影片
更多
2009-01-09
3 浏览
最喜欢闲日出街行，唔驶逼又有抵野食，今次就0系一田行完，就过去希尔顿食d野，点解唔索性一田那边食?因为以前沙田做野时知道呢边下午茶抵食啰~都好耐冇食泰国野，就拣左呢间，因为见到d下午茶set真系好抵，十几蚊都有野饮送(净系热饮，不过天气冻就0岩0岩好啦~) 我入到去自己可以随便拣位坐，因为得5、6台有人咋，闲日真系大把位 我以前做野时都食过一次，等位要等几耐架﹗因为特登拣星期三有八折先去，之但系我叫d野要等好耐先黎，搞到同事都食饱哂睇住我以极速倒入口咁食啰真系几难忘，每次谂起食到不知其味咁食都觉得好惨，不过今次应该唔会卦我叫左泰式猪扒河+热奶茶，15蚊咋﹗最抵系呢set~奶茶好快就黎，但系我见杯野颜色劲浅，劲多奶，试左一啖简直觉得冇乜茶味，我就即刻招手请waitress换过一杯少d奶，跟住估佢唔到0既系，换黎0既系茶同奶分开上，好似d西餐厅咁，waitress语气唔系咁好咁话「下次记得叫分开上呀」，呢个系似泰国人0既waitress，但同我点菜0个个姨姨就好和蔼可亲~我见杯茶d色一d都唔深，唔怪得冇乜茶味lu所以只系将少半杯奶倒入茶度，d色已经好浅喇~一饮，OMG!!似奶水啰加左糖都
都好耐冇食泰国野，就拣左呢间，因为见到d下午茶set真系好抵，十几蚊都有野饮送(净系热饮，不过天气冻就0岩0岩好啦~)
我入到去自己可以随便拣位坐，因为得5、6台有人咋，闲日真系大把位
我以前做野时都食过一次，等位要等几耐架﹗因为特登拣星期三有八折先去，之但系我叫d野要等好耐先黎，搞到同事都食饱哂睇住我以极速倒入口咁食啰真系几难忘，每次谂起食到不知其味咁食都觉得好惨，不过今次应该唔会卦
我叫左泰式猪扒河+热奶茶，15蚊咋﹗最抵系呢set~
奶茶好快就黎，但系我见杯野颜色劲浅，劲多奶，试左一啖简直觉得冇乜茶味，我就即刻招手请waitress换过一杯少d奶，跟住估佢唔到0既系，换黎0既系茶同奶分开上，好似d西餐厅咁，waitress语气唔系咁好咁话「下次记得叫分开上呀」，呢个系似泰国人0既waitress，但同我点菜0个个姨姨就好和蔼可亲~
我见杯茶d色一d都唔深，唔怪得冇乜茶味lu所以只系将少半杯奶倒入茶度，d色已经好浅喇~一饮，OMG!!似奶水啰加左糖都系补救唔到d咩，就算再换都唔会有咩唔同，我已经死左心-->唔饮
呢个时候个河黎到，个样几好架﹗我先夹起一块猪扒试，um...几「鞋」，不过总算有d泰式野0个种香料味，d河粉好粗，不过好碎，用对即弃0既木筷子夹真系有d吃力呢anyway，食完都可以填饱个肚咁啦~
我记得上次黎有纸巾，今次冇，唔通节省成本?
呢度有个女子系著住成套泰国服饰架﹗睇个样都似系泰国人，唔知系咪老板，佢同语气唔系咁好0个个waitress好似熟d，我去cashier埋单时，已经有人等紧，因为cashier竟然冇人，而佢地两个仲施施然咁推黎推去0系度倾偈，最后那疑似老板先过黎帮我埋单，咁0既服务态度要改呀﹗
张贴
