泰一 (已結業)

我比較鍾意食唔既餐廳，唔同既菜式，但呢間我會經常重複黎，好味痳!馬拉盞豬頸肉炒米粉，推介好惹味，好有鑊氣，米粉炒得好爽、好香，索哂D味泰式生菜包，生菜好新鮮，好脆。碎豬肉佢加咗少少辣椒去炒，令到d豬肉好香口!柚子沙律就除咗平時有嘅花生之外仲有腰果，味道更香。另外我覺得啲洋蔥夠凍夠新鮮，所以特別甜同辛辣!總括而言，佢用嘅香料較多較新鮮，令味道好地道，好有泰國feel,非常喜歡。 其實二百蚊左右食咗咁多嘢(係一至五嘅價錢)真係好抵!

返工返到倦，收工一定要食餐好，好好咁慰勞下自己。上次同朋友食完「 泰一 」之後，就一直好掛住呢度既泰式生蝦。生蝦好新鮮，肥大肉厚，個生蝦汁都係精華！！必食！原本諗住叫個麵包咖哩牛腩，但又怕眼闊肚窄食唔曬，怕浪費，因為要留肚食今晚既主菜 — 「 明 爐 烏 頭 」！！所以只好凈叫個咖哩牛腩啦，咖哩有 3 款揀 ：黃咖哩 / 青咖哩 / 馬沙文咖哩。 我就揀左唔太辣既黃咖哩，好香椰味 ，略帶少少甜，咖哩汁唔錯！牛腩大概有6、7 舊，大大舊但燜得好淋，入哂味，呢個時候真係好想加個麵包 / 薄餅，算啦，唯有下次吧！登登登登 ⋯ 終於到左今晚既主菜 — 「 明 爐 烏 頭 」啦 ！！ 真係好大盤， 除左大大條烏頭之外，重有好多配料，有菜、 金茹、雞肶菇、蔥、芫茜⋯所以就算個湯未滾起都已經好香，再加埋烏頭上面鋪上大量既粉絲，夠足料，正！個湯底越滾越惹味，唔駛滾好耐已經出哂味，酸酸味味，等條烏頭同粉絲浸多陣，索哂d 湯汁，熱辣辣咁食，真係無得頂！食完盤魚，真係飽到上心口！

今日心血來潮，突然間好想食泰國菜！即刻醒起之前係筲箕灣行東大街果陣經過「泰一」，揭過menu 覺得幾吸引，所以今晚決定走去試下。餐廳環境乾淨企理，食物選擇多，價錢又合理！突然間花多眼亂，樣樣都想食。十五十六，終於叫左「泰式生蝦」HK$108 (8隻），「泰式生菜肉碎包」HK$78， 再加埋新鮮椰青HK$48 , perfect !!!「泰式生蝦」- 食泰國菜又點可以唔食泰式生蝦呢！呢度既生蝦好大隻同埋好爽口彈牙！配埋辣椒同大蒜片，再點埋個特製醬汁，一啖放落口，層次豐富，口感一流，非常非常惹味！Very good !!「泰式生菜肉碎包」- 又係必點菜色！肉碎味道調得很好，微辣不嗆口，入口食到芫茜、乾蔥、香芧，重有少少青檸味，襯埋新鮮既生菜包住食，好味！最後再飲埋個清涼椰青，食埋椰青肉，非常滿足既一餐！！

街坊介紹東大街有新開的泰國菜，想去試好耐，不過要過海，所以遲遲未約到，今日有野搞要黎筲箕灣，就腳食個晚飯門面乾淨企理，落地玻璃又可以睇到入面，空間感好大，卡位好舒服😌2人套餐都是$220，好抵食，4人餐$346。餐牌又多選擇。呢個係泰式滷豬脾飯$68，豬脾好入味，還有豬皮鋪在豬肉上面，好爽口又有膠質，估唔到呢個飯甘好味，仲有碗湯，清甜冬瓜湯紅酒燴牛柳紅飯$88，最鐘意食炒飯底😂仲要撈汁，好邪惡，痴線！不過痴線都要食呢個醬汁真係冇得頂，牛柳好嫩，唔會痴牙，係靚牛柳👍炒飯粒粒分明，份量好多馬拉盞炒通菜，這個是食泰國菜必點的菜色，炒出水準，每一條菜都入味，直頭係每一條😂😂xdd不會太鹹，正宗泰式風味。泰式燒雞半隻，雞肉好滑，皮脆口，不過等左20分鐘左右，即叫即燒，好野都係值得等的👍另一個必叫是鹽燒烏頭，等左20分鐘，如果想食要早早落單先，甘樣就可以同其他主菜一齊食，不過沒有失望，而且有點驚喜條魚好大條，好抵食😂新鮮出爐，魚肉好多汁，嫩滑，火爐剛剛好仲有個椰青好清甜$38，食泰國菜一定要飲椰青👍多謝街坊推介，泰國人主廚，水準真係有返咁上下，推介

