咁就一於去試下啦！去到餐廳門口都有人等緊位，不過等左一陣就有位入；睇完餐牌就點左三個餐…價錢就比同區茶餐廳高左啲，反而令我覺得“應該會唔錯”，亦可能係我期望過高啦，所以先至會有點失望…常餐（豬扒麵）…塊多士幾好味，夠脆脆鬆化，但係其他就一般般，湯淡、塊豬扒完全唔掂，還有腌粉味還有另一個常餐（雞翼天使麵）…餐牌個圖是全翼，上枱時只係雞中翼，都算…最重要係唔入味，天使麵汁少而且淡最後、午餐（欖茶肉鬆四季豆炒飯）…味道還可以但四季豆偏少、飯太油同區嚟講，質素實屬普通但價錢就略高

這間冰室裝修很漂亮，而且非常有特色，座位亦非常舒適。今天天氣有點熱，坐下先點了杯凍飲，點了柯華田沙冰。非常濃厚的柯華田, 一半是液體，一半是沙冰，解暑一流之後點了一個豬扒芝士撈丁，非常多芝士汁，有點像芝士焗龍蝦的芝士汁，芝士味濃郁，芝士汁份量亦多面底是出前一丁, 非常爽滑彈牙，不會過軟或過硬，煮到恰到好處另外豬扒非常鬆軟，伴著芝士汁吃十分美味。另外餐廳有多款特色飲品，如黑牛、菠蘿冰、忌廉溝鮮奶，還有香蕉船！所以都十分吸引, 會再來一試

波士冰室喺荃灣區開咗第二間分店。第一間係千色匯， 經常見到好多人排隊 ，呢幾日喺寶石樓開咗第二間分店， 今日早上見到冇人排隊，我同朋友就入去食個早餐。我叫了珍珠帶子粒火腿通粉 平煎雙蛋牛油厚多士配熱咖啡(少奶)$37。想講下杯咖啡先，我好彩習慣叫小奶， 但係杯咖啡嚟到，我一飲。。。。嘩。。。 都好多奶喎!! 我朋友叫嘅早餐都係叫熱咖啡，但佢冇叫小奶即係正常嘅奶分量， 佢個杯簡直好似latte 咁樣樣， 我試飲過，咖啡味好淡!! 我朋友簡直係飲唔落話明係珍珠帶子，佢真係細細粒，又冇呃到人嘅🤪 有幾多粒?咪就係幅相見到咁多囉 🤷🏻‍♀️ 通粉太淋bad bad,啱 bb仔食， 唔啱我食🙈🙈 反而我欣賞佢嘅湯底，夠濃郁至於炒蛋同牛油厚多士，一般水準啦總括嚟講37蚊一個早餐喺呢一區， 我覺得有點兒貴🤑🤑 唯一好處都叫做坐得好舒服，同朋友傾下計唔會趕你走!! 裝修得靚靚仔仔幾特別!

終於開左啦！1:00 pm 左右一入去就有位但都好滿冰室至受港人歡迎我點左常餐$49雞亦配天使麵（有D與一般冰室唔同）雞亦入味又滑！正！但天使麵就冇汁、有點dry 炒旦配丹麥toast ok 正！我杯餐飲凍咖啡就太多奶冇咖啡味但叫待應加返D啡可以接受、態度可以！另外我老公叫左午餐-咖哩牛腩飯$55港式style 唔辣D薯仔好淋我仲意佢哋有自家焗包叫左個雞尾包$9（堂食比外賣多$2）做得比敏華好不過貴多小小環境、服務、清潔都ok 下次再食其他野

簡直垃圾的午餐😡😡😡😡😡😡😡😡😡😡😡跟家人路過見四五個人排隊入面爆曬呢間野又新開決定試下估吾到是2019 年最差的一餐!!!!!😡😡😡😡😡😡😡荃灣區炸。當自己灣仔中環 ?! 咁既價錢配咁既質素完全不成正比😡😡😡😡😡😡 下面系菠蘿西炒飯及瑞士雞翼天使面$55 一個菠蘿西炒飯第一次上菜冇菠蘿第二次加返幾粒 ... 得幾粒炸多謝曬喎菠蘿十幾蚊粒架 ?! 日本空運到港 ?!材料非常cheap 收人 $55 ?!飯底仲系好濕 ...... 好心吾好話自己系瑞士雞翼啦識吾識整個汁架淡到冇味系完全冇味 !!!份量系少過出面既魚蛋粉惟一好系吾洗加一如果加一真系反檯不過咁, 如果好食, 加二又點話呀 😡😡😡