泰國廚子

营业中

休息中

早前跟同事,午市去過這餐廳,食物唔錯。見今朝早左有時間,就先食個早餐才返工香茅豬扒,白汁碎蛋,蒜蓉多士,其實食物真係唔錯,豬扒雖然冇咩香茅味,但肉質軟滑,蒜蓉多士,好香蒜蓉味,又夠厚同脆,白汁碎蛋,入口涼涼的,好清新但服務態度,真要改善,8:35落單,8:55個餐未到,催問店員,佢用悔氣語氣答"廚房得一人做野,宜家冧檔",叫我等下,其實人手唔夠,應該一早通知,早餐要等20分鐘以上,讓客人可以考慮等唔等

這餐廳位於悅來酒店，午餐和晚餐主要是係泰國菜，佢地嘅海南鷄黃薑飯,就真係非常美味,係每次必點的食物。但早餐就加咗香港口味。今早叫咗個沙嗲牛肉通粉+蒜蓉多士+白汁碎蛋先講多士，成吋厚，四面焗到香脆可口，加上薄薄的蒜蓉牛油,入口脆脆,同有濃濃的蒜蓉香味,裏面就非常鬆軟通常早餐,都係炒,煎或烚,但呢度係白汁碎蛋,雖然凍凍地,但同熱辣辣的多士一齊食,就非常配合沙嗲牛肉通粉，可能因係泰式沙嗲，入口有香香啲薑味,加杯凍凍咖啡,非常滿足

今日出荃灣同媽媽取身份證，約了姪女要去悦來坊食晏'入泰國廚子坐下點了蠔仔湯飯~蠔仔肥美'有幾種菇芹菜惹味,湯好好味🤗🤗成碗比我食哂海南雞黃薑飯~黃薑飯👍海南雞有雞味,🤗🤗湯清甜椰汁珍多冰~濃郁椰汁加條條似啫喱的珍多🤗🤗好好味環境舒適，食物質素高兩個海南雞質素參差,要留意

星期六四處人多車多想找個地點食晏都有點苦惱，朋友建議不如去荃灣悅來酒店地下「泰國廚子」那邊好多又舒服，去到才知他們喜愛原因是有露天茶座方便二位煙民，真係煙民萬歲！👏🥢泰式海鮮泡飯 $43我加多二個字，泰式海鮮清湯泡飯，目測幅圖就明白，味道淡淡地沒有什麼特別，急凍海鮮想出什麼味來，優點是 $43 仲有杯飲品送，可以懶洋洋不用急於還檯已取勝。👍🥢無骨鳳爪 $48午餐可換購的特價菜，味道不酸不辣只有爽。🤨🍴下午茶餐的西多士，這個有點驚喜，外層色澤金黃，口感香脆有蛋香。👍午市餐牌

位於 荃灣 - 悅來酒店 - 悅來坊商場 的 泰國廚子 Thai Chef, 其寶號在該區響噹噹的 ,無人不知無人不曉 , 某日筆者就慕名而來，一嚐究竟 ~Menu ~ 去吃泰國菜 , 筆者必定會點一個椰青來喝 ~ 黑椒鹹牛脷 $98 : 實情就是鹹牛脷加上一個黑椒汁 , 牛脷煎得香口 , 肉質軟綿 , 黑椒汁濃香惹味，實在不錯吃的 , 但這是泰國菜嗎 ? 冬陰功大蝦湯 (大) $158 : 一鍋大的冬陰功湯 , 大約可以分到6小碗 , 味道大概是7分辣3分酸 , 有6隻蝦 , 喝下有點搶口 , 不適合筆者口味 ~ 泰式蝦餅 $78 : 蝦餅炸得金黃香口 , 爽口彈牙 , 味道不俗 ~ 炒金邊粉 $85 : 賣相普普通通 , 炒得不夠均勻 , 酸辣度亦不平均 , 廚師炒不出Pad Thai 獨特的神髓 , 味道就是普普通通 ~本篇完 ~

