泰上皇 (已結業)

幾個月前食過, 但都未有時間寫食評, 而家寫返可能餐廳已有所改進, 當日都係LUNCH TIME時間去到, 大概1:15左右門口都有排隊等入, 我地有位都已經係1點半, 好失望餐牌好多都話賣晒, 連好基本既河粉都話冇, 連濕炒河都冇得食, 第一次試濕炒米, 出菜時間都唔算太耐, 但樣樣嘢都話賣晒就有啲嬲, 又或者係開業冇耐, 未預計到食物既數量掛 豬頸肉湯金邊粉 - 賣相不差, 味道都還可以, 豬頸肉就麻麻地雞扒湯金邊粉 - 蘿蔔都好甜, 雞扒都還可以海南雞飯 - 賣相就麻麻地, 味道都還可以濕炒米 - 第一次食濕炒米, 平時係濕炒河, 味道係唔差, 但感覺怪怪凍洛神花茶 - 味道還可以凍柚子蜜 -  一啲味都冇, 水加柚子蜜咁, 唔好飲*** 總結 : 最近呢區都開咗好幾間泰菜館, 有比較之下唔會去呢間

係觀塘食到好味既泰國菜，lunch time 同同事食呢間，都多人，但等15分鐘左右就有位。叫左個金邊粉，食落好有泰國味，唔係普通平價個種味道！lunch食都幾抵食，包堆野飲。

這間位於觀塘區嘅泰國菜 佢原來真係幾特別 分別有泰國菜和上海菜， 怪不知定名為'泰''上'皇， 柚子蝦沙律新鮮又好味， 另外醉雞味道恰到好處 又夠滑，朱老爺上海粗炒 一啲都唔多油 ，秘密素食腐皮卷 老闆話用樹記 腐皮做 厚道同炸得剛剛好。，真係超級好味， 昨晚朋友帶我去 我覺得呢間真係值得推介。。另外仲有唔少既新派菜， 唔洗食泰國菜來來去去都係果樣，食材用料等他們都幾用心， 仲有他們鮮果類沙冰，真心唔錯 ，用新鮮水果打， 足料好飲， 忘記影相記得訂位 !

這是一間不錯的泰菜，食物新鮮，味道亦好好。好鐘意個燒雞，好滑好香。明爐魚亦好新鮮，湯好飲。老闆還送甜品其他都好好味。不過價錢就比較高，炒個通菜都要$85，價單是尖沙咀價錢但地點是工廈，雖然裏面裝潢都整齊清潔，亦好光鮮，但這個地點就有點高囉。

同屋企人去觀塘食晚餐，揀咗呢間地點有啲偏僻嘅泰上皇。試咗炸軟殼蟹、冬陰公（小）、泰上皇炒飯、泰式炒菜，最尾送咗個椰青糕。炸軟殼蟹份量好多，熱辣辣好好食，但我都係鐘意沙嗲王嘅避風塘煮法多啲。冬陰公幾足料，好多海鮮，味道都似泰國食嘅。泰上皇炒飯普普通通，樣係幾靚，但炒得太濕，料又少，唔推介。泰式炒菜太辣唔係好食到，屋企人話好惹味。椰青糕反而最好味，清甜足料。整體嚟講不過不失，不過價錢都唔平，同區有其他更好選擇。

雖然同區亦有其他泰國菜餐廳，當中唔少都有折扣。不過屋企人都幾鍾意食呢間泰上皇。見到Openrice訂座85折，就決定同屋企人嚟到呢間食泰菜。我哋叫咗四樣餸，分別係冬陰公湯、黃咖喱牛腩、馬拉盞炒通菜，同埋牛肉串燒。冬陰公湯味道都算溫和，對於我呢啲完全唔食得辣嘅人來講都唔會有任何負擔，海鮮以魷魚為主，加上少量蝦同埋青口，都算幾足料。黃咖喱牛腩味道甘甜，唔算太辣，有好香椰汁味，屋企人對呢個黃咖喱讚不絕口。馬拉盞炒通菜夠鑊，不過價錢稍貴。牛肉串燒就差少少，牛肉太鞋，醬汁亦唔夠香，有少少失望。順帶一提，雖然呢晚係星期六，我哋6:30入座食到7:30都係得我哋一枱客。係差唔多賣單嗰陣先有另一枱客入座。一唔講嘢嗰陣成間餐廳靜晒都幾尷尬。值得讚嘅係老闆好貼心，聽到我哋話好凍，就即刻幫我地閂細咗個冷氣。

