泰國小吃 (已結業)

真係可惜住咗西貢兩年都唔知有呢一間咁好味嘅小食店😩😢😢其實佢食泰國河粉，好似船粉嗰啲味道我咁鍾意食泰國嘢，居然唔知有呢一間小店最可惜佢就嚟結業我試咗佢個扎肉魚餅湯河真係好好味，點解會唔做？湯底夠味魚餅非常之有泰國風情嘅味道，因為佢有啲金不換葉喺入邊好香好彈牙，仲有一般泰國醬汁配料俾你加落個粉度食超惹味，最衰今次得一個人嚟食，其實好想食佢嗰個特色豬手我見其他客人食嘅時候我feel到好香脆😂😂希望佢休息一段時間再開業啦

知道西貢有間雞粉要執咗一排，今日有機會入嚟就食吓懷念吓啦，首先我之前住咗廿幾年西貢，其實多數幫襯既係旁邊間滿泰，呢間可能夜晚食個雞飯，感覺生意無滿泰好。所以其實我係以為滿泰結業😅不過嚟到就緊係食埋佢，一行三人因為我要泊車，另外兩位幫手排隊先，所以過到嚟都快有位，但就等咗都好耐先有嘢食。食物呢首先講吓價錢，因為細個廿零蚊都有個雞飯，而家成六十蚊當然覺得貴，但如果同出邊啲一般海南雞飯比，真係色香味價都輸，不過西貢平時又真係無咩生意，係假日搵番啲錢，我都叫自己體諒吓佢既。最後有個阿姐送咗幾罐嘢飲比我哋，有番啲人情味。西貢食街仲有好多嘢我有感情仲未執，感恩。

其實唔係第一次食呢間舖頭，都係我喺西貢少數會食完再不停返食嘅舖頭，好可惜收到風佢就嚟會執笠，希望大家喺佢執笠前都可以去試一試。首先為大家推介泰式海南雞就咁叫普通雞飯$60一碟，跟飯碗湯。雞非常之嫩滑，嫩滑得來唔會生。鍾意食雞髀肉嘅朋友可以加$20轉泰式海南雞髀肉飯，即係$80。由於男朋友太過肚餓，所以未影相已經食咗碟飯，所以影隻碟俾大家睇啦第二款為大家推介嘅就係炸皮蛋蝦球呢款泰式小菜唔係間間泰國舖都有得試㗎，但由於小編好鍾意食呢道菜，所以基本上去親泰國舖只要有得叫多一定會叫。上一次嚟到由於舖頭實在是太多人，叫咗呢套菜都留咗單，所以一直未試到，今次終於成功送到上台上。我覺得呢套餸都係10分值得一試嘅，售價$78。蝦球包住皮蛋蝦球嘅表面10分鬆脆，皮蛋都處理得柔軟流心。 男朋友都覺得10分唔錯。佢話5分會比4分喎。食後評分色：香：味：

心血來潮想吃泰國料理，和朋友即往西貢吃泰式海南雞飯+咸肉+豬頸肉，半打沙爹，我朋友則點了雞絲问粉，再加碟豬大腸一次滿足我需要。雞絲飯雞絲嫩滑，咸肉脆香，猪頸肉只是普通。在這裡吃飯最重要是醬汁，微辣帶點酸的醬汁讓我胃口大開，半打沙爹因朋友不吃牛，只點了猪和雞，沙爹燒得肉香味濃。這的食物多年仍保持一貫的美味，尤其是豬大腸，總是讓我卻罷不能。這店開了3O多年，我也吃了廿多年，老闆娘也由少婦變老婦，這店經歷了沙士，19暗黑之年，新冠肺炎卻敵不過24年，還有半個月就要結業，好吃的小店又少一間。

落嚟西貢喺朝早行山前，友人帶我揾食，話你唔試過就等於未到過西貢咁樣！今日個口福就落係咁嘅一間泰國餐廳，好介紹話有款鹹豬肉粉麵要試吓。係嚟，道地泰國菜系列一試難忘，鹹豬粒炸到外脆內軟，香噴噴，一啖咬落去，骨牙記心底！粉麵滑溜溜，加埋店家特製辣醬，唔係辣死人嘅攻味，而係香辣適中咁，醒胃生津，真係一絕！海南雞飯我又唔會放過，隻雞滑嘅過山咀，黃油飯香到飄過三條街。冬瓜湯清甜過你第一戀愛，撩係心尖尖。炒飯？哎喲，講到我又想食喇，粒粒飯噴香，配上鮮蝦同豐富料，尤其係提子乾，微甜帶出飯香，賣相又吸引，真係犀利哥！食到最後，仲要捧個泰式粉麵去。牛腱選得好，幼嫩又滋味，湯底清新唔膩口，粉麵加埋芽菜同冬菜，我個味蕾跳起芭蕾🌟。下次帶埋啲朋友嚟，香港味，泰國風，食得開心，講曬都唔夠！🍲🥢🌶️

