泰寮泰菜館 (已結業)

上次嚟呢間~好似係半年以上了~今次嚟都係食tea~平呀ma點知佢加左價wo~都ok啦~17-26蚊~都係好合理的tea set未食lunch的我~真係好肚餓~見到旁邊嗰枱的金邊粉咁細碟~諗住叫多份扎肉三文治~食唔晒先拎走金邊粉...........................係好酸...好軟軟得嚟又一堆咁...........唔知想點咁...不過好滯......所以食唔落個三文治了留返明天做早餐吧~扎肉三文治唔係度度都有嫁ma~then~諗住連埋佢杯餐飲拎走啦~叫左可樂~而佢的可樂係樽裝的呢個時候~茅招就出來了我話: 唔應俾個袋我~同埋個可樂用杯拎走呀個泰肥姐: 唔得嫁wo~唔可以拎走我: 咁我點呀~食唔晒哦~我掂都未掂過份嘢~我唔要啦肥姐: 唔可以嫁wo我: 咁你想我點呀肥姐: 寫明只限堂食...(d細字仔真係有寫.....唉)我: sorry~我見唔到~而且我一個女仔叫2份~你d同事又唔同我講清楚肥姐: 唔知wo~寫明嫁啦我: 咁拎走正價幾多錢呀肥姐: 加4蚊我: 乜話???then...佢走左...係~佢走左~冇等我答...佢走左...好...我: 埋單~4蚊我咪俾law..

如果覺得城市廣場d 野唔好食或者太貴...過黎希爾頓中心搵食都唔錯有親戚食過好食帶我黎食..... 六點幾門口已經有人係出面等...一入黎就比一籃蝦片你...不過唔好以為係送...係有比錢的....所以如果唔想要要同佢講我覺得唔係咁好味....可能我食慣印尼蝦片@@~之後我地叫左三個小菜芋頭肉碎炒飯好味...芋頭同肉碎又夠多....如果唔鐘意菠羅炒飯o既人可以食依個...燒雞都唔錯...見佢個汁咁紅以為會好重味...點知原來味道岩岩好....!! 燒得好而且無雪味!最後焗青口係普通野....但我覺得芝士唔夠多...不過一碟有成10隻都好抵呀...而且都好大隻!!!有機會會再黎食多野!!!

最喜歡閒日出街行，唔駛逼又有抵野食，今次就0係一田行完，就過去希爾頓食d野，點解唔索性一田那邊食?因為以前沙田做野時知道呢邊下午茶抵食囉~都好耐冇食泰國野，就揀左呢間，因為見到d下午茶set真係好抵，十幾蚊都有野飲送(淨係熱飲，不過天氣凍就0岩0岩好啦~) 我入到去自己可以隨便揀位坐，因為得5、6檯有人咋，閒日真係大把位 我以前做野時都食過一次，等位要等幾耐架﹗因為特登揀星期三有八折先去，之但係我叫d野要等好耐先黎，搞到同事都食飽哂睇住我以極速倒入口咁食囉真係幾難忘，每次諗起食到不知其味咁食都覺得好慘，不過今次應該唔會卦我叫左泰式豬扒河+熱奶茶，15蚊咋﹗最抵係呢set~奶茶好快就黎，但係我見杯野顏色勁淺，勁多奶，試左一啖簡直覺得冇乜茶味，我就即刻招手請waitress換過一杯少d奶，跟住估佢唔到0既係，換黎0既係茶同奶分開上，好似d西餐廳咁，waitress語氣唔係咁好咁話「下次記得叫分開上呀」，呢個係似泰國人0既waitress，但同我點菜0個個姨姨就好和藹可親~我見杯茶d色一d都唔深，唔怪得冇乜茶味lu所以只係將少半杯奶倒入茶度，d色已經好淺喇~一飲，OMG!!似奶水囉加左糖都

