泰廳 (已搬遷) 新店位置

突然間想食泰國野記得之前大馬路呢間食窩貼既 轉左做泰國野近近地去試下先嗌左爐魚 生菜包 鳳爪沙律 皮蛋 炒椰菜苗 仲有炒pat thai個炒pat thai 好有型 好有心思係泰國食過 食香港好多間泰國野都食過 但呢間真係好味 好有心思!!d野食味道 都好地道皮蛋靚 皮脆 唔點汁都好食不過份量以我地3個人食黎講 好似太多如果有得揀大份同細份就仲好炒椰菜 佢加左脆肉炒 最出色係個脆肉總括黎講係好食! 味道不失其他大餐廳正常地道泰國野而且餐廳特登將d枱改成長身因為食泰國野成日都會嗌左成張枱都係野食 呢一part 好貼心 嗌幾多 都放得落 唔怕唔夠位而且價錢唔貴 值得一試!!野飲亦有特色 呢杯紫色豆x蜜既青檸冰 好靚

夏日炎炎特別想食thai food, 朋友話元朗大馬路有間唔錯既thai 餐廳，就約左去食early dinner野飲到先，碟豆花青檸梳打$26飲落就係青檸梳打，不過碟豆花令佢視覺加好多分，好靚❤️焗牛油雞中亦$59唔係越南果隻厚牛油皮version, thai version 乾身d, 不過一樣好香口炸芝士蝦丸$69超回味之選！大粒到一個點，中間d 芝士一咬就流出黎，香濃yummy蝦丸食得出係手打彈牙，即刻忘記晒熱氣etc 呢d terms, 專心enjoy 美味生菜包$62叫左店家小辣，最後。。。係譚仔3小辣啦我覺得不過d 香茅味呀香料真係好香，頂住先食左三個菜小包。朋友食得辣，一路食一路讚好泰式咸肉椰菜苗$69呢個好咸香，菜又甜甜地，係我另一個最愛，差d 想叫個飯黎整體黎講，價錢公道，味道討好，椰菜苗再大碟dd 就完美啦

呢日喺元朗廣場附近逛街，逛到到佐晚飯時間都唔知，就索性岀街食。見到呢間泰國餐館，睇下menu發覺價錢幾抵食，就同朋友黎食個快飯。小食拼盤（小）($89)有大有小選擇，我地兩個人揀佐個小拼盤，估唔到份量咁足同咁多都只係$89！一個拼盤已經有齊五款小食，包括：炸蝦餅、魚餅、紙包雞、串燒同素菜卷。每樣食物都ok，我覺得串燒最惹味。無骨海南雞湯粉($59)海南雞份量都唔少，份量足，雖然雞肉唔算十分嫩滑，但我欣賞成碗湯粉唔會太油或太濃味，清淡健康。泰式燒豬頸肉生菜包（$69）豬頸肉有好多片，又係好大份抵食，豬頸肉好腍，但略嫌醃得太重口味，太辣太鹹。香芒黑白糯米飯（$55）黑白糯米飯倦上香甜嘅芒果一直係我至愛嘅泰式甜品之一。呢度嘅糯米飯煮得夠軟糯，甜度適中，如果糯米飯可以同椰汁一齊煮，而唔係就咁倒上面，相信會更入味同更香。

話說午餐吃的是泰國菜，然後發現味道挺好，特推薦一下～小店於元朗廣場對面的街道，挺容易找的。店內可以看到沒有太多浮誇的裝潢，簡簡單單的，讓人感到頗舒服。落座後，店員很快為客人放上餐具跟餐牌。可以看得出來餐牌簡單得來卻是弄得挺好看的。內頁是花過心思，不僅中英對照，適合不同國籍的客人，還有泰文喔😂看到時覺得挺新鮮的。我點了的是扎肉湯粉，而且基於個人喜好，選了走青，所以會看到我的湯粉是較清的。但若是沒有走掉配料，這裡的配料挺足的喔。扎肉挺彈牙的，味道也濃，不錯吃。我點的濛粉幼細易咬，和著清湯吃，就是一頓不錯的午餐了。為怕客人覺得味道不足，餐廳還貼心的會為你準備好四樣不同的調味料，辣味、泰式甜酸醬等等。友人點的是泰式炒金邊粉，這道菜的賣相挺好，蛋包裹著金邊粉，驟眼一看就是一個小球。可以看到金邊粉滿滿的，而且一看就知道味道濃郁，很入味。帶甜味的金邊粉讓人一吃就愛上，而且吃上一口就想繼續吃，會促進人的食欲喔。內裡的配料也有不少，同樣的入味。我們也點了小食，泰式炸蝦餅，蝦餅附有帶酸辣的醬料，供客人選用。可以看到八塊蝦餅整整齊齊的放好，而且炸成金黃，讓人食指大動。一咬，挺有層次感的，外層是香脆的，內裡則

