泰好記

营业中

休息中

餐廳廚師及侍應都係泰國人，餐廳裝潢設計泰式風味，正宗泰國風情，我十分喜愛我叫左西瓜沙冰，辣肉碎煎蛋炒飯，馬拉盞炒通菜，辣雞炒河，其中我最中意西瓜沙冰同辣肉碎炒飯，辣肉碎加上香香嘅蛋汁淋係飯上面，混合辣肉碎配搭下，十分好味！其次辣雞炒河，河粉惹味，河粉粗幼適中，配上雞肉鮮嫩可口加生菜🥬底，健康又美味。馬拉盞通菜夠汁多，炸蒜蓉香脆可口，通菜新鮮，可值得再叫中午餐廳比較多食客多人，需要等位，如想唔等咁耐，建議十二點前到達。

旺角餐廳算是幾待客有禮既一間餐廳平日夜晚都排左一陣隊先入到去其間都有職員出黎招呼下 感覺不錯一踏入門口 全部職員都好好笑容 地方都算乾淨 坐得舒服食物都不錯 對得住價錢推薦馬拉盞炒椰菜苗 味道好正又唔會太好鹹冬陰公湯蒜蓉包極多蒜茸！唔會好似出面啲舖頭慳料燒側魚必點然後芒果糯米飯都好味 軟林林 不會硬崩崩！飲品方面亦唔算太貴 份量正常美中不足嘅就係個碗太細 匙羹太長太重 成日整翻個碗就有點煩人下次經過旺角諗唔到食嘜都會翻撻嘅

超满足的泰式风味盛宴！旺角必试的高水准泰餐体验。今晚在旺角这家泰式餐厅的用餐体验简直无可挑剔！从进门就被浓郁的东南亚风情吸引，装修充满异国格调，灯光温馨，服务员态度亲切，瞬间让人胃口大开。 菠萝炒饭绝对是招牌必点！金黄饱满的炒饭盛在新鲜菠萝中，酸甜果香完美融合虾仁、肉松和腰果，每一口都层次丰富，镬气十足。炭烧猪颈肉外焦里嫩，秘制酱汁甜中带辣，肉质弹牙不腻，搭配青木瓜丝超级开胃。冬阴功汤酸辣度平衡得刚刚好，香茅和柠檬叶的香气扑鼻，大虾和草菇吸饱汤汁，喝到见底还意犹未尽！泰式炸鸡翅外皮酥脆，内里鲜嫩多汁，蘸上特制甜辣酱更是一绝。最后是泰式通菜，虾酱炒得够镬气，清脆爽口，完美中和肉类的厚重感。整顿饭食材新鲜、口味正宗，性价比超高，绝对会再来尝试其他菜式！强烈推荐给热爱泰餐的朋友～

餐廳都幾多人幾爆。一班朋友聚會有四個小朋友。餐廳細心安排咗卡位再併長枱。價錢合理。適合多人聚會。推介豬手豬手軟嫩入味。皮Q肉香。皮超級好味，夠腍又彈牙，汁香滲透。感覺骨膠原滿滿。燒牛肉沙律：牛肉好有驚喜。牛肉夠腍夠香配泰式酸汁恰到好處。配上青木瓜、蕃茄、洋蔥等沙律，清爽之餘勁開胃。柚子沙律：柚子肉爽口帶微酸，拌花生碎、乾蝦及香菜，清新又開胃，是炎夏消暑首選。燒豬頸肉豬頸肉外焦內嫩，油脂分布均勻不膩口，配搭青檸與魚露特調醬汁，酸香提味。泰式併盤一盤多樣蝦餅，魚餅，炸雞翼。酸、辣、甜、香。一應俱全。蝦餅好香夠彈牙。泰式炒通菜菜清脆爽口，蒜香加上蝦醬提鮮，炒得火喉剛好。泰式肉碎煎蛋飯碎肉同泰式香料炒得香口，帶點辣夠惹味泰式濕炒海鮮河”河粉吸飽濃郁的醬汁，柔滑不爛，海鮮鮮甜。魷魚彈牙。泰式乾炒海鮮河：鍋氣十足。海鮮依舊鮮美但多了一份焦香。海南雞飯：雞肉滑嫩鮮甜。

午餐過黎食泰國野叫左 香葉肉碎煎蛋飯 ($60) 和 凍泰式奶茶 (+$3) 真心好好食 啲碎肉好入味 炒得好香但中午時段人流比較多 需要搭枱食飯總括然而，抵食 堅好食 會同朋友再返黎食

