波士廳•101

营业中

休息中

同屋企人嚟飲茶，喺呢個地方再加上個偏貴嘅價錢，自然會有所期待，但點知服務同埋啲點心嘅質素同普通屋村茶樓差唔多，甚至可能更差！個雪山叉燒包普通到不能再普通螞蟻上樹餃個皮偏厚，餡嘅蝦肉都ok ，整體可接受蟹粉小籠包，好少少過超市個啲急凍小籠包黑金流沙包，真係流沙嘅，做到基本要求正正常常嘅帶子腸粉波士炒飯，不堪入目，啲飯偏乾，啲蝦淋嘅，懷疑死去多時而且死後冇適當處理，我喺超市求其買包急凍蝦返嚟炒都好過佢鳳尾蝦蘿蔔絲酥，催左幾次單先話炸到出嚟，一咬落去，哇，啲蘿蔔好似啱啱喺雪櫃攞出嚟咁凍，唔敢再食除咗食物之外，服務都好有問題，而且漏單情況嚴重。可能人手唔夠，好多時想搵人幫手加單或者跟進漏單都要叫好多次先得。埋單個陣都要等好耐，但後嚟知道原來因為電腦壞左要人手寫單計數，咁都體諒嘅。總結成個用餐體驗得兩樣嘢係欣賞嘅，第一係個景色，第二係肯主動唔計個蘿蔔酥嘅錢。5個人埋單三千幾蚊，可以有更多選擇。

#蜜餞風鱔球 #黑松露帶子餃 #松露野菌素雞肉餃 #螞蟻上樹餃 #XO醬煎蘿蔔糕 #松露脆皮豬 #彩鳯花膠餃 #鮮萵荀蝦餃王 #鮮茄金菇素牛肉餃 #黑金流沙包 #鳯尾蝦蘿蔔絲酥 #鳯梨酥 五人行點了一枱點心 再加一碟蟹籽帶子炒飯 二千多元 頗貴的！味道很好👍

一直以為ICC 101樓上啲食肆價錢會相對昂貴，因為環境優美，但係發現原來呢間Boss廳101個價目一啲都唔算離地。其實都食過好幾次，今次係第一次寫食評，因為都係想讚下呢間食肆嘅食物。中午分開兩個時段，我就book咗11:30，點心精美，每一樣食物都很有水準，而且可以按人頭計，幾方便。本人最欣賞過芋角，唔油之餘入面仲有芝士，可能其他人會覺得肥膩，不過我還可以。佢嘅炒粉麵飯都唔錯，我哋點左個乾炒牛河，唔係好油，又有鑊氣，而且份量都大。另外最尾仲有甜品送。以呢個價錢又望到海景，係物有所值。

101樓和你品味點心!由選址到室內設計、菜式配搭、餐具挑選等等，都一絲不苟餐廳室內設計由世界級名設計師操刀讓客人能夠在鳥瞰香港都市繁榮景致的空中花園內品嚐美食三色腸粉 平時點腸粉一碟只有一種口味,呢度可以一次滿足你一碟就食到素腸粉,蝦仁腸粉,叉燒腸粉 ,每款2件腸粉皮油亮薄身,香軟滑溜,叉燒餡係新鮮叉燒肉,啖啖蜜味蝦仁鮮甜爽口,野菌腸粉就係各種菌絲既素食腸粉竹炭雪出叉燒包 麵團加入竹炭粉,做成灰黑色既顏色再灑糖粉口感同平常食到既一樣酥脆,餡係蜜汁叉燒餡,呢度最招牌係佢叉燒所以唔少點心都可以食到,個蜜汁叉燒非常香甜蜜汁西班牙黑豚叉燒 招牌,以西班牙黑豚燒製,特別甘香鬆化每件都肥瘦相間, 食起黎同鮮肉味道很接近,肉紋理細緻,口感軟淋入味有蜜味豆腐皮卷 以豆腐皮代春卷皮包上蔬菜絲再炸脆,改版春卷,口感更酥脆脆綠蝦餃 綠色既餃子皮包住鮮蝦仁, 餃子幾煙韌,蝦肉鮮甜多汁,仲有食到筍絲,幾好食附送紫米香芋糖水 咁高級既中菜,埋單一定有糖水送喇!濃濃既紫米芋頭糖水,香而不甜,入口綿滑超有水準點心,果真係拎到米芝蓮既點心專門店尖沙咀柯士甸道西1號環球貿易廣場(ICC)101樓B2舖消費$700