※本文以用餐當日的環境、服務和食物質素為準，口味亦因人而異，文章只作參考之用。-元朗區真係有估你唔到咁多間泰菜餐廳，近來係近豐年路又開左間泰國餐廳「泰廳」，網上見到風評甚好，放工後又去食個晚餐。入到去環境唔算大，牆壁掛上數幅畫和泰國風的裝飾；店內有四個舒適卡位，仲有幾張2-4人枱，配合柔和燈光，坐得還滿舒適。餐牌上選擇頗豐富，湯、沙律、小食、海鮮類、咖哩、炒炒麵飯、小炒類、泰式湯粉、甜品等，價錢也是比較經濟的。泰國小食拼盤 （小）$89叫左個細既小食拼盤，有晒串燒、炸蝦餅、炸魚餅、春卷、香葉包雞等五款小食，岩晒心大心細成日款款都想食既小妹，有跟埋沙嗲醬、甜酸醬同梅醬。最鍾意外層炸得香酥既蝦餅，食落盡是蝦的美味；仲有香葉包雞食落雞肉嫩滑，而且已經醃得頗入味，唔使蘸醬已經好食。冬蔭公海鮮湯 （小）$69一鍋上的冬蔭公，入口頗有辣度，帶點嗆喉感 （攤凍少少無咁辣），酸酸甜甜的富椰汁香甚為惹味。內有大量菇片和一隻頗大的大頭蝦，滿心期待的小妹，食落發現肉質實在腍得太過份，有感「一粒老鼠屎 壞了一鍋粥」，太可惜了，看來店家要注意一下海鮮的品質。青咖哩牛腩 $79青咖哩味道偏向椰汁的香甜，辣度不高，

今午趁放假兼陽光充足就同老公去新界行下食下野 順便約埋元朗嘅朋友仔Lunch先 yoho mall好大好靚還有好多食市 但我反而想食朋友介紹的地道餐廳 天氣熱到成37度 會溶化 最後她們就帶左我同老公黎Thai food 佢好想食鱸魚 我同老公反而想飲杯沙冰或者青檸soda先 碟豆花青檸梳打 $28賣相好靚又好解暑 青檸酸酸甜甜 最緊要冰涼透心 芒果沙冰 $28沙冰成日飲 但呢間竟然杯面滿滿芒果粒 新鮮鮮甜 無加糖 freash 明爐鱸魚 $129同Thai食一模一樣 滿滿香菜配料檸檬葉草菇椰菜芹菜辣椒絲 主角係鱸魚 高湯入晒落魚肉又夠滑 焗牛油雞中翼 $59醃得好入味還帶點蒜香 色澤較深但係好味 泰式肉碎生菜包 $62好惹味 過辣 但老公就話唔辣唔好味 還可以再辣些 真係見人見智 好彩朋友們都食到辣 炸芝士蝦丸 $69推介之選 味道一流 表皮脆蝦膠彈牙一咬即爆芝士 食時最好整開佢先食 驚比芝士燙傷口腔一客有4粒 不過好大粒架 炒泰式金邊粉 $69大蝦好吸引 外觀已經贏晒 蛋絲做網包左甜甜酸酸金邊粉 碟邊亦準備埋花生碎 泰風味 飛天鹹肉炒椰菜苗 $69鹹肉其實又唔太鹹 肥瘦適中

呢間餐廳都唔難搵 搭到去元朗轉輕鐵搭兩個站康樂路落車行幾分鐘就到。入到去有d泰國特色擺設，座位都好舒服。我就好少食泰國野，咁就問下店員有咩好介紹，其中一樣係石紙包咖喱海鮮，見幾特別就嗌左，一打開見到好多咖喱、香草，好足料。海鮮份量正常，青口同蝦幾新鮮，青口大隻有口感，魷魚都好煙韌，一定要配咖喱汁咁食就正啲，不過如果個汁可以辣啲就更加好味。另外仲嗌左泰國小食拼盤，overall都好食，有春卷、蝦卷、雞、串燒...嗌左細既每樣都有2-4舊，份量都幾多，仲有三種醬比你點，甜酸醬沙嗲醬同酸梅醬。雞用葉包住，最好食，啲肉好滑好鮮嫩，串燒今次可能整耐左，啲肉比較韌，希望下次整得岩岩好。而野飲就嗌左泰國碟豆花青檸梳打，有少少酸，加上碟豆花味道都幾特別，唔錯。同埋泰國碟豆花柚子蜜飲，比較甜啲，適合鐘意飲柚子蜜或者甜啲既朋友仔。總括黎講都係食左300左右，好扺食，下次都會再黎👍🏻

