波士冰室 (已結業)

好耐冇出街食早餐，波士冰室係荃灣都開左一排，今日早左起身就去食翻個早餐先。價錢算合理，野食選擇都頗多。1⃣️珍珠帶子粒火腿通粉拼炒滑蛋、丹麥多士（$42）平凡既火腿通加上珍珠帶子，感覺即刻好似upgrade左咁😂火腿係切得厚厚既，同平時食開一片片既火腿通唔同，厚厚地食落口感更加正。  個早餐本身係跟煎雙蛋既，但係我轉左做炒蛋，炒蛋份量比我想像中少，得細細一球，而且一啲都唔滑。另外加左三蚊將原本既牛油厚多士轉左做丹麥多士，丹麥多士好香牛油味，好厚，表面脆脆地，夠曬邪惡🤤 

𝐹𝒶𝓈𝓉 𝐹𝑜𝑜𝒹 𝒾𝓃 𝒯𝓈𝓊𝑒𝓃 𝒲𝒶𝓃又黎荃灣食好西☺️😋今次試下呢間幾出名既茶餐廳。餐廳嘅裝修走懷舊香港𝒻𝑒𝑒𝓁，衛生程度一般。🌟公司三文治（單點） （ $45 ）🌟炸薯條配野飲 （$28）呢個公司三文治🥪份量十足，好似比平時食開既要大份。有三層面包，但好似得中間嗰層烘過黎。不過三文治勁厚，一啖都咬唔晒，跌咗好多蛋落嚟😂😂😂😂😂裹面有好多蛋、午餐肉、蕃茄、芝士、生菜🥬。好飽肚。 另外再加左多個薯條，炸到金黃色上碟，但本身冇落鹽，而且唔算太油，不過份量就有𝒹少🤏😰😰😰😰😰😰📍 波士冰室 𝗕𝗼𝘀𝘀 𝗛𝗼𝘂𝘀𝗲荃灣沙咀道328號328廣場地下G9-11號

同媽咪行街街，行到老人家腳仔軟，唸住同媽飲茶可一盅兩件，點知媽咪話要飲奶茶😅😅平時叫都唔飲去左間有懷舊風味嘅～波士冰室，有綠色鐵閘同80年代嘅風味，岩晒老人家懷念吓一坐低，媽咪就話要食飯，仲要平時唔會煮唔會整嘅，所以就自己點左鮮茄焗豬扒飯，媽咪好心急咁，好似小朋友叫野食咁，覺得好好笑🤭🤭鮮茄🍅焗豬扒🐽飯～熱辣辣，心急嘅媽咪已經辣親，佢話好好食，芝士🧀咪濃，鮮茄開胃，豬扒又唔乾，仲有個炒飯底，一口氣整個食晒🤭🤭香茅豬扒米粉～份量比較細，同早餐份量差不多，豬扒就差不多跟碗size 一樣唔，味道有d淡，但算ok總括味道、裝修同服務都跟之前商場入面舊店嗰間差點，因之前去過舊店，所以先想帶媽咪去，但無之前印象中好😑😑

話說17/10(六) ，一家四口到荃灣波士冰室食午飯，我地有支新買嘅烏龍茶，未開過，亦都唔會喺餐廳飲外帶嘢，所以我女放喺枱面，就放喺枱中間板隔旁。點知到走嘅時候，行咗出門口，都已經過左兩次馬路，入咗附近商場，先發現成支茶漏低咗。咪即刻返轉頭睇下仲有無囉！其實都預咗人地執枱會掉咖喇，不過佢地夥記可能留意到支嘢全新未開過，而且記得我地有小朋友(通常小朋友都成日漏低嘢)，咁佢地好心hold起咗。雖然價值唔係貴，無咗都唔怪得人，但從小事當中，已經見到佢啲夥記係好細心。咁都拎得返支茶，感覺窩心又神奇❤️

上班早到，因為疫情，想找個空間大點的地方吃東西，感覺安全一點 ，所以便來了這兒吃早餐。我叫了一個K餐：雪菜肉絲銀絲米粉配丹麥多士，餐飲熱飲免費，凍飲加3元。首先要提的必定是丹麥多士，金黃色的外皮，炸得非常酥脆，牛油份量很足夠，完全吸收在多士內，滋味十足！最慶幸的是份量不太多，吃完不會有重重的罪惡感。而雪菜肉絲銀絲米粉的份量則比預期的少，但加了櫻花蝦，提升了整個米粉的鮮味。米粉夠彈牙，肉絲切得夠細。可惜是份量少了一點，對於大食量的女孩（正如我），吃完會有種還差一點點的感覺（但喝完飲品就剛剛好）。店員相當勤快，餐桌面也很亁淨，但卻被我發現桌子下織了一個超大的蜘蛛網，真的嚇死我了。

依家早餐愈食愈貴，稍為想有塊扒、有碗粉麵，起碼麵40蚊先落樓，仲要質素麻麻。今次經過波士，試吓佢嘅早餐，比我想像中有驚喜。價錢合理，叫過沙爹牛肉麵、有炒蛋，加錢要埋個菠蘿包，幾唔錯！仲有杯奶茶，都幾Ok, 環境又叫舒服，推介呀！

第一次食「波士冰室」的出品有彈有讚啦，叫咗一個「出爐麵包早餐」沙嗲牛肉+雞肉腸通心粉 配火腿奄列 及 出爐麵包一款，餐飲熱奶茶。首先上的是菠蘿包和熱奶茶，奶茶帶少少苦，唔係好夠奶，冇滑滑的感覺。菠蘿包就普通啦，外皮都脆但包底有些粗，不太好。火腿奄列 油比較多，但係可接受的程度。沙嗲牛肉雞肉腸通心粉就非常好味，沙嗲牛肉鮮嫩可口，汁醬香膿，雞肉腸因為油炸過 所以好似多咗一層衣，炸過的香腸沒有那種雪藏味，又幾可口。