星期日book左1點飲茶，去到門口已經堆左20人，因為門口完全冇人帶位，帶位既人去左執枱，所以book左位都要等20分鐘，唔知以為自己係美心！唔會再嚟，服務零分

收到某電訊公司用1元就可以買到sky100 門票，甘就買咗。之後要搵地方食完個午餐先上去。想飲茶之餘又有靚景睇，所以揀左波士頓101。但預約電話時講左唔一定有靠窗座位。去到都無失望！好彩有位！可以嘆住茶望靚景。叫左個炸魚。好食😋個樣似日本炸串甘。外脆內軟。魚柳甘無骨既。BB乳鴿，吖仔最鍾意食。去親酒樓餐廳有既都一定會叫。見佢食得甘滋味食晒應該係好食既😂蕃茄豆腐魚湯：湯好飲唔腥，豆腐都滑。最鐘意啲魚湯係奶白色！喺屋企成日煲失敗。。。香蔥帶子炒飯：吖仔鐘意綠色，一睇menu就話要個綠色飯！真係好綠。食唔晒打包。松露脆皮豬:三隻小豬🐷好萌。又幾襯個景喎。味道一般。正常！呢碟黑毛豬叉燒，唔得。好un⋯⋯黑毛豬要慢煮,先淋同好食！石榴陳皮牛肉球: 牛肉球有陳皮同芫荽既香味！包得好精緻！甜品，外形好似燒賣既桂花糕。但老公話上面粒藍莓係扮返龍眼入面粒核。又講得幾岩喎🤣蘋果雪耳清甜。食咗有滋潤嘅感覺。下次想夜晚黎食。想睇日落🌄同夜景吖！公司快啲出花紅啦！等到長都頸埋！

本來預訂了下星期到天龍軒飲茶和參觀天際 100，可惜由於天文台預測下星期會下雨，所以便轉了今天帶家人來觀賞，可是由於天龍軒已經滿座，於是我唯有退而求其次改為預約這間中菜廳飲茶了每次來到這些高級酒樓，我都不會再點蝦餃燒賣小籠包這些平凡點心，今次也不例外，我們分別點了芝士焗蟹蓋，鮑魚雞粒酥、燕窩蛋撻等特別菜式，想不到每款點心和食物都相當出色之餘， 甚至比上次半島的「嘉麟樓」更美味！No.1【芝士焗蟹蓋】$168這是一款全新的菜色，所以餐牌上暫時沒有顯示，雖然蟹蓋是即叫是焗，但是依然只是微暖而已，幸好整體的味道仍然十分驚艷！芝士下便是大量一梳梳的蟹肉，當中亦夾雜了一些洋蔥來增加口感，細嚼慢嚥的時候，鮮甜無比的蟹味便持續地慢慢散發出來，在唇齒間留下一絲絲濃郁的蟹肉氣息，鮮甜可口，香飄十里，口感細膩而延綿，美味得讓人吮指回味，鳳髓龍肝No.2【原隻鮑魚雞粒酥】$118鮑魚的質感煙煙韌韌，每一口都很有嚼勁，同時芡汁的調味亦十分出色，咸香四溢，滋味非常，最後再配上柔軟嫩滑，香甜美味的雞粒，味道立即更上一層樓，簡直完美得無懈可擊，美味得讓人久久縈繞另外撻底的質感相當酥脆香口，外脆內軟，而且口感亦一點也

