泰妹餐廳 (已結業)

近排在何文田工作，收工和男朋友近近地去黃埔逛街，主要都是連鎖食店，見這間泰國菜有二人套餐就進去。香葉肉碎生菜包夠香辣，味道送飯吃很好，有肉汁又有少少肥脂，香口之選。冬蔭海鮮湯的蕃茄味道很重，而且愈煲愈耐就很咸，其實應該少一點的火就不會過咸，而湯渣很豐富，蝦又大隻又有鮮味。魚餅和蝦餅都不算太油，味道亦幾濃，魚餅味道突出啲。泰妹無骨海南雞半隻夠三個人分享，雞肉鮮嫩，是值得一試，不過油飯要另外點的。脆炸雲呢拿雪糕多士外皮夠香脆，中間的雲呢拿雪糕又冰凍，外熱內凍，幾特別。二人餐份量是足夠，不過建議加白飯和蔬菜。

先祝各位開工大吉。人日返工，晏晝梗係跟同事食啦，見到呢間新春新開張，決定一齊食下，點鬼知中伏，真係唔想幫佢開年都唔得。由服務至食物質素，一概唔掂。最平午餐都要$58，而且係難食 😱 首先，服務實在令人驚奇。明明目測最少四張吉枱，但仲比飛要我地等十分鐘，然後負責分座果位服務員就喺度慢慢收銀，我地問其他服務員，佢又話要問番分座果位，咁即係點？即係明明有位又要企喺度白等囉。😡入座後我嗌左香葉肉碎煎蛋飯 （$58）。個賣相已經夠衰架啦，飯唔熱，肉碎鹹到癲，拌飯都太鹹，搞到唔知食唔食好。然後又唔知點解泰國菜用日本珍珠米，好怪～ 到底我食緊咩？同事食沙爹串燒雞飯，串燒得個兩串，配菜就少到可有可無，見到個賣相令人覺得好淒涼。最後佢真係食完唔飽... 慘豬脾飯算份量多番啲，但份豬脾就抄到散晒一坺咁，見到就唔開胃。同事話味道好一般。算正常少少嘅只有青咖哩雞飯，因為夠熱。不過碗野汁好稀，而且汁多過料，成碗湯一樣。同事話味道同超市咖哩湯包煮熱無太大分別，煮麵會更好。聽到都無言啦，係咪先？飲品就要左兩杯青檸水，兩杯泰式咖啡。青檸水嘅青檸本來已經好細粒，點知餐廳仲要比得薄薄兩片，薄到紙咁，所以同飲唔熱嘅滾水無分

book左台，去到係門口等左一陣就安排入座，叫左4樣食物，等左30分鐘先上菜，食物的份量極少又貴，例如一串雞串只有4小片收$18，炸蝦餅只有4小塊收$58，馬拉盞炒椰菜苗極之重口味，泰式金邊粉的配菜不新鮮。。。相比之前食過果間金X真係差天共地，中一次伏以後唔再去。

今日中午一點十五分兩個人一齊食中午，入坐後叫左2個lunch set+2杯梳打，Total 130。之後過左半個鐘未上任何菜/飲品，職員忽然俾張新單，加左3樣小菜變左Total 184，即刻同職員講我無加任何小食，然後佢地一副“下”既樣，跟住施施然走去隔離枱問係咪加左單，之後無再更新過張單俾我地，咁我地唯有keep住最開始張130單係手。之後將我地叫既飯上左去隔離枱，隔離枱話唔係佢地，我地好心同個職員講碟飯係咪我地枱，其中一個男職員大大聲話「唔係你地，等等啦！」之後職員收走碟飯然後係後面話「喂，真係佢地（我地）果枱」，先再拎返碟飯俾我哋。我哋叫左兩個飯，第一個已經上錯俾隔離，第二個又係好似頭先咁又上錯俾隔離。之後上左隔離d小食過黎，兩杯梳打等左半個鍾先上。然後我見佢地似係將我地同隔離枱d單打埋一齊亂晒，好心問個職員依家我手上130張單係咪岩，你地無再更新俾我地，我唔想陣間俾錢又要煩。佢哋淨係話我手上果張最新。老實講，我手上呢張係最舊喎，佢哋堅持係最新。總之好彩到最後埋單張單金額係130不過唔會再去食，服務質素太差

新開張的泰國菜快餐，午餐也有不少選擇，大約$40一個餐，有餐飲，可用$18加個小食。我選了青咖喱雞飯，我覺得味道不錯，有點辣的，雞肉也很嫩滑，襯上白飯可以吃光光的。另點了炒金邊粉，不過覺得有點過油，食上來只感覺得酸和油，有點失色。$18小食，只有2隻雞中翼。價格太貴，而且味道好像家中焗的一般。。。泰式奶茶是。。。另人失望的。沒有泰式奶茶的特別茶香。。。可以不點。青檸水就最安全！ 紅磡少泰國快餐，所以我覺得大家可以一試！

