波士廳•101

营业中

休息中

同屋企人嚟饮茶，喺呢个地方再加上个偏贵嘅价钱，自然会有所期待，但点知服务同埋啲点心嘅质素同普通屋村茶楼差唔多，甚至可能更差！个雪山叉烧包普通到不能再普通蚂蚁上树饺个皮偏厚，馅嘅虾肉都ok ，整体可接受蟹粉小笼包，好少少过超市个啲急冻小笼包黑金流沙包，真系流沙嘅，做到基本要求正正常常嘅带子肠粉波士炒饭，不堪入目，啲饭偏干，啲虾淋嘅，怀疑死去多时而且死后冇适当处理，我喺超市求其买包急冻虾返嚟炒都好过佢凤尾虾萝卜丝酥，催左几次单先话炸到出嚟，一咬落去，哇，啲萝卜好似啱啱喺雪柜攞出嚟咁冻，唔敢再食除咗食物之外，服务都好有问题，而且漏单情况严重。可能人手唔够，好多时想揾人帮手加单或者跟进漏单都要叫好多次先得。埋单个阵都要等好耐，但后嚟知道原来因为电脑坏左要人手写单计数，咁都体谅嘅。总结成个用餐体验得两样嘢系欣赏嘅，第一系个景色，第二系肯主动唔计个萝卜酥嘅钱。5个人埋单三千几蚊，可以有更多选择。