泰廚房子 (德福廣場1期)

营业中

休息中

今日係7月12日星期一，又到lunch hour 的時間，突然間今日想食泰國嘢喺九龍灣有一間泰廚房子，咁就入去試吓啦入到去我哋坐埋一邊咁我就叫咗個泰式醉貓炒河（豬頸肉），冬陰功湯河金邊粉兩個都包左一杯泰式飲品咁我就帶咗個熱金橘青檸，而我朋友嗌左個凍柑桔青檸，先講講我嗌左嗰個泰式醉貓炒河先，佢一放上枱上我已經聞到震震香味，同埋佢呢個河粉呢係俾我哋普通香港嗰啲河粉係比較粗身起碼一倍咁個口感幾特別幾有咬口如果豬頸肉呢都好豬頸肉味，呢個河粉好好味如果朋友嗌嗰個冬陰功湯河金邊粉，佢都係好香又唔會太辣都好好味

Lunch time有點趕, 幸好去到不用排隊, 直接入得XD 上菜都好快, Lunch menu都好多選擇, 包幾款飲品, 蠻吸引的~😚泰式蟹肉炒粉絲😍推介! 粉絲炒得唔會好乾又唔會好油, 好入味, 蟹肉同粉絲份量都唔少, 配埋蛋同菜, 好夾!香茅雞鎚魚蛋湯河粉🍜湯比較清淡, 想食清清地可以選這個, 魚蛋大粒同彈牙, 仲有蘿蔔好甜同大大舊! 河粉份量都好多加左杯凍咖啡走甜, 味道唔錯, 似平時飲cold brew咁XDD

星期六，在家無所事事。原本想坐下新地鐵線，宋皇台站，出九龍城食泰國嘢。一出門口見太陽猛烈，都係行商場好啲。順便可以去馬莎入下貨，就揀咗去德福。地鐵途中用OpenRice 揾到呢間德褔嘅泰國菜。（原本係想食泰菜嘛）門口見有下午茶餐，好多選擇。就入去了。除咗下午茶仲有午餐供應，但就沒有主餐牌。選了二個Tea Set ：雞髀（$45）同串燒雞（$48）。追加二個小食：蝦餅（$38）同炒通菜（$38）。飲品：凍檸檬茶，青檸蘇打（+$5）燒雞髀，好似泰式燒雞嗰種做法，肉唔算話嫩滑，但係都唔會鞋。青木瓜絲沙律，我諗佢青木瓜同糖嘅比例係1:1，完全甜到好似食糖咁。+$38 嘅炒通菜，Size 係雲吞麵嗰啲油菜咁大（可以對比返後邊雞髀個碟）味道就OK嘅，港式泰國菜風味，唔辣，似一般茶餐廳嗰種。$38唔抵。串燒雞肉，上枱個面好熱，不過個心唔太熱，但係又全熟喎，即係….一早熟咗返炸啦。都係一啲泰國風味都冇，而且係冇乜味，得少少雪藏味。嗰個沙嗲醬都係一啲都唔吸引，又冇花生香。+$38 嘅炸蝦丸得兩粒仔，細過乒乓波，呢間餐廳係要加一嘅，即係$20一粒冇香料味，亦唔彈牙，好一般。青檸梳打同凍檸茶都係得一片薄青檸

自己不是在九龍灣返工，但有朋友在九龍灣返工，九龍灣返工朋友間中會相約我在九龍灣吃午餐，平時午餐同朋友在九龍灣多數吃日式餐廳，米線，台式食物或Pizza，吃來吃去都是這些味道。朋友原來同我一樣想法，所以我們上openrice Search其他未吃過的餐廳，揀了一會兒，決定今天午餐去這間吃，這間是泰國餐廳，午餐試下吃泰國野，踏入門口的環境很舒服同座位寬倘，入去坐下了，我們叫了2份午餐套餐，一起吃，泰式海南雞配黄薑飯及冬瓜湯同烤泰式雞髀金邊粉，海南雞，雞皮好香同滑身，飯粒粒金黃帶有薑味，雞髀碎上，易入口，很有泰式香味