黃埔開左新餐廳!! 個樣好似唔錯今日我哋叫咗去骨海南雞飯, 同埋泰式炒金邊粉味道都幾好! 不過個侍應好似懵下懵下咁樣 港式奶茶就落成泰式奶茶雖然有得揀港式奶茶都幾開心… 但係佢杯港式奶茶唔係幾好味茶味太重佢杯泰式咖啡味道比較淡冇乜泰式嘅感覺海南雞飯同炒金邊粉味道都好不過份量就少啲唔知係咪因為係午餐嘅緣故炒金邊粉唔太油, 又唔太乾, 恰到好處海南雞飯飯有椰香味, 不過隻雞就唔係好夠肉, 但就幾滑總括黎講, 可以再試!!

自從金不換撤出黃埔之後，紅磡黃埔附近比較大間的泰國餐廳只剩下金舫，但水準可不能有太大期望，終於有一間新的了，個名幾好記，先試個午餐測試一下，還未點餐，已經聽到隣座大叔大嬸連番跟店員投訴，新餐廳出單效率不夠快差不多是必然的，不感意外，但說啲飯是隔夜飯，這個就有點新奇了😲。有一點不理想的，就是要客人撘檯，更不好是仍然有很多空位的時候就已經要搭檯，大家可能要有心理準備了，我也見到有客人因此而離開了。還是食物最重要，我一向對泰式豬手情有獨鍾，這𥚃不過不失，但切的比較碎，影響賣相，飯用了珍珠米，之前投訴的大嬸可能吃不慣吧，加了魚餅和春卷，魚餅不錯，正宗，春卷顯然是炸了一段時間了，但還算脆的，不油膩，只不過一碟小食要加$18似乎不太相宜，泰式咖啡跟其他泰國餐廳一樣，就是像比較甜的涼茶多過咖啡，整體而言，無甚驚喜，和金不換不同級別，和金舫差不多，不過價錢已經反映出來了，只是我期望太高，不過一個泰妹都見唔到，這個就有點失望了😓

黃埔又有新食店開，馬上去食過午餐先！店內裝修明亮，環境氣氛優閒，有部份地面舖上七彩圖案地磚， 色彩奪目！ 座位舒適， 枱與枱之間，不會太近， 感覺良好！泰式蝦炒金邊粉， 大大隻彈牙爽口蝦配配小量切絲豆腐乾， 味道帶甜有蕃茄味， 好醒胃😋。 泰式去骨海南雞飯， 香滑無骨雞件， 食落啖啖肉，配雞油飯， 並不油膩 ， 值得一試。午餐加$18可選1款小食，有雞翼，魚餅及炸春卷任擇。 春卷鬆脆， 魚餅好香口，熱騰騰上枱， 聞到陣陣香味 。凍青檸梳打及熱青檸水，解渴之選。新店剛開業，有些飲品暫未有供應， 如果有齊就可以多個選擇啦 ！

放工同朋友走左去黃埔一趟, 順便搵個地方食埋Dinner先走~經過見到呢間食泰國菜, 望入去人流又幾旺, 抱住一個應該唔會中伏既心態入去開餐。食物款式都幾多, 而且冇加一, 價錢亦很合理, 其中二人餐最合我心水, 款款都係我食泰國菜必點!於是我地就order左個二人餐, 套餐唔包括飯麵, 所以我地額外叫多左個油飯 HK$12先送上無骨海南雞半隻色澤金黃, 沒有肥油層連帶, 肉質幾嫩, 附上三款海南雞醬汁, 不過醬汁比太少 (但可以再免費加), 整體係唔錯!油飯帶少少濕潤, 不過油香味唔太出蝦餅 香茅雞翼雙併小食, 蝦餅較為失望, 雖然表面脆, 幾鮮甜, 但唔太彈牙香茅雞翼 有驚喜, 金黃表皮, 脹卜卜, 內裡KEEP到豐富肉汁, 仲有清清香茅味, 正!香葉肉碎生菜包生菜包都值得一試! 肉碎都幾多, 酸酸地帶些少辣, 包上嫩綠清翠蔬菜, 清新中帶少少辣, 同時亦滿足口感層次!冬蔭海鮮湯熱辣辣上檯, 有小火興住, 入面有大量秀珍菇同埋開邊大蝦, 份量有4碗仔, 味道酸味味又辣辣地, 不過飲多幾啖就嫌味道濃至過鹹 泰式奶茶味道不算正宗泰式, 茶跟奶比例剛好, 不會太濃太甜, 幾好飲丫~最後送

