泰國BBQ

营业中

休息中

今日想幫襯，提早45分鐘叫咗外賣，對好晒內容，講好幾點去攞，去到份外賣竟然俾人哋攞咗，店家點解完全唔識點處理！我叫嘅食物同另外嘅客人叫嘅係完全唔一樣，一個四樣嘢，一個五樣嘢，一個男人叫，一個女人叫，咁都可以搞錯俾人攞走！真係搞笑，連性別、姓氏、電話號碼，所有嘢都唔會核對，啲食物都完全唔同，都可以咁樣搞錯俾人攞走！只要做多少少，對一對電話號碼尾數，就唔會發生啲咁嘅事！已經係老顧客了，幫襯多年，都可以發生啲咁嘅事，以後都唔會再幫襯你！

喺附近返學去一次誤打誤撞去咗呢間泰國菜食嘢呢間鋪係由泰國人經營ᡣ𐭩泰式豬手飯豬手夠淋夠入味仲要有好多件底下有好多條菜墊底出邊食嘅豬手，大多數都係得皮同骨而呢度嘅啖啖肉好好味

青衣美景呢頭比較少黎不過今次黎到呢邊都要搵野食，結果就揀左呢間試下啦，環境算清潔同唔算迫，最後點了雞扒凍檬 青檸冰。雞扒凍檬(ok)雞扒份量算ok而且都係熱既，口感都算可以無太特別啦。而凍檬份量就一般，因為下邊有幾塊菜掠住，雖然真係夠凍再撈埋一齊食，味道係唔錯，ok既但份量就可能少左d，食完都仲係覺得唔太夠。青檸冰(ok)青檸味都有，飲落係正常又唔係淡既。總結黎講。 。。比較少到呢邊食野但試左呢間都覺得還可以，連鎖食店既另一選擇。

一講到泰國菜，可能大家唸起架就係九龍城! 前排放寛後多左出街食飯，呢間位於青衣美景架地鋪泰國野係我一大發現!🤪🤪聽聞呢間鋪係由泰國人經營，果然，一入到去都真係似家庭式咁，裝修都係一般好簡簡單單! 點餐加埋個收銀都係得2個人，佢地都似泰國人，溝通之下原來佢地都真係聽得明小小廣東話~最後響比手畫腳下成功點曬野食，由於係家庭式架關係，menu都晤會太多選擇，不過一般叫開架泰國野都係有架!!🫶🏻🫶🏻我地有6個人，所以都差晤多叫曬佢成個menu 以下幾款係我會推介大家點架 : 木瓜沙律 (可以一試)阿媽好鍾意食呢個菜，所以次次去食泰國野都有幫佢叫，今次佢自己一個人KO左，我唸應該好晤錯啦泰式炒金邊粉 (推介) 覺得真係水準之上，一來架時候仲要熱騰騰，平時出面食開個D都偏濕，呢間炒到好乾爽，岩曬我啦，正!檸檬燒牛肉 (力推)呢個檸檬燒牛肉真係我成餐飯最鍾意同埋覺得最好味個一道，D牛肉燒晤老之餘仲要超級juicy，點埋個秘製檸檬汁，我只可以講來到呢間你晤可以晤叫呢樣燒豬頸肉 (推介) 燒豬頸肉又係一定要叫架一道，我發覺呢間架燒烤真係出色架，一來佢真係即叫即燒，出到來仲要係熱個下先吸引串燒 (牛豬雞)

夏日炎炎, 冷氣好夠, 簡直爽!蝦醬炒飯: 大大碟, 又好味!洛神花汁: 唔錯, 酸酸甜甜, 好啱熱辣辣夏日飲.燒烤:牛肉: 係有點干, 過得去啦!雞全翼: 唔錯.都幫襯左好多年, 晚市較多, 午餐難就時間來.咁多年, 一直都唔錯. 美景花園居民, 日日都可以食到, 真開心!