今日來旺角呢邊睇展，天氣太熱唔知食咩，出咗地鐵站，沒咩胃口就隨便入咗間泰餐舖，同朋友兩個人點咗一個豬髀飯，一個炒粉，仲有一碟涼拌雞腳，沒踩雷都好食😋食下食下同朋友開玩笑話又想假期去泰國玩哈哈。服務員質素都幾好，人均三頭六臂上菜速度夠快，食客唔會等太耐餓肚仔。午餐時間人氣都幾爆，我哋入得早少少仲有位坐，遲少少就要排隊等了。知道香港餐飲做得開唔容易，希望呢間店keep住啲出餐水準，長有長做，我哋都繼續有得食。

好吃！價格親民，菠蘿炒飯的味道令人驚艷，飯粒分明，讓人一口接一口。豬頸肉湯粉則是一道濃郁的湯品，湯頭清爽又富有層次，豬頸肉嫩滑多汁，搭配彈牙的米粉，讓我倍感滿足。最後，芒果沙冰是一種清新的甜品，冰沙口感細膩，芒果的香氣撲鼻而來，甜而不膩，完美解渴。

餐廳的裝潢典雅，融合了傳統與現代的元素，讓人感受到濃厚的泰國文化氛圍。服務人員熱情友善，總是面帶微笑，讓人倍感舒適。菜單上有各式各樣的經典泰國料理。我品嚐了冬陰功湯，湯頭酸辣可口，海鮮鮮嫩，讓人一口接一口。接著是綠咖哩雞，香濃的咖哩醬搭配嫩滑的雞肉，令人回味無窮。餐廳的價格也相當合理，性價比極高。無論是朋友聚餐還是家庭聚會，這裡都非常適合。強烈推薦給喜愛泰國料理的人，絕對不會失望！！！！！！！！！

今日同同事話想想泰國菜 係openrice 搵到呢間泰好記 就試下佢 食物👍好食好正統泰菜 服務很好 依家好難得搵到食物同服務一流既餐廳 而且價格合理！ 嗌了肉碎生菜包 泰式蝦醬炒飯 泰式平盤 泰茶及可樂 下次唸起泰菜一定再嚟！ 大家路過MK 可以一試呀！

泰好记非常的好吃哇！下午茶套餐经济实惠，冬阴功汤味道一绝！！！猪颈肉非常好吃！加特饮也只需八元，冻芒果冰沙，青柠冰沙，泰式冻奶茶！！！距离旺角地铁站非常近，超级推荐哦

其實一直都唔知西洋菜街呢邊有間咁大間嘅泰國嘢 入面仲要幾多位 二人卡位又好 多人座位又好 睇落都幾企理啦 有吓掛畫嘗試營造泰式氛圍 2個人晚市都有得坐卡位 仲要唔多人排隊食物選擇同九龍城嗰啲泰國菜一樣成本咁多 價錢都未去到特別貴 叫做正常中位？ 講起旺角好似真係唔算好多泰菜食 都幾分散 呢間咁大間又唔使等位 間中唔想煩 食一次都 OK ｜ 生蝦刺身 ｜比起一般嘅算係大隻口肉，食落肉質爽口厚實，蒜同辣椒比足點埋酸辣汁蝦味有鮮又開胃﹗｜泰式燒魷魚｜魷魚桶原條上啖啖肉， 整得啱啱好唔會韌｜蟹肉奄列 ｜好似幾多人都食呢款奄列，切開中間全部都係蟹肉 平時食蟹又唔鍾意拆蟹嘅你就啱食喇 ～本身就原味道啲 ，點埋醬汁食就幾夾喇 ｜炒椰菜苗｜椰菜苗份量都OK 味道都好濃好有鑊氣椰菜苗爽口索晒味﹗ ｜木瓜沙律｜木瓜絲切得好幼 食落清甜 連埋醬汁食好開胃，唔會太辣｜芒果沙冰｜芒果沙冰呢度都高質 芒果味係好自然唔假甜 冰冰做得綿密同濃郁 ！

📍🇭🇰朋友推薦嘅正宗又抵食嘅泰國菜餐廳即刻好有興趣試吓💓 🪵環境 一開始喺店外唔係好睇得明點解餐廳會無門口嘅😹原來係兩間店舖打通左🙀超級大間一入到去見到擺放左泰國神像擺設而牆壁就有好多泰風掛飾連收音機都係播住泰文嘅頻道🇹🇭好有去咗泰國嘅feel🤎餐廳入面有好多卡位坐，乾淨企理冷氣夠勁！好適合夏天☀️ 🥢食物 1.馬拉盞牛肉炒粉絲 ($62) 🐂一放上枱已經聞到好香嘅馬拉盞味🤩配料嘅份量好足夠！有牛肉，紅蘿蔔，芽菜，仲有好多雞蛋碎🥰食落去，馬拉盞味道好濃郁有啲未炒得均勻嘅會有一嚿馬拉盞醬，好好食🥳！牛肉都幾嫩滑，紅蘿蔔夠腍❤️ 2.香葉肉碎煎蛋飯 ($60) 🍳整體色澤幾唔錯👍🏼味道都調得好好煎蛋邊金黃酥脆✨中間係流心嘅配飯同肉碎食非常香口😋白飯嘅份量都好足夠🍚我諗就算係男士都會夠飽~唯獨肉碎較少肥肉夾雜，口感較靭同偏乾🙈👅飲品 🧡泰式凍奶茶 茶味同奶香味都好平均，唔會搶咗大家嘅味道唔會太甜，適合香港人嘅口味😋 🙋🏻‍♂️服務 店員哥哥服務態度好好，好friendly😄知道我覺得冷氣太凍，想佢關細啲嘅時候佢仲用講笑嘅語氣咁話 : 得！我知道你有咩需求！幫緊你幫緊你🤣仲有一位泰國姐姐都好有禮貌