室内環境好，服務和食物質素也很好味，雖然地點有些難找，估不到工廠區内也會有這麽高質素的泰國餐廳，我和家人會再光顧的，之前去開灣仔的泰國餐廳，現在不用去這麽遠了。

今天朋友帶我過嚟間位於觀塘工廈食泰國菜， 真係有d意外驚喜 估佢唔到 呢個地方都有好嘢食， 而且啲菜式都好特別，我問老闆，原來真係泰國廚師烹飪，泰式臘味石鍋飯真係要試下好好味，冬陰功湯仲好飲過喺泰國， 唔記得影佢個環境添掛住食， 裝修設計不算泰國feel，但都算坐得舒服嘅， 有卡位， 下次我都會帶屋企人嚟食

湯好飲，醬汁味道剛剛好，雞好滑 ， 豬紅鴨腎好食， 雞油飯唔油 ， 好香，唔會用黃薑粉拎到飯變黃改變左個飯既味道 ，讚! 觀塘區正宗海南雞飯 ， 暫時食過係最好味 👍👍👍👍 有半隻同一隻買 ! 忘了影相 !

其實觀塘 現在已經很多很多食肆， 但真正好味食材又靚嘅 食店不多， 我在觀塘返工 ，已經食過很多間餐廳 ，這間餐廳 是同事推介 我過嚟 食lunch， lunch都好多選擇我已經覺得唔錯， 所以 我和朋友想試下 晚飯， 晚飯 原來更出色， 真係值得推薦朋友嚟食， 這個牛肉鍋 真係非常好味道， 真係 用靚嘅本地 牛肉， 而且這間店舖 真係正宗泰國人烹調， 味道真係好正宗而且仲用上好嘅食材， 牛肉唔夠仲可以額外再order， 海南雞 也不錯 而且醬汁好味道， 薑蓉真係 九成都係 足料薑蓉， 服務 仲好好添主持人非常耐心介紹

放工約人去觀塘工廈食泰菜開頭行入一棟殘舊陰深既工廈少少驚但係搵到餐廳門口之後就開始期待今晚既晚餐啦餐廳裝修亮堂，有卡位有圓枱，適合不同人數及類型既晚飯聚會侍應介紹原來間野唔係開左好耐一開始做泰菜，宜家有埋上海菜添，新到連餐牌都未更新不過我同朋友都係想食泰菜，所以未有機會試上海菜呢部分我地二人叫左細冬陰功，青咖喱豬，印度薄餅，乾炒雞肉金邊粉。最後打卡仲可以送椰汁糕做甜品添！經開飯預訂有八五折，埋單人均150有找，抵啊！不過餐廳新開，只可以用現金付款，原本打算用信用卡既我，差啲唔夠錢比哈哈😄

視帝奶茶～味道似茶走，好香好濃好滑小食拼盤～熱辣辣，全部都好好食泰式炒飯：份量雖然少左D, 不過味道真係好好食，好有泰國既風味泰式炒河：有好多不同調味料比你加落去，就好似泰國甘可以因應自己口味去調理，正值得去試，可以Encore~

想食泰國野，所以就係app搵下有咩推介，見到呢間好似唔錯，餐牌好似幾吸引，就試一試。位於工廈之中，黎到個環境唔泰式，反而似港式茶餐廳，但冇咩所謂，太泰式都唔慣。本身都好多款想試，但叫左幾款野食先再睇睇。一上菜發覺份量都唔少，好彩冇叫太多樣，份量大絕對係優點！個黃咖哩好濃郁、好香、唔辣，送飯應該會幾正，但我揀左配烤餅，一樣咁美味。另外個小食拼盤都炸得酥脆，味道唔差，點醬汁食好夾，但唔係我個人最鐘意食。至於金邊粉，都OK，但可能我應該要叫d濕粉，我鐘意食d滑溜d既野。最後老闆好好仲送左甜品，係椰青糕，口感爽爽，好重椰子味，我第一次食就覺得幾得意整體講係幾好印象，有機會想試埋冬蔭公同青or紅咖哩。

一行4大兩小開餐，很可惜沒有將美食影相，因沒想過上來寫食評。菜式價格合理，份量也足夠，味道不錯，環境也舒適。老闆知道我們有人生日，還送上泰式生日蛋糕(香芒椰汁糯米飯)連臘祝，很細心。推薦!

試新泰嘢唔抱太高期望，點知有驚喜喎！可能餐廳比較新，唔爆場。 一入門有個可愛主持人招呼，到你點菜又會針對你哋口味慢慢介紹，唔多好嘅又中立地同你講明，讚！嘢飲算多選擇，味道尚可柚子沙律蒜片椰絲多少少就仲正嘞五個人主持人建議細拼盤，尚算香口沙嗲串燒，仲有沙嗲汁另上，味道OK石鍋飯，有芋頭臘腸，好大煲，味道都唔錯咖哩軟殻蟹，咖哩同出面水準差不多，蟹唔油膩鹹魚芥蘭，都幾好味面書打卡送甜品，椰青糕清香，椰汁糕香甜，都好味。總括嚟講，價錢唔貴、唔油膩、味道OK，訂位有折、打卡有甜品，好食又識比甜頭客又識招呼，絕對會encore！