突然想吃泰國菜，朋友推薦他家附近泰國人主理的泰國菜，說是性價比都非常高，於是今晚決定嚐一嚐。 海南雞（半隻）上菜的一刻已經有熟悉的泰國感覺，雞皮薄，雞肉十分嫩滑，雞味十足，配上微辣的醬汁，十分惹味。底下墊底的是小白菜，感覺可去除雞肉的油膩感。 生菜包辣豬肉碎配生菜包，一直都是我最愛的泰國菜。肉碎不會炒得太乾，充分保留肉汁，包在生菜來一起吃，肉汁在口腔內爆發，非常滿足。 椰汁雞湯（細）雖然叫了細份量，完全足夠兩個人享用，湯料很足。湯頭學下去非常清爽，除了椰汁香味，也帶有點點蕃茄酸味，很有誠意。

今次嚟到青衣比較偏僻嘅美景花園食野🔥🔥🔥呢一間泰國BBQ已經開咗好耐，我聽朋友講佢由細食到大，今次去咗食下午茶，所以份量會比平時細少少，但係都足夠一個人食飽🙈🙈🙈第一碗叫咗最出名嘅豬頸肉湯河粉，豬頸肉燒得好香，而湯底方面係有少少胡椒味嘅高湯，河粉方面係滑身嗰款😋😋😋我個人喜歡呢一款河粉多啲，最正都係佢哋喺上面放咗啲炸蒜蓉同埋蔥粒，令到成碗豬頸肉湯河昇華咗😍😍😍第二碗叫咗扎肉湯河粉，湯底同豬頸肉湯河粉個湯一樣嘅，扎肉調味方面好好👍🏻我哋仲叫咗一個泰式拼盤細嘅，入邊有兩串串燒，同埋春卷和蝦餅，呢度嘅串燒佢哋嘅沙嗲汁非常之惹味，應該係佢哋自家製，唔會太辣，炸蝦餅好厚身彈牙😋😋😋春卷唔會好油，餡料方面味道啱啱好，同埋非常之足料🔥🔥🔥🔥

已經唔係第一次喺呢度食，食物價錢幾平民，款式幾多元化，就算外賣質素都唔錯。我最鐘意食呢度嘅泰國炒金邊粉，夠晒足料，味道酸酸甜甜，又夠鑊氣。串燒每次都係我必點之一，全翼、司華力腸、牛肉，沾埋沙嗲醬真係好有炭燒風味。炸蝦餅夠晒彈牙，外賣返到黎都唔會淋晒。另外必點青木瓜沙律，好辣夠晒惹味！

今日係屋企樓下同女朋友食泰國菜，既下午餐廳，【泰國BBQ】青衣美景花園商場平台，店舖唔太大，但坐得舒服，職員又nice叫咗2份下午茶餐，份下午茶好抵食，大大碗粉麵，啲配料仲好正豬頸肉米線 $28豬頸肉香肉質好食，有少少脆口，配料好多，湯底既胡椒味好重，但好香，麵質感適中什錦湯河 $25白魚蛋，墨丸，牛丸，粒粒都爽口彈牙，好味道，湯粉又滑仲好多。下午茶黎講，咁大碗好抵食跟餐+ $8 青檸冰青檸冰飲完夠醒神跟餐+ $8 凍洛神花汁洛神花汁好好飲，仲對身體好好

美景花園，就是青衣難得可以係附近泊到車食飯地方。星期天晚上8:00 倒黎到，唔洗等位。一大張枱。有两個侍應招呼。係青衣黎講，星期天唔洗排隊就有得食。好似已經有個伏字咁。不過試完都覺得可以再黎。難得是日有椰菜苗，放是一試無防，唔苦有咬口，呢個平時食中式茶餐廳冇的野，好味！金邊粉大大大碟！ 两個（細食的人）食完都仲有半碟浄。。 普普通通。勝在夠大碟。泰式拼盤都幾底食，$62 樣樣食到少少。個春卷係好味既。入面有雲耳。平時諗唔到食咩黎呢到食個便飯都唔錯。