九龍灣我成日都嚟，呢個位我經常都經過，一直都無留意有呢間泰國菜，朋友喺MTR做，原來MTR staff 係有discount , 所以先知有呢間餐廳。今日放假，探下九龍灣返工嘅朋友仔，繁忙嘅lunch time 嚟，12:00嚟到人唔多，餐廳10幾張檯坐咗三分一。week day lunch set 有15款，粉麵飯都有，價錢可接受，當然係平過尖東少少。要咗個泰式炒河，69蚊，嚟都都幾大碟😎，係粗河粉，豬頸肉都幾好味唔太韌，有啲粟米仔，有少少車厘茄，不過就辣咗啲。MTR staff 有9折👍

今日係星期四，27/5，下午同同事經過呢間泰式餐廳，見到個海南雞飯好想食呀，咁我就叫左個泰式海南雞飯，咁我同事就叫咗個烤泰式雞髀湯金邊粉第一次食呢個泰廚房子覺得佢啲泰式嘢都好有泰國嘅味道啲海南雞飯海南雞好滑入口即溶被亂同埋都好大件，啲油飯炒得好香，另外個冬瓜薏米湯好香，仲有個烤泰式雞髀湯金邊粉啲雞髀係完隻嘅好大隻烤得好香，入面有2舊蘿蔔，兩舊豆腐，金邊粉好大碗好滑，另外每人送一杯金橘檸檬，最重要係個份量係好大嘅男人都夠飽，今次呢餐好平好優惠，每人埋單都係$70多d乍😋😋

服務態度差到冇人有，叫客人出面登記寫紙仔，但又冇紙提供，嘟咗安心又話冇嘟叫個粉食，竟然將塊炸豬排放埋落湯度…………點會唔係分開上，d湯又唔夠熱，覺得間野完全唔重視客人要求…………e間野冇下次

德福商場後面，原來有幾間餐廳喔，試下佢先。青咖喱香茅豬排飯 $52説真心，香茅豬我好少見係炸既，而且無香茅味，扣d分啦。但整體，咖喱味道不錯。泰式烤雞脾 薯絲沙律 $43適合愛健康人士，薯仔做成沙律，又有咬口，讚雞脾用烤既，無咁肥，又唔干身，出色但有加一服務費，埋單人頭都$58，唔算平既平民茶餐了。

好耐冇同同事過嚟九龍灣德福食lunch啦！行嚟行去本來諗住想去Cafe，點知要排隊勁多人！趁仲未要排最後就嚟咗食泰國菜！呢度午餐都有幾多選擇，而且價錢都唔算貴不過三心兩意嘅我又想食麵又想食飯😂最後就同同事share食🙆‍♀️紅咖喱鴨片飯 $68紅咖喱好香濃入口唔辣，撈汁食飯好正👍不過鴨片煮得偏乾🙈有啲失望😔冬陰功湯金邊粉入面有魚蛋魚餅同扎肉🤪 $63魚餅煎得好香口👍我覺得呢個粉一定要連埋冬陰功湯一啖啖入口😌酸酸地好開胃😊香茅豬扒金邊粉 $65豬扒夠入味又唔會整到好柴🙊豆卜索哂啲清雞湯都唔錯😜餐飲金桔青檸飲完口龍好舒服😍

13：29落order外賣自取，預定14:15取，但13：53就轉到可取餐，足足早了22分鐘。太早了吧，我真係要夠鐘咁上下，至去得攞㗎。 食物好明顯啦，已經唔熱啦😔！凍泰式奶茶啲冰已經溶得7788啦！本來可能好好食嘅，都搞到無咁好食啦！其實+/- 5-10分鐘絕對可以接受嘅，但如果個app可以比你選擇時間，但間餐廳又唔跟，就唔好啦！外賣自取得都係街坊啦，希望這餐廳注意一下，我哋又可以繼續幫襯，win-win囉！