應該係睇彩數嘅問題，今次嘅生熟牛肉份量比較少，叫咗多芽菜，但係應該冇分別🥹跟住今次啲牛肉都係6，7件，但係大部份都係濕濕碎碎細細粒價錢而家係$50一碗單拼粉麵，想當年好似唔知36定38 細個跟阿媽食嗰時🙈不過明白物價上漲嘅🥺阿媽嗰碗鹹豬肉金邊粉同平時質素好似差唔多，不過今次炸得比較燶望落去，阿媽冇投訴就應該質素穩定佢嘅米粉係有米粉好好味！好多蔥牛肉樣子如下，撥開晒表面嘅蔥影一張，就係咁啦！下次應該嗌返牛腱！感覺佢牛肉應該質素比較弱🙈🙈不過呢度嘅老闆好友善好好人！好和藹可親嘅感覺🤩有一次嚟去咗隔籬嗰間食粉麵，差好遠好難食，同老闆傾開原來呢度每個禮拜四放假㗎

西貢之同事帶我去食好西🌝 講真，如果唔係同事帶我行入呢條街，我未必會行入嚟食🤣 價錢唔算特別吸引，裝修亦得較有歷史😳 但係嚟到當然有驚喜😆 首先佢有普通嘅飯餐同檬粉嗌，價錢$50-$80左右，睇你嗌咩餐🌝 其他小食就貴啲，但真係好食嘅❤️泰式拼盤（春卷、魚餅、蝦餅）$180 - 全部都好食，但性價比相對就唔係特別高，佢得兩條春卷，三嚿大蝦餅同埋五塊魚餅，不過都足夠4個人食嘅！扎肉凍檬 $54 - 唔洗自己再加撈檬汁，佢話係唔啱味🤣 不過呢嗰又開胃又好食😆泰式海南雞飯 $57 - 無骨嘅，我對佢嗰汁麻麻，但啲雞係好食嘅❤️泰式炒金邊粉 $73 - 同事覺得好好食，但我就覺得佢炒得唔夠乾身，賣相亦不太吸引🥲泰式生蝦 $108 - 係爽同彈牙嘅，加埋辣汁都真係唔錯🌝 但呢嗰item無標價，係staff自己講價錢整體嚟講，我都覺得係好食嘅，但下次再嚟西貢就未必會揀佢😳

每次去親西貢玩水完之後，我都會去呢間泰國餐廳食，一來價錢合理，二來質素穩定，三來選擇夠多。第一款係木瓜沙律，味道非常鮮美，我好鍾意佢哋嘅醬汁，酸酸甜甜，好開胃！木瓜切得細細嫩嫩，同埋加咗啲花生碎，好香口。第二款菜係經典嘅Pai Thai，味道非常正宗，我覺得佢哋嘅做法好實在，麵條煮得剛剛好，唔會太硬或太軟，加埋啲花生碎同埋豆芽，口感好豐富。而且佢哋嘅調味好恰到好處，唔會太辣或太甜，好適合一般人嘅口味。如果你係泰國菜嘅愛好者，呢道Pai Thai絕對值得一試！最後一款係米紙卷，我覺得味道同其他泰國餐廳嘅米紙卷有啲唔同，佢哋嘅米紙包得好飽滿。同埋佢哋嘅醬汁都好好味，好適合蘸米紙卷食。如果你鍾意米紙卷，咁呢道菜一定要試下！總括而言，我認為呢間「泰國小吃」餐廳嘅菜式非常好味，而且價錢都好實惠，係西貢嘅泰國餐廳之中絕對係一個值得推介嘅選擇！

諗住嚟冇加到㗎，都係$50一碗！坐低好快就揀咗牛腱米粉！因為上次食完覺得好味，記得個份量幾多，炆得好味，而且仲有冬菜，不過今次個湯底就比較油，睇返相都知道同上次唔同！而且今次冇冬菜才唔知點解呢？今次都係有六至八片，有啲細粒豉油衣後設，整體而言口感一流，亦都非常入味！不過今次就好油啦同埋個湯雖然冇咗東菜，但係鹹少少🤏佢嘅牛味都好出！好味過好多高級餐廳好鍾意呢度嘅男老闆阿叔，覺得佢好務實嘅感覺反而今次請咗個新嘅靚妹喺度，佢好似成日望住人食嘢，又講吓是非，咁唔係咁舒服

好耐冇嚟西貢食嘢！ 我俾黎生呢度都會去呢間嘢 食！已經係屹立咗好多年！今日嚟個質素再好過平時，因為係返工日子唔係繁忙時間，所以服務同埋座位空間，成個西貢都好舒服依家單拼嘅粉麵係$50一 碗🥣全部嘢都同平時一樣，今次想食牛肉，本身諗緊生熟牛肉定係牛腱，未試過牛腱，今次就試吓牛腱！牛腱上枱好心食仲驚佢太鹹太重味，點知食羅超好味！佢非常入味，但係牛腱又唔會太過諗，成個泰式粉麵嘅配搭同湯底已經好清香今次係食過最驚喜最好味嘅日子！米粉又有地㗎配搭芽菜，同埋佢牛腱會配冬菜，從來未試過咁樣配搭！原來咁夾超級推介，牛腱份量都唔少有六至七舊大嘅