四個女生叫外賣，開始還沒發現美景有開泰國餐廳，看了餐牌發現價錢非常親民，味道也不錯。一共叫了五樣東西，獲一致好評的是泰式生蝦，原本還擔心夏日炎炎叫刺身，還是外賣會不新鮮，沒想到雖然是外賣但餐廳用冰袋保持生蝦的溫度（但還是建議大家堂食）。而原本的蝦隻也非常新鮮肉質爽口，配上泰式酸辣的醬汁另外，泰式拼盤（大）價錢相宜，小食包括雞肉串燒，炸蝦餅，炸魚餅，炸春捲。而海鮮炒飯及炒金邊粉味道不正宗，似一般茶餐廳的味道

🔅🔅🔅平時食泰國菜一定去九龍城原來當你肯細心留意既話隨時係你附近就會發現另你刮目相看既好店從不追求華麗外表食物卻保持水準🔸光顧呢間泰國菜已經有四至五年了主廚老闆服務員姐姐佢地都係地道既泰國人所以口味肯定好地道無誤🔹去泰國旅行最喜歡食船麵呢度只係相對較港式化除大碗之外仲送餐飲🔸<豬頸肉湯金邊粉> $40豬頸肉係剛燒好份量有七八塊左右燒得超香口又啖啖肉金邊粉份量超多超嚇人清湯底配鹹菜脯蔥花芫西再加少許自家製辣椒魚露汁辣得好過癮好滿足🤤🤤🤤🔹<青咖哩豬頸肉飯> $43朋友也超喜歡泰式燒豬頸肉加上青咖哩汁味道更一流青咖哩不算太辣好開胃呢度仲可以免費多飯大胃人士表示興奮呢個價錢去邊搵🤫🤫🤫🔸<龍眼冰> 跟餐免費龍眼肉起碼六粒飲落不太甜好解渴女仔最愛既潤喉飲品🔹<珍多冰> 跟餐免費超多超多超多椰果粒椰奶好香濃不太甜推推推✨✨✨🔸<串燒珍寶腸> $13串燒係泰國菜必點珍寶腸燒得皮脆肉香蘸著附送沙爹醬好好味🔹<串燒雞腎> $12雞腎燒得稍微乾了點但味道還算不錯👍🏻🔸<總結>如果想便便地食泰國

係附近返學，lunch過黎食個沙嗲豬頸肉飯，雖然係碟頭飯，但我覺得佢個汁同豬頸肉整得幾好味，至少唔會好硬，個汁唔會無味，反而仲幾野味添。不過衛生方面就差少少，啲碟呀，碗筷都好油，每次去都要抹乾淨，希望呢方面可以有改善～

呢間泰國菜位於美景花園就近青衣IVE 所以都幾多學生選擇過嚟食飯午市嘅時候都幾滿座 呢間係花園商場入邊唯一一間泰國菜 感覺上算平靚正快 呢度嘅午市套餐都係平均40至$50 平平哋包飯同埋特色飲品都幾抵食青咖喱豬頸肉飯 外表睇落唔吸引 好似碟頭飯 飯嘅份量好多 青咖喱汁鋪滿豬頸肉同飯 豬頸肉切得比較薄片 都唔錯 可惜只有五 六塊左右 感覺單調 連少少伴菜都沒有 唔夠送飯 不過呢個價錢可以接受椰汁冰 可以揀特色飲品 清涼解渴但椰子味可以重d 海南雞飯 見個個都食海南雞於是叫咗黎試吓 海南雞偏林 飯粒乾身 不過唔夠熱 炒得唔夠鑊氣嘅感覺 不過雞嘅份量好多 佈滿全部飯 食完好夠飽

有晚叫左個海南雞飯食，本來食緊頭幾舊都冇事，後來就聞到有陣酸臭味傳出仲以為係其他屋企傳黎啦，點知到我將最後一舊雞放落口時，就聞到好大陣臭味即刻再聞多次確認，仲俾埋男朋友聞，原來真係舊雞壞咗😭內心os：千千萬萬句粗口！！！！一間舊店居然有壞雞，仲要街坊評價唔太差，果晚就令我對依間泰國店反感（其實比起以前，環境方面已經差咗好多）仲有。。。我本來好鐘意食雞肉，就係因為聞到果種壞雞味。。。時刻諗起都仲會反胃🤢