泰好記

营业中

休息中

食泰國菜梗係要搵泰國人主理先夠正宗，今晚就去咗位於旺角通菜街的「🇹🇭泰好記 」，地理位置方便，旺角地鐵站一出行幾分鐘就到，去到舖頭就見到有其他客人喺門口等位，相當人氣🫶▪️冬陰功湯 $ 75冬陰功湯是泰式最有名的湯，也是酸辣之意，冬陰是指酸辣，功指的則是蝦，這裏做得十分到位，酸辣度適中，充滿泰式香料味道，而且有滿滿湯料，大蝦、魷魚，青口、香菇，好飲又好食▪️馬拉盞炒椰菜苗 $ 78食泰菜最愛食馬拉盞炒椰菜苗，每次必食，椰菜苗炒得爽脆，馬拉盞香辣濃味，味道越食越想食▪️生蝦刺身 $ 95生蝦非常大隻，口感彈牙，蒜頭、辣椒和苦瓜，而且蝦頭唔浪費，炸到脆卜卜好香口，配上酸辣泰式醬汁，好惹味▪️燒烏頭 $ 168即叫即燒，烏頭魚好大條又厚肉，魚肉煙靭有咬口，充滿鹽香，滿滿香矛和香料的香氣，喜歡食魚既朋友絕不能錯過▪️燒雞全翼 $ 36師傅掌握火候好好，大大隻雞皮特別香口，而且好夠入味，肉質嫩滑啖啖肉，必點▪️蒜蓉包 $ 38蒜蓉包即點即烘，好香脆而且充滿蒜蓉牛油香，無論就咁食或者點咖喱都咁好食▪️泰式乾炒海鮮河 $ 78估唔到全晚最正就係呢個炒河，河粉好像沙河粉超級粗，但口感香滑，配上海鮮配料大蝦、魷魚、青

今日嚟到旺角食泰國菜🇹🇭, 旺中帶靜環境舒適以卡位為主,空間感十足,感覺寫意而且性價比高🥰💁🏻‍♀️泰式咖哩軟殼蟹🦀$168,淡淡椰香味🥥唔太辣, 肉質鬆脆嫩滑鮮味十足💁🏻‍♀️蒜蓉包$38, 外脆內軟配咖哩食一流💁🏻‍♀️泰式濕炒河🍲$68,可選豬,牛或雞 河粉相當美味順滑,冇油膩感覺💁🏻‍♀️鹵水豬髀飯🐖$70,豬髀軟嫩,入口充滿膠質, 鹵水汁唔會偏鹹, 配上酸菜, 送飯🍚一流泰好記旺角通菜街75-77號地舖

本人唔多鍾意去花園街側邊啲食肆食嘢，原因好簡單，都係覺得環境唔多衛生！但今日呢間泰國菜真係令我改觀！除咗衛生環境一流之外，食物質素很高很高！鍾意食泰國菜嘅朋友真係要來試一試。佢啲泰菜好正宗，應該係泰國人開嘅。用啲香料非常之足夠，絕對唔係用味精搭夠。首先我哋嗌左個冬陰功海鮮清湯。香料十足，海鮮新鮮，熱辣辣飲落去好正。青檸明爐蒸烏頭魚香料味調教得好好， 各種香料很配很惹味，十分濃郁，我哋連湯都飲到一滴不留🤤🤤🤤菠蘿炒飯失望嘅係佢唔係原隻菠蘿上，不過真係好抵食大大碟只係$65 ！用了豐富，連當中嘅雞肉都有鮮味！一定會再約朋友過嚟食！

