泰哥餐廳

营业中

休息中

去完動物診所攞貓糧之後發現太子果邊好多茶餐廳，眼花繚亂之下比呢間嘅大招牌吸引到。行埋睇到個餐牌又唔貴wor，於是就坐左入去食。叫了個邪惡西多拼雞翼，因為早餐飲左奶茶為左唔生腎者之石所以叫紅豆冰。紅豆冰先上，雖然叫左少冰不過都唔少。不過紅豆都好多，粒粒都幾飽滿，飲落亦有奶味同紅豆味，放過佢啦。坐低即刻有杯熱茶，睇到店員即刻喺熱水機斟出黎。餐具係櫃桶式，係地道嘅街坊茶餐廳形式。西多+雞翼。雖然份量不算多但炸得好香脆。西多鬆軟，表皮乾爽，糖漿同牛油份量剛好，唔會甜到苦。雞翼外皮有點乾。咬開都有一點肉汁，而且有香茅味，是醃過的。質素大約比薩X亞高幾個%。飲埋紅豆冰埋單32蚊，便宜，連鎖餐廳以外的好選擇，亦比那些掛名什麼什麼冰室把平民食品當成國際佳淆賣到超貴的好多了。希望街坊生意能保持水準。

今次我第一次喺open rice留食評，嘥功夫都要留comment。入到餐廳，老細話個餐有湯送有嘢飲，咁咪叫咗個餐囉。轉個頭個餐到咗，即刻話冇湯送喎就嚟閂門。補杯嘢飲又話唔得，總之冇。畀啲誠意都好啲，但態度好唔掂，個感覺似係先昆你落搭然後又冇呢樣嗰樣。食食下隔離仲閃隻曱甴出嚟(好核突唔想影)。如果未試過呢間，真心奉勸唔好試，啲服務好差，一肚氣。

上次食蒸魚飯，都發覺條魚個肚好苦，諗住可能係自己唔好彩。😖尋日去食，諗住俾次機會佢，再食多次蒸魚飯，仲苦過上次，個肚入面仲有d內臟係到。🤮佢d野食應該真係洗得好求其....杯凍檸茶味道仲怪怪地，有d好似洗潔精咁既味，唔知係檸檬壞左，定係隻杯洗唔乾淨😐

41蚊蒸倉魚飯，凍飲加兩蚊，埋單43蚊，都比到完整一條倉魚你都叫抵食嘅。不過唔知係我唔好彩，定係條條都係咁，條倉魚個肚苦嘅，應該係洗內臟洗得唔乾淨。另外，如果可以多幾條菜會好d。

一個人夜晚食野可以簡單D 行行下就揀左呢間，其實太子附近都有好多茶記，不過連鎖既都好多，可以試下小店，呢間講價錢一個晚餐係抵食既。黑椒牛扒腸旦(蛋)意粉，39蚊一個晚餐，凍飲加2蚊 凍檸檬茶， 有湯， 係抵既。黑椒汁沒有問題，味道可以。牛扒一塊不過口感係可以既 ，會薄少少既牛扒。腸仔就普通既一條腸。凍檸檬茶，味道沒問題，出面都係呢隻味。旦都沒問題，係比較細塊不過呢個價已經超抵。湯，粟米紅蘿蔔湯，唔知味精係比較少既。意粉口感就滑滑地，好唔好味視乎個人喜好啦服務就係幾個阿姐，態度就一般般啦，可以既 小菜價錢就普遍係58蚊至60蚊， 所以都算平呀。總結晚餐速食絕對可以。茶記質素，超抵價錢。

今朝去食了個早餐，鮑魚火腿通粉配雞翼，炒蛋及牛油厚多士，通粉份量頗多，不會太腍，炒蛋一般，蛋香不足及不夠滑，雞翼炸得太乾，厚多士烘得夠脆，整體味道不過不失，$28都算抵食。

放工去食返個下午茶先,屋企附近都幾多間茶餐廳,平時多數幫襯荔枝角道個間金X,今次試下呢間.其實我間唔時會去呢度食早餐,但係質素每況越下而家好少幫襯啦諗住比多次機會再試下有無進步,叫左個炸魚柳配薯條配凍檸茶$28炸魚炸得過哂火,成塊深啡色,都唔係金黃色,唔知係咪一早炸定,有人叫再翻炸,硬過塊豬扒,完全唔覺得自己係食緊舊魚薯條係一般既粗薯條,不過不失其實比得呢個價錢既下午茶,呢區大把,但質素應該會好D囉,至少我知道自己係食緊咩丫

