泰上皇 (已結業)

同屋企人去觀塘食晚餐，揀咗呢間地點有啲偏僻嘅泰上皇。試咗炸軟殼蟹、冬陰公（小）、泰上皇炒飯、泰式炒菜，最尾送咗個椰青糕。炸軟殼蟹份量好多，熱辣辣好好食，但我都係鐘意沙嗲王嘅避風塘煮法多啲。冬陰公幾足料，好多海鮮，味道都似泰國食嘅。泰上皇炒飯普普通通，樣係幾靚，但炒得太濕，料又少，唔推介。泰式炒菜太辣唔係好食到，屋企人話好惹味。椰青糕反而最好味，清甜足料。整體嚟講不過不失，不過價錢都唔平，同區有其他更好選擇。