放假約屋企人食飯，東大街太多野食，要諗食咩難，見到這間泰一網上評價不錯，就帶阿媽去食下😂東大街頭位置，好易搵到，好近地鐵站，入到去里面好闊落，只有兩排卡位，坐得超舒服，唔會好似其他餐廳甘逼。食物種類好多，有小食，沙拉，咖哩，海鮮，應有盡有。價錢唔算貴。泰式燒雞👍半隻$88，大概有十舊左右，而家即叫即燒，所以等特時間要大概20分鐘，但是值得等，好正，表面燒到金黃脆口，雞肉嫩滑，沒有過火，廚師是泰國人，所以真係有返甘上下水準👍鹽燒烏頭魚$148又是值得等待⌛️去食泰菜，一定要食魚，這裡可揀鹽燒烏頭，盲鰽，鰂魚，價錢一樣，最後叫了多肉的烏頭☺️大概等20-30分鐘，新鮮出爐，好正，香茅等泰式香葉的味道逼曬出黎，魚勁多汁，沒有多餘的調味，只有外層粗鹽外殼，另付上泰式辣汁沾魚食，阿媽都食得出條魚新鮮👍泰式滷豬脾飯$68必食啊送湯，好正，豬脾肉好入味，好香，份量大，仲有半隻蛋同酸菜，配白飯一流😂紅酒燴牛柳粒紅飯$88牛柳粒好嫩，一點都唔鞋，紅飯是茄膏炒飯，夠鑊氣，炒到粒粒分明，這個飯是野味，醬汁味道剛好，不會偏鹽偏甜，炒飯加分👍店員建議馬拉盞炒通菜，怕阿媽唔食得辣，店員話可以走辣，原本驚唔辣唔好食，但

筲箕灣對我而言實在頗遠，這日有事要來這邊，才有機會在此一食來到這個陌生的地區，有如去了外國港島區這些高級地區對而言已是外國，此地更是外國中的外國，反轉再反轉，竟然相當平民化就像一個遊客四處遊憩，終於來到此店門前，也許是因一位年輕亮麗的母親推著嬰兒車橫過減緩了我的步履，又也許是店內雙目烏黑的可愛男孩吸引了我的目光，總之我就停留了在這店前，並順道進入光顧這店了。泰式炒飯$56凍華田加$2飯炒得好香，口感可口，配料新鮮，足料夠份量。香茅雞翼五隻 $60肉質外脆內軟，水準之作。食完再四處看看，附近的街道並沒中環至銅鑼灣一帶的繁華俗氣，但又未至於之前行山去過的港島各條行山徑的綠草如欣氣，此地反而很有親切感，就像一個普通的市區，有街市有攤販，充滿茶餐廳和街舖，一點也不像港島區，實在是享受慢活假日的好地方。

有聞東大街新開咗一間泰國餐廳，今日放工即刻帶咗媽咪嚟試下，嗌咗個四人餐， 有一個沙律一個湯一個菜一個咖哩同埋一個炒飯都只不過係346蚊，都幾抵食。泰式柚子沙律，柚子沙律食過唔少，但係好似呢一個個醬汁咁好味嘅就真係未試過，呢個醬汁個酸辣度配合得啱啱好，特別鍾意佢上面加上一絲絲嘅椰子肉，脆脆哋增加口感。冬蔭功湯，冬陰功湯上枱好似個火鍋咁，下面有個火興住，隨手一不就係見到大大隻嘅鮮蝦，先呷一啖濃湯，酸酸辣辣非常開胃，用料新鮮，飲到最後一碗都仲係咁溫熱，讚啊。咸魚炒芥蘭，鹹魚嘅惹味同埋清脆嘅芥蘭從來都係絕配，芥蘭炒得爽身，嗰一份令人回味既鹹香，令我覺得有啲唔夠喉。青咖哩豬頸肉，青咖哩充滿椰香，裏面仲有我至愛既泰國波波茄子，同煎得香脆嘅豬頸肉一齊食，忍唔住嗌多個薄餅嚟點吓。香葉肉碎炒飯，香葉肉碎炒飯味道正宗，係最經典嘅泰式風味，炒得夠哂鑊氣，飯粒粒粒分明，一大碟份量都唔野少，食到我哋四個人捧住個肚離開。