嚟到旺角嘅泰好記，就要試吓佢嘅二人餐因為佢嘅二人餐都相當抵食。我就叫咗一個二人套餐B首先會有一份生蝦刺身新鮮爽脆，配上適量的醬汁，帶出鮮甜的海味。然後再有燒豬頸肉沙律少許辣，豬肉燒得剛剛好，帶有微辣的調味，香氣四溢。然後熱菜中，黃咖哩雜菜味道香濃，咖哩醬汁滲透入蔬菜，每一口都充滿濃濃的咖哩香氣。搭配蒜蓉包一同享用更加美味。椰汁雞湯湯底帶有微酸的風味，湯內有豐富的雞肉，清爽又滋補。拼盤上的不同炸物則為套餐增添了一份炸脆的風味，再點上泰式酸辣醬，讓人食慾大增。而且呢個套餐仲包兩杯餐飲，就算係飲沙冰都有得包埋！

泰好記餐廳位於九龍旺角通菜街75號地鋪,餐廳裝修簡約帶有點兒泰式風格,餐廳主播泰國菜,多種泰式粉麵飯海鮮甜品供客人選擇,服務員都係泰國人,招呼態度殷勤有禮。燒牛肉沙律沙律內有車厘茄,芫茜,蔥粒,蒜粒,辣椒,紫洋蔥絲和青瓜絲等,燒牛肉份量都不少,廚師製作燒牛肉好惹味,食落微辣,有牛味,吾會靭,好香口,酸酸地辣辣地幾開胃。明爐青檸蒸烏頭魚原條烏頭魚上桌,服務員在魚型器皿下加火種,保持烏頭魚的溫度,魚身鋪滿蒜粒,青椒,紅椒,椰菜,青檸,香茅等,魚肉入口鮮甜,熱騰騰,不辣,食到尾魚肉仍熱,好暖心。芒果糯米飯甜品芒果糯米飯配有椰醬,上桌糯米飯熱辣辣新鮮製作,入口軟糯,芒果新鮮甜度適中,食落芒果味香濃,飲品雪碧汽水。

只要打開Social Media 大量朋友都去緊泰國旅行令人收工好想去食泰國嘢經過通菜街，呢間餐廳好耐㗎啦決定咗食泰好記鍾意佢食字好有趣😂餐廳座位算寬闊，卡位坐得好舒服選擇了$399.二人豪華套餐豬頸肉沙律豬頸肉爽口，燒過嘅豬頸肉油脂出曬嚟，好香加埋啲配菜，真係好好食椰汁雞湯其實係衝著椰子雞湯叫呢個套餐超鍾意飲椰子雞湯椰子雞湯惹味香濃，亦都有啲菇菇喺度雞肉好好食，連埋雞皮，有啲仲係雞髀肉添不是雪藏雞黃咖喱雜菜配蒜蓉包生蝦刺身估唔到生蝦刺身 係刺身糧食蝦頭仲要炸過，惹味十足生蝦肥身，大大隻，新鮮小食拼盤份量好多，而且最鍾意食佢嘅炸蝦餅炸蝦餅爽口彈牙另外魚餅嘅味道啱啱好講起又流口水啦套餐仲包有兩件泰式甜品同埋特飲我嘅評價係抵食，夾大件價錢真係好相宜 性價比好高冇諗過呢個價錢可以食到咁飽

呢間餐廳由泰國廚師主理，菜式選擇夠哂多，由泰式小食、肉類、炒粉麵飯、燒烤以至泰式甜品應有盡有🇹🇭💗炸皮蛋球($75)用蝦膠包住皮蛋炸到金黃香脆，外層蝦膠爽彈🍤入面皮蛋甘香🥚蘸上泰式甜酸醬一齊食，一啖有雙重口感💗燒鰂魚($168)鹽燒原條鰂魚超級大條，魚肉雪白嫩滑，魚味濃郁🐟輕輕蘸上表面嘅粗鹽或袐製酸辣汁吊起鮮味🧂💗燒豬頸肉($80)豬頸肉預先用孜然粉醃製，然後燒至表面焦脆，肉質爽脆嫩滑，蘸上特製酸辣汁中和油膩感🐖💗菠蘿炒飯($65)菠蘿炒飯炒得乾身且粒粒分明，酸甜開胃，有雞肉、洋蔥、菠蘿、三色豆、提子乾、肉鬆、腰果、蛋花等，配料都算好豐富🍍💗椰汁芒果糯米飯($68)暖笠笠嘅糯米飯分別用上白糯米同紫米，口感軟糯煙韌，淋上濃郁嘅椰漿，甜而不膩🍚芒果香甜多汁🥭

