泰廳 (已搬遷) 新店位置

一到夏天，无咩胃口食其他野，好想食d酸酸辣辣既野~行到3点几，差不多4点，系元朗广场过对面，就俾我发现左一间新开既「泰厅」，好彩早左小小黎，佢话师传4点落场，好彩炸！Lucky!!餐厅好干净，待应都好有礼貌安排位置俾我，位置都宽敞，冷气都好够，仲有点泰国音乐~我叫左1. 泰式生虾刺生，次次食泰国野都必叫，天气甘热，食d生冷野最爽皮.哗，d虾好大只，好新鲜,好甜,好爽口! 最惊食到d有腥味，好易食到肠胃炎，不过依间就无依个问题，可以放心食！2. 冬阴公海鲜汤，好香酸酸辣辣加椰香味既冬阴公，好足料，好多虾同香菇，仲有芫茜（温馨提示：唔钟意芫茜既朋友，记得同职员走牙），第一啖饮落去唔算好辣，不过会追住饮，仲要愈饮愈辣，d冬阴公味愈饮愈出，真系好饮到停唔到口！3. 泰式千层糕，个卖相好靓，好精致！味道好清清地，同好烟韧，钟意食清d同有咬口既朋友就岩哂你4. 椰青，最后食泰国野最吾小得既--椰青！个椰青好大个，好多肉，好清甜！今餐好满足牙～