媽媽節～母親大人話要食中餐千辛萬苦搵到唔使分時段而又有番咁上下質素既波士廳～上到去地方幾靚喔！7pm天未黑齊仲見到樓景～叫左兩個小食先～素鵝同金磚豆腐素鵝好清皮薄涵靚👍🏻金磚外脆內軟唔油膩👍🏻好食！西班牙黑毛豬叉燒呢個要預訂 因為量少勁厚切啖啖肉👍🏻黑松露帶子蘆筍勁多黑松露😂正正常常冇咩特別預訂咗嘅咕嚕鱈魚個汁唔會太甜或太酸好食👍🏻預訂咗嘅三杯龍蝦一打開個煲蓋已經勁香！龍蝦新鮮！三杯汁好惹味👍🏻鮑魚伊麵係好碎既鮑魚😂但個面幾好食凍左都唔會硬哂 仲係軟身既👍🏻甜品喇～～楊枝甘露足料！落左花奶 所以好滑紫薯流沙煎堆呢個unexpected地好食！但食完會好飽😂由於叫左支紅酒所以3個人埋單$3100~

上星期六陪媽咪去圓方行街 然後去咗ICC 101樓嘅The Sky Boss飲茶 雖然好即興咁去所以冇book到枱 但好在唔算多人 仲坐到靠窗位🏙🙌🏻 可以邊食邊歎一望無際嘅海景🥰叫嘅點心入面每樣都有水準 傳統點心嘅蝦餃皮薄剔透 蝦肉鮮甜飽滿 叉燒腸粉皮滑溜 內裡嘅黑豚叉燒肉質鮮嫩😋新式點心最鍾意係螞蟻上樹餃同脆皮松露豬😋 綠色嘅螞蟻上樹餃外表平平無奇 但微微麻辣嘅味道好有驚喜感😆 而脆皮松露豬其實係鹹水角嘅昇華版 雖然有少少醜樣 但外脆內軟糯嘅口感 以及濃郁嘅黑松露香混合豬肉嘅味道簡直一流🤩 雪山叉燒包亦唔錯 外面焗至鬆脆 餡料比例適中💯💬 餐廳面積雖小 但環境開揚舒適 食物亦有一定水準 店員態度友善 上菜速度快之餘服務殷勤 整體用餐體驗愉快舒暢😚 值得回訪!!Had a wonderful dim sum experience with my mom last weekend. Located on 101/F of ICC Tower, 𝐓𝐡𝐞 𝐒𝐤𝐲 𝐁𝐨𝐬𝐬 is a Michelin-starred restaurant serving Chinese cuisine.

名過於實，不是心目中的米芝蓮級數！裝潢、桌椅、枱布亦沒有見得特別輝煌，筷子🥢、碗碟都亦有脫色現象。點心🥧味道、熱力、食材亦沒有特別，只是一般酒樓水準。可以說金山好食過佢！差點忘記，有一隻蚊螆飛來飛去！

周年紀念日去咗呢間餐廳食佢哋嘅午市套餐本身仲驚佢哋嘅食物會食唔飽🥺因為都差唔多$400一位😴餐廳嘅景觀靚就不在話下🧡🧡最重要係食物都係米芝蓮級數👍🏼👍🏼望海嘅窗口位應該要提早預訂如果唔係大家就可能會坐城景嘅窗口位茶嘅種類有好多大家可以隨心選擇我哋食最平嘅嗰個套餐都覺得好好食最推介係佢哋嘅湯真係好足料裏面有蕃茄豆腐同埋飲落應該係魚湯嚟嘅所有嘅點心炒飯都做得好出色$400一位真係可以食飽飽但是大節或者特別節日想慶祝嘅話都可以考慮吓呢一間