難得放四日假，一定唔可以虧待自己個肚仔，已經係連續第三晚出街食飯。今晚想食泰國菜，所以特登由大埔走去沙田間泰寮。好多人都話食泰國菜應該去九龍城，不過九龍城真係太唔就腳，而且好多餐廳都又迫又有D污糟，所以寧願去泰寮。好好彩，一去到就有位。我地叫咗原隻菠蘿焗飯、燒豬頸肉、泰式鐵板蠔仔同埋細冬陰公。原隻菠蘿焗飯($58)：我諗其實係將菠蘿炒飯塞落個菠蘿殼度。不過都幾好味，炒飯甜甜地，炒得啱啱好，唔會太淋。有D菠蘿粒，有三隻蝦，有幾件雞同魷魚，呢個價錢算係足料。燒豬頸肉($38)：次次去都食，因為燒得香口，外面脆、入面嫩，個泰式醬酸酸地辣辣地，好味！泰式鐵板蠔仔($48)：其實係蠔仔炒蛋，都幾大碟，好多蠔仔，不過就比較淡味，同埋有少少未溶嘅粉漿。細冬陰公($58)：全晚最好味！我地都好怕辣，不過呢個冬陰公湯就啱啱好唔會太辣，又酸酸地，好開胃！呢餐我地都好滿意，不過兩個人叫得太多嘢食，只係食到一半，攞返屋企聽日晏晝食啦。

跟媽媽慶生，她鐘意食ｔｈａｉ菜，但本人不太喜愛，但都可接受，沙田泰菜地方不多，有新開的一間係新城市（之前都食過，幾好），想再試試另外一間睇下點，媽最後選了這間泰寮。一坐低，就遞上比左兩杯熱茶及一盤蝦片，幾惹味呢，因為辣辣地，又香脆，越食越滋味~不過盛惠你$10一盤媽咪拍板二人套餐有：１．馳名大蝦冬陰公湯（細）－很酸且少辣，有大蝦一只係個湯裡面，而且仲有好多蘑菇，幾足料呀２．泰式火鳳凰（半只）－醬有ｄ咸，雞就麻麻地，可能真係比ｄ醬影響左，咸過頭３．蒜子胡椒蝦－幾香口且好好味，因為佢炸烤得幾入味，鋪係面既蒜子燶得黎係好味，唔會話食到好燶味，之後我放左入青木瓜沙律到送菜４．兩碗白飯－都幾大碗，唔係平碗５．甜品〔竽頭粟米西米露〕－幾甜下，而西米露又唔會煮得過林，但暖暖地，應該凍食好食ｄ另叫了一個appretizer青木瓜沙律－青木瓜切絲，食落似蘿蔔，略為硬身，再加埋一ｄ芽菜同花生、大大塊生菜，酸酸咪咪幾開胃，且叫了少辣，都不錯！：不斷斟水及收碟：伙記５－６點剛剛食完飯，好似有ｄ眼訓，好似唔想招呼客人埋單都係220齊頭～

星期日的下午原來都有下午茶，而且價錢相宜，又有我想吃的冬陰功湯粉，就不用多想了。我倆不知是幸運還是不幸運，坐到了最後一張桌子。我倆快快落單就在等吃了，怎料比我們遲來的都在吃了，我們才發現勢色不對，果然是漏單了。又等了等，我們的食物才上來。我的扎肉冬陰功湯河，不太辣，酸酸的，我覺得很對我口味。而河粉又是粗身的那種，只可惜太碎了。扎肉切得很薄，不過才二十多元就不太介意了。男友吃的是燒豬頸肉三文治，賣相一般，味道更一般。豬頸肉並沒有燒過的香味，而幸好三文治有烘過，才不至於難吃。跟餐還有飲品，一般的凍飲不用加錢，以價格來說可以說是超值了，但要我們等了那麼久，又真的有點不服氣啦。