泰式生蝦蝦身肉厚,，味道鮮甜，配上酸辣的醬汁，很惹味，但不吃得辣的朋友要留意，醬汁偏辣，不要點太多。 冬蔭功大蜆先來一個gas爐，再來一盤浸在冬蔭功湯的大蜆，冬蔭功湯賣相不像一般見到的橙橙紅紅，而是清湯底，湯不太辣，有肉碎、粉絲和南瓜，蜆夠入味。 蒜茸牛油雞翼雞翼約有六隻，外皮酥脆，牛油味偏淡，但整體也很香口，不錯。 芝士炸蝦球滿滿的蝦膠，彈牙有蝦味，但芝士可能已溶為油脂如圖，沒有想像中的芝士拉絲 海鮮喇沙金邊粉海鮮數量也算多, 有青口，蝦和墨魚仔等等，喇沙湯底很濃厚。 椰菜苗炒椰菜苗，平時在其餐廳也少見，味道鮮嫩，加上馬拉盞，更加香口惹味。 最後來一個椰青和龍眼冰為這頓美味的晚餐作結。

是日二人晚餐突然想食泰菜，原本想試另一間但太多人，好彩事前睇過網評泰一都唔錯所以最後同老公入去一試，就如網評所講份量大，又好食價錢適中值得再食👍🏻**推介咖哩包系列🤤🤤🤤

天氣熱辣辣， 最啱就係食泰國嘢， 又開胃又醒神， 辣辣地食完出一身汗，爽晒~喺筲箕灣東大街， 新開咗一間泰國餐廳《泰一》， 呢間餐廳環境又大又舒服， 而且仲有個超大電視， 畀人一路食飯，一路撈下電視汁。餐廳除咗散叫之外，仲提供咗多種套餐， 有午市套餐、晚市套餐、以及宵夜套餐等。 何謂悉隨專便，豐儉由人。【雜錦拼盤】$138， 雜錦拼盤有齊5種泰式小食， 分別係蝦餅、魚餅、炸春卷、蒜蓉牛油雞翼、同埋泰式鳳爪沙律。 蝦餅夠彈牙， 蒜蓉牛油雞翼就夠香口， 蒜蓉味香濃。不過我最鍾意嘅就係泰式鳳爪沙律， 同埋炸魚餅。 泰式鳳爪沙律夠凍， 淋上惹味嘅泰式酸辣醬汁， 夠曬惹味開胃。 而且裏面仲有大量嘢洋蔥絲、芹菜絲、蔥絲等，口感清爽。另外炸魚餅亦同樣美味， 魚餅入面加入各款香料同埋香茅， 泰式風味十足， 而且又可以癖除鯪魚肉嘅腥味， 點埋泰式雞醬， 味道一流。另外食泰國嘢又點少得冬陰功湯呢？ 雖然呢個係【細嘅冬陰功湯】$78， 但卻份量十足， 足夠可以四人分享。 冬陰功湯用火爐滾住， 保持熱辣辣嘅溫度， 飲到最尾一啖都唔會凍，夠細心。 而且冬陰功湯味道調配得非常好， 酸度夠之餘， 亦可以飲得到椰奶嘅

天氣十分之熱, 放假去沙灘遊玩, 玩玩水, 是最好不過, 肚餓了, 出返黎搵野食, 咁既天氣, 好最揀食香口食物, 比較有胃口食，於是就一致決定食泰國菜。泰式生蝦$108價錢稍高但非常肥美大隻的生蝦，每隻配上蒜片和辣椒仔，還附上特調醬汁，小心那醬汁，辣度頗高的，比其他店吃到的辣，所以我不敢沾太多，蝦本身味稍淡，靠醬汁提升味道，可惜醬太辣不太適合我。芝士炸蝦球$56炸好的蝦球切成兩半，中間的可能就是芝士，但部分溶了成油狀，好像牛油的狀態，蝦球外皮脆，蝦肉彈牙，幾有蝦香，也蠻不錯的。蒜茸牛油雞全翼$78超大隻的雞翼，有點嚇親，連雞鎚也要分開放，如果合體的話會更驚人吧，雞翼炸得很出色，皮香脆有牛油香味，內裡好多汁好滑，真令人食指大動，似乎這裡的炸物都不錯。馬拉箋椰菜苗$88只有食泰菜的餐廳才吃到椰菜苗，選了馬拉箋炒，不會太辣，味道很香，椰菜苗爽而不靭，這個菜也很合口味呢！夏天吃泰菜蠻適合, 飲一個冰涷椰青, 透心涼, 再吃吃香口帶點辣的餸菜, 十分開胃醒神!