同媽咪行街到3點幾，想食個tea，見到過menu都幾吸引就入左去了。場內位置頗多，不滿場，坐位都幾闊落！我就點左個海南雞飯$68！一睇個海南雞個賣相就已經麻麻，全部雞胸加一隻翼，d雞皮有少少癡住咁！睇就唔睇得，食落都係同佢個樣一樣麻麻囉！唔滑！有d鞋同un！個醬就ok 既，正常。個湯完全唔得，白蘿蔔浸味精水！飯正常偏乾。唯一好係個雞下面有多既菜墊住。$68，不會再來食！媽咪就點左個炸魚柳配白汁碎蛋、蒜多士。個多士非常不錯，因為有3面都有塗上蒜油，外脆內軟，少少酥脆，好香牛油味！估唔到佢泰國餐廳，好食既係塊多士~

十分愛吃的我, 泰國菜也是很喜歡的菜式, 當中以冬蔭功湯是我至愛, 之前每次去到這間泰國廚子必會叫牛根腩冬蔭湯金邊粉, 這間舖的冬蔭功湯絕對符合我口味, 夠酸夠辣, 每次我都將湯飲清光, 早前轉了新餐牌, 沒有了牛根腩選擇, 所以今次嘗試了新菜式, 酸辣雞絲冬蔭功湯金邊粉, 湯底仍然保持水準, 酸辣雞絲混入青瓜絲及小量海蜇碎, 味道有清新感覺, 但雞絲就唔夠酸, 只有微辣, 午餐包餐飲, 最正係冷熱飲品同價, 凍飲唔需要另外加錢, 但全店要加一服務費.

今天幫朋友慶生，揀咗呢間泰菜，人流唔算多，坐的位置比較凍，比兩個餐牌我哋係唔同嘅 😅😅中間幫我哋換碟唔換我嗰隻，仲話睇我唔到，我無著隱形衫呀！總括嚟講，好味啲嘅泰菜有好多，除非朋友再揀，否則呢間我試一次就夠了 😅😅😅

間中食lunch都會黎呢到食，之前佢有個青咖哩羊，好好食，點知今日再想去食，已經冇左😭大失所望-佢menu其實都多選擇，只係藍妹心繫青咖哩羊😣-港式鹵水豬手飯嗯...飯量同之前一樣，都叫夠食，但係...豬手會唔會少左啲呢🤦🏻‍♀️，就咁4舊放係碟，唔講以為係食剩既。仲要勁大舊骨，冇肉/皮咁濟😡-再睇下杯阿華田，藍妹未飲過嫁！點解少左兩啖嫁呢？-唉，味道點都好，一間冇乜誠意，求其出餐既餐廳，藍妹未必會再幫襯😞

唔好意思 又係我要寫第一篇的負評 中午叫了海南雞飯走雞亦 湯 醬 飯 雞 湯無特別 味精水 醬 都係普通野 飯 理論上應該會有少少雞油或雞湯味 但Sorry乜都無 袛有黃薑粉加生油味 雞 由於講明唔要亦 但成碟九件雞 有八件都係胸 唔緊要試下先再講 都係果個感覺 唔話你知係乜 俾你食食咗都唔知嗰件係乜嘢肉 肉質非常削 完完全全冇任何雞味 叫咗個貌似負責人 問係咪如果唔要雞亦就全部都係雞胸 佢指住碟雞話咪有一隻雞鎚囉 我話雞胸唔緊要唔好成碟都係囉 佢話因為雞肶係留起比加＄10食肶嘅客 即係話唔加$10就一定係胸同亦 都唔緊要 都食左七成 埋單 原來午市都要加一 一碟九成雞胸無味又嚡又削既海南雞飯要$75 食到真係火都黎 快餐店都好食過佢N倍

同朋友飲酒 叫左支白酒 本來話無晒我地想要的酒 之後又係 紅酒櫃 搵到支我地要的白酒 期間有waiter 過來擺低爆谷 但我地話唔要 佢無出聲拎走 無講任何野 埋單是收左$30 蚊nut 同加一 但餐牌無寫要收nut 錢 服務員無講 奸商 你講左我唔要一回事 我要左留尼掉落地下我心甘情願 無下次 地下又痴立立 又有烏蠅同蚊 講緊坐入面 $400飲支酒我洗係你到飲 我坐左一個鐘左右 啊 仲有 斟酒自己尼架 服務費加完哪來服務呢？ 我真係未試過飲酒飲到好飲等人施捨咁