尋日同男友家人去泰寮食晚飯, 慶祝佢爸爸生日,雖然睇左食評見倒有d人話佢退步左, 但係沙田無乜泰國菜選擇, 所以都決定黎試下~服務方面, 無得book位比較麻煩, 我地一早黎放低生日蛋糕都唔比book定位, 一定要黎攞飛等位。而且店內服務員又真係幾不足, 唔係好夠人手~不過落左order之後d食物都好快到, 所以影響都唔太大~食物方面, 我地5大人1小孩, 叫左一個四人餐, 加多一條魚, 兩個椰青四人餐有︰小食拼盤 - 串燒一般, 炸蝦餅好味雜菜煲 - 幾好味蝦膏炒飯 - 幾好味青咖喱豬肉 - 咖喱幾好味, 不過用肉片就爭少少牛油蒜蓉焗大蝦 - 推介, 好好味, 好香, 而且平時唔鐘意食膏o既我都食曬成隻蝦, 連d膏都清埋 : ) 好想再食~加多條魚︰ 芒果xxx炸魚 - 芒果味好重, 我bf家人覺得太酸, 我反而覺得味道ok, 而且d魚炸得好脆, 不過d魚炸完都係有骨, 食起上黎唔係太方便...椰青 - 都算ok, 不過無乜肉食~四人餐$388, 條魚$11x, 椰青$20@加埋一, total食左六百幾蚊,總括黎講都幾好味, 會考慮再去食下次都一定會叫焗大蝦

星期日，同公公食午餐特登去到沙田食，就番公公，點知去左間失望餐廳講下菜式先冬蔭功，一d都唔熱，岩岩上(木台)出黎，暖的，冬蔭功唔熱跟本唔正~咖哩都做得還可以~通菜同串燒都係一般野~蒜蓉包就完全唔得，叮熱出黎，仲慘過麵包廊的~總結呢間野係平均分以下

因為得閒就會食下~~所以介紹一下佢地d food~~但因為無影相...so只可以講菜名啦~呢間野夜晚都多人等位架~service都唔錯~~有時係忙d~不過有d幫手執枱個d嬸嬸新請番黎架...就態度麻麻地啦~~~試過佢地既好食食物有:泰式炒米粉----------好好食~~加埋d泰式調咪料有另一番風味~冬陰功---------一向少飲既我只係會飲呢間既冬陰功炒雜茶---------好好味飛天通菜-------------好好味豬頸肉-------------唔錯curry 雞/豬/牛------------------都好好食~建議可配搭白飯撈汁~~正mango糯米飯-----------------好食甜品,因為係糯米飯,所以都會好飽~如果食到咁上下full就唔好叫啦~哈哈綠豆布甸----------------都幾特別蠔餅-------------都係平時少食既我都會食~哈哈反而佢d咩咩炒飯個d就一般,牛串.蒜容包.小食個d就麻麻啦~所以通常去到都係叫上面個d~price都ok~~6個人叫滿晒都係$2~3xx*****另外，佢d tea set都幾抵架~*****同埋佢好似逢星期三都

趁老公豬放假，難得豬大人點名要食呢間，咪同佢食一次囉！原來隻豬為左碗冬蔭功而來。初時見到碗野紅得好緊要，我仲擔心會好辣……點知飲落口，酸酸地幾有曼谷風味，唔算辣。隻豬仲可以一個人飲晒碗冬蔭功！要講辣，反而係泰式鳳爪。辣椒唔多，但大量生蔥生洋蔥，夾埋D味辣到呢……不過算幾好食啦。至於午市套餐既海鮮炒飯，不過不失，飯有D濕。最後係侍應問題。我唔覺得侍應不足，但問題係服務太慢囉！冇人帶位，隔離張枱走左成十分鐘都冇人執碟執枱，好奇怪囉！