位於西貢近小巴站旁邊行仔入面, 入面都有幾間泰國菜, 見呢到人多d所以就入左去食。等餐時見到好多老顧客黎幫襯, 閒聊家常非常熟絡😌所以呢到既裝修都有一段歷史感。🍤泰式雞絲鹹豬肉飯 $69呢個飯好多街坊都叫, 所以都叫黎試下味。雞絲應該係雞胸位置, 切到一條條, 點醬汁食都唔錯。而鹹豬肉冇肥肉😐但炸得太硬雖然幾香口。而飯係雞油飯黎, 食落冇咁淡味, 畢竟成碟都係肉冇一條菜。可能係咁所以跟左一碗雞湯, 湯中既冬瓜好味。🍤炒金邊粉 $73第一次食金邊粉既顏色係咁橙色😳炒得火喉係夠, 但比較酸, 如果落埋青檸汁應該會太酸, 同埋價錢有D太貴🤑

呢間係我哋食咗好多年嘅西貢泰國粉麵店！阿媽好耐以前已經好鍾意食佢嘅鹹豬肉（即係類似燒豬咁揸過嘅燒肉）好多人都係會嗌呢個嘅見到一直以來！呢日都不外如是！而且好好味我都試左阿媽一嚿非常香口而且啖啖肉！阿媽話感覺又大概六至八件！雖然呢幾年加咗價10幾蚊，不過佢都仲係好粥了！同埋唔知係咪而家疫情又嚴重咗，條街小人啲，我哋兩碗嘅份量都非常之足！我嗰碗生熟牛肉米粉有超多舊牛肉！我特登掃下有成七舊，而且每一舊都唔細，或者厚切一路食一路幫啲牛肉拍寫真，好滿足！不過佢啲牛肉好似一種牛肉，全部都係半熟嘅牛肉，不過我都冇所謂嘅因為厚切嘅關係，牛肉半熟嗰個位比較銀， 不過我自己就鍾意佢係瘦牛肉有趙口仲好嗌咗多重多芽菜，侍應睇落好粗獷不過其實態度好好架睇吓啲牛肉幾多呢度就睇到佢生嘅位～ 同埋呢度有好多泰式醬汁比客人自己飲自己嘅口味許諾，非常細心，亦都非常傳統有米粉非常高質素！ $48一碗都值得

見門口貼咗啲饍稿，以為有料到，咪買盒自取$96.00 外賣泰式鳳爪，寥寥數隻，份量極少，淡而無味，質量差劣，配菜同汁又少，仲夠膽死收$96.00？$30.00 都俾多咗佢啦，可一不可再，大家小心中伏！

幾個月前誤打誤撞試過一次，當時已經覺得好好味，今次再嚟叫外賣試食其他嘢，果然再有驚喜外賣等候時間都算好快，嚟西貢玩完一日，都可以考慮買佢嘅嘢食返屋企做晚餐菠蘿炒飯本身對佢冇咩特別期望，點知甜味鹹味啱啱好，炒得夠火喉，一到食仲係熱辣辣，好快就清晒豬牛雞串燒正常好味嘅發揮，有肉汁，沙嗲汁亦都幾好味春卷朋友推介，所以試吓，反而覺得冇咩特別，入面有芋頭同冬菇，唔係平時食開嘅春卷，一試無妨無骨鳳爪味道不錯，啲甜酸汁配埋啲菜嚟食好開胃，唔會話太辣青檸梳打

今日同屋企人去西貢行吓經過呢間野個老細熱情招待所以就入去食啦我哋首先叫左▶️▶️▶️▶️▶️1)豬頸肉檬粉冬陰功湯$68個冬陰功湯真係好難飲湯底又淡又得酸味完全係冇冬陰公湯味豬頸肉又硬又唔好食檬粉質地係正常成碗野橙橙地色 我哋淨係食咗幾啖▶️▶️▶️▶️▶️2)鴨絲湯金邊粉 $58呢個反而正常少少個湯底都係雞湯feel不過都唔算好食鴨絲份量唔算少但係好硬一啲鴨香味都冇金邊粉就幾好食▶️▶️▶️▶️▶️3)炒金邊粉 $68呢個炒金邊粉真係超難食！首先成碟嘢個顏色已經係橙色食落去啲金邊粉個味係勁酸完全係食唔落口我哋成碟原封不動擺返喺度…▶️▶️▶️▶️▶️4)泰式生蝦 $108有六隻生蝦上碟最正常係呢樣起碼食落口感正常不過唔算肥美擺底嘅冰好快就融晒🆖🆖🆖🆖🆖見到之前嘅食評大家都講到幾正常唔知係咪今日真係水準差咗但係真係以後都唔會再去好耐都未食過咁難食嘅泰國嘢🤦🏼‍♀️