泰昌餅家 (裕景中心) (已結業)

聽過個名好耐但一直都冇機會試, 得知香港仔開左分店, 即試!!買既時候蛋撻剛剛出爐, 拎住個袋都聞到香噴噴!個皮唔會太甜, 不過淋左少少....蛋漿幾香幾滑....成個都唔錯不過可能之前期望太高...唔覺得特別好味有機會好想試吓中環店既出品另外蛋撻已由$4.5減至$3.8一個....始終香港仔都係做街坊生意既地方

其實一直以來都好喜歡食蛋撻，而香港仔雖然有成十幾間麵包點，就係無好味既油皮蛋撻，而算得上好味既金門都係出酥皮蛋撻。而唔係我喜愛既油皮。佢新開既時候，真係做得到皮好食蛋美味，不過，第2次去買既時候，個皮已經唔同左，去到買黎食都係剛剛出爐，但係唔知點解個皮會淋淋地??沙翁雖然都係出名，但係唔係我杯茶，都幾好食。另外，白糖糕我幾欣賞，真係好食唔太酸剛剛好。ps. 最奇怪都係要人買左飛先拎蛋撻，真係好煩好唔方便，無啦啦又要走到入面買飛，又要排出去排多次拎蛋撻，而且包野既妹妹仔仲係新人，買2個蛋撻都整左3分幾鐘一個人。前面唔只一個人買野既時候，又要買飛，又要等蛋撻，熱蛋撻都等到凍啦！真係要搞搞佢。其實已經有一個人係專門包蛋撻唔爭在佢收埋錢，流程就快好多啦！又要排左排右咁，我見過有d街坊都等到唔耐煩走唔買。希望佢真係有改善。

在之前的食評也說過，一向比較喜歡油皮蛋撻，所以此品牌在香港仔開分店，也立即買半打回家吃。此店子舖面非常小，但除了招牌的蛋撻及沙翁外，也貪心的賣其他的包類，而店外就是小巴站，所以等新鮮出爐的食客們也顯得有點狼狽，香港就是香港，地真的是太小了，而且令食客最煩的是，此店跟其他泰昌店不同，是要先買票，再拿蛋撻的，但收銀處在店內較入的位置，而排隧拿蛋撻是要排到門外的，所以去拿撻的人跟買票的人互相爭路，好不擁擠，希望店家想想辦法，改善改善。吃過了午飯，雖然肚子不餓，加上上 回在總店吃到的蛋撻是大不如前的，但今天對着新鮮出爐的蛋撻，也真的是忍不了口的，一口咬下，真的是熱騰騰的，蛋餡也夠豐，甜度剛好，而且夠滑夠香，而油皮也有牛油香，但好像比以前的薄及乾，莫非這是健康輕怡版的蛋撻？但已經是很美味的了，比上回在中環總店的更好。所以蛋撻也真的是要新鮮出爐的才好吃。