有一日同朋友們逛沙田﹐ 9時左右覓食﹐ 因為新城市各食店都要排隊﹐ 所以就行到希爾頓中心﹐ 見到呢個商場有兩間食店﹐ 一間以中菜為主﹐ 另一間以泰菜為主最後我地決定試泰國菜﹐ 即係泰寮入到去﹐ 就覺得人手嚴重不足﹐ 等左好耐先有有幫我地執檯﹐ 搞左一輪之後就order左4人份量嘅set dinner雜菜煲﹕ 所有食物中﹐ 呢個算係最正常﹐ 但係D菜切得好細粒﹐ 而且D菜份量好少﹐ 粉絲就好多﹐ 似粉絲煲多D蝦膏炒飯﹕ 呢個炒飯都ok﹐ 不過炒得唔勻﹐ 大部份飯都食唔到有蝦膏味﹐ 但我個fd就食到一啖好鹹﹐ 好重蝦膏味既飯青咖喱雞﹕ 味道怪怪地﹐ 而且D雞肉好少﹐ 好細件蒜蓉焗大蝦﹕ 一開二﹐ 有6件蝦﹐ 其中兩件蝦應該死左好耐或者雪左好耐﹐ 因為D肉霉霉地。其實仲有個拼盤﹐ 呢個都算ok﹐ 但有D肉係外面熱﹐ 裡面仍然凍﹐ 應該係整定左﹐ 之後有人order就再翻叮。整體呢講﹐ 呢間泰菜館質素真係麻麻地﹐ 可能我去既時候都夜﹐ 廚房都差唔多收爐﹐ 所以就冇乜心機去整啦

一坐低，桌上就有一盤蝦片，而且幾好味呢越食越滋味~埋單時才發現，原來收$10一盤叫佐個冬陰公湯，酸辣味適中，十分迎合香港人口味，用料尚算十足香草炒飯，芬芳濃郁的香草味實在令人垂涎三尺不過，看來餐廳不太夠伙記招呼顧客.....

上星期六同男朋友2個人去食tea門口有多人等飛叫飛o個個人好好笑囉我16號 一直企係門口附近等到佢叫啦..."14號飛 , 15號飛, 16號飛 , 17號飛"佢可以叫1次就劃左16號....即係點...我地不是拎左飛嗎?但係14,5,7號都入哂去....同佢講完之後又要等多陣先入到去好,講返d野食豬頸肉冬陰公烏冬(茶餐) : 完全不辣 基本要有的"辣,香,酸,鮮" 佢只有酸....春卷 : 入面有d粉絲 炸得有點過火 泰式乾炒牛河 : wa....咪同茶餐廳炒的一樣....點泰式法.....香葉包雞+蝦餅+蒜容包(茶餐) : 普通la... 但係d包就"淋"左d....可能係tea time 都係100蚊有找服務方面佢地人手很不足 見到d人揮哂手 都無人理=.=

爸媽公眾假期來沙田玩，晚飯想食泰國野。冬陰公- 唔夠味，而蝦亦唔夠新鮮。鐵板蠔仔蛋- 夠多蠔仔，香口。青咖哩魚- 青咖哩不錯，但魚的炸粉太厚。蒜蓉包- 只得4小片，而且似翻叮。火鳳凰- 失望，醬汁過多過甜，雞肉鞋口。菠蘿海鮮炒飯- 炒飯算乾身，不過不失。泰式炒米粉- 不錯。女侍應話因為試過有人食生蝦刺身不適，所以不再供應。P.S. 依家東亞咭滿$200有85折。

尋晚同BF夜晚突然好想食泰國野.又唔想去九龍城所以就泥依度喇.一入到去.就有個嬸嬸招待我地.佢服務好好.但係其他就MAMA地喇.同BF叫左個$178 SET DINNER.有個小食拼盤.飛天通菜同海鮮炒飯我BF已經係大食.但依個SET對於我地都太多喇個炒飯就不過不失啦.普通貨色個飛天通菜就幾好.幾惹味.唔太辣,.到左個拼盤.都幾多野食.有4串串燒.2個章魚餅.2個蝦餅.同2條春卷.都幾好味呀.特別係D沙o爹汁.!我同bf仲叫多左杯龍眼冰同汽水.杯龍眼冰對於我泥講太甜喇.但都幾香圓肉味.total埋單:$23x我個人覺得就貴左d啦.就都算唔錯.