通菜街兩側有好多臥虎藏龍嘅餐廳，上次試左隱世四川菜，今次去左對面既泰好記，一聽名字就知道係泰國菜。入門口已經感受到濃厚泰國氣息，包括泰國佛像，泰國人既職員等等。- 豬肉生菜包生菜包可以揀牛雞豬，今次揀左經典既豬肉配生菜。豬肉炒得好香口，辣椒同金不換大大提升香味，生菜都好新鮮👍🏻- 椰汁雞湯比起冬陰功，我更喜歡椰汁雞湯，入面有大量雞髀肉同秀珍菇，雞肉好滑身唔會過老，不過椰奶味唔算太香濃，味道唔算太辣幾適合香港人🤣- 馬拉盞炒通菜通菜炒得啱啱好，味道濃郁但唔會過鹹，份量好足夠。泰好記既午餐由11:30去到17:00，價錢抵到爛，我地叫左黃咖喱牛肋粒飯同海南雞飯🤩- 黃咖喱牛肋粒飯泰好記既黃咖喱幾甜完全唔辣，牛肋肉有五至六件非常多，肉質正常，入面仲有好入味既薯仔同洋蔥。- 海南雞飯海南雞肉質非常嫩滑，無骨食落好方便，飯唔係一般白飯而係油飯，粒粒分明，香口但唔油膩👍🏻總括三個字：泰抵食！

savour authentic Thai dishes 🌿 from flavourful curry 🍛 tangy tom yum soup 🍲 to succulent bbq 🍢 all prepared by local Thai chef 🐘香港旺角地道泰國菜 🌿 從香濃泰式咖喱 🍛 酸辣冬蔭功湯 🍲 到惹味多汁燒烤及串燒 🍢 餐廳由泰國廚師主理 🐘🍲 冬陰功海鮮湯（細） HKD$68酸辣開胃 香料濃郁 海鮮足料有大蝦 魷魚 鮮香惹味🍢 串燒三拼 （6串）HKD$108自選雞肉 豬肉 牛肉串 肉質有彈性外層燒到焦脆香口 沙嗲醬香濃🐖 燒豬頸肉 HKD$72外層焦香 肉嫩帶脆 配上醬汁 酸辣減膩 💚 泰式青咖喱雞 HKD$78香辣惹味 濃濃椰汁 配飯一流雞肉嫩滑 粒粒矮瓜 爽脆掛汁🥖 蒜蓉包 HKD$38有四大塊 外脆內軟 鋪滿蒜蓉配青咖喱汁 簡直絕配🥢 泰式濕炒海鮮河 HKD$78闊條河粉 煙韌掛汁 淡淡醬油滿滿蔬菜及海鮮 帶點燒焦煙燻 有鑊氣🥬 馬拉盞炒通菜 HKD$70份量十足 幼身爽脆 鹹鮮惹味 🥭 泰椰汁芒果糯米飯 HKD$68黑白糯米 粒粒分明 軟糯煙韌香甜芒果