37蚊早餐沙嗲牛面 - 面同牛既味道口感都唔錯 但牛既份量都少得有啲過份櫻花蝦炒蛋 - 普通 叫做有啲擺盤同埋有啲口感多士 - 無特別奶茶 - 都無特別整體份量算正常 上菜亦都算快👍🏻

5月10日早上到荃灣沙咀道分點食早餐，由於每一次都會叫早餐J,並會要求蛋另上，今早亦一樣，誰不知樓面一句唔得，唔可以分開上落完單就走，完全無理會客人要求，令到我們感到不解，因為將蛋另上，確實想像唔到有幾難，跟著向他查問，他便說未做過唔知得唔得，然後同水吧講，個帶眼鏡嘅肥妹水吧同事就話「咁煩架！番屋企自己煮啦！」聽到呢句說話真係覺得好好笑，最後我哋當然無幫襯離開啦！同埋以後未會考慮再幫襯啦！如果個個都番屋企煮，佢第一個要番屋企，因為佢會無工做！嚮呢啲經濟環境，食市經營應該好困難，如果請著啲員工咁樣，真係俾佢累死！希望如果有波士嘅管理層睇到呢個反饋，要好好反省一下！

我叫咗碟「乾炒牛河」，幾多錢我忘記咗，但係碟牛河嘅份量少到呢，真係少到一個點，正常男人根本唔會夠飽，望一望，即時嚇一跳，然後就覺得幾搞笑。呢個 dry fried beef river noodles「乾炒牛河」，憑肉眼睇起上嚟都見到「令立立」真係多油到呢，完全係拋曬光，食落真係滿口都是油，而且未到仲好，真係咸到呢，會直衝上腦咁 (可能係師傅落多咗一次鹽都唔奇！) 仲有就係嗰啲牛肉片係好硬好靱，而且都係好咸，堅係唔好食。

第一次買晚市套餐，回家後還要自己叮一個即食飯。同老婆share 才勉強夠食。。。外賣飯重要9元一個。。。。。。。。。。。。。。。已打電話投訴。。。。。。。。。。。。

Was really hungry after visiting the bank. Happened to pass by this restaurant, I decided to grab a quick bite Ordered a plate of rice with tomato sauce and beef.When it arrived, I lost my appetite when the waiter put down the plate of rice. The tomato sauce is in neon color...the sauce is very sticky....and tasteless. Not only the sauce, the beef and the tomato too. I actually didn’t know what I was chewing...Iced coffee mix tea, too much ice......

聖誕快樂！ 聖誕節度度都好多人， 但係冰室反而好多位，我同啲朋友唔想等咁耐，所以入咗波士冰室。佢餐牌有幾款，呢個蛋包飯餐就吸引左我，圖又靚，又包野飲。佢有燒汁，咖哩汁，同芝士汁揀，問過姐姐話芝士汁好重味，我雖然鍾意但都有啲驚，所以都係普通燒汁就算了 😂 芝士達人朋友可以試下個汁，然後分享返 😎黎到個樣真係超靚！蛋有木魚鋪面，蛋同飯中間仲有日本果隻撈飯既紫菜芝麻，好惹味。雞扒唔算大份，但都夠食，同埋煎得好脆。熱朱古力勁香，雖然都係沖粉，但咁凍既天氣飲返杯真係好岩飲。仲係用木棍唔係膠，少環保唔錯。

前幾日見到荃灣開咗呢間新嘅冰室，我就約咗朋友一齊去食晚飯，依家好流行冰室，所以我哋都去湊下熱鬧。見到呢個十大必食嘅餐牌，所以我哋都叫咗呢啲嘢食。呢個係瑞士雞翼，賣相都好吸引，而且顏色仲整得好夠色水，味道非常入味，不過佢個瑞士雞翼係偏鹹啲嘅，而且連入面嘅肉都有味。呢個係焗豬扒飯，份量真係非常之大，而且塊豬扒差唔多有我兩隻手板咁大，焗得好香，而且豬扒整得好軟熟，蕃茄汁味道酸酸甜甜，加埋個炒底嘅飯，好開胃。我哋仲叫咗個炸雞比薯條，炸雞髀都係好大隻，熱辣辣咁，每啖都啖啖肉，又香又脆。

昨天我和朋友一起出去吃飯，我們沒有什麼心水，就諗住在附近找一間餐廳吃飯，看到了一間冰室，我們就挑選了這間波士冰室了。這裏跟一般的茶餐廳沒有別的樣子，環境也是挺舒服的，應該是新開的，本來我們每人叫了一個飯，但是侍應提議我們吃套餐，比較化算，所以我們叫了一個套餐。這個是菜膽雞，是晚市套餐。賣相很美呢！而且最令我驚訝的是份量居然如此多，這裏差不多有半隻雞，我最怕是看見的雞是有血的，這裏弄得剛剛好，而且雞肉很嫩，很重雞味呢！這個是朋友叫的鴛鴦炒飯，份量也是挺多的，一邊是白汁蝦肉，而另一邊就是洋蔥豬肉，整體配合呢！最後我還喝了一杯奶茶，奶茶味道濃郁，是港式奶茶的風味，這裏的食物真的是物超所值，份量非常大，而且味道也很好。