餐廳擺滿泰國裝飾🇹🇭整體乾淨 價錢親民 各類泰國菜式都有 本menu成本字典咁厚😂▫️ 泰式蛋包金邊粉($88)黃金嘅蛋皮包住金邊粉金邊粉炒得好有鑊氣酸酸甜甜幾開胃但面頭隻蝦發晒黑好唔新鮮▫️ 珍寶蟹肉奄列($98)一切開蟹肉爆曬出嚟🦀加埋應該有成碗飯咁多🤯美中不足係雞蛋有啲過熟冇乜醬汁搞到乾爭爭咁▫️ 蒜蓉燒鮑魚仔撞正餐廳消費每滿$100就送蒜蓉燒鮑魚仔鮑魚仔超爽彈(˶‾᷄ ⁻̫ ‾᷅˵)▫️ 芒果沙冰($32)真芒果香甜清新 完全無假藥水味！▫️ 泰式奶茶沙冰($35)奶味會比茶味濃 勝在大大杯~┄┅┄┅┄┅┄┅┄┅┄┅┄┅┄┅┄

呢間泰國菜，環境唔算豪華，但係因為係由泰國人主理令你可以食到最地道風味嘅泰國菜 ★”`’-.,,.-‘`”-.,☆,.-`’`-.,,.-`’`★-.,,.-***泰式酸辣鳳爪** 入口帶少少酸辣，鳳爪爽滑而唔腍，食完開胃感爆棚～😋**🥬生菜包** 個豬肉醉調味辣度剛剛好，搭配新鮮爽脆嘅生菜，食落真係好清新，唔會太油膩，幾啱女仔食！💚**🦀必食推介：蟹肉奄列** 呢個真係 **必點之選**！蟹肉超豐富，奄列煎到啱啱好，外層香脆，內裡嫩滑，蟹味十足～每一啖都好滿足，真心推介！🔥🔥**🥭芒果沙冰** 甜度適中，芒果味濃郁，沙冰質感綿滑，好解渴，夏天嚟一杯真係透心涼～✨**🧋泰式凍奶茶** 濃厚嘅奶茶香配少少甜，仲有陣陣嘅茶味，呢杯真係完全符合我對泰奶嘅期待，飲完好滿足～❤️

最近同朋友去咗旺角搵食，揀咗一間泰國餐廳「泰好記」試試。餐廳位置喺旺角，交通方便，環境都幾舒服，座位空間唔算擠迫，坐得輕鬆，啱晒中午嚟食個悠閒午餐。我哋叫咗幾款菜，包括豬頸肉飯、豬髀肉飯、泰式鳳爪同泰式凍奶茶，全部都係經典泰國菜色。先講豬頸肉飯，份量啱啱好，飯係一球成型嘅白飯，軟硬適中，配上烤得香噴噴嘅豬頸肉，肉質嫩滑，帶少少炭香，肥瘦均勻，唔會太油膩。旁邊仲有啲生菜同青瓜，清爽解膩，仲附咗一小碟辣醬，微辣帶甜，點啲豬肉食好開胃。豬髀肉飯都唔錯，豬髀肉燜得好入味，肉質軟腍，醬汁濃郁，略為甜鹹，滲咗入肉裏面，連啲皮都好有彈性。旁邊仲有半隻滷蛋同啲青菜，滷蛋蛋黃半熟，入口軟滑，青菜清脆，成個組合好豐富，食落真係滿足。泰式鳳爪係我哋嘅小驚喜，鳳爪酸辣開胃，配料有紅蔥、青瓜同辣椒，酸味同辣味好平衡，鳳爪炆得夠腍，咬落軟中帶點咬口，啱晒鍾意食酸辣嘢嘅朋友。飲品方面，泰式凍奶茶係必試！奶茶色澤濃郁，茶味同奶香好平衡，甜度啱啱好，冰涼飲落好爽，仲有啲冰塊增加口感，喺炎熱嘅中午飲真係好解渴。整體黎講，泰好記嘅食物味道正宗，份量夠飽，價錢都合理，喺旺角咁旺嘅地方，搵到咁一間舒適又好味嘅泰國餐廳，確實係一