泰日潮食

营业中

休息中

叫左個豬頸肉炒飯同三餸米線，叫嗰時話要走芹菜同蔥，佢就話無喎，得紅蘿蔔粟米同洋蔥，咁要吾要吖(結果最後買到黎咪又有蔥)，個落單女人仲好笑，我叫完企喺度等左三十分鐘，期間啲人即排隊即俾錢即攞(當中有D都係叫米線)，就係未有我份，我問就話要等陣，之後我個炒飯都炒好左放左喺度好耐，一路爭個米線，最後成間鋪得我一個嗰時先叫我再講多次要咩米線，原來係一路漏左我單一路吾出聲，態度極差以後吾會再買，非常吾尊重。

一共買咗兩盒，晏晝食咗一個盒有螞蟻，但係嗰陣時諗緊好小事啫，就冇記錄低，然後夜晚食埋第二盒嘅時候，仍然有加料，今次係隻蚊。有冇咁嘅概率買兩盒兩盒都有？？街市嘅衛生情況可能會差啲，但係連續買兩盒入邊都有蟲係唔係hea左d？

叫左雙拼飯 兩樣送都係腸仔 次次去買開都係五條腸仔嘅！今日唔知做咩嘢 好搞笑 少左一條腸仔 加兩舊白蘿蔔俾我！真心嬲！唔係一條腸仔都要慳吖！明明有貨架wor！唔該寫清楚d啦！如果我知嘅話！一早就唔會再幫襯！

長期幫襯特別推薦送飯食嘅 香葉豆角炒肉碎，好有鑊氣；豬頸肉夠晒香口；三餸粉麵大大碗$36好抵食，平日食開雞扒、豬頸肉、蘿蔔冬陰功湯底。老闆娘好好人，近日街市被迫裝修重開都無點加價。

因為好想食泰國嘢，但油塘得果幾間。於是去左街市呢間泰國嘢買飯食，以前食過豬頸肉覺得幾好食但會飲多左水，今次試下豬手飯如圖所見，一盒$35蚊既豬手飯得飯同豬手豬手很出色很好食，大部分豬皮上面係冇毛，唔會桔親個口。飯都好食。令人有啲遺憾係冇泰式酸辣汁附送⋯可能要親口問老闆拎？會再食！幫大家附上餐牌⋯方便大家諗定食咩

油塘其實唔係有好多餐廳嘅選擇，但係我覺得呢一間泰日潮食的確係油塘人嘅天堂😋因為佢唔單止價錢吸引，而且佢嘅味道真係整得唔錯👍🏽//我每一次都必買嘅就一定係佢嘅豬頸肉炒烏冬同埋泰式生菜包👍🏽呢兩樣嘢都只係每樣$40，好抵食㗎🤩//豬頸肉烏冬加埋小小嘅辣，炒得好香😋😋同埋佢豬頸肉嘅份量一啲都唔少，都令我懷疑究竟係食緊豬頸肉定係食烏冬呀🤣🤣仲有就係泰式生菜包，分量多到我諗緊豬肉係咪唔使錢🤣🤣😂仲要整得好夠酸同埋辣，惹味到爆！