旺角女人街出名多嘢食，今次呢間都係朋友介紹，話價錢親民，食物出色，所以決定一試究竟。二人套餐A：泰式木瓜絲沙律/青芒果沙律（2選1）泰式木瓜絲沙律：木瓜絲配辣汁，配料比較辣，適合食得辣既朋友。冬陰功湯/椰汁雞湯（2選1）：冬蔭海鮮湯：食得出香茅、檸檬葉、辣椒及魚露等材料，仲有4-5隻新鮮彈牙嘅鮮蝦，加上唔少秀珍菇、蕃茄，份量大概4-5小碗，非常足料，味道層次豐富。泰式炒椰菜苗/馬拉盞通菜（2選1）：馬拉盞通菜：嫩綠通菜加上惹味馬拉盞，經典配搭。菠蘿炒飯/泰式乾炒河（豬/雞/牛）（2選1）：泰式乾炒河，呢款河粉唔似港式咁幼長，係比較大塊，口感更佳，牛肉份量堪比河粉，而且炒得色香味俱存，味道都唔錯。飲品兩杯：由於依家既天氣實在太熱，兩杯都點左沙冰。青檸沙冰比較清新；泰式奶茶就泰國特色啲。沙冰口感順滑，消暑佳品。套餐以外，點了蒜蓉包，都唔錯，但應該配咖喱會匹配啲。套餐$299有沙律、冬陰功、蔬菜、主食、飲品，都算抵食之選了。

天氣熱辣辣，肥仔喺旺角行完街，想食啲酸酸辣辣嘅嘢開胃口啲，食泰國嘢就啱啦。見到泰好記呢間餐廳多人讚一於去試吓佢。🇹🇭泰式皮蛋沙律🇹🇭肥仔未食過泰式皮蛋沙律，所以叫嚟試吓。好鐘意呢個泰式酸辣汁嘅味道好開胃 ！皮蛋十分彈牙可口，成件事好清新好fresh。🇹🇭冬蔭功湯粉🇹🇭以柔軟嘅金邊粉搭配酸酸辣辣嘅惹味湯底，邊粉質感起具咬口，唔易折斷。湯底超多檸葉南薑香茅嘅湯渣，真材實料，份量極多，令人滿足！清爽口感與惹味湯底，完美重現泰國嘅極致美味！🇹🇭泰式香葉炒飯🇹🇭一上枱已經聞到，佢浸香味！確實係唔錯喎，非常惹味，而且肉碎肥瘦適中！十分接近香港人口味，唔太辣！不過如果可以辣啲就好啦！🇹🇭串燒三拼（豬/牛/雞）🇹🇭大大串，夠香夠惹味，一秒飛到泰國啊！🇹🇭菠蘿沙冰🇹🇭沙冰非常幼滑，菠蘿味好濃，唔會太甜，酸酸甜甜好啱夏天消暑飲。總結食物質素非常高，泰藉店員姐姐又靚又好禮貌又好笑容，值得再試。

同朋友一齊嚟咗呢間泰國🇹🇭餐廳諗住食個簡簡單單嘅泰式晚飯🤣；唔講得笑呢度真係客似雲來👍$168「燒鯽魚」：鯽魚都幾大條，冇打鱗、又搽咗啲鹽喺魚皮道先嚟燒，魚皮就會燒到硬硬哋，咁樣可以比較鎖住魚汁😋；仲加咗啲香茅同埋好似係南薑、蒜頭喺魚肚裏面🤩；魚肉肉質好鮮甜，夠juicy😋，又因為加咗香茅同蒜頭，加上鯽魚夠新鮮，所以冇腥味喎😋$128「海南雞半隻」：雞肉幾嫩滑，仲去埋骨，所以啖啖肉食得方便兼暢快👍，不同部位有不同口感😋；雞皮就更加滑，忍唔住食咗2/3塊😆；仲有一碟甜甜哋辣辣哋嘅醬汁可以要嚟沾雞食🤣$65「清炒芥蘭」：芥蘭菜🥬新鮮又爽脆，「清炒」簡簡單單，感覺健康，亦都幾好味🤩

