泰式燒王2

营业中

休息中

⭐️泰式燒烤熱辣辣就會諗起泰國，又會諗起喺泰國市集食燒烤、串燒，再加杯啤酒或者椰青，諗起都開心💓今日揀左喺地鐵站隔離的泰式燒王， 本來佢哋只接受walk-in, 好彩朋友食開有得留位：） 佢地以小店經營，鋪位細細，裝修簡樸，7點坐低已經全部滿座😋❤︎•-----•❤︎ •-----•❤︎ •-----•❤︎ •-----•❤︎🐮泰式燒牛胸🐮泰式燒牛肉🦐泰式生蝦🥘泰式冬陰功湯🐚白灼螄蚶💚飛天通菜🐷肉碎生菜包🦐泰式炸蝦餅🐔泰式燒雞翼💛雞棗🐷炭燒豬頸肉🐟泰式鹽燒烏頭🐷🐮沙嗲串🦑炭燒魷魚🥥 椰青🍺 啤酒🥭 芒果沙冰🍉 西瓜沙冰😋其實樣樣都好好味，特別係燒牛肉，有牛肉味、嫩滑、脂肪比倒剛好🫶🏻仲有推介燒牛胸，其實就係脂肪，入口即化，可能外面燒到有點焦香，入口唔覺太肥膩，送啤酒一流🤪誠意推介泰式鹽燒烏頭，外層係厚厚的鹽巴包住，裡面魚肉鮮嫩，燒得剛剛好👍🏻仲有燒雞翼，其實都係燒烤蜜糖味，但就係好入味，講唔出的美味，下次會再encore 唔係好食得辣的我也對這泰式冬陰功湯🥘讚不絕口，足料之餘，酸辣度也剛好，值得再試❤︎•-----•❤︎ •-----•❤︎ •-----•❤︎ •-----•❤︎🍡 泰式燒王2 Thai B

Thai BBQ 2 is one of my 2 most favorite Thai food restaurants in HK. I lived in Thailand for 1 year in 1992 and remember real Thai foods well since then, especially papaya salad with river crab. I tried a few places outside Kowloon City and was disappointed. I tied most places in Kowloon City and found here was one of only 2 Thai restaurants offering this papaya salad with river crab. Since then, I have been coming to this and another almost every weekend by myself and with friends. Minced chick

好想去旅行系列諗起以前成日去泰國 揼骨 食野 行街 真係好懷念🥲 去唔到旅行 就去食下地道風好重既 泰式燒王2超鐘意食 肉碎生菜包(豬肉)肉碎炒得都幾好食 辣度對我黎講都岩岩好不過生菜就污糟左d 如果去食 要睇下塊菜乾唔乾淨 柚子沙律呢個同平時食開既好唔同！！！平時係一大舊一大舊柚子呢度既會係拆粒同埋果汁係椰汁食落可能因為唔慣🤣 覺得有d 怪佢另外會加左花生粒同脆蒜花生粒好香口 不過都係好唔慣🤣🤣 因為柚子好淋 而花生粒又較硬搞到成個口感好唔知點咁🤣

有個泰國朋友介紹這間正宗泰國小餐廳，走進去時還說是我朋友某某介紹，誰知她們幾個服務員都聽不懂我說什麼😅😅他們是能講廣東話，可能不知我講什麼朋友介紹，我便算了。.店內似小家庭式經營，簡單樸實，無特別裝潢。我下午四點多去，只有我一個食客，這區實在好多泰國餐廳，選擇很多，這個樸實外表，不易吸引客人，而街客見食客不多又不會決定進來，是個惡性循環。店內冷氣一般，如果人多一點可能會有點熱，有幾把風扇吹著。👇餐牌是厚厚的一本，種類繁多。特色小食已有2頁，有飯、麵、雞、豬、牛、羊和海鮮，也有受歡迎的飲品如珍多冰、椰汁冰等。.👇豬頸肉炒飯$68⭐️⭐️⭐️⭐️洋蔥粒生，喜歡生洋蔥便正，我不喜歡，餸方面也多，不會齋炒飯少餸，有菜粒和頗多豬頸肉，豬頸肉有些有點韌。飯粒夠乾身，炒得香口。.👇椰青$39椰青好甜又多水，面頭個蓋還規我刮開了層殼。肉不是太嫩，都可以慢慢刮來吃。.總體食物種類多，味道好，服務員的樣和態度有少少cool cool地，食客量較少，會靜靜地舒服些，價錢在這區來說又不是特別便宜。

晚市延長至10:00，可以同屋企人一齊食飯。好彩有訂位，坐坐下愈來愈多人。今晚點左：炸蝦餅 - 好彈口，好正常胡椒豬腸 - 係無豬腸味，但香香脆脆，送酒一流青咖哩雞 - 雞胸肉同泰式蔬菜沾滿青咖哩汁真係食唔停，有咖哩香但唔辣烤餅 - 超級脆，點咖哩食，正呀燒牛肉 - 每次都必點，燒到剛剛好，罪惡嘅脂肪香到不得了，就算個醬辣到癲，都會將舊燒牛肉360度沾滿D醬先食螄蚶沙律 - 螄蚶呢樣野好睇個人喜好，呢個沙律隻隻螄蚶得番D肉，加埋香矛、薄荷葉、檸檬葉+泰式香料撈埋一齊，鮮味又香辣，螄蚶乾淨無泥，唔洗自己開殼真係食唔停。要提一下，呢個螄蚶唔係全熟，不過食左咁多次都無肚屙。芒果沙冰 - 好似食緊成個芒果咁青檸梳打 - 正常過正常