筲箕灣東大街, 真係一個美食天堂, 你想食世界各地嘅食物都有, 有西餐,有中菜,有日本菜,仲有泰國菜添, 今日去咗間泰國菜新開嘅舖頭, 同朋友一齊,享受享受餐廳非常之寬廣, 有大電視睇添, 仲喺樓上雅坐, 邊睇住電視, 邊食飯, 夠享受我幾欣賞佢既蝦類食物, 叫咗個泰式生蝦, 加咗薄荷葉, 再加辣椒, 再加蒜片, 辣椒既辣, 蒜片香, 集於一身, 再加埋薄荅一齊食, 冇得頂第二樣最欣賞嘅就係佢嘅, 都係蝦, 係炒泰式大頭蝦, 有三隻嘅, 佢斬開一半, 方便大家食, 帶左手套, 用手嚟食, 特別滋味, 金黃色嘅燒大蝦, 佢嘅大頭蝦嘅蝦膏好多, 非常creamy, 外面鋪滿咗蒜蓉, 佢嘅蒜蓉令蝦肉好惹味, 肉質彈牙, 正

最近好多美食既東大街又有新餐廳加入, 星期六日晚飯時間經過見到好多人等位, 於是揀平日先過黎淺嚐試下前菜點左個鮮芒牛油果軟殼蟹米紙卷, 軟殼蟹鬆脆再配上芒果, 牛油果同菜口感非常豐富。天氣熱食下呢啲小食，開胃又易入口,好岩呢啲時候食!辣椒羔炒聖子都好正呀!聖子送緊過黎果陣已經聞到好香, 睇餐牌見到"辣椒羔" 朋友都驚會好辣,  原來都唔會喎, 辣得黎又有D 酸酸甜甜, 淨係個汁都可以撈2碗白飯。配菜都好入味, 而且有成8, 9隻聖子, 好抵食!食完正餐當然要食埋個芒果糯米飯啦！芒果有小小酸，但椰汁糯米飯好香甜！如果有多d 甜品揀就更prefect 喇

近排天氣熱到令我諗起泰國旅行既日子， 無得去旅行，唯有食泰國菜頂住引先泰式椒鹽豆腐$58我地叫左個椒鹽豆腐， 炒芥蘭同咖哩，以為前菜份量應該唔會太多， 點知個椒鹽豆腐係勁大碟同埋勁多香料，仲有蝦乾同腰果一齊炒， 直情係一個主菜，好抵食！馬拉盞炒芥蘭$72炒芥蘭都有六種簡，識食就梗係食馬拉盞啦～麵包咖哩牛腩$128今日個主角：麵包咖哩牛腩，咖哩可以按個人口味揀黃咖哩，紅咖哩，青咖哩同馬沙文咖哩， 店員細心說明唔同咖哩既辣度， 我地就揀左少少辣帶甜甜地既黃咖哩～麵包有別於其他餐廳以原個上枱， 餐廳已是先切開少少， 食既時候自己切開底部，相當方便。份量亦十足，足夠3-4人食完晚飯每人仲送一碗椰汁西米露

咖哩麵包雞（黃咖哩） 📍筲箕灣 | 泰一·又係泰國野食夏天就是要吃泰國嘢入埋石澳出筲箕灣我地一行人又攰又肚餓但見到間間餐廳都排緊隊好彩搵到呢間新開的餐廳都係最後一張檯俾我地坐·首先要說呢到質素👍🏻我最鍾意就係麵包咖哩雞麵包焗到包身微微焦 香香脆脆底下浸入咖哩的麵包又特別軟嫩香滑所以呢道菜嘅主角從來都不是雞 而是麵包！有青咖哩 黃咖哩 紅咖哩可以選擇 區別在於辣度也可以選擇咖哩牛腩 豬頸肉等等配菜·除左呢道大菜以外 炸春捲 芒果一口牛也都不負眾望但是曬埋兩道之後 我地等左至少45分鐘先見到麵包咖哩雞如果你話麵包需要現焗 咁我都可以理解嘅但當我地向服務員詢問時佢都未睇番張單就即刻話『整緊嘅喇』跟住就入廚房也唔知係咪幫我地催菜出嚟都係話『整緊』d態度好敷衍好塞責最後一道鹽焗烏頭上來時我早已失去耐心和胃口根本唔想動筷子·雖然我都可以理解新開餐廳多有招呼不周之時且我地都好好態度詢問 好包容 從來未露出不耐煩嘅神色但如果料理人沒有真誠的心就算食物再好味都會讓我對餐廳整體大打折扣·