黃埔多野食就係人都知，但喺附近返工，每日都要諗去邊食其實都好困難，最近泰妹開張，終於有間泰國菜喺公司附近，一路都好想試下，但每次去到都真係好多人，一個鐘既食飯時間真係唔能夠等太耐，今日早左少少出去，去到雖然滿座，但好快就有位，終於可以試新野。青咖哩雞飯賣相普通，但一黎到就有好勁既椰香味，個青咖哩汁都幾creamy，雞肉份量都唔少，而且都算滑唔鞋口，除左雞之外，仲有好多泰國茄子，味道都唔錯，可惜食物唔夠熱，飯只係暖，應該係廚房整完之後放左一陣先拎過黎，可能始終店舖新開，唔係好夠人手，而且店員都比較生手，但食物味道唔差。青檸梳打唔係好夠青檸味，反而覺得甜，如果再加多幾片青檸會較好。總括黎講，餐廳裝修望落去幾舒服，職員可能比較忙同生手，所以都無乜笑容，但都可以接受; 價錢方面都算係正常，要知道喺黃埔食飯，好味又食得飽既話至少都要$60-$70，呢度既套餐大約$55-$70，包飲品仲要唔駛加一服務費，其實都算抵; 食物方面，其實味道唔錯，不過真係唔夠熱，希望佢地可以增加人手改善下，又或者店員做得熟手之後，啲食物可以出得快啲，唔駛等咁耐啦!

不知所謂！ 我同同事食lunch, 1212 入單， 到宜家 1250 先有野食， 不斷問餐廳職員，佢哋話幫我追，其實如果第一次追單係因為漏單，再整過，都唔使半個鐘。 所以我質疑啲職員係咪真係有幫我追單！ 結果要問到manager ，都仲要等多10分鐘。 另外， 期間有個伯伯， 都係等左好耐，同樣都係有叫 職員 追單， 結果都係等唔到， 要 站起身， 先有人 理佢， 個伯伯係揸住 拐杖 ！！佢都係等唔到 ，就去左 唔再等。食物質素OK，但係嘢飲就差 ，叫咗杯熱檸水，竟然係得一塊青檸！ 飲落去完全無味， 感覺好似係俾咗啲食完海鮮，用檸檬水洗手 嗰啲水比我。 有圖有真相。我啲同事叫青檸梳打同埋檸檬茶,都係得壹塊.最好笑係，我哋埋單，竟然見到個manager 逐張order 單入緊，好明顯係佢哋 個 order system 問題，搞到廚房冇單。 我真心覺得， 不如呢間餐廳 ，呢 職員 同 system 未 train 好，就唔好開門。

一行十人，開張無耐23/1已打電話去book 27/1星期日7:00枱，星期五打來confirm 26/1星期六booking，我就話唔係喎，係27号星期日先啱。佢話ok!咁我就當然係信佢架啦。。。點知27/1 6:45落到去竟然話仲有15分鐘你行吓先，朋友話見到剛有幾枱入左去根本唔會15分鐘後有位。同門口阿叔講多兩句，佢先話over book左同事唔知到，一係可以分別坐喺餐廳內的距離頗遠的兩張枱。。。其實我打去book枱時已問了有無切餅費同會帶蛋糕過去問心，如果你係去慶祝生日又book左枱，係咪應該預期會十人坐埋一齊結果朋友老公馬上去左另一間餐廳搵位，幸好最後喺蔡瀾搵到另一間餐廳Over book可以同客人講無得訂，而唔係要我們拎住個生日蛋糕走來走去未食就一肚氣

今午和另一半來到黃埔商場買東西。行累了，肚子餓了，就來到附近的餐廳吃午餐，眼見泰妹門外食客甚多，那就取票試試吧！倆口子點了倆個午市套餐，另加小食嚐嚐!冬蔭海鮮湯金邊粉，冬蔭公的湯底辣度剛剛好，配料有鮮蝦、長腳蟹棒、青口、魷魚，配料充足。蛋黃黃咖哩軟殼蟹飯，賣相吸引，企身的軟殼蟹炸得香脆，又不會過硬，黃咖哩配蛋黃，份外香醇。香茅雞翼，雞翼肥美，加上香茅醃製後煎熟，可口美味。蜂蜜洛神花茶，洛神花茶本身酸味較重，但添加蜂蜜調味後，那種酸味變輕了，更容入口。整體食物不俗，價格也相當大眾化呢。

平日要食似樣的船麵要去別區. 知道最近在黃埔花園新開的泰國菜,所以午餐時間來試試. 可能新開吧, 幾多人等位. 大概二十分鐘有位. 午餐選擇都算多元化, 十幾種choice有飯有麵. 當然這次目的是船麵. $55包飲品價位算可以.上枱賣相算唔錯. Size唔細,有肉有丸有豬皮. 但是,一喝湯就知伏...似味精湯嗎?跟好湯底完全沾不上邊. 豬肉不好吃, 豬潤又乾又鞋又帶點苦,肉丸也沒特別. 唯一正常是豬皮,脆脆的冇下次啦...