今日老公接收工，所以係九龍城睇吓可唔可以搵到正嘅泰國嘢食行到南角道就比D燒烤味吸引住，真係好香好香我地跟住D香味搵到D間泰燒，D間小店竟然係平日都要等位！等左成十五分鐘才可以入座😍仲要成間餐廳坐滿晒人！串燒可以選擇嘅款式吾太多，但勝在夠足料，燒到恰到好處，好香口，仲可以保留肉汁嘅味道，正！甘樣五串都係$75蚊抵食燒生蠔$56，估唔倒甘鮮味，一般如果吾夠新鮮一定有一陣腥味，佢不但好juicy 仲好香蒜油味飛天通菜$65勝在夠大碟，味道淡啲少少😊🔥鱸魚$168真係超級抵，好大條，又啖啖肉，外脆內軟，魚肉又Q彈，條魚D個價錢真係抵到爛。D餐只不過三百幾蚊已經食到好滿足走，又正宗嘅泰國菜，下次一定要再黎過食！

最近成日同朋友去九龍城食泰國菜，我地今日又搵到一間好正宗既泰式小店。我地點左泰式炒金邊粉，想知一間泰國餐廳水準高唔高，試下佢既Pad Thai就知高下。呢個Pad Thai夠哂鑊氣，炒到好香，仲有好多料，啲蝦勁彈牙，仲有好香口既nuts！另外仲有呢個泰式芋頭焗飯，呢個飯係放喺沙煲入面去焗，入面有豬肉碎、好綿密既芋頭、香脆既腰果其他碗料，勁豐富，一上菜就聞到濃濃既飯香，高度推薦！飛天通菜都好惹味，炒到好香！呢個咖哩魷魚配埋香脆既薄餅都好吸引！最後，食埋個椰汁糕就perfect！

悶熱天氣真係最適合食泰菜刺激一下。今晚就黎左九龍城南角道 泰式燒王2 ～舖面唔算大，7點半黎到都坐滿。餐牌比同區泰菜多選擇，主打泰式串燒。而且食物配搭方面靈活性又大點。燒雞翼$38/2 食雞全翼最怕麻煩,上碟預先分開了兩份，方便食用。雞翼燒得惹味又唔乾!豬頸肉生菜包 $79平時我都幾唔中意食肉碎生菜包，食食下d 肉碎跌到周圍係。呢個豬頸肉生菜包大大片就岩晒我心水，仲有生牛肉片生菜包添～調味就是平時泰式肉碎酸辣的味道。燒牛肉沙律$85食落牛肉幾有牛油香又唔會韌，不過略嫌切得唔夠靚同熟左d影響口感。泰式肉碎炒河 $70泰式肉碎調味都幾辣下，配料比河粉還要多。最後到左食泰菜必點芒果糯米飯$78 芒果香甜係基本，但最驚喜係大到成碗飯嘅糯米飯夠熱辣辣，又有食到糯米香。

呢間泰國嘢小編真係仁忍唔住要公開啦！真係覺得呢間需要多啲人知！點解用咁極力推薦咧！就係三個字咁簡單！平！靚！正！！廢話唔多講直接嚟介紹食評！青木瓜沙律 ：酸酸辣辣！食嚟過癮辣度就唔會話好辣！小編夏日真係無咩胃口！食呢個就最啱不過啦！泰式生蝦：生蝦肉質超級彈牙！特調醬汁好過癮！鹹魚炒椰菜苗 ：鹹魚嘅香味最啱炒菜苗！真係每次都要嗌呢個拍枱叫絕！泰式肉碎生菜包 ：生菜包食泰國菜點會唔食啊講笑咩！佢哋嘅肉碎真係好多！菠蘿炒飯：菠蘿酸甜配脆脆肉鬆！成個飯都超級有口感！

呢間泰菜餐廳有唔少熟客。聞說佢地出品夠正宗，一於試下。豬肉碎生菜包 洋蔥及九層塔配上豬肉碎，香料味濃，份量充足。連平時唔食生菜包嘅我都食得津津有味。泰式乾炒咖哩蝦球 椰汁味濃，食落香滑，用嚟點薄餅好正。煎薄餅 見到好多人推薦，決定一嚐。香脆嘅薄餅內裏細膩軟滑，加埋咖喱一流。飲品方面，我地揀咗龍眼冰同椰青。龍眼肉多，清甜消暑，天時暑熱飲就啱晒喇。椰青喺冰涼嘅雪櫃拎出嚟，份外透心涼。椰肉十足，睇得出用料唔錯。芒果糯米飯新鮮嘅芒果配上糯米飯，加上香滑嘅椰汁，份量十足，令人讚不絕口。

來到九龍城梗係要食泰國菜啦，約左一個好耐無見既好姐妹，由佢帶我食好野咖哩豬頸肉配薄餅，色澤金黃，因為我唔食得太辣所以淡淡地我可以既，特別的地方加了蛋液，食起上黎好滑口，豬頸肉切片，份量真係好多下，煎至金黃，表面一層微焦，再沾上咖喱汁很惹味，薄餅辣辣辣又香脆，酥皮煎至微焦，沾上咖喱汁後仍然感受到外脆內軟，很香口。泰式炒金邊粉，即叫即炒很有鑊氣，同埋金邊粉很分明，醬汁酸酸甜甜，仲有蝦仁拌碟都唔錯，碟邊有花生碎，辣椒粉，按需要自己加。炸蝦餅必食，因為我們不想拆蝦肉，叫蝦餅就啖啖蝦膠好美味，炸粉很薄，點上甜酸醬，很惹味的小食。必叫椰青，食完泰菜就要飲，清甜又涼快，椰肉嫩滑，唔錯仲有飯後甜品椰汁西米糕，西米晶瑩，有芋頭碎粒，椰汁拌勻，甜度適中，很滿意