👦🏻👧🏻兩個都好鐘意食泰國菜，呢兩年收藏咗唔少好食嘅泰國餐廳，今次介紹間經濟實惠又高性價比嘅泰國餐廳大家！泰好記由泰國廚師主理，侍應都係泰國人，入到嚟好似置身係泰國咁～ 泰式小食、肉類、海鮮、炒粉麵飯同甜品都一應俱全，所以我哋都好鍾意嚟呢度食！🔥辣椒膏炒大蝦 $268泰式辣椒膏食起嚟甜甜辣辣嘅感覺，食唔到辣嘅我地完全可以接受到！大蝦有4大隻，蝦頭多膏鮮甜爆汁，肉質口感爽彈，同泰式辣椒膏配合得超級夾！🥢金不換炒大蜆 $148粒粒大蜆洗得乾淨無沙，肉質飽滿鮮嫩，用金不換去炒令味道好惹味同豐富。🐷燒豬頸肉 $80豬頸肉未沾汁已經好有味道，燒到外脆內嫩，肉質鮮美，入口唔會好油膩。🐤燒雞 $128/半隻燒雞外皮燒到香脆，肉質滑嫩，唔會乾爭爭。沾上甜酸雞醬食，滋味十足！🥖蒜蓉包 $38搽咗蒜蓉醬同烘到脆卜卜嘅蒜蓉包，沾辣椒膏炒大蝦嘅醬汁食，真係一流！🥭椰汁芒果糯米飯 $68一半紫糯米同一半白糯米上枱熱辣辣，口感煙韌軟糯配上香甜椰汁同熟透嘅芒果，做飯後甜品好滿足阿！🥥椰汁沙冰 $30冰涼清爽沙冰打得幼滑，椰汁味濃郁香甜，整杯甜度剛好。🥥椰青 $40食泰國菜一定要嗌個椰青飲，滿滿嘅椰青水超級清甜！📍泰

旺角呢間泰國餐廳味道正宗，店員有唔少係泰國人，餐廳仲播住泰文歌，好有feel!🌟香葉炒肉碎飯 $88一人套餐套餐性價比十足！自選左香葉炒肉碎飯，呢款肉碎加左金不換、辣椒、豆角一齊炒，炒得好香好惹味，仲配埋煎蛋，呢個餸好開胃，送飯食真係一流🤤套餐仲送燒雞全翼，雞翼好入味，燒得好香😍加$8 可升級特飲——龍眼冰，龍眼肉超多超足料，飲落唔會太甜，味道正宗！🌟泰式蛋包金邊粉 $88金邊粉炒得有鑊氣，調味控制得好，酸甜惹味，唔似得出邊嘅金邊粉落好多茄汁，但又會過咸，撈埋花生碎食夠晒正宗。大蝦亦爽口彈牙🤤🌟小食拼盤 $80小食拼盤有炸蝦餅、炸雞卷、炸魚卷，全部都即炸，口感酥脆，蝦餅嘅蝦味濃郁，好彈牙，雞卷個皮超級脆，魚卷食落有冬蔭公嘅味道，好特別，好好食😍🌟椰汁芒果糯米飯 $68芒果甜中帶微酸，糯米飯係鴛鴦糯米，口感煙煙韌韌，加上香濃既椰奶，食完大滿足☺️☺️🌟椰汁珍多冰 $30珍多冰足料，有薯粉條同綠豆，味道唔會太甜。

平民價錢大大碟，味道質素不錯👍🏻食泰國菜必須要點生蝦，隻隻都肥美大舊，加上泰式辣汁非常惹味。炭燒豬頸肉燒得啱啱好，完全唔會乾啖啖肉👍🏻咖喱軟殼蟹配蒜蓉包簡直一絕，咖喱汁非常濃郁，軟殼蟹仲係脆卜卜，唔食辣嘅朋友都唔使怕，因為只係微微微微微辣👍🏻冬陰功椰子海鮮湯，酸辣椰香，非常多海鮮，配埋雜菌，好飲💕微度小辣。不得不提芒果沙冰，鮮甜芒果打冰，消暑油膩，唔會死甜。芒果糯米飯都唔使多講㗎啦，一定要食，另外斑斕三色糕係我最愛，食甜品果然係另一個胃😆兩個女仔都食到咁多嘢，就知有幾好食啦👍🏻🤣