是日（1/4/2021）來德福，見這食店的下午茶好吸引，畢竟有一年多無去泰國，無食泰國菜好耐。下午茶選擇有好多，款款都好吸引一坐下，侍應已遞上餐具，餐具放在一個有熱水的器皿內，好貼心。點了泰式雞肉炒金邊粉，好美味，雞肉好滑及入味金邊粉炒得唔油。冬蔭功湯金邊粉（海蝦，魚蛋，魚餅），湯底好味，最喜歡是有3款料，每樣料都有兩件。飲品點了凍咖啡及凍泰式奶茶，奶茶正

今天中午的時候我和老公來到九龍灣逛街，無意中發現了這間泰國餐廳的食物在德福商場內相對比較便宜一點，所以我們便來到這裡吃午餐了No.1【鮮蝦炒金邊粉】$69大多數泰國餐廳的金邊粉都是以雞肉作為配料，但這裡竟然是採用鮮蝦，雖然鮮蝦的質感並不是特別脆嫩爽口，但小口品嚐的時候，鮮甜無比的蝦汁便立即傾巢而出，淡淡的鮮蝦香氣更迴轉在口中，香甜可口，肉汁四溢，口感細膩而綿延，讓人齒頰生香， 吮指回味另外由於火候控制得剛剛好，所以金邊粉入口彈牙之餘時亦相當有嚼勁，口感煙煙韌韌，最後再配上酸酸甜甜的醬汁，味道立即變得堪稱一絕！鮮蝦，金邊粉和醬汁混合後的濃濃氣息迴旋在口中，甜甜的，香香的，香甜軟糯，餘韻悠長，讓人食髓知味，念念不忘No.2【泰式海南雞配黃薑飯】$72由於海南雞是採用了雞脾的部位，所以肉質十分嫩滑可口，鮮美多汁，可惜它的雞味並不太濃郁，有點淡而無味的感覺，略為影響了整體的分數不過黃薑飯的味道卻相當不錯，它不會有油飯那種油膩的口感，亦不會好像白飯般沒有任何味道，每一口都相當咸咸香香，不單止能夠完美地取代油飯，更為這份海南雞飯挽回了不少分數No.3【凍泰式檸茶】跟餐免費可惜的是，這間餐廳的飲品簡

泰式濕炒雞肉河 $55味道好茶餐廳！🙊 濕炒雞肉嘅餸，同平時嘅頹飯好似冇咩分別！好冇誠意，越食越頹😟食到最尾，直接揼落垃圾桶🙈泰式青咖喱豬扒飯 $49唔辣，好甜！ 豬扒好韌🙊 唔會再食

每次出街諗唔到食咩, 就會嚟德福呢頭, 貪呢度嘢食夠集中.呢間位於一期podium嘅泰國餐廳, 門口無咩特別, 坐低都唔覺有咩特別, 但係個香茅檸檬龍眼蜜就有啲驚喜,一嚟好飲, 好味過自己屋企整(🤫), 二嚟個玻璃茶壺加埋啲燭光令到成餐飯浪漫咗🌹同埋蜜糖係另上嘅, 可以自己調教甜嘅份量. 呢排咁🥶, 兩個人慢慢嘆就啱嘞☕️.另外串燒好味, 其他嘢食正常.#香茅檸檬龍眼蜜 ($74)#沙嗲串燒 ($72)#馬拉盞炒通菜 ($62)#泰式炒鮮蝦金邊粉 ($78)

今日同同事試下呢間外賣自取，價格優惠，服務態度唔錯。希望可以推多d不同菜式，會再嘗試。凍薏米一般，奶茶唔錯。咖喱唔錯。炒河d河唔錯但肉就一般般，加油啦，希望越做越好份量都足夠的，最好可以做d小食啊湯粉啊多d選擇啦，始終而家疫情外賣越多選擇，對於同事一起叫飯黎講較為方便，位置都幾好容易搵。大概就係咁啦算係抵食之選，不過唔記得影相下次補番啦。另外都有優惠可以買十個飯選送一份海南雞幾好呀，一起抗疫加油喔💪