🌹星期天老公放假食好啲，早午餐選了101樓食肆，波士廳.101。預約了11:30 ，去到的時候門沒有開，以為店舖休息，在場幾位客人同樣地有點懷疑，過了數分鐘職員開門，大家鬆了一口氣😅😂。🌹食店不大，有多片落地窗，出面景色，居高臨下，一覽無遺，不過天氣陰暗，視覺享受差了點！食店裝修有點舊，估計是由營業至今沒有翻新過。服務員安排我們坐在廚房走廊位對出位置，有潔癖的我立時要求換位，服務員讓我們選擇喜愛位置坐下，讚👍！面對窗外景色配以美食，人生就是要放假去鬆一鬆！點餐手袋牛肉酥🌟🌟🌟🌟🌟酥皮鬆脆，造型可愛特色雪山叉燒包🌟🌟🌟🌟🌟獨特外皮，配熱辣辣义燒內餡，好吃螞蟻上樹餃🌟🌟🌟🌟🌟賣相取分，餡料豐滿石榴陳皮牛肉球🌟🌟🌟🌟🌟腐皮包裹牛肉球，肉汁得以保留味道，陳皮飄香脆皮松露豬🌟🌟🌟🌟豬造型走了樣，扣了分燕窩蛋撻🌟🌟🌟🌟滿滿燕窩碎舖在蛋撻上，大滿足！撻皮是牛油皮，喜歡💕紅燒BB乳鴿🌟🌟🌟BB鴿真的很細小，味道一般個人評分食物🌟🌟🌟🌟🌟服務🌟🌟🌟環境🌟🌟🌟景觀🌟🌟🌟🌟衛生🌟🌟🌟抵食🌟🌟回頭率🌟🌟🌟波士廳.101 食物做得好，有靚景觀，如能提升服務質素會更好！

是晚同老公慶生知道這餐廳本身拿過一星米芝蓮所以來的時候也帶點期望整體食物 屬中上以$1200-1300/位的中菜黎講性價比高用料靚 廚師處理食材用心唯用餐前半部分餐廳沒有音樂在途中才突然響起 有點破壞氣氛服務一般另外 食物均為非常傳統的粵菜適合中菜喜好者喜歡食景者之選前菜 蟹肉配米通 略欠汁醬 有點乾這個高湯做得非常好不鹹不膩 入口會回甘黏刀的糖心吉品鮑乳鴿做到外脆內軟 多汁這是粥底白菜！粥底做得非常幼滑！非常香的煲仔飯生日可以加字的美點三輝😂我最愛桂花糕，男人最愛芒果卷這是我吃過最好的楊枝甘露為這晚餐畫上完美的句號😌我會再來的😌

決定吃高檔點心，我們選擇了波士廳。松露脆皮豬與鹹水角有異曲同工之處，因為都是炸糯米粉皮的，不過皆因加入松露，身價即時矜貴起來。煙煙靭靭的炸皮，內包豬肉餡，啖啖松露香，好睇又好食。大大粒的燒賣豬肉多、蝦肉亦多，其上的蟹籽乃錦上添花之作，軟腍的肉餡跟脆卜卜的蟹籽是絕佳配搭。顧名思義，長今餃子即煎泡菜餃子是也。餃皮薄，底部煎得脆，咬到中間的泡菜汁，醒神惹味。包了豬肉餡的鮮竹卷炸得脆而不油，上湯亦不會過鹹，浸一浸鮮竹卷來吃更能增添鮮味，友人至愛。紅燒乳鴿燒得皮脆肉嫩，鴿肉亦算厚，又吃點心又吃乳鴿也不會過飽。春卷以蝦做餡，脆脆的帶蒜香，無需蘸點喼汁已很夠味。餐廳食物高檔，景觀遼闊，下次一定要訂窗口位坐。

波士廳101位於ICC 101樓，餐廳有無敵夜景，可以飽覽大半個九龍半島，親朋好友共聚理想之選。是夜一行14人因疫情限聚令關係，需要分為四枱，但餐廳方面亦安排周到，四枱於VIP 房間內，值得一讚。食物方面對於曾獲得米芝蓮加持的餐廳，一向都可以算是信心保證，是夜就享用了季節性的大閘蟹套餐，另外再追加了炸子雞，生炒排骨，所以食物服務都在水準之中，唯一需要改善的可能就是材料太豐富的生炒糯米飯，可能因為材料太多，味道稍重。