下午茶叫件西多士，切唔開唯有用刀叉撕開佢，都叫咗點都咬啖先啦：發泡膠一樣。唔想食，諗住喫埋杯咖啡就走啦：飲咗一啖飲唔落去。又唔夠熱又苦澀冇咖啡味，唔知咩嘢嚟。隔離位先生仲有驚喜，杯啡送檸檬。我哂咗幾廿蚊，冇 下 次。完。

本人係什少打食評既人 , 通常都係睇人地食評多,因為打食評都覺得要用幾多時間,  但係呢間泰哥餐廳真係要讚一讚下佢 , 本人對係一個非常討厭重味精, 食到一間重味精既野一定會BLACK LIST , 入返正題, 個日食晚飯叫左個咖喱雞煲 ,  同埋XO醬西蘭花炒肥牛, 咖喱少少辣, 份量都算幾多, 唔錯,  個西蘭花炒肥牛, 張相影得咁靚都知道好味啦, 西蘭花唔太硬又夠脆口, 估唔到肥牛炒西蘭花都咁夾 , 都係辣辣地 , 但食完真係好滿足好暖胃, 正!!!最岩我個下係冇乜味精又夠味, 食完唔會好頸喝, 個老火湯係茶記黎講都算幾出色, 都係冇乜味精 ,    最重要個下係旺角太子區黎講唔算貴, 價錢公道又抵食 ,  重平過我樓下.....講緊領匯旗下既商場 !!!

到了週日的下午，本來想去食米線，但原本還有一段的時間才開鋪，就去到大南街行一行，眼見有一間的茶餐廳外的餐牌都可以，而老闆又說叫我們入來，就來到這間茶餐廳「泰哥餐廳」進餐。店內的客人都幾多，好彩還有一張的卡位坐下了，而在門外已經看過了今日的午餐，就叫了炸菜蒸鯇魚和韮皇雪菜鴨胸炆米。餐前的例湯 雖然不會對這些湯有什麼的期望，但湯完全不熱的情況下非常難飲下，最後也完全沒有飲過。炸菜蒸鯇魚($38) 這個炸菜蒸鯇魚就做得非常好了，鯇魚是魚頭，頭邊的肉非常滑身，蒸得熱度十足的但也不會令魚肉變韌身，魚肉也不會有草味和腥感，而上面的炸菜和蔥粒和十分之香口和清新，點一些豉油來送飯一流，但飯的熱感不太重，有少少美中不足。韮皇雪菜鴨胸炆米($38) 這個韮皇雪菜鴨胸炆米炒得十分之重的鑊氣，每一種的食物都非常香口，熱度十足，但米粉有一點點炒過了的，有少少爛身的感覺，相比炸菜蒸鯇魚就有一點比下去了。進餐期間都有很多的人流，看來都是熟客，都有一定的固定客路了。午餐水準可以，蒸魚十分之出色，對家人來說又會多了一個常去的茶餐廳了。蒸魚的水準可以，大南街的「泰哥餐廳」。

下午茶時間想飲杯奶茶，見呢間門面唔錯，就入去食個下午茶飲杯奶茶先。叫左個西多熱奶茶。西多炸得唔夠身，太多油，又無花生醬繫中間👎到我嘅主角出場喇。奶茶係老茶，已有少少苦澀味，奶又唔夠香，又太小，完全滿足唔到我想飲奶茶嘅心引。

星期日訓到下午先起身，已過午餐時間，咪走落街食個下午茶餐先😜見呢間有幾多選擇就入去叫左個炸雞比同西多士飲紅豆冰，雞比炸得太乾又唔夠味，西多士太油啦又炸得唔夠身，紅豆冰紅豆好硬，食唔到，最後等晚餐食餐好架

近來太子開左好多餐廳，今天就試呢間，午餐有A至F，我要左洋蔥豬扒飯，中湯，凍奶茶，先來中湯，一般例湯，味精不多，洋蔥豬扒飯，豬扒比較硬，洋蔥汁無洋蔥味，洋蔥和汁不一致，飯粉量ok，奶茶茶味不足，奶過多，整體尚可接受。

還可以，送到時食物還熱..西多士的醬很足，香茅雞翼可能因為做咗太耐，令到佢太硬。食嘅時候可以叫佢將椒鹽骨或者雞翼同米線分開咁樣就唔會林晒。..............

呢間剛開時候都來食過。現在再食多次。環境變化不大。餐牌多咗選擇。今日叫左個蒸魚。有飯有湯有野飲。先講湯，例湯一碗無乜特別。到蒸魚來咯。得一舊仔。白飯一碗。份量少得可憐。魚蒸咗好耐。梅梅地，飯又唔夠熱。同以前差得太遠了。