放工中午放飯好多時都會去到悅來坊食飯，依個商場都算好野食，中西日韓都有，其中依間泰國野食都成日會去，貪佢算係有啲質素，同多選擇，不過貴就貴啲，同埋要加一。我覺得最特別既係佢有冬蔭功蠔仔泡飯，用冬蔭功湯做泡飯真係開胃又野味，加埋蠔仔鮮味，夾埋一齊令你食唔停口。冬蔭功湯雖然唔算得係做得好快，唔太酸又唔太辣，依個價錢黎講認真唔錯架喇。有次多人食仲試過散叫，價錢都唔平，但啲野食大部份都算唔錯，可以一試。同同事食飯唔好意思影相所以就無相喇。

屬日(8-7-2017 Sat)等老公放工後食晏，我喺悅來坊坐住等佢，等到佢嚟後睇食咩嘢，呢間啦，佢話想試。我哋入到去仍然多人但仍有位，我想食炭燒豬頸肉但唔想食飯而食湯河，不過湯河冇炭燒豬頸肉呢個餸，老公就諗湯河中有咩餸佢想試，咁叫個湯河就可以同我交換餸食。咁我就要$58.00嘅炭燒豬頸肉飯，要凍奶茶。老公就揀咗$68.00嘅招牌海南雞湯粉，要金邊粉，加$6.00要咸檸梳打。冇耐，兩杯嘢飲到嚟，我杯凍奶茶茶味唔夠，亦唔夠凍，一般。味道:1分之後招牌海南雞湯粉到嚟，雞係幾乎全雞胸，俾咗個雞中翼，老公心急食件先，佢話唔夠滑，我又試吓先，我又覺得唔算好嚡，肉質爽;味道:5分而三隻醬，蔥油香，味道溫和;辣醬唔算好辣;杰身黑豉油甜甜地，正宗。冇耐，炭燒豬頸肉飯到嚟，睇見豬頸肉有好多，伴以一碟辣醬，我唔敢蘸，老公蘸，佢話係酸辣，辣過我哋喺大澳買嘅脆脆蝦米醬，於是我唔蘸呢隻醬食。講返炭燒豬頸肉，口感爽，味道帶啲甜，唔蘸任何醬食都已經好夠，不過我貪得意，蘸晒三隻海南雞醬食。味道:5分至於金邊粉，口感比較硬。味道:3分食完兩個餐都好飽肚。環境:一入去，就被安排坐近門口嗰張枱，感覺冷氣唔夠，令原本想叫熱飲

朋友即興搵我食飯帶左我黎荃灣食泰菜呢間餐廳有室內同室外嘅位置比客人選擇由於朋友需要輕鬆嘅關係所以我哋就揀咗室外啦雖然而家夏天大都唔使擔心好熱出邊有個大風扇吹住我哋所以我哋都覺得冇問題朋友極力推薦呢一個泰式鳳爪我食咗之後亦的確覺得相當好食鳳爪嘅秘製泰式醬汁調校得好好而每一隻鳳爪都吸晒呢一啲醬汁嘅味道再配埋新鮮蕃茄仔同洋蔥非常醒胃另外仲叫左海南雞飯海南雞嘅有飯相當香家件有好滑溜沾埋佢哋嘅自家製醬汁超讚👍🏻呢到地方舒適就算唔食飯黎飲杯野 都覺得100分👍🏻

今晚同朋友去呢間泰國餐廳食飯，每次黎既時間都必定會叫酒同埋佢地既泰式鳳爪。佢地既happy hour 時間至到晚上9點。首先要講下鳳爪，個汁非常好味，每隻鳳爪都會佔滿了辣汁，再加埋沙律伴菜，真係好好食，鳳爪又彈牙，又入味，每次黎都必點。暫時都未食過香港邊間好食過佢。然後又點左個馬拉炒通菜，不過不失咁啦。再加多個TV併盤，佢既咖哩春卷料其實好豐富，又多汁又多料，但可惜油太好,唔夠脆，蝦餅同魚餅都可以啦，但個串燒就廣麻，肉可能燒得耐比較*孩*口， 又無乜肉汁。認真麻麻