今晚我同阿妹同表妹三個女仔一齊食泰國嘢七點半去到 “泰廳” ，環看餐廳四周， 已經坐滿客人，非常熱鬧 這間餐廳真的很受歡迎哦我哋三位都是大食妹，一共叫了五款菜式 及一杯嘢飲，合共533元餐廳環境舒適，服務員工作速度快速， 效率高“泰國小食拼盤”我們點了細份量的， 一共有六款小食（ 炸蝦餅、炸魚餅、香葉包雞、 泰式素春卷、牛肉串燒、豬肉串燒），還搭配三款醬汁（ 蜜糖、泰式辣醬、沙爹醬）炸魚餅及炸蝦餅超級彈牙，而且新鮮炸出熱辣辣的，加上點泰式辣醬更好味！泰式生蝦刺身，入口清爽彈牙，蝦刺身配搭一片蒜頭和辣椒粒，再點青色的醬汁， 彈牙清爽的蝦刺身味道配搭得清香味美 但唯一不足的是~蝦刺身不夠凍……超級推介 冬陰功海鮮湯（大）， 裏面有兩隻大蝦、有雜菇等食材， 味道香濃，如果辣度再增加一點會更好吃~辣蝦膏炒大蜆， 原本還擔心辣蝦膏太辣食不下去， 但反而是辣度不足 大蜆肉豐富 ，一點也沒有沙粒，非常彈牙

難得去開元朗廣場呢頭，順便搵下食先，發覺唔少舖頭都換左，連ICAC都無埋，而變左做泰國菜，哈，入去試下先。店內行簡樸風，有好幾張泰國掛畫。幾張卡坐幾張大枱，要大圍聚會都可以坐得哂。燒牛肉沙律（$69）下單時店員說呢個好辣的，轉唔轉少辣，哈，咁就轉啦，怕食唔到。少辣都幾辣下，食中辣椒核就連忙要飲水，加了醋酸酸的很開胃，芹菜香味十足，仲有少許香茅增添香氣。主角牛肉好嫩滑，份量也多，好正。青咖哩牛腩（$79）個咖哩汁好得，又香又滑，超勁椰漿味，簡直要叫白飯撈汁！牛腩炆得軟腍，但不失口感，入面仲有青豆角同圓矮瓜，增加口感同層次，矮瓜水嫩多汁，整碟都好好味，食到汁都無剩。蒜香包（$35）為了點咖哩汁已叫的，一客有五塊，烘得香脆。泰皇燒雞半隻（$89）最後仲叫左半隻雞，等左半個鐘先上枱，即叫即燒。上枱時勁香BBQ味，醃料中有黃薑同香茅，雞肉散發出濃濃的香茅味，但食落不會嗆，雞皮燒得香口，但內裏的雞肉仍然嫩滑，雞皮下亦沒有肥膏，食埋啲皮都好安心，哈哈。食物好好味，本來想叫甜品，但太飽食唔落，留下次吧。

元朗幾野食係人都知 唔洗多講今日就去食泰國野呢排好熱，需要解凍既野 ，菠蘿冰係超級好既選擇❤️❤️❤️生菜包其實精髓咪就係要足香料先會有泰國味。啖啖香料味❤️❤️❤️❤️豬頸肉燒得剛剛好 邊邊脆脆 個汁都調得好正呀份量好多 ，而且每個香料，醬汁都好足料⋯不過如果食唔到太辣既可以同佢地講聲d野小辣呀。 好開胃呀d野非常新鮮既生蝦⋯佢個醬辣到飛起。不過超好食呀。隻蝦大到就黎出界啦😂😂大家記得去openrice訂位先呀 會有9折❤️

今日帶老婆及寶寶到元朗購物，在大馬路見到有一間新開的泰國餐廳，決定入去試一試。餐廳裝修頗具泰式風格，牆身都掛了些泰國相片，感覺像置身於泰國一樣。午市有套餐供應，包一個主菜及飲品，想飲特飲可多加6元。冬蔭公海鮮湯酸辣度十足，仲有大大隻鮮蝦，非常足料。泰國小食併盤有炸蝦餅，炸魚餅，香葉包雞，泰式素春卷及串燒，最欣賞係炸蝦餅，炸得香脆有蝦味。香葉肉碎炒河炒得很有鑊氣，辣辣地很滋味海南雞飯海南雞件已去骨，淡淡肉又有雞味。青檸梳打冰有清新的青檸味，解辣一流。珍多椰汁冰最愛的泰色飲品，甜甜地又有些椰香。

如果有一天，上天不再准許我日常吃中菜，我相信自己的第二選擇一定是泰菜。這天來到元朗，見附近有一間新開的泰菜，二話不說，就去試試。 餐廳裝修比較簡單，都是一些泰式掛畫，來光顧的，大多是附近的街坊。 泰式咖哩牛腩（青咖哩，$79） 朋友吃辣我不太能吃，所以叫了一個味道較中庸的青咖喱。用了很多椰汁，辣中帶甜，牛腩很腍，尤其喜歡那些泰式茄子，又腍又入味﹐不錯。 泰式香葉肉碎炒河（$55） 這個炒得又香又辣，十分惹味，分量足，兩個人吃剛剛好。 泰國小食拼盤（細，$89） 說是細拼盤，但其實分量還真不少，有炸蝦餅、炸魚餅、香葉包雞、素泰卷、串燒兩串，最喜歡是蝦餅和魚餅，前者脆口又彈牙，魚餅好香香葉味道，同樣是水準之作。 香芒黑白糯米飯（$55） 很久沒吃過這道甜品，懷念又期待，幸好，師傅真的做得很好，白糯米軟熟，黑糯米有咬口，加上甜絲絲的椰汁和芒果，滿分！

泰國餐廳開到成街都係元朗求其數一數都已經十幾間今次食既呢間係位於超煩忙地帶每逢午市同晚市都好多學生同上班一族黎幫襯 今次我係叫左泰式無骨海骨雞半隻半份既SIZE岩岩好夠兩個男人可以SHARE黎食, 見佢雞件既部份都唔係D好差既部份, 而且因為去左骨既關係食得特別爽, 啖啖肉, 味道唔錯, 咸度適中, 最正係佢D醬汁, 食落醱醱尾尾的, 更開胃 泰式蝦頭油臘炒飯份量可以分到有三碗既飯, 因為有臘腸既關係, 成個飯勁香勁好味, 而且D蝦粒又大又爽口, 岩哂我胃口 香矛雞中翼新鮮炸出黎既雞中翼, 皮脆肉嫩, 而且有淡淡既泰式香草味, 好清新既感覺, 大大隻隻咁, 食得好爽!!

一到夏天，無咩胃口食其他野，好想食d酸酸辣辣既野~行到3點幾，差不多4點，係元朗廣場過對面，就俾我發現左一間新開既「泰廳」，好彩早左小小黎，佢話師傳4點落場，好彩炸！Lucky!!餐廳好乾淨，待應都好有禮貌安排位置俾我，位置都寬敞，冷氣都好夠，仲有點泰國音樂~我叫左1. 泰式生蝦刺生，次次食泰國野都必叫，天氣甘熱，食d生冷野最爽皮.嘩，d蝦好大隻，好新鮮,好甜,好爽口! 最驚食到d有腥味，好易食到腸胃炎，不過依間就無依個問題，可以放心食！2. 冬陰公海鮮湯，好香酸酸辣辣加椰香味既冬陰公，好足料，好多蝦同香菇，仲有芫茜（溫馨提示：唔鐘意芫茜既朋友，記得同職員走牙），第一啖飲落去唔算好辣，不過會追住飲，仲要愈飲愈辣，d冬陰公味愈飲愈出，真係好飲到停唔到口！3. 泰式千層糕，個賣相好靚，好精緻！味道好清清地，同好煙韌，鐘意食清d同有咬口既朋友就岩哂你4. 椰青，最後食泰國野最吾小得既--椰青！個椰青好大個，好多肉，好清甜！今餐好滿足牙～

元朗好多泰國餐廳，有幾間好似幾出名，食過兩三間都麻麻地，加上價錢又唔平，地方都幾唔方便，大多係鳳琴街個邊。 而呢間Thai tan 就極方便，係正元朗廣場對面，一落輕鐵站就見到，唔洗去到甘遠。 入面地方唔算大，但都唔會好逼，如果好多人聚會 未必夠大，但2-6 個人都ok，打開本meun ，發覺價錢算係幾平下，平均一碟菜比平時泰菜館平$10-30 蚊，不過生蝦就$118@8隻，所以冇叫到。 兩個人食 叫左三碟，但都好飽，，叫左個肉碎蝦醬炒飯，都比起平時食個啲多1/3 份量，可以3個人share 食，平時個啲每人最多得半碗就冇，幾香，而且幾多蛋，又算足料，不過食開清淡既人會覺得過咸。 泰式咸肉炒通菜，呢碟本來以為好普通，原來都幾香，啲菜又多，唔會得幾條，出面泰館好多都係每人幾條就冇哂，呢度足料，菜同肉都多，不過都係有啲辣，但幾好味。 小食餅盤（細） 有蝦餅蟹餅素春卷 串燒 同雞 ， 全部都幾大件，蝦飯大件又彈牙，其他怕熱氣冇食哂，但呢個都幾抵，平出面應該$20。 最後，餐廳仲送左兩個椰汁西米糕，香椰味之餘，入面仲有香芋。 我地仲叫左兩個椰青，最後埋單都唔洗$300